Hemen zaude: Hasiera Programak Enrike Renteria lehiaketa

Enrike Renteria lehiaketa

Enrique Rentería pintura lehiaketa urtero uztaileko lehenengo igandean antolatzen da. Lehiaketa Sociedad Artístico Cultural Zornozak antolatzen du Ametx udal kultur erakundearekin.

Lehiaketan modalitate bi daude: aire zabaleko pintura lehiaketa tradizionala eta Zintzilik, herriko balkoietan ikusgai jartzen diren lanik onenak saritzen dituena

Saritutako lan guztiak antolatzaileen esku gelditzen dira eta uztailean Zelaieta Zentroko erakusketa aretoan ikusgai egoten dira.

Pintura lehiaketa
Aire zabaleko pintura lehiaketa Amorebietako erdigunean eta Etxanoko herrigunean egiten da igande baten, egunean bertan sortutako lanen sari banaketa arratsaldean egiten da.

Zintzilik
Herriko balkoietan ikusgai egoten diren lanik onenak saritzen ditu “Zintzilik” arte lehiaketak. Horretarako, izena ematerakoan, parte-hartzaileek 1,30x1,50 metroko lona bat jasotzen dute. Deialdi honetan izena emateko epea maiatza aldera  zabaltzen da.

Enrike Renteria
Enrike Renteria Mardaraz 1900. urteko otsailaren 9an Larrean jaio zen, Amorebieta-Etxanon. Kaitanako eskolan margotzen hasi zen jadanik, autodidakta izanik. 1924. urtean Juan Gorbea eta Luis Icetak (Athleticeko kapitaina) deskubritu zuten eta bere lana Isidoro Guinea eta Antonio de Guezalari erakutsi zioten. Urte berean Euskal Artisten Elkarteko kide bihurtu zen eta hala izan zen elkartea 1937an desegin zen arte.

Renteria bokaziozko margolaria izan zen. Jarrera hau izan zuen bere bizitza guztian zehar eta margotzen jarraitzeko gogor borrokatu behar izan zuen. Renteria, pinturan murgilduta, naturak eskaintzen dituen zehaztasun ñimiñoei so egoten zen beti. Horrela, distira, euriaren hezetasuna, egunsentiko behe-lainoa, ezkutatzen ari den eguzkiaren epeltasuna … agertuko zaizkigu bere lanetan. Aire zabalean, zehaztasun txiki guztiak jasoz.

2019ko OINARRIAK HEMEN