Hemen zaude: Hasiera Albisteak

Albisteak

Zornotza Udal Euskaltegiak 2015-2016 ikasturterako izena emateko epea irailaren batean zabalduko du. Talde irakaskuntzaz gain, jardun biko aukera ere eskainiko du aurton. Honen bidez, ikasleak taldean lan egiteaz gain, bakarkako lana eta tutoretzak izango ditu osagarri. Bestalde, eta aukera zabalagoa eman guran, iraupen laburreko ikastaro bereziak ere eskainiko ditu, helburu zehatzetarakoak hain zuzen ere (etorkinak, tabernariak, merkatariak, gurasoak...).

Amorebieta-Etxanoko jaietako kontzertuen artean egongo dira Amparanoia, Esne Beltza, Nogen, Willis Drummond, Kaotiko, Ira edo Dvicio, beste batzuen artean

2019/05/28
• Eskaintza zabala programatu da, publiko guztientzat. • Uztailaren 15etik 27ra ospatuko diren jaietako protagonistak izango dira kontzertuak, beste batzuen artean.

Amorebieta-Etxano, 2019ko maiatzaren 28a. Amorebieta-Etxanoko Udalak konfirmatuta ditu uztailaren 15etik 27ra ospatuko diren herriko jaietan egongo diren kontzertuak.

Onintze artista zornotzarrarekin hasiera emango zaie jaiei uztailaren 15ean. Punto de partida izeneko lan berria du, A la luz de la luna single arrakastatsuaren ondoren. Azken honen bideoklipa Islandian grabatu zen. Uztailaren 16an Gozategi taldearen txanda izango da, Euskal Herriko plaza eta herrietan ibilbide luzea duen taldea.

Uztailaren 19an Amparanoia ikusi ahal izango da. Aurten berriro agertokietara bueltatu den talde honek geldiune bat egingo du bere biran Amorebieta-Etxanon abesteko. Oihan Vega DJa ere egun berean izango da. Uztailaren 20an Ira entzun ahal izango da. Vallecasekoa da rapa egiten duen neska talde hau eta beraiekin egongo dira Proyect Show DJak. Egun berean Orquesta Londonen esku egongo da camp dantzaldia.

Uztailaren 21ean swinga eta musika elektronikoa nahastuko ditu Swingtronics musika taldeak eta uztailaren 22an Julio Anita Parkerrek swingetik hurbil dauden soinuak eskainiko dizkigu baita ere. Uztailaren 23an Huntza taldea eta bere folk-rock musika izango dira protagonista.

Uztailaren 24an Benito Lertxundi euskal kantautoreak eskainiko du kontzertua. Egun berean arituko dira Nogen eta Esne Beltza. Gainera, Trikiziok dantzan jarriko ditu hurbiltzen diren guztiak. Biharamunean erromeria egongo da Zirkinik ez taldearen eskutik.

Serafin Zubirik En Esenzia orkestrarekin errezital bat eskainiko du uztailaren 26an eta jendea dantzatzera animatuko dute. Egun berean, rocka izango da entzungai Kaotiko eta Baionatik datozen Willis Drummond taldeekin.

Jaiei amaiera emateko, uztailaren 27an, Madrilgo Dvicio taldeak, nazioarteko arrakasta lortu duen taldeak hain zuzen ere, zornotzar guztientzako kontzertua eskainiko du.

Saskibaloi teknikaria_Matrikula orria

PDF document icon MATRIKULA-SASKIBALOIA.pdf — PDF dokumentua, 106 KB (109031 bytes)

Saskibaloi teknikaria

Saskibaloi teknikaria
Jatorrizko tamainako irudia: 17 KB | Irudia ikusi Ikusi Irudia deskargatu Deskargatu

Zornotzako Musika Banda jaio da Amorebieta-Etxanon

2019/06/05
• Banda berriak lehenengoz ekainaren 15ean joko du, Zornotza Aretoan, 19:30ean. • 43 urte pasatu ostean, musika banda bat izango du berriro herriak.

Amorebieta-Etxano, 2019ko ekainaren 5a. Amorebieta-Etxanok musika banda berreskuratu du eta Zornotzako Musika Banda jaio da Aritz Labrador zuzendari lanetan arituko delarik.  Lehen egoten zen moduan, Amorebieta-Etxanoko bizitza sozialean parte hartuko lukeen musika banda bat izatea da helburua.

Prestaketa lanetan hainbat hilabete igaro ondoren, datorren larunbatean, ekainaren 15ean, Zornotza Aretoan joko du bandak lehenengo aldiz. Taldea osatzen duten hogei musikari inguruk, Euskadi guztiko musikariekin batera, errepertorio zabal bat joko dute aurreko bandari omenaldi bat egiteko eta bertsio berriztua entzun ahal izango da.

1903an hasi zen proiektu bati berriro ekiten zaio horrela. Orduan ehun bat zornotzarrek osatzen zuten domeka eta jaiegunetan kaleak girotzen zituen herriko musika banda. Musika banda kultur elementu garrantzitsua izan da Amorebieta-Etxanoko eguneroko bizitzaren historian, kalejirak, erromeriak edo antolatutako kontzertuak dinamizatzeko izan duen gaitasunarengatik.  Banda berriak, hasiera batea egiten zuen lanaz gain, orain elementu berritzaileak izango ditu eta horrela, eragile sozial, kultural, pedagogiko eta artistiko-musikala izan nahi du.

1976an herriko banda desagertu zen. Hala ere, Amorebieta-Etxanok musika protagonista den ekintzak bultzatzen jarraitu du. Ildo honetatik, hitzordu finkoak dira Haizetara edo Eleizetara bezalako herri mailako eta nazioarte mailako onarpena duten jaialdiak, Zornotzako Zubiaur Musika Eskolak antolatutako kontzertuak edo jaietako edo Gabonetako kontzertuak, beste batzuen artean.  Ekintza guzti hauek Amorebieta-Etxano kultura eta musika arloan lehenengo ilaran egotea ekarri dute.

Denontzako musika eskaintza

Musika banda berriak, Amorebieta-Etxanoren kokapen geografikoak eta Musika Eskola berriaren proiektuak, aukera emango dute herria agertoki paregabea bihurtzeko herrikoentzat eta ingurukoentzat, musika ikasten hasten direnean, beraien prestakuntza jarraitzen dutenean edo ikasketak amaitu ondoren irteera bat izan dezaten eta musikaren munduan sartu nahi dutenek, arlo hori garatzeko espazio bat izan dezaten.

Zornotzako Musika Bandan instrumentu hauek egongo dira: saxofoia, klarinetea, txirula, oboea, fagota, tronpa, tronpeta, tronboia, tuba eta perkusioa. Puntuan-puntuan pianoa, harpa, txistua, trikitrixa edo besteren batzuk ere batuko zaizkie esandakoei.

Ganeko udako igerilekuak zabalik ekainaren 15etik irailaren 15era

2019/06/10
Instalazioen ordutegia 11:00-21:00 izango da astelehenetik larunbatera, eta 11:00 20:00 igande eta jaiegunetan.


Jatorrizko tamainako irudia: 4.08 MB | Irudia ikusi Ikusi Irudia deskargatu Deskargatu


Jatorrizko tamainako irudia: 3.43 MB | Irudia ikusi Ikusi Irudia deskargatu Deskargatu


Jatorrizko tamainako irudia: 1.47 MB | Irudia ikusi Ikusi Irudia deskargatu Deskargatu


Jatorrizko tamainako irudia: 6.88 MB | Irudia ikusi Ikusi Irudia deskargatu Deskargatu


Jatorrizko tamainako irudia: 4.56 MB | Irudia ikusi Ikusi Irudia deskargatu Deskargatu

Amorebieta-Etxanoko jaietako kartela aukeratzeko bozketa

2019/06/12
Botoa Zelaieta zentroan eman ahal da ekainaren 17tik 21era Ametx txartelarekin goizeko 9:00etatik 21:00etara

Honek dira bozkatu ahal diren proposamenak

Amorebieta-Etxanon fanfarreak, bandak eta kaleko musika izango dira nagusi Haizetaran, kaleko musikaren nazioarteko XIV. jaialdian

2019/06/14
• Jaialdi honen XIV. edizioa ekainaren 21etik 23ra izango da. • Hiru egunetan hainbat lekutatik (Benin, Erresuma Batua, Katalunia, Madril, Granada, Zaragoza…) etorritako taldeak arituko dira Amorebieta-Etxanon, kaleak musikaz eta giro onaz betez • Jaialdian 9 banda lehiatuko dira bandarik onenaren saria, instrumentistarik onenari saria eta publikoaren saria eskuratzeko.

Amorebieta-Etxano, 2019ko ekainaren 14a. Amorebieta-Etxanoko kaleetan hainbat banda arituko dira Haizetaran, fanfarre, banda eta kaleko musikaren XIV. Nazioarteko Jaialdian. Jaialdia Amorebieta-Etxanon izango da ekainaren 21etik 23ra. Kontsolidatuta dagoen jaialdia da eta erreferente bihurtu da Estatuan zein nazioartean. Amorebieta-Etxanok antolatzen du Bizkaiko Foru Aldundiaren laguntzarekin.

Hiru egunetan hainbat lekutako (Benin, Erresuma Batua, Katalunia, Madril, Granada, Zaragoza eta Euskadi) taldeak arituko dira Amorebieta-Etxanon, kaleak musikaz eta giro onaz betez. 12 banda izango dira herriko kaleetan beraien musika-tresnekin arituko direnak eta 9 lehiatuko dira bandarik onenaren saria eskuratzeko (10.000€), instrumentistarik onenaren saria eskuratzeko (1.000€) edo publikoaren saria eskuratzeko (4.000€).

Musika zuzenean
Aurtengo edizioko programazioa 3Indarrok Elektrotxaranga talde euskaldunarekin hasiko da. Folk, pop, rock edo saltsako abestiak errepasatzen dituzte, hizkuntza, estiloa eta aldarrikapenak egokituz. Euskal Herriko kaleetan beraien musika eta alaitasuna zabaltzen dihardute 2005etik.

Flat Cap Brass Erresuma Batuko taldea Yorkshireko (Ingalaterra) Funk Brass Band bat da, 8 musikarik osatzen dutena. Errepertorio zabal batekin datoz Amorebieta-Etxanora: brasseko klasikoak eta pop garaikideko arrakasten coversak.

Bartzelonatik La Orquestra de Ermesinde dator Haizetara jaialdira.  Musikari talde eklektikoa, musika zaletasunak elkartu dituena. Balkanetako fanfarreen tradizioari omenaldi bat egiten diote beraien errepertorioarekin. Serbia, Bosnia eta Mazedoniako folklorearen klasikoetan inspiratzen da soinua, baita Errumania eta Moldaviakoan ere, bizitza estilo propio bat sustatzen duten dantza erritmo eta abestiak nahastuz.

Befunkbopen eskutik funka etorriko da. Granadako talde honek jazzaren birtuosismoa eta funkaren groovea nahasten ditu kaleko banda baten moldakortasun eta bizitasunarekin, ikuskizun dinamiko bat sortuz, publiko guztia nahasteko koreografia eta energia dituena.

Muchachos Brass Madrileko bandak Amorebieta-Etxanora ekarriko duen errepertorioak irratian edozein garaitan arrakasta handiak izandakoak biltzen ditu, baita estiloko klasikoak ere, guztia beraien abesti mordoarekin nahastuz. Banda Estatuko musikan ezagunak diren hainbatek osatzen dute: Juanito Upegui (bateria), Alvar Ochoa (tuba), Carlos Leal (gitarra), Diego Jiménez (saxo baritonoa), Fran Sánchez (tronboia), Nata Estévez (saxo tenorea) eta Marcos Ortega (tronpeta).

Parte hartuko duen beste talde bat Sopa Loca da. Frantziatik dator kale orkestra hau eta Hego Amerikako musika eta musika tropikala ditu jomuga. Cumbiak, runbak eta saltsak moldatu eta reggaeton, hip-hop edo rock puntu bat nahasten zaie. Emaitza: dantzara eramaten zaituen nahasketa euforikoa.

Jingle Django Madrilgoak dira eta kaleko musika egiten duen nazioarteko taldea da. Nagusiki gipsy jotzen dute, hainbat musika estilo nahastuz eta munduko txoko guztietara eraman dute beraien musika.

Cobla katalanaren soinua dakarren lehendabiziko fanfarrea da eta HUMMUSMAN ikuskizuna aurkeztuko du. 14 musikari jendea dantzan jartzeko prest, Balkanetako musika, runba eta musika latinoa nahastuz. Umorea, musika eta dantza ekarriko dituzte herriko kaleetan arituko diren katalan hauek.

Banden lehiaketan parte hartuko duen azken banda Eyo´nle Brass Band da, Gineako Golkoa inguratzen duten herrialdeetan dagoen letoiaren tradizioa ekarriko du fanfarre honek, hainbat musika estilo nahastuz. Zortzi musikarik bete-betean asmatzen dute Beningo jai girorako musika jazzarekin uztartzen.

Gainera, 2019ko Haizetaran hiru banda egongo dira lehiaketatik kanpo arituko direnak: Broken Brothers Brass Band, Bloco RebelaSon eta Lambroten Brass Band.

Ekintza osagarriak
Jaialdiaren hiru egunetan jam session bi ere egingo dira (ekainaren 21ean eta 22an 24:00etan) Harrison Hotelaren terrazan, Jou González Quarteten eskutik.

Halaber, larunbatean, hilaren 21ean 12:00etan kontzertu didaktiko bat eta familientzako musika tailer bat egongo da Zelaieta parkean. Musika tresna bihurtu eta melodia kutsakorrak sortzen dituzten hainbat material izango dira protagonistak. Trakamatrakak musika eta birziklatzea uztartzen ditu, sorkuntza eta irudimena, musika aniztasuna eta ingurumenarekiko errespetua.

Dantza saio bi ere egongo dira Bilboko Swing Sideren eskutik. Dantza elkarte hau topagune bihurtu da swing musika eta honi lotutako dantzak atsegin dituzten bilbotar eta bizkaitarrentzat.

Zelaieta Zentroko erakusketa gelan “Katxarrismos” erakusketa ikusgai egongo da ekainaren 17tik uztailaren 5era. Augusto Gonzálezen proiektu bat da, hainbat perkusio, haize eta soka instrumentu erakusten dira, guztiak eguneroko bizitzako materialak berrerabiliz eginak.

Haizetara
Haizetara jaialdia duela hamalau urte sortu zuen Amorebieta-Etxanoko Udalak. San Juanen inguruko asteburu batean izaten da hitzordua. Izan ere, herriko artxibo historikoetan jasota dagoenaren arabera, sasoi honetan ohikoa izaten zen kalean musika entzutea. Jaialdi honekin Udalak XX. mende hasieran musika San Juan suarekin lotzen zuen jai-giroa berreskuratu nahi du. Honek berebiziko garrantzia izan zuen batez ere 1913. urte inguruan.

Herrikoak eta eskualde guztikoak erakarri nahi ditu Haizetara jaialdiak. Musikaren arloan dabiltzanei ere zuzenduta dago, jaialdiaren bidez munduko beste leku batzuetan kaleko musika taldeek zer egiten duten ezagutzeko eta azken joerak eta joera berritzaileak ezagutu ditzaten.

Informazio gehiago: www.haizetara.eus

KATXARRISMOS erakusketa Zelaietan

2019/06/18
Ekainaren 17tik uztailaren 5era arte ikusgai

Zelaietako erakusketa gelan Augusto Gonzálezen “Katxarrismos” erakusketa ikusgai egongo da ekainaren 17tik uztailaren 5era arte. Perkusio, haize eta harizko instrumento desberdinak ikusi ahal izango ditugu, baina ez ohikoak, egunero erabiltzen ditugun gauzekin egindakoak izango dira, horrela materialen berrerabilketaren emaitzak erakutsiz.

Ekainaren 20an, ostegunean,  arratsaldeko 18:00etan proiektu hau sakonago ezagutzeko aukera izango dugu Augusto Gonzalez-ek eskainiko duen azalpen eta instrumentu desberdinekin erakustaldia.

2019-2020 ikasturtea: Gimnasia erritmikoa eta igeriketa eskola Larrea Kiroldegian

2019/06/19
Izena emateko epea zabalik dago, irailaren 6ra arte. Klaseak urritik ekainera bitartean izango dira. Adinaren eta mailaren araberako taldeak. 2019-2020 ikasturtean Larrea kiroldegian Igeriketa eskola: Mailakatze-probak egingo dira irailean. Informazio gehiago: Larrea kiroldegia.

Amorebieta-Etxanok San Juan gaua ospatuko du

2019/06/20
• Nafarroa parkean egingo da sua, ekainaren 23an, 22:30ean • Batu-Klang perkusio taldea eta Udazken Gaiteroak arituko dira kalerik kale sua piztu aurretik

Amorebieta-Etxano, 2019ko ekainaren 20a. Amorebieta-Etxanoko Udalak hainbat ekintza programatu ditu datorren igandeko San Juan gaurako. Programazioa adin eta gustu desberdinetarako egin da.
Horrela, Zelaieta parkean 18:00etatik aurrera umeen jolasak egongo dira, etxeko txikienek eguna primeran pasa dezaten.

21:00etan Andra Mari plazatik aterako da Batu-Klang perkusio taldea. Beraien musikarekin kalerik kale joango dira, Gernika plazan gelditu eta Nafarroa parkean amaituko dutelarik.

Ordu berean Luis Urrengoetxea kaletik aterako dira Udazken Gaiteroak. Hauek Kalbario eta San Juan kaleetatik igaroko dira eta Nafarroa parkean amaituko dute. Hain zuzen ere hemen egongo da San Juan sua eta 22:30ean piztuko da.

Befunkbop Haizetara 2019ko banda irabazlea

2019/06/23
• Granadakoak 9 taldeetatik aukeratuak izan dira epaimahaiaren eskutik. • Publikoaren sari berezia Eyo'nle bandarentzat izan da. • Nathalie Diebold hautatu da instrumentistarik onena.

Amorebieta-Etxano, 2019eko ekainaren 23a. Haizetara 2019 arrakasta handiarekin amaitu da jada. Milaka pertsona hurbildu ziren Amorebieta-Etxanora parte hartu duten taldeen musikaz gozatzeko.

Haizetara Amorebieta-Etxanoko banda eta kaleko musikaren jaialdiko hamalaugarren edizioaren lehiaketako sariak ondorengoak izan dira:

  • Lehiaketaren sari nagusia (izen ezagunek osatutako epaimahaiak erabakia): Befunkbop (Granada). 10.000 euroko saria.
  • Ikusleen sari berezia (herritarrek erabakia): Eyo'nle (Benin). 4.000 euroko saria.
  • Instrumentistarik onenarentzat saria 1.000 euroko saria (sari nagusia ematen duen epaimahai berak erabakia) Nathalie Diebold musikariari.
  • Accesit-a Los Muchachos Brass Band.

Amorebieta-Etxanoko 2019ko jaietako kartel irabazlea

2019/06/25
"Danok bat" kartela izan da boto gehien jaso dituena eta 1.000€ jasoko ditu. Beste lau kartel finalistak 200€ko saria jasoko dute ere. Umeen kartel lehiaketako irabazleak 200€ko saria jasoko du Dendariak elkarteko bonoetan.

Aketz Zubia, bermeotarra, izan da 2019ko Amorebieta-Etxanoko jaietako kartel lehiaketaren irabazlea, zornotzarrak gehien bozkatu duten kartela izan delako. Bost kartel egon dira bozkatzeko, epaimahaiak aukeratuta, jasotako 15 kartelen artean.

Kartel irabazleak 1000€ko saria izango du, eta bozketa fasera pasatu direnak 200€ko saria ere izango dute.

Hau da kartel irabazlea.

Umeen jaietako Kartel lehiaketaren irabazlea Peio Martin Estevez zornotzarra izan da eta hau da bere kartela.


Jatorrizko tamainako irudia: 885 KB | Irudia ikusi Ikusi Irudia deskargatu Deskargatu

Marmitako lehiaketa 2019

2019/07/17
Planoa, arautegia eta zozketaren emaitza

MARMITAKOA 2019 PLANOA

MARMITAKO LEHIAKETAREN ZOZKETAREN EMAITZA

MARMITAKO LEHIAKETA ARAUTEGIA
1.Amorebieta-Etxanoko jaietako kuadrillen arteko marmitako lehiaketa/txapelketa larunbatean, uztailak 20, ospatuko da Zubiondo plazaren inguruan.

2.Herriko edozein koadrilak parte hartu ahal izango du, aurretik Zelaieta Zentroan izena ematen badu.

3.Izen ematea astelehenetik ostiralera 8:30tik 21:30ra izango da, eta uztailaren 12an eguerdiko 13:00etan amaituko da.

4.Mahai-lagunak eta banatutako mahai eta aulkien kopurua ahalik eta zehatzen aurreikusteko, eta lehiaketaren garapen egokirako, izena ematerakoan, kuadrilla bakoitzeko kide batek AMETX txartela izan eta aurkeztu beharko du. Pertsona hori mailegatutako materialaren arduraduna izango da eta materiala ez jasotzea, ez itzultzea, edo egoera ez egokian itzultzekotan hurrengo zenbatekoen arabera ordaindu beharko ditu:

Mahaiak: Aleko prezioa………… 30 €
Aulkiak: Aleko prezioa…………. 20 €
Bestelako zigorrak………………… 50 €

Zigorra jarriko da honako egoera hauek gertatuz gero:
– Mahai-lagun baino askoz mahai eta aulki gehiago egonez gero.
– Materialaren ez entregatzea orduan eta beharrezko lekuan edo materiala egoera okerrean bueltatzea.
– Antolatzaileek banatutako tokien mugak errespetatu ezean.
– Arautegian agertzen ez den antolatzaileek erabakitzen duten beste edozer.

5.Lehiaketako/txapelketako kuadrillei egokitu zaizkien tokiak zozketatu egingo dira. Zozketa jendeaurrean egingo da Zelaietako Auditorioan, uztailaren 17an, asteazkena, eguerdiko 12:00etan. Guneak pertsona kopuruaren arabera sailkatuko dira eta kategoria desberdinetan zozketatuko dira: A talde txikiak, B talde handiak eta C Challengeko taldeak. Kuadrilla bakoitzak zozketan esleitutako tokia erabili beharko du derrigorrez.

6.Antolatzaileek hegaluzea, mahai-tresneria eta ogia BAINO EZ diete emago Challengen parte hartuko duten kuadrillei.

7.Mahaiak eta aulkiak planoan agertzen den lekuan hartu eta bueltatu beharko dira hurrengo ordutegia errespetatuz. Hartu: 10:30 – 13:00; Bueltatu: 13:00 – 19:30.

8.Kuadrillek, antolatzaileen azalpenak kontuan hartu beharko dituzte uneoro, batez ere lapikoak entregatzeko ordutegia eta lekua.
– Sari banaketa 14:30etan izango da.
– Lapikoak gehienez, 25 cm-ko diametroa izan dezakete.

9.Txapelketan/lehiaketan zehar sortu litekeen edozein arazo konpontzeko Batzorde Antolatzailea izendatuko da AMETXeko bi kide eta kuadrila antolatzaileko beste bi kideek osatuta.

Udako ordutegia Zelaietan, liburutegian eta Larrea kiroldegian

2019/06/26

Udan sartu gara, eta honakoak dira gure instalazioen ordutegiak:

ZELAIETA ZENTROA.

LARREA KIROLDEGIA.

UDAL LIBURUTEGIA.

Amorebieta-Etxanok argazkigintza eta natura uztartuko dituen jardunaldi bat antolatuko du

2019/06/28
• Irudiaren sektoreko profesional ezagunek parte hartuko dute 2020ko urtarrilaren 26an egingo den jardunaldian • Datorren astelehenetik aurrera, uztailaren 1etik aurrera, izena eman ahal izango da.

Amorebieta-Etxano, 2019ko ekainaren 28a. Amorebieta-Etxanoko Udalak Ametxen bidez jardunaldi espezializatu bat antolatu du naturari argazkiak eta bideoak ateratzeko. Jardunaldia 2020ko urtarrilaren 26an egingo da eta izena emateko epea datorren astelehenean hasiko da, uztailak 1. Plazak mugatuak dira.

Jardunaldiak 2020ko urtarrilaren 11tik 31ra egingo den argazki erakusketarekin bat egingo du. Erakusketa Zelaieta Zentroan egingo da, erakusketa-gelan, De Pedro argazkilariaren eskutik (Amorebieta).

Jardunaldira doazenek merkatuko markarik onenetako material fotografikoa eta behaketarako materiala izango dute. Gainera, sektoreko izen ezagunek parte hartuko dute 100 bat lagun Zelaieta Zentroan bilduko dituen ekitaldian. Ekitaldi honek argazkilaritzarako zaletasuna eta natura uztartu nahi ditu eta, aldi berean, sektoreko azken aurrerapenak ezagutarazi.

Interesatuta daudenek, posta elektroniko bat bidal dezakete beraien datuekin (izen-abizenak, NAN; helbidea, telefonoa eta e-posta) ondoko helbidera: ""
Informazio gehiago: 946733458

Naturaren argazkiei buruzko jardunaldia

Igandea, 2020ko urtarrilaren 26a

Programazioa

08:30   Agiriak eman
09:00 Hizlariak aurkeztu
09:15 Hides El Taray
Toledoko probintzian dagoen finka bat da. 1.100
hektarea ditu eta han dago Tarayko urmaela. 20
ezkutaleku edo hide ditu urte guztian txoriei
argazkiak atera ahal izateko.

10:00 De Pedro Argazkilaria – Angel Herraiz
De Pedro Argazkilaria Amorebietan denda duen
familia enpresa bat da. Erreportaje sozial eta
industrialetan adituak dira, argazki zein
bideoetan. FEPFIk argazkilari maisu izendatu du
eta Estatu mailako hainbat sari ditu. Azkena
2019an lortutakoa: Goya Fotografia Saria ezkontzen
atalean.

Angel Herraiz
Irudiaren profesionala, Burgosko Argazkilarien
Elkarteko gaur egungo presidentea, FEPFIko
argazkilari maisu instruktorea eta nazioarte
mailako hainbat sari dituena.

11:00 Atsedenaldia eta kafea
11:20 Foto Samar
Argazkilaritza sektoreko banatzaile
garrantzitsuenetariko bat da, 70 urte baino gehiagoko
esperientzia duena Bizkaian. Merkatuan dauden
markarik ezagunenetako argazkilaritza eta
behaketako materiala erakutsiko digu eta hauen
nobedadeak.

12:00 José Manuel Hiniesto
Kamera-operadorea, hainbat ikus-entzuneko egin
dituena naturaren behaketa eta kontserbaziora
dedikatzen diren enpresentzat. Hainbat dokumental
erakutsiko dizkigu eta nola egin dituen azalduko
digu.

12:45 Solasaldia, iritzi-trukea eta taldeko argazkia
14:00 Bazkaria
16:00 El Millarón
3.000 hektarea inguru dituen finka hau San Pedroko
mendilerroan (Extremadura) dago. Bere nekazalturismoan
ostatu har dezakezu eta iberiar harraparien populazio
garrantzitsu bat ikusi eta argazkiak atera, bertako hide
edo ezkutalekuetatik.

17:00 Manuel Montero
Caceresko argazkilari hau hidrohide edo ur gaineko
itxaronlekuetan aditua da. Uretatik argazkiak atera
ditzakegu ikusiak izan gabe, eta emaitza harrigarriak
lortu.


Jatorrizko tamainako irudia: 25 KB | Irudia ikusi Ikusi Irudia deskargatu Deskargatu

"Zor hontza" Amorebieta-Etxanoko jaietako pertsonaia 2020tik aurrera

2019/06/28
Aurkeztutako 10 proposamenetatik hau izan da epaimahaiak aukeratu duena. 3000€ko saria irabazi du egileak.

"Zor hontza", Zigor Bilbaoren pertsonaia, izango da Amorebieta-Etxanoko jaien irudia 2020tik aurrera. Pertsonaia hurrengo urtean aurkeztu da, bere istorioarekin batera albun ilustratu baten, eta baita berarekin lotuta antolatuko diren ekintza desberdinak.

Hau da pertsonaiaren lehenengo irudia:

Udako ordutegia 2019_Zelaieta

PDF document icon UDAKO ORDUTEGIA_2019_Zelaieta.pdf — PDF dokumentua, 446 KB (457528 bytes)

Udako ordutegia 2019_Udal liburutegia

PDF document icon UDA 2019-Liburutegia.pdf — PDF dokumentua, 239 KB (245614 bytes)

AIDAE izango da Amorebieta-Etxanoko 2019ko jaietako pregoia botako duena

2019/07/02
• Amorebieta-Etxanoko Desgaituak Integratzeko Elkartearen ordezkariak izango dira aurten jaietako pregoia irakurriko dutenak • Elkarte honek gure gizartean egiten duen lanaren garrantzia azpimarratu nahi da, eta erakutsi beraien esfortzua eta lana euren 25. urteurrenean. • Dvicio, Amparanoia, Kaotiko eta Onintze dira jaietan egongo diren taldeetariko batzuk. • Antzerkiak ere tarte zabala izango du jaietako egitarauan. • Amorebieta-Etxanoko Udalak eraso matxistarik gabeko jaiak nahi ditu. Horregatik, Beldur Barik guneak egongo dira honi buruzko informazioa emateko.

Amorebieta-Etxano, 2019ko uztailaren 2a. Gutxi gelditzen da aurten uztailaren 15etik 27ra izango diren Amorebieta-Etxanoko jaiak hasteko.
Aurtengo jaietarako egitarauan denetik aurki dezakegu: musika, kale antzerkia, herri kirolak, kuadrillen ekintzak, lehiaketa gastronomikoak, …
Jaiak uztailaren 15ean hasiko dira. Arratsaldeko zortzietan Herriko plazan txupinazoa botako da eta pregoia Amorebieta-Etxanoko Desgaituen Integraziorako Elkarteak irakurriko du. Elkarte honek aurten 25 urte beteko ditu. Elkartean lan egiten dutenen esfortzua eta eguneroko jarduna azpimarratu nahi dira.

Erasorik gabeko jaiak
Amorebieta-Etxanoko Udalak eraso sexistarik gabeko jaiak nahi ditu. Horretarako, Ixerbekoan uztailaren 19, 20 eta 26an eta Zubiondon uztailaren 24 eta 27an Beldur Barik gunea jarriko da. Stand honetan indarkeria eta sexu erasoei buruzko informazio eta aholkuak emango dira. Honekin Amorebieta-Etxanoko Udalak berdintasuna, errespetua eta tolerantzia bezalako baloreak nabarmendu nahi ditu.

Gune honetan informazioa eta aholkuak emateaz gain, txapak, pegatinak, pultserak, informazio gidak etab. emango dituzte.

Jaietako egitaraua

Jaietako egitaraua osorik hemen ikus daiteke: www.ametx.eus

Udako ordutegia 2019_Larrea

PDF document icon UDAKO ORDUTEGIA_Larrea.pdf — PDF dokumentua, 446 KB (456921 bytes)

Gane itxita uztailak 5

PDF document icon Huelga 5 julio.pdf — PDF dokumentua, 140 KB (143472 bytes)

PDF document icon MARMITAKO 2019.pdf — PDF dokumentua, 305 KB (312822 bytes)

Marmitako 2019 zerrenda

PDF document icon MARMITAKO 2019.pdf — PDF dokumentua, 305 KB (312822 bytes)

Marmitako 2019 planoa

PDF document icon 19_MESAS.pdf — PDF dokumentua, 13.04 MB (13669423 bytes)

Euria dela eta Amorebieta-Etxanoko jaietan izan ahal diren aldaketak

2019/07/26
Uztailak 26 eta 27an euria dela eta izan ahal diren aldaketak hemen eguneratzen joango gara

 

Uztailak 26

20:00 MARIACHI PLATINO DE MEXICO

Andra Mari plaza/ Zezilia Gallartzagoitia mantentzen da

Gernika plaza (momentuko eguraldiaren arabera)

21:00 BALKAN PARADISE ORKESTRA

Kalbarioko emanaldia Bertan behera gelditzen da.

Euskal Herria plazako momentuz mantentzen da.

22:00 TANBORRADA

Euriarekin Zelaieta parkean

23:30 SERAFIN ZUBIRI eta EN ESENZIA (aldaketa barik)

 

Uztailak 27

12:00 TRIKI PIU PAND (aldaketa barik)

12:30 KOADRILEN KALEJIRA (aldaketa barik)

15:00 KOADRILEN BAZKARIA (aldaketa barik)

16:00 DUATLOI TXIKIA (aldaketa barik)

17:30 KOADRILEN ARTEKO GINKANA (aldaketa barik)

17:30 11 KOLORE TAILERRAK

Zelaieta zentroan

19:00 ZORNOTZA 11KOLORE

Euriarekin Zelaieta parkeko karpan

21:30 ZO ZONGO ROCK KALEAN (aldaketa barik)

23:00 DVICIO (aldaketa barik)

24:00 LEHIAN (aldaketa barik)

 

 

Astelehenean irekiko da Larrea kiroldegiko 2019ko azken hiruhilabeteko ikastaroetan izena emateko epea

2019/08/20
Erabiltzaileek ez dute zertan Larreara joan aurretiko izen-ematea egiteko, eta etxetik gauza dezakete, Internet erabilita

Abuztuaren 26tik irailaren 10era bitartekoa izango da inskripzio epea, eta irailaren 12ean zozketatuko dira ikastarootan dauden lekuak, eguerdiko 12:00etan. Zozketa egin eta gero, 18an argitaratuko dira Larrea kiroldegiko oholean lekua duten pertsonen zerrendak, eta irailaren 24ra arte gauzatu ahalko dute interesdunek ordainketa. Ikastaroan lekua izan eta, epe horretan matrikula ordaintzen ez dutenen eskariak bertan behera utzitzat hartuko dira.

Interesa duten pertsonek on-line bete ahalko dute, aurretiko-izen-ematea interesa duten  diziplinan edo, bestela, Larrea kiroldegira joanda.

Irailaren 26an argitaratuko dira Larrea kiroldegiko iragarki oholean leku hutsak okupatzeko eskubidea duten eskatzaileen izenak (irailaren 12eko zozketaren ondoriozko ordenaren arabera), eta interesdunek bertan kontsultatuko dute lekua duten ala ez.

Pertsona horiek, ikastaroa egin nahi izanez gero, irailaren 26a eta 27a izango dute ordainketa egiteko.

Behin epe hori igarota, eskubide guztiak galduko dituzte, eta leku hutsik geratuz gero, irailaren 30tik aurrera Larrea kiroldegiaren sarrerara etorri eta ordainketa gauzatzen dutenei esleituko zaizkie, agerpen ordenari zorrozki jarraituaz.

UMEEN IGERIKETA IKASTAROAK

Igeriketa ikastaroan lekua lortu ez eta itxaron-zerrendan geratzen diren umeek bermatuta izango dute lekua ezaugarri berberak dituen hurrengo ikastaroan, beti ere zerrendaren ordenari jarraiki, ikastaroaren lekuak bete arte.

Gogorarazten da, halaber, Ametx erakunde autonomoak ezarrita duela eskaintza osatzen duten ikastaroak antolatuko badira, ezinbestekoa dela matrikula egiten dutenen pertsona kopurua guztirako lekuen gehi bat izatea gutxienez.

“Irakurtzeak saria dauka”, Amorebieta-Etxanon irakurketa bultzatzen duen programa

2019/09/05
• Helduen artean irakurketa sustatzeko asmoz jarri du martxan Udal Liburutegiak programa hau • Zornotza Aretorako hamar sarrera bikoitz banatuko dira, eta zuzeneko ikuskizuna edo zinemarako sarrerak egongo dira aukeran

Amorebieta-Etxanon, 2019ko irailaren 5ean. “Irakurtzeak saria dauka” udako programa jarri du martxan Amorebieta-Etxanoko Udal Liburutegiak, helduen artean irakurketa sustatzeko helburuz. Horren baitan, aparteko apal bat jarri dute liburu-aukeraketa batekin. Bada, horietako batzuek saria dute barruan.

Programak irailaren amaiera arte iraungo du eta hamar sari bikoitz banatuko dira guztira. Sarituek Zornotza Aretorako bi sarreraz gozatzu ahal izango dute, eta zuzeneko ikuskizun bat edo zinemarako sarrerak izango dituzte aukeran. Sariak abenduaren 31 baino lehen trukatu beharko dituzte.

Berria! Pilates ikastaroa goizez Larrea kiroldegian

2019/09/05
Larrea kiroldegiko ikastaroen eskaintzari gehituko zaio astearte eta ostegun goizetan, 9:30etik 10:20ra eskainiko den ikastaroa. Izena emateko epea: irailaren 5etik 18ra bitartekoa (biak barne). Lekuak mugatuak dira.

Izena emateko epea amaituta, behar izanez gero lekuak esleitzeko zozketa egingo da irailaren 19an, goizeko 9:00etan.

Onartuen zerrendak irailaren 19an argitaratuko dira, 13:00etan.

Onartuek ikastaroa ordaineko epea irailaren 20tik 26ra bitartekoa izango da.

Internet-ez izena emateko hemen klikatu.

 

 

 

NOBELA GRAFIKOA / KOMIKIA

2019/09/06
Tebeoetatik nobela grafikoaren irakurle izatera. Komiki berriaren lengoaia interpretatzeko tailerra. Dinamizatzailea: Elizabeth Casillas

Astelehenetan. 6.30. Liburutegian

Urriak 7,21

Azaroak 4,18

Abenduak 2,16

Zornotza Aretoko denboraldi berria Marierrauskin antzezlanarekin hasiko da

2019/09/24
• Ikuskizuna datorren larunbatean taularatuko da, urriaren 5ean. • Programazio berriak dantza, antzerkia, musika eta zinea biltzen ditu, gustu guztietarako eskaintza eta jende guztiarentzat

Amorebieta-Etxano, 2018ko irailaren 24a. Marierrauskin antzezlanak estreinatuko du Zornotza Aretoko denboraldi berria datorren larunbatean, urriaren 5ean.

Istorioaren protagonista Nora da. Neskato honek bere urtebetetzea ospatzen du eta bere lagunen babesarekin beste neskato baten inbidiari aurre egin behar dio. Maitane Zalduegi-Viarrek zuzendutako antzezlana euskaraz izango da, eta urriaren 5ean 18:00etan ikusi ahal izango da.

Familiarentzako antzezlan honekin hasiera emango zaio programazio kulturalari, gustu eta publiko guztientzako proposamenak biltzen dituen programazioa, dantza, antzerkia, musika, zinea, eta familientzat eta umeentzat prestatutako ikuskizunak hain zuzen ere. Zehazki, Zornotza Aretoak bederatzi film emango ditu KINE zine-klubak antolatutako hiru ziklotan, eta Europako Ondarearen Jardunaldiak ere musikaren ingurukoak izango dira eta abesbatza, musika banda eta pop eta rock taldeek egindako jatorrizko bertsioak bilduko dituzte, baita ezagutzen ez ziren agiriak ere.

Zornotza Aretoko programazio guztia, hemen: https://www.ametx.eus/es/ficheros/zornotzaaretoaegitarauaurriaazaroaabendua.pdf

Amorebieta-Etxanoko ikasgelak ateak ireki ditu

2019/09/30
• Gelan 21 lagun sartzen dira eta astelehenetik igandera zabalik egongo da 08:00etatik 0:00etara.

Amorebieta-Etxano, 2019ko irailaren 30a. Amorebieta-Etxanoko Udalak gaur ireki ditu Ikasgelako ateak. Konbenio kaleko 10. zenbakian dagoen lokala berritu da eta gaurtik aurrera gehienez 21 lagun egon ahal izango dira ikasten, ordutegi zabal batekin eta espazio egoki batekin.

Ikasgela berri hau astelehenetik igandera 08:00etatik 0:00etara zabalik egongo da, herrian sortzen diren beharrei erantzuteko. Gainera, ikasteko toki bakoitzak bere argia izango du, entxufe bat eta USB hargune bat.

Lokalean egokitutako komun bi eta biltegi bat daude. Lokala Udaltzaingoarekin konektatuta dago bideo-zaintza kamera baten bidez. Atea irekitzeko hurbiltze-txartela erabili beharko da.

Udalak 40.000 euro erabili ditu lokala berritzeko.

Ibiliaz ezagutu. Ibilaldi gidatuetan mendian zehar euskaraz ibiltzeko aukera paregabea

2019/10/01
• Uribe eskualdeko kostaldea eta barrualde ezagutzeko parada izango dugu oraingo honetan, 11-16 kilometro inguruko ibilaldiak eginez. • Ibilaldiak urriaren 19an eta 26an, eta azaroaren 9an eta 16an izango dira, goizeko 8:00etan hasita. • Autobus zerbitzua izango da etapak hasten eta amaitzen diren lekuetarako, eta Nafarroako parkina izango da batzeko tokia. • Zelaieta zentroan eman beharko da izena, irteerak baino bi egun arinago beranduen jota. Leku kopurua mugatua da.

Hamabi eta hamasei kilometro bitarteko lau ibilaldik osaturiko ekimena antolatu du Amorebieta-Etxanoko Udalaren mendekoa den Ametx erakunde autonomoak, Ibiliaz Ezagutu programaren barruan. Oraingoan Uribe eskualdeko kosta eta barrualdea bisitatuko ditugu: haran zabalak, lauak eta leunak, itsaslabar zorabiagarrietan amaitzen direnak. Hondartzak, portuak eta bidexkak, baita Erdi Aroko gaztelua eta txakolineko mahastiak ere.

Paisaia berezia duen eskualdea da, kokapen estrategikoan dagoena, Bilbotik oso gertu, eta hogeita hiru udalerriz osatua.

Uribe eskualde ezin hobea da mendi ibilbideak egiteko, izan ere, haran zabal eta berdeak, mendi leunak eta ikuspegi hunkigarriak dituen kostaldeko ibilbidea baititu.

Ibilbide guztiak izango dira 11 - 16 kilometro bitartekoak.

Ibilaldiak urriaren 19an eta 26an, eta azaroaren 9an eta 16an izango dira, goizeko 8:00etan hasita. Etapa guztiei emango zaie hasiera Nafarroako parkinean eta autobus zerbitzua izango da bertatik ibilaldien hasiera puntura iristeko eta behin amaituta ere, Amorebietara itzultzeko. Honakoak izango dira, zehazturik, lau larunbat horietan egingo diren ibilaldiak:

Urriaren 19an, Gorozika-Larrabetzu (14 km): Zornotzaren inguruetatik hasita, Uriberanzko bidea hartuko dugu. Eskualdearen bizkarrezurra den Butroi ibaiaren sorburutik abiatu eta ate joka arituko gatzaizkie bertako paraje ederrei.

Urriaren 26an, Mungia-Plentzia (16 km): Mungialdearen hiriburua den Mungia hartuko dugu oraingoan abiapuntu, kostalderantz egiteko asmotan. Butroi ibaiaren ur goxoaren ildoari jarraituz, Kantauri itsasoaren ur gazietaraino iritsiko gara.

Azaroaren 9an, Getxo-Plentzia (16 km): Eskumaldeko herri eder eta jendetsu honetatik abiatuta, Kantauri itsasoak mihizkatzen dituen itsaslabarrak eta hondartzak  zeharkatuko ditugu, Plentziako portuaren lasaitasuna helmuga.

Azaroaren 16an, Gorliz – Armintza (11 km): Turismoak edertasuna lapurtu ez dion hondartzan hasita, Gerra Zibileko aztarna artetik igaroko gara, ibilaldion helmuga izango den Armintzako portu txukun  eta baketsura iristeko.

Zelaieta zentroan eman beharko da izena, irteerak baino bi egun arinago beranduen jota. Leku kopurua mugatua da. Izena eman nahi duenak, Ametx txartela eduki behar du. Zelaietan bertan eska daiteke.

Jarduera fisikoaren onura, orohar, berekin dakarren arriskua baino handiagoa da. Nolanahi ere, ariketa fisikoa egiten duen orok jakin beharra dauka jarduera horiek eguneroko bizimoduan arriskurik gabe txertatzen, eta segurtasuna bermatzeko neurriak hartzen.

Folagor youtuberra eta Myth and Roi Japoniako rock taldea izango dira musika eskaintza zabala izango duen Mangamoreko edizio honetako gonbidatu nagusiak

2019/10/03
• Japoniako kultura eta manganimearen hamahirugarren edizioa urriaren 11tik 13ra izango da Amorebieta-Etxanon • Programatutako hitzorduen artean azpimarratu behar da Kodai mangako argitaletxearen aurkezpena eta Enishi taldearen Taiko kontzertua • Ekialdeko kirolek beraien tartea izango dute karate, aikido eta ninjutsuko erakusketekin

Amorebieta-Etxano, 2018ko urriaren 3a. Japoniako kultura eta manga gogoko dutenak berriro ere Amorebieta-Etxanon bilduko dira urriaren 11 eta 13 artean. Mangamoreko jaialdiaren hamahirugarren edizio honetan tailerrak, musika emanaldiak, lehiaketak, bideo-jolasak, umeentzat ekintzak, etab. egongo dira.

Deialdi honetan bereziki azpimarratu behar da Folagorren bisita, Pokemonen espezializatutako youtuberra. Lau milioi jarraitzaile baino gehiago ditu. Bere jarraitzaileek larunbatean 13:00etan egingo den fan meetingean entzun ahal izango dute Amorebieta IV pilotalekuan. Leku berean Garuna Effect ikuskizun zientifikoa ikusi ahal izango da, ostiral eta larunbat arratsaldean. Hauek modu didaktiko batean eta umore askorekin, animean agertzen diren asmakizun eta botereei buruz hitz egingo digute.

Musika Mangamoreko zati garrantzitsu bat da. Horren adibide jaialdiaren lehenengo egunean egingo den kontzertua, Miou Fujinaga abeslariarena, eta larunbatean Myth and Roid bikoteak eskainiko duen kontzertua, animeko hainbat soinu banden egileak Japonen.

Espazio berdinean, Japon tradizionalago batetaz ere gozatu ahal izango da, Taiko Enishi taldeak eskainiko dituen Taiko tailer eta kontzertuekin, eta arte martzialen erakusketekin. Ukabidea talde zornotzarrak karate ikuskizuna eskainiko du, Tanabe klubak aikido, eta ninjutsu Bujinkan Bilbao taldeak.
Pilotalekuan Cosplay lehiaketa, karaokea eta dantza egongo dira. Azken hau edizio honetan Kiba youtuberrak aurkeztuko du.

Aisialdi elektronikoari dagokionez, beste behin ere, Mangamorera datozenek Arcadeko jolasak, bideokontsolak edo jarriko diren ordenagailuetan jolasak sarean erabili ahal izango dituzte. Gainera, larunbatean Pokemon eta Clash Royal bezalako jolasen torneoak egongo dira. Mahai jolasak eta Shogi bezalako jolas tradizionalak ere egongo dira.

Umeak egurrezko jolasekin jolastu ahal izango dira nagusi batekin, horretarako prestatutako ludoteka batean. Photocall bat ere egongo da Ureshirekin, jaialdiko maskotarekin. Honek urtez urte arrakasta handiagoa du gazteen artean. Zelaietan puzgarriekin gune bat ere egongo da umeentzat, eta merchandising produktuekin hainbat postu.

Beste behin ere umore horiko gune bat egongo da Herriko plazan, Japoniako programa mitikoan egin ohi diren proben antzekoak izango dituelarik, eta publikoak zein parte-hartzaileek ederto pasatzeko aukera izango dute.

Formatu txikiko emanaldiak egongo dira: DJ Socia Japoniako discjockey-ak jarriko duen musika elektronikoa edo Igor Cerainen piano kontzertua eta sushi-dastatze bat.

Zelaieta Zentroko auditorioan hainbat ekintza egingo dira. Horien astean adibidez mangan espezializatutako argitaletxe berri baten aurkezpena, Kodai; ninjei buruzko hitzaldi bat, edo cosplayer-en arteko mahai borobil bat (Kakiku Cosplay eta Eiko Loveless).
Erosketak maite dituztenentzat, merkataritza postuak egongo dira eta artist alley bat sortzaileen produktuak zuzenean erosteko. Japoniako janaria ere jan ahal izango da Zelaieta parkean egongo den gune gastronomikoan.

Informazio guztia ondoko web orrian dago: https://mangamore.eus

Gaztedi Durangaldearen I’m Bizi ekitaldia bueltan da

2019/10/10
Aurtengo edizioa urriaren 23, 24 eta 25ean izango da Amorebieta-Etxanon eta 500 parte-hartzaile baino gehiago espero dira. • Egitarauak Nico Eguibar eta Silvia Triguerosen gainditze istorioak jasotzen ditu. • Ander Romaratek, Mónica Garatek eta Asier Puentek haien arrakasta-kasuak aurkeztuko dituzte. • Hitzaldiez gain, jardunaldian negozio-eredu berrietan behar diren gaitasun profesionalen garapenerako topaketak eta dinamikak egongo dira.

2019ko urriaren 9an, Amorebieta Etxanon – Urriaren 23tik 25era I’m Bizi ekitaldia ospatuko da Durangaldean: azken urteetan errepikatu den hitzordua, eta eskualdeko gazteentzako, enpresentzako eta zentro profesionalentzako esanguratsua bihurtzen ari dena. 

I’m Bizik ekintza desberdinak antolatzen ditu urtero gazteen etorkizunean eta hauen garapen profesionalean laguntzeko, eta baita prestakuntza eta lan aukerak sortzeko ere. Horregatik, gazte bakoitzaren egoerara hobekien egokitzen den lan esparrua identifikatzen laguntzeko, hiru egunetan zehar egongo diren ekintzak hiru etapatan banatuko dira: DBHko ikasleak, batxilergokoak eta lanbide heziketakoak.

Ekitaldian zehar gazte, ikasle eta profesionalek elkar ezagutzeko aukera izango dute ikasleek etorkizunean egon daitezkeen prestakuntza eta lan aukeren berri izan dezaten. Gazteek lan-mundura orientatzeko ekintza desberdinetan hartuko dute parte. Gainera, lan berritzaileetan dauden azken joerak, workshop erako formakuntzak eta zeharkako konpetentziak garatzeko dinamikak ezagutuko ditugu.

Aurtengo egitarauak konferentziak, mahai-inguruak, workshopak eta dinamikak jasotzen ditu; eta nabarmentzen dira profesionalen arteko topaketak, arrakasta-kasuak eta prestakuntza zentroak. Honen helburua gazte eta eragile desberdinek eskualdean dauden aukeren berri izatea da, bertako talentua garatuz eta honen alde eginez. 

Aurtengo egitarauan ikus ditzakegun izenen artean, hainbat gainditze istorio aurkituko ditugu, Nico Eguibar edo TOR-eko protagonista den Silvia Triguerosena, besteak beste. Arrakasta-kasuak, hala nola, Ander Romarate, Eibar KE taldeko futbol inklusiboaren arduraduna eta Espainako paratriatloi txapelketan zilarrezko domina; Mónica Garate, Monumento Impulso Empresarialeko zuzendari exekutiboa; edo Asier Puente, Kiroleneko ikasketaburua eta futboleko irakaslea. Bestetik, erraminta digitalen bitartez dauden sortzeko modu berrien inguruan egingo den mahai-inguruan Aitor Goti, Deustuko Industria Digitaleko Katedraren zuzendaria, eta Pilar Ramirez, datuen babeserako aholkularia, izango ditugu.                      

I’m Bizi Gaztedi Durangaldeak duen hitzarmenetik sortu zen, gazteei zuzendutako zerbitzu eta ekintzak sustatzeko helburuarekin. Gaztedi Durangaldea Bizkaiko Foru Aldundiak eta Durangaldeako 12 udalek osatzen dute: Abadiño, Amorebieta-Etxano, Berriz, Durango, Elorrio, Ermua, Garai, Iurreta, Izurtza, Mallabia, Mañaria eta Zaldibar; Bizkaiko Foru Aldundiaren eskutik.

GAZTEDI DURANGALDEA – I’m Biziren inguruan

I’m Bizi Gaztedi Durangaldeako programaren barruan dago, eta urtero antolatzen da gazteei lan eta prestakuntza aukerak eskaintzeko. Gaztedi Durangaldeak besteren konturako enplegua sustatzeko prestakuntza (enpresetan lan-praktikak egiteko diru-laguntzak) eta norberaren enplegua sustatzeko ekintzak (negozio-ideien lehiaketa) bultzatzen ditu. I’m Bizi Gaztedi Durangaldeak gazteei zuzendutako zerbitzu eta ekintzak antolatzeko helburua duen hitzarmenetik sortu zen. Gaztedi Durangaldea Bizkaiko Foru Aldundiak eta Durangaldeko 12 udalek osatzen dute: Abadiño, Amorebieta-Etxano, Berriz, Durango, Elorrio, Ermua, Garai, Iurreta, Izurtza, Mallabia, Mañaria eta Zaldibar; Bizkaiko Foru Aldundiaren eskutik. Informazio gehiago www.gaztedidurangaldea.eus web-orrian.

14.000 lagun etorri dira Mangamorera asteburu honetan programatutako jardueretan parte hartzeko

2019/10/15
• Cosplay lehiaketak, Mith and Roiden kontzertuak eta igandeko Dance con KibaDubs lehiaketak bildu zuten jenderik gehien • Folagor youtuberrak mila lagun baino gehiago batu zituen larunbatean • Ehundaka lagun batu ziren baita ere Onigiri+-en kontzertuan, umeentzako ekintzetan, Ukabidearen karate erakusketan eta karaoke lehiaketan

Amorebieta-Etxano, 2019ko urriaren 14a. Mangamoreren hamahirugarren edizioak berriro ere arrakasta handia izan du eta jaialdiak iraun duen hiru egunetan 14.000 lagun baino gehiago bertaratu dira. Animearekin eta Japoniako kulturarekin lotutako hainbat eta hainbat ekintza izan dira Amorebieta-Etxanon. Jende asko etorri da beste probintzia batzuetatik lehiaketetan parte hartzeko, batez ere Gipuzkoa eta Arabatik baina baita Kantabriatik ere.

Jenderik gehien larunbatean batu zen. Milaka lagun etorri ziren hainbat ekintzetan parte hartzera: tailerrak, musika ikuskizunak, lehiaketak, bideo-jokoak, umeentzat ekintzak, etab. Folagor youtuberrak milaka gazte batu zituen berari entzuteko, galderak egiteko eta berarekin argazkiak ateratzeko edo sinadura bat lortzeko. Mith and Roid Japoniako taldeak ere jende asko batu zuen, Taiko Enishiren kontzertuak, Cosplay lehiaketak edo Garuna Effect zientzilarien showak ere gauza bera.

Igandean Dance lehiaketa egon zen. Kiba Dubs youtuberrak aurkeztu zuen Larraitz García aktore zoroarekin batera. Jendetza batu zen. Era berean, bideo-jokoen lehiaketetan jende asko egon da, baita Gokan Bilbaoren eskutik egindako sushi dastaketan edo umeentzako antolatutako jardueretan.

Dozena bat artista zornotzarrek parte hartuko dute Amorebieta-Etxanoko historia kontatuko duen Kantuz Kantu! kontzertuan

2019/10/17
• Kontzertuan Mikel Urdangarin eta Onintze egongo dira beste artista batzuen artean. Datorren igandean izango da, urriaren 20an, 12:00etan Zornotza Aretoan. • Proiektua Europako Ondarearen Jardunaldien barruan kokatuta dago, ondare kulturalaren sentsibilizaziorako programa zabal bat.

Amorebieta-Etxano, 2019ko urriaren 17a. Amorebieta-Etxanoko Udalak kontzertu bat antolatu du Kantuz Kantu! izenarekin. Herriko historiaren zati diren abestiak entzungo dira, bertako jendearen izaera islatzen dutenak.

Igandean, urriaren 20an 12:00etan, Zornotza Aretoan egingo den kontzertuaren errepertorioak bertaratuei lagunduko die herriaren idiosinkrasia hobeto ezagutzen eta aukera emango die beraien ondare kulturala aberasteko. Amorebieta-Etxanorekin lotura duten hamabi artista, banda eta abesbatzek izango dute ardura hau. Bertsio originalak eta inoiz ikusi gabeko agiriak aurkeztuko dituzte: Mikel Urdangarin, Onintze, Blanco y en botella, Eztandap, Kitto, Patxi Gonzalez, Coral Zornoza, Xuxurlariak, Joseba eta Iñaki trikitilariak, Abes-Kimu, Andra Mari ikastolako gurasoen koroa, Zornotzako Musika Banda eta Alaiak.

Kontzertu honetaz gain, CD bat prestatu da igande honetan entzun ahal izango diren abestiekin. Web orritik jaisteko aukera egongo da: www.ametx.eus/eu/kantuz-kantu

Patxi Gonzálezek zuzendutako proiektua da eta Beñat Egiarte musikariak ere parte hartzen du. Europako Ondarearen Jardunaldien barruan kokatzen da. Europar Batasunarekin lankidetzan, Europako Kontseiluak sustatutako ondare kulturalari buruzko sentsibilizazio programa handi bat da.

Ate irekien jardunaldi bat da. Salbuespenez, eta egun zehatz batzuetan bakarrik, publikoak aukera izango du bere ondare eta historiarekin lotutako hainbat baliabide ezagutzeko.

Ondarean Europako Jardunaldiak Bizkaian

Bizkaiak ekimen honetan parte hartzen du duela hamazortzi urtetik, Bizkaiko Foru Aldundiaren bidez. Edizio bakoitzean gai zehatz bat proposatzen da, antolatzaileen esfortzuak hartara bideratzeko, lurraldeko historiaren gai zehatz bat lantzeko asmoz. Gai bat izateak ekitaldien programa orokorrari koherentzia handia ematen dio baina, horretaz gain, eta, batez ere, oso jarduera landuak eta bereziak diseinatzeko aukera ematen du, urtero desberdinak direnak.

Bosteko 2019 erakusketa ibiltaria Amorebieta-Etxanora heldu da

2019/10/25
• Marrazkitik harago. Figura eta paisaia” erakusketa azaroaren 8ra arte egondo da ikusgai Zelaieta zentroan. • Ibon Garagarza komisarioak kudeatuta, Gentz del Valle, Mertxe Periz eta Sonia Ruedaren artelanak biltzen ditu.

Amorebieta-Etxano, 24 de octubre de 2019. BOSTEKO 2019 talde erakusketa ibiltariak azaroaren 8ra arte Amorebieta-Etxanoko Zelaieta zentroan jarraituko du bere ibilbidea. “Marrazkitik harago. Figura eta paisaia” izenburuarekin eta Ibon Garagarza komisarioak kudeatuta, Gentz del Valle, Mertxe Periz eta Sonia Ruedaren artelanak biltzen ditu.

Bizkaiko Foru Aldundiak antolatutako erakusketak Leioako Kultur Leioan eman zituen lehen urratsak irailaren 6an. Ondoren, Basauriko Arizko Dorretxea aretora egin zuen salto (urriak 1-19). Orain, Amorebieta-Etxanon dago azaroaren 8ra arte. Ondoren, Arrigorriagan (Euskaldun berria erakusketa gela, azaroak 11-29) egongo da, Getxon (Torrene Erakustaretoa, abenduak 4-29) bukatzeko.

Giza figura, gorputza eta ingurunearekin naiz paisaiarekin duen erlazioa gai garrantzitsuak izan dira hiru artisten lanean, eta proposamenaren ildo nagusiak dira, marrazkigintzaren kontzeptu hedatuarekin batera. “Marrazkitik harago. Figura eta Paisaia” gauzak aditzera emateko dugun biderik zuzenenari eta intuitiboenari eskainita dago. Bide hori marrazkigintza da. Erakusketan marrazkiak berebiziko garrantzia du, formatu ertaineko lanak nabarmentzen dira eta bestelako bide batik jorratzen dira, hala nola, argazkigintza, eskultura edo margolaritzatik.

Gentz, Mertxe eta Sonia asko inplikatu dira erakusketan, eta, aurretik egindako lanak erakusteaz gain, azken urtean lan berri bat egin dute BOSTEKO 2019 erakusketarentzat.

Kasu gehienetan, Gentz del Vallek lan egiten du erakusketa izango den lekua kontuan hartuta; instalazioak sortzen ditu, bere lanera hurbilduko diren pertsonek esperientzia paregabea izatea lortzeko. Kasu honetan, espazioa artikulatzen du 2012ko hiru marrazkirekin; irudi zuriak agertzen dira atzealde beltzaren gainean. Horrez gain, 2019ko “Jardín celeste” serieko hiru marrazki erakusten ditu. Narratibak sortzen ditu, besteak beste, femeninoa eta maskulinoari, naturari edo mitoei buruz arituz.

Mertxe Perizek 2017-2019ko “Tránsitos” proiektuaren parte bat aurkezten du; gizakiak egoera ezberdinetan erakusten dituzten irudien eskultura txikiak jartzen ditu ikusgai, eskultura horiei ateratako argazkiekin eta 2019ko “Retal de huellas” seriearekin batera. Azken horretan, giza siluetak zuhaitz eta paisaia harritsuetara igota agertzen dira zeta beltzean egindako marrazkietan. Bere lanek egoera (sentsazio) unibertsalak erakusten dituzte, eta guztiok horietan islatuta sentitu gaitezke.

Sonia Ruedaren prozesua pixka bat ezberdina da. Izan ere, bere ideien garapenak orain eraman du argazkilaritza eta irudi digitaletik paper gaineko marrazkira. 2 pieza, argazki bat eta 90eko hamarkadako lan eskultoriko bat, eta azken 15 urteetan frontoietan ateratako 21 argazkik osatutako horma-irudi bat aurkezteaz gain, hark ikusgai jartzen du 2019an paper gainean ikatz-ziriz egindako eskuen serie bat. Giza gorputzaren parte espresiboena, eskua, egoera ezberdinetan agertzen da, autorretratuen serie hori 90eko hamarkadatik hark egindako proiektu digital eta fotografikoen isla bihurtuz.

Zornotza Aretorako sarrerak online erosi ahal izango dira komisiorik ordaindu gabe

2019/10/30
• Azaroaren 1etik aurrera zinemarako sarrerak edozein lekutatik erosi ahal izango dira eta kudeaketa gasturik gabe, zornotzaaretoa.eus eta ametx.eus webguneetatik. • 2020tik aurrera, Zornotza Aretoko ikuskizun guztietara zabalduko da neurri hau.

Amorebieta-Etxano, 2019ko urriaren 30a. Azaroaren 1etik aurrera Amorebieta-Etxanoko Zornotza Aretorako sarrerak online erosi ahal izango dira zornotzaaretoa.eus eta ametx.eus webguneetan, komisiorik gabe.

Horrela, ikuskizun bat ikusi nahi dutenek bere sarrera erosi eta jesarlekua aukeratu ahal izango dute telefono mugikorretik edo ordenagailutik, sarrerak inprimatu beharrik gabe, eta gainera, ez da komisiorik ordaindu beharko. Zinemarako sarreraren prezioa ordaindu beharko da bakar-bakarrik.

2020an neurri hau Zornotza Aretoko ikuskizunetara zabalduko da. Sistemak ikuskizun eta filmak baloratzeko aukera emango du, erreseinak erantsi, eta horrenbestez aukera emango du erabiltzaileari interesatzen zaionari buruz beste batzuk ze iritzi duten ikusteko.

Sistema aldaketa honen ondorioz, Zornotza Aretoko sarreran dagoen totema kendu egingo da, orain sarrerak eguneko 24 orduetan eskuratu ahal izango baitira komisiorik gabe. Gailu mugikorren bidez sarrerak erosteko zailtasunak dituztenentzat, Zornotza Aretoko langileek aholkularitza eta laguntza emango dute lehenengo hilabeteetan Aretoan bertan.

Zelaieta zentroak umore grafikoko erakusketa hartuko du: “Osasuna, dirua eta maitasuna”

2019/11/12
Zelaieta zentroak Layayaletuca artistaren “Osasuna, dirua eta maitasuna” erakusketa hartuko du gaurtik azaroaren 30era arte.

Amorebieta-Etxano, 2019ko azaroaren 12a. Layayaletuca, María Lafuente Lechuga (Madril, 1993) artistaren alter egoa Ilustrazioaren pertsonai bezala aurkezten da. Kostaldean eta hondartzako tabernetetan hazi zen eta berak bere burua beti gogoratzen du mahai-zapi eta ahozapietan marrazten “jatorduak oso luzeak izaten ziren eta denbora azkarrago joan zedin marraztea zen irtenbide bakarra”

Urte batzuk geroago, heldua eta harreragile gisa lan egiten zuen bitartean, boligrafoa hartu zuen: "Lehen zigortzen nindutenean marrazten nuen, eta lan egiten dudanean gauza bera egiten dut. Ez aspertzeko modu bakarra da". Bere ilustrazioetan, denak eskuz egindakoak eta formatu txikikoak, umorea eta drama, hitzak eta irudiak nahasten dira. Paper zakar gainean tinta beltzarekin, madrildarrak bere ingurua eta pribatutasuna aztertzen ditu ironia eta sarkasmoaren bidez: "Jende askok esaten dit negarra eragitea barre eragitea baino errazagoa dela, eta ez dakit egia izango den, baina nik nahiago dut botila erdi beteta ikustea egarri naizelako beti kexati egotea baino". Bere orri zuri-beltzetan, lan prekarietatea eta prekaritate sentimentala eta pertsonalari buruzko eguneroko eszenak agertzen dira, maiz bere Instagram kontuan igotzen dituenak: @layayaletuca

Erakusketari buruz: “Gaztetatik itsuki sinesten nuen zoriontasunaren zutabea maitasuna zela. Neure burua desengainatu ondoren, lanean hasi nintzen eta dirua lortzen hasi nintzen, horrek pentsarazi zidan benetazko zoriontasuna denbora libreak ematen zidala. Duela hilabete batzuk PAAF bat egin zidaten eta agian osasuna zela garrantzitsuena jabetu nintzen. “Osasuna, dirua eta maitasuna”, esperientzia hauek umore grafikoaren bidez erakusten ditu azken urteotan gertatu zitzaizkidan ezbehar pertsonalak islatuz. "

Honez gain, artistak ilustrazioaren inguruko tailer bat antolatu du Zelaieta zentroko erakusketa aretoan azaroaren 30erako, 6 eta 11 urte bitarteko umeentzako zuzendua.

Astelehenean irekiko da Larrea kiroldegiko 2020ko lehenengo hiruhilabeteko ikastaroetan izena emateko epea

2019/11/15
Aurretiko izen-ematea etxetik gauza dezakete erabiltzaileek, Internet bidez.

Azaroaren 18tik abenduaren 1era bitartekoa izango da inskripzio epea, eta abenduaren 4an zozketatuko dira ikastarootan dauden lekuak, goizeko 9:00etan. Zozketa egin eta gero, 10ean argitaratuko dira Larrea kiroldegiko oholean lekua duten pertsonen zerrendak, eta abenduaren 17ra arte gauzatu ahalko dute interesdunek ordainketa. Ikastaroan lekua izan eta, epe horretan matrikula ordaintzen ez dutenen eskariak bertan behera utzitzat hartuko dira.

Interesa duten pertsonei aurretiko-izen-ematea on-line betetzea gomendatzen da, izapidea arinago eta erosoago egitealdera. Bestela Larrea kiroldegiko sarreran emango dute izena, astelehenetik ostiralera bitartean, goizeko 8:30etik iluntzeko 20:30era bitartean

Abenduaren 20an argitaratuko dira Larrea kiroldegiko iragarki oholean leku hutsak okupatzeko eskubidea duten eskatzaileen izenak eta interesdunek bertan kontsultatuko dute lekua duten ala ez.

Lekua esleitzen zaienek, ikastaroa egin nahi izanez gero, abenduaren 20an bertan eta 23an egin ahalko dute ordainketa.

Behin epe hori igarota, eskubide guztiak galduko dituzte, eta leku hutsik geratuz gero, abenduaren 27tik aurrera Larrea kiroldegiaren sarrerara etorri eta ordainketa gauzatzen dutenei esleituko zaizkie, agerpen ordenari zorrozki jarraituaz.

Oraingo edizio honetan ikastaro guztiak, spinning eta igeriketa barne, hiru hilabetekoak izango dira, eta matrikula egitean ikastaro osoa ordainduko da.

Ikastaroetan dauden lekuak ahalik eta era bidezkoenean banatze aldera, zozketa bidez ikastaroetako batean lekua lortzen duten pertsonek, beste ikastaroetan lekuak libre badaude baino ezingo matrikulatu. Hori horrela, gomendatzen da gehien jota hiru ikastaro edo ordutegi ezberdin eskatzea.

Ikastaroetako lekuen zozketaren ordena aleatorioa izango da, eta zozketa bidez ebatziko.

UMEEN IGERIKETA IKASTAROAK

Igeriketa ikastaroan lekua lortu ez eta itxaron-zerrendan geratzen diren umeek bermatuta izango dute lekua ezaugarri berberak dituen hurrengo ikastaroan, beti ere zerrendaren ordenari jarraiki, ikastaroaren lekuak bete arte.

Gogorarazten da, halaber, Ametx erakunde autonomoak ezarrita duela eskaintza osatzen duten ikastaroak antolatuko badira, ezinbestekoa dela matrikula egiten dutenen pertsona kopurua guztirako lekuen gehi bat izatea gutxienez.

Amorebieta-Etxanon giza eskubideen defentsaren aldeko topaketa bat egingo da

2019/11/18
• Topaketa Nafarroa Zentroan egingo da, ostiralean, azaroaren 22an, 17:00etan. • Hiru herrialde desberdinetako emakume aktibistek giza eskubideen defentsan izandako esperientziak kontatuko dizkigute.

Amorebieta-Etxano, 2019ko azaroaren 18a. Amorebieta-Etxanoko Udala Giza Eskubideen Defendatzaileak Babesteko Udal Euskal Sarera atxiki da eta Euskadin giza eskubideen defendatzaileen I. Foro ibiltariaren barruan, topaketa bat egingo da emakumeen eskubideen eta LGTBI komunitatearen eskubideen defentsari buruz. Hiru emakume aktibistek giza eskubideen defentsan izandako esperientziak kontatuko dituzte.

Munduko leku askotan, giza eskubideen defentsan lan egiten dutenek mehatxuak eta jazarpena sufritzen dituzte, beraien bizitza eta osotasun fisiko eta psikologikoa kolokan jarriz. Topaketa Nafarroa Zentroan egingo da, ostiralean, azaroaren 22an, 17:00etan. Hauek parte hartuko dute:

  • Esdra Yaveth Sosa, Arcoiris LGTBI elkartea. Honduras
  • Emilie Chantal de Wolf, Oaxaca partzuergoa. Mexiko
  • Assalah Abu Khdeir, Union of Palestinian Women Committees (UPWC). Palestina


Jatorrizko tamainako irudia: 276 KB | Irudia ikusi Ikusi Irudia deskargatu Deskargatu

Nagusi Aretoak “EITB-ra” joateko bisita antolatu du

2019/11/18
Izen ematea: Azaroaren 25etik 27ra 16:00etatik 20:00etara

Amorebieta-Etxanoko Udaleko Gizarte Ekintza Sailak, Nagusi Aretoaren bidez, datorren azaroaren 29an, ostirala, 17:00 eta 18:00 etan txango bat antolatu du Bilbon dagoen EITB ezagutzeko.

Bost telebista katek, bost irrati emisorek eta webgune batek osatzen dute EiTB Taldea.
EITB-ren egoitzak 600 langile baino gehiago ditu, telebista, irrati eta eremu digitaleko langileak kontatuz. Eraikinak dituen tresna tekniko berritzaileei ezker EITB-ren digitalizazio osoa lortu ahal izan da multimedia kontzeptua komunikabideetara zabalduz.

  • Izena emateko epea: Azaroaren 25etik 27ra.
  • Izena emateko eta informazioa eskuratzeko: Nagusi Aretora jo daiteke astelehenetik ostiralera 16:00etatik 20:00etara.
  • 946941129
  • Prezioa: doan.


Plaza mugatuak dira.

Amorebieta-Etxanoko Udalak “Jokoan” mahai-jokoen jaialdia antolatuko du aurten ere

2019/11/27
• “Jokoan” mahai-jokoen jaialdiaren zortzigarren edizioa izango da aurtengoa. Zelaieta Zentroan egingo da azaroaren 30etik abenduaren 1era. • Aurten ekintza berezia nabarmentzen da, “Bideo-jokoen erabilera arduratsu baten biderantz” hitzaldia.

Amorebieta-Etxano, 2019ko azaroaren 27a. “Jokoan” mahai-jokoen jaialdiaren bederatzigarren edizioa ospatuko da Amorebieta-Etxanon azaroaren 30 eta abenduaren 1ean. Zelaieta Zentroan, Amorebieta IV frontoian, izango da eta adin guztietako jendearentzat zabalik egongo da 11:00etatik 14:00etara eta 16:00etatik 20:00etara eta sarrera doakoa da.

Hainbat gune izango dira parte-hartzaileen adinaren arabera bereiziak: familientzako gune bat, 4 eta 9 urte arteko umeentzat egokia dena, umeek eta helduek elkarrekin jolasteko. Baita 9 urtetik gorakoentzat zein helduentzat gunea ere.

Aisialdirako eskaintza desberdin bat erakutsi nahi da, mahai-jokoetan oinarritutakoa hain zuzen ere. Ekitaldiko dinamizatzaileek azalduko dituzte jolas eta jokoen arauak, beraz, ez da beharrezkoa hauek ezagutzea.

Aurten ekintza berezia nabarmentzen da, “Bideo-jokoen erabilera arduratsu baten biderantz” hitzaldia. Gaur egun, bideo-jokoak gero eta nabarmenagoak egin dira gure egunerokoan, baina, ba al dakigu zer diren bideo-jokoak? Gure gazteen arduradunak diren pertsona erreferenteak eta bideo-jokoen erabilera arduratsua sustatu nahi dutenentzako aproposa den hitzaldi hau, larunbatean izango du lekua, azaroaren 30ean 17:00etan Zelaietako Auditoriumean. Hitzaldia euskaraz garatuko da.

Iaz 900 lagun baino gehiagok parte hartu zuten jaialdian. Ekintza Ametxek antolatu du eta tailerrak eta salmenta postuak ere egongo dira.
Aipatutako ekintzez gain, Zelaieta Zentroan dagoen erakusketa dela eta, ilustrazio tailer bat eskainiko da 6-11 urte bitarteko gazteentzat azaroaren 30ean 11:30etan, Erakusketa gelan Maria Lafuente ilustratzailearen eskutik. Ekintza honetan parte hartzeko izena eman beharra dago Gazte Txokoan, 17:00etatik 20:00etara, 946300650 telefonoan edo gazteinfo@ametx.eus helbidean, izen-abizenak, adina eta kontakturako telefonoa emanez.

Amorebieta-Etxanon filmatuko da Kine Rally film laburren lehiaketa

2019/11/28
• KINE Zineklubak lehiaketa hau antolatu du eta helburua 24 ordutan film labur bat grabatzea da. • Abenduaren 15ean gala bat egingo da Zornotza Aretoan. Lehiaketara aurkeztu diren filmak ikusiko dira eta 750 euro banatuko dira parte-hartzaileen artean.

Amorebieta-Etxano, 2019ko azaroaren 28a. Abenduaren 12tik 15era Amorebieta-Etxanon egingo da Kine Rally film laburren lehiaketa azkarraren bosgarren edizioa.

KINE Zineklubak lehiaketa hau antolatu du eta helburua 24 ordutan film labur bat grabatzea da. Herritar guztientzat egingo den gala irekia azpimarratu beharra dago. Abenduaren 15ean egingo da Zornotza Aretoan eta lehiaketan parte hartu duten filmak ikusi ahal izango dira eta parte-hartzaileen artean 750 euro banatuko dira.

Lehiaketak honela funtzionatzen du: ostegunean parte hartzen duten taldeei dossier bat emango zaie lehiaketaren oinarriekin eta nahitaez film laburrak landu beharreko gaiari buruzko pista bat emanez posta elektronikoz. Ostiralean, Zelaieta Zentroko auditorioan, ekitaldi txiki bat antolatuko da. Parte-hartzaileak bilduko dira eta orduan emango zaie gaia eta grabatzen hasi ahal izango dira. Taldeek ostirala bera eta larunbat osoa daukate pentsatu, gidoia sortu, filmatu eta beraien lanak editatzeko. Larunbat gauean lanak 20:00-21:00 inguruan bilduko dira. Igandean epaimahaia goizean goiz bilduko da aurkeztutako materialaren inguruan erabaki bat hartzeko. Azkenik, eguerdiko hamabietan, Kine Rally gala egingo da Zornotza Aretoan. Doakoa izango da eta publiko guztientzat. Galan filmak ikusiko dira, 750 euro banatuko dira saritan parte-hartzaile eta irabazleen artean eta amaitzeko, ikusle eta parte-hartzaileek zerbait jateko aukera izango dute.

Azken lau urte hauetan 40 talde inguru aurkeztu dira, 15 eta 50 urte arteko jendea bilduz, bai zornotzarrak eta baita inguruko herrietakoak. Landutako gai batzuk hauek izan dira: natura eta mendia, “Hego-haizea, zoro haizea”, musika, etab. Edozein motatako generoak onartzen dira. Dramak, komedia, beldurrezkoak, … egon izan dira. Edozein hizkuntzatan egindako lanak onartzen badira ere, euskaraz egindako lanak aurkeztea kontuan hartuko da (gainera hizkuntza honetan lan asko aurkezten dira). Berdintasuna, LGTBIQ+ kolektiboa, kulturaniztasuna eta elkartasunarekin lotutako gaiak lantzea bereziki kontuan hartuko da.

Antolatzaileek adierazten dute kalitatea kontuan hartuko bada ere lanak baloratzerakoan, jendeak eskura dituen bitartekoekin parte hartzea da benetan garrantzitsua dena, ikus-entzunezkoetara hurbiltzea. “Zinema gustatzen zaien lagunekin elkartu eta buruan ditugun istorioak partekatzeko unea da” Maite Romerok dioen bezala.

Jada, zabalik dago izena emateko epea. Posta elektronikoz egin daiteke ondoko helbidera bidaliz taldearen izena, parte-hartzaileen izenak eta harremanetarako telefono zenbaki bat:

Udalak ekintza programa zabal bat aurkeztu du Gabon hauetarako

2019/12/03
• Gabonetako kontzertua, Olentzeroren bisita edota Errege Magoen Kabalgata, Gabon hauetako programaren barruan dauden ekintza batzuk dira. • Ludoteka Bereziak aukera emango die 3 eta 10 urte arteko neska-mutikoei Zelaieta Zentroan egingo diren jardunaldi ludiko eta hezitzaileez gozatzeko.

Amorebieta-Etxano, 2019ko abenduaren 3a. Amorebieta-Etxano Gabonetarako prestatzen dabil. Sasoi honetarako programatu diren ekintzei bihar emango zaie hasiera, abenduak 4. Bihar 17:30ean Herriko plazan Gabonetako argiak piztuko dira. Ondoren Zubiar Musika Eskolakoak, Triki Piu, hainbat tailer eta txokolatada handi bat egongo dira.

Ostiralean, hilaren 13an, hasiko dira urtarrilaren 6ra arte antolatutako ekintzak. Musika, dantza eta kirola egongo da. 17 egunetan herritar guztientzat hainbat ekintza egongo dira, bereziki umeentzat.

Gainera aurten Ludoteka Berezia Gabonetan antolatu da. Honi esker txikienek ekintza ludiko eta hezitzaileak izango dituzte astebetean. 3 eta 10 urte arteko seme-alabak dituztenek izena eman nahi badute, bi txanda izango dituzte aukeratzeko. Lehenengoa, abenduaren 23, 26 eta 27an; eta bigarrena, abenduaren 30ean, urtarrilaren 2 eta 3an. Txanda bakoitzerako prezioa 24 eurokoa izango da eta izena emateko epea abenduaren 3an hasiko da eta abenduren 13an amaitu. Ondoko telefono zenbakira deitu behar da: 94 630 06 49 (16:00-20:00).

Zelaieta Zentroan De Pedro Fotógrafosen lana ikusgai (World Photographic Cuperako izendatua)

2019/12/12
• Zelaieta Zentroko erakusketa gelan ikusi ahal izango dira zornotzar hauek naturari ateratako argazkiak urtarrilaren 11tik 31ra. • Argazkilarien Espainiako Federazioak Jesus eta Alex de Pedro izendatu zituen urteko argazkilari bezala. Gainera Alex Estatutako World Photographic Cupeko hautagaitzarako hautatua izan da. • Erakusketarekin batera, Amorebieta-Etxanoko Udalak argazkilaritza eta naturari buruzko jardunaldi bat antolatuko du urtarrilaren 26rako.

Amorebieta-Etxano, 2019ko abenduaren 12a. World Photographic Cup 2020ra izendatuak izan diren De Pedro Argazkilariek, naturari buruzko beraien argazkiak ikusgai izango dituzte Amorebieta-Etxanoko Zelaieta Zentroko erakusketa gelan urtarrilean, hilaren 11tik (larunbata) 31ra arte (ostirala).

Jesus eta Alex de Pedroren naturari buruzko argazkiekin Argazkilaritza Profesionaleko IV. Sari Nazionalerako izendapena lortu zuten. Izendapen hau Argazkilarien Espainiako Federazioak egiten du. Orain Federazioak Alex aukeratu du World Photographic Cup 2020 Estatuko hautagaitzarako parte hartuko duten profesionalean artean. Finalistak martxoaren 23an Erroman jakinaraziko dira.

Amorebieta-Etxanoko Udalak beraien lana aitortu nahi du eta erakusketarekin batera, jardunaldi bat antolatu du De Pedro Argazkilariekin, argazkilaritza eta natura ardatz izango dituena. Jardunaldi hau urtarrilaren 26an egingo da eta aukera emango du lekuak ezagutu, argazkilaritzako material profesionala esku artean izan eta zozketetan parte hartzeko, txoko edo “hide” esklusiboenetatik argazkiak ateraz. Aforoa mugatua da eta izena emateko epea zabalik dago.

Interesatuta daudenek, hemen izena eman dezakete:

De Pedro Fotógrafo  946733458  http://www.depedrofotografo.com

  o 

Izena emateko mezu elektronikoan adierazi izena, abizenak, NAN, helbidea, telefonoa eta harremanetarako posta elektronikoa.

Ostegun honetan Soul Tellerren kontzertu akustikoa egongo da Zelaietan

2019/12/16
• Miguel Ángel Juliánek, Soul Telleren sortzaileak, Lorenzo Moya bere pianistarekin, konposizio klasikoak eta bereak joko ditu, formatu akustiko, txiki eta minimalistan. • Sarrerak 6 eurotan salgai egongo dira (4,5 euro Zornotza Aretoko bazkideentzat).

Amorebieta-Etxano, 2019ko abenduaren 16a. Datorren ostegunean, abenduaren 19an, osteguna, Soul Tellerren kontzertu akustikoa egongo da. Estatuko soul musikako aitzindarietako bat ikusi ahal izango da: Miguel Ángel Julián (pianoa eta ahotsa)

Abeslaria eta konpositorea ia hiru hamarkadatan soul, blues eta jazzarekin ibili da mundu guztian zehar eta aitzindaria izan da Estatuan soularen moduan 1990eko hamarkadan, The Cool Jerksekin.

Miguel Ángel Julián agertokian izan da artista handiekin: Percy Sledge, Bonnie Tyler, Dra. John, Paul Carrack edo Solomon Burke. Memphisen Willie Mitchell produktore famatuarekin (Al Green deskubritu zuena eta musika beltzeko mito handien produktorea, esaterako Aretha Franklin, Elvis Presley, Rod Stewart, Syl Johnson edo Joe Cocker) grabatu duen Espainiako lehenengo artista eta artista bakarra izan da.

Miguel Ángel Julián, Soul Tellerreko sortzailea, Zelaieta Zentroko agertokian izango da 20:15ean, akustikoan, formato txiki eta minimalista batekin. Lorenzo Moya bere pianista izango du lagun, eta konposizio klasikoak eta eurenak entzun ahal izango dituzte bertaratuek.

Sarrerak 6 eurotan egongo dira salgai eta 4,5 eurotan Zornotza Aretoko bazkideentzat. Online ere erosi ahal izango dira, komisiorik gabe: https://zornotzaaretoa.eus eta http://ametx.eus.


Jatorrizko tamainako irudia: 51 KB | Irudia ikusi Ikusi Irudia deskargatu Deskargatu

PDF document icon GABONETAKO ORDUTEGIA 2019.pdf — PDF dokumentua, 212 KB (218092 bytes)

Gabonak eta IKASGELAk

2019/12/20
Zabalik: KONBENIO KALEKOa eta ZELAIETAkoa. Konbenio Kalekoa: Egunero 8.00 / 24.00 Zelaietakoa: Ordutegi Berezia

ZELAIETAKO IKASGELAren ORDUTEGIA:

 

 


Jatorrizko tamainako irudia: 56 KB | Irudia ikusi Ikusi Irudia deskargatu Deskargatu

Amorebieta-Etxanok ongi-etorria ematen die Errege Magoei

2019/12/30
• Erregeen kabalgata 18:00etan hasitako da Biarritz poligonoan eta Herriko Plazan amaituko da. Han txikienek Errege Magoekin egoteko aukera izango dute. • Zornotzar guztiei parte hartzeko gonbita egiten zaie, musikaz, kolorez eta argiz betetako desfile honetan.

Amorebieta-Etxano, 2019ko abenduaren 30a. Amorebieta-Etxano Errege Magoak, Meltxor, Gaspar eta Baltasar, noiz etorriko zain, hasia da prestaketekin. Erregeak urtarrilaren 5ean etorriko dira herriko umeengana, eta argiz, soinuz eta ilusioz betetako hiru karrozen gainean etorriko dira. Zubiaur Musika Eskolako Triki Piu bandako trikitilariak izango dituzte bidelagun.

Hiru karroza hauekin batera Disneyko laugarren bat egongo da, kolorez eta fantasiaz betea. Zubiaur Musika Eskolako hip-hopeko ikasleek girotuko dute kabalgata, eta herriko gazteek Erregeen paje lanak egingo dituzte. Musikaz, kolorez, eta, zelan ez, gozokiz, betetako ikuskizuna izango da, herritar guztiei zuzendua.

Desfilea 18:00etan hasiko da Biarritz poligonoan eta handik Gudari kalera joango da San Migel kaletik pasatu ondoren, eta Herriko plazan amaituko da. Han txikienek Erregeekin egoteko aukera izango dute, beraien gutunak eman, eta zer eskatu dieten azaldu.

600 atleta baino gehiago egongo dira Zornotzako Nazioarteko Krosaren 66. edizioan

2019/12/30
• Igandean, urtarrilaren 5ean, izango da proba Jauregibarria parkean eta Estatuko eta atzerriko atletarik onenek parte hartuko dute. • Europan egiten den kros probarik ezagunenetariko bat da eta 10 karrera biltzen ditu kategoria hauetarako: kimuak, haur-kategoria, kadeteak, gazteak, junior eta kategoria absolutua.

Amorebieta-Etxano, 2019ko abenduaren 30a. Amorebieta-Etxanoko Jauregibarriako landetan aurten ere atletismorik onena ikusi ahal izango da.
Datorren igandean, urtarrilaren 5ean, Zornotzako Nazioarteko Krosaren 66. edizioa ospatuko da.

Iaz 800 atletek parte hartu zuten jardunaldi honetan, hamar lasterketa egongo dira kategoria hauetarako: kimuak, haur-kategoria, kadeteak, gazteak, junior eta kategoria absolutua. Gainera, aurten, bosgarren urtez jarraian, 2 kilometroko lasterketa paralinpiko bat egongo da. Lasterketa herrikoi bat ere egongo da. Lasterketa honetan federazioaren lizentziarik ez dutenek ere parte har dezakete eta urtarrilaren 1etik aurrera izena eman ahal izango da ondoko web gunean: www.cdzornotza.eus.

Nazioarteko proba absolutuak eguerdian izango dira: 12:30ean emakumeena (8,7 km) eta 13:15ean gizonezkoena (10,7 km).
Amorebieta-Etxanoko zirkuitutik, Europako onenetariko bat, bere historia guztian zehar txapeldun olinpikoak edo atletismoko espezialitate desberdinetan munduko txapeldun absolutuak izan diren 49 atleta igaro dira guztira.

Proba European Athleticsen, Atletismoko Europako Federazioaren, kros proba ofizialen zirkuituan dago eta baita Real Federación Española de Atletismoren, Euskadiko Atletismo Federazioaren eta Bizkaiko Atletismo Federazioan egutegi ofizialetan.

Zornotza Krosa Kros Antolatzaileen Elkartearen parte da. Honek Espainiako Estatuan egiten diren proba nagusiak biltzen ditu.
Proba ondokoek babesten dute: Kutxabank, Eusko Jaurlaritza, Bizkaiko Foru Aldundia eta Amorebieta-Etxanoko Udala.

2020.ko Krossa aurkezpena

2020.ko Krossa aurkezpena

2020.ko Krossa aurkezpena
Jatorrizko tamainako irudia: 50 KB | Irudia ikusi Ikusi Irudia deskargatu Deskargatu

Idazketa sortzaileko tailerra

2020/01/03
• Tailerraren arduraduna Loli López de Lacalle izango da, “Melocotones en viña" nobela berriaren egilea. • Ikastaroa urtarrilaren 15ean hasiko da, eta asteazkenero izango da apirilaren 1era arte.

Amorebieta-Etxanoko liburutegiak idazketa sortzaileko tailer bat antolatu du aurten. Tailerraren arduraduna Loli López de Lacalle izango da, “Melocotones en viña” nobela berriaren egilea.

Mota honetako tailerrek beti idazteko gogoa izan baina inoiz idatzi ez dutenei ematen dizkieten bitartekoen jakitun, López Lacallek idazteko gune dinamiko eta atsegin bat proposatzen du, errespetua nagusi izango den lekua. Metodoa beharrezkoa da barruan daukaguna atera eta hitz forma emateko, eta ondo egiteko modu bakarra praktikatzea da.

Idazle zornotzar honek 10 urte baino gehiagoko esperientzia dauka idazketa tailerretan, ikasle zein irakasle moduan. Pertsonaiak zehaztea, narrazioan koherentzia izatea, erritmoa,… guzti hauek eta beste batzuk landuko dira Zelaietako liburutegian egingo den tailer honetan.

Egunak eta orduak

Interesatuta daudenek herriko liburutegian izena eman dezakete urtarrilaren 8ra arte (leku mugatuak). Ikastaroa urtarrilaren 15ean hasiko da, eta asteazkenero izango da apirilaren 1era arte. Ikastaroa 19:00etatik 20:45era izango da eta aurreikusten diren egunak hauek izango dira:

  • Urtarrila: 15, 22 eta 29
  • Otsaila: 5, 12, 19 eta 26
  • Martxoa 4, 11, 18 eta 25
  • Apirila: 1

Zornotza Aretoak 2020ko urtarriletik maiatzera bitarteko denboraldirako egitarau berria aurkeztu du

2020/01/20
• "Camiselle" ikuskizuna izango da urtarrilaren 17an Loli Astoreka zornotzarraren parte hartzearekin, denboraldi hasiera gisa. • Haurrentzako ikuskizunek protagonismo berezia izango dute, Gorakada, Pirritx eta Porrotx, Atx teatroa, Marie De Jongh edo La Baldufa taldeekin. • Musika ere protagonista izango da Zornotzako Musika Bandak denboraldi honetan Zornotza Aretoan eskainiko dituen bi kontzertuekin.

Amorebieta-Etxano, 2020ko urtarrilaren 16a. Amorebieta-Etxanoko Zornotza Aretoak 2020ko urtarriletik maiatzera bitarteko denboraldirako programazioa aurkeztu du, arte eszenikoen, dantzaren eta musikaren esparruetan erreferentziazko kultur zentroetako bat izaten jarraitzeko.

Gabonetako ikuskizunen ostean, datorren ostiralean, urtarrilak 17, hasiko da egitarau berria. Egun horretan, Angel Mirouren "Camiselle" ikuskizuna izango da, Loli Astoreka zornotzarraren parte hartzearekin, Juanjo Oterorekin eta Bea Insarekin batera,.

Camiselle

"Camiselle" ren ostean, urtarrilaren 24an, Tanttakaren euskarazko azken lanaz gozatzeko aukera izango dugu, Fernando Bernuesek zuzendutako "utzi mezua seinalearen ondoren" lanari esker. Beste hainbat lan euskaraz ikusteko aukera izango da datozen hilabeteetan; Artedrama, Axut! eta Dejaburen "zaldi Urdina adibidez, arrakasta handiko koprodukzioa, Unai Iturriagak eta Igor Elortzak idatzia, eta aktore ugarien partehartzearekin, Ander Lipus buru dutela.

zaldi urdina

Gainera, haurrentzako ikuskizun ugari eskainiko dira, Pirritx, Porrotx eta Marimototsen "bizi Dantza", Udabarri dantza taldearen parte-hartzearekin, bi saiotan, otsailaren 21ean; Gorakadaren "Pinocchio", otsailaren 22an; ATX Teatroaren "Kasakarot", martxoaren 21ean; Loraldia jaialdirako sortutako ikuskizuna “Sagutxu tuntuna” apirilaren 3an; "Ikilimilikliklik", Marie De Jonghena, apirilaren 25ean, Ana Meabe eta Aiora Sedanoren eskutik; edo "Safari", La Baldufarena, maiatzaren 16an.

Antzerki ikuskizunak ez dira hemen amaitzen eta Khea Ziaterren Alex Gerediagak "Oymyakon Habitación 101" lana aurkeztuko du urtarrilaren 31n, Arriagan estreinatu eta ordu batzuetara, Arrate Etxebarria eta Miren Gaztañagaren parte hartzearekin, antzerkiko kode eszenikoak zinematografikoekin lotzen dituen lan honetan.

Roman eta Julieta

Otsailaren 7an, "Borobil" konpainiak "Roman y Julieta" lana Zornotza Aretora hurbilduko du, Jose Ramon Soroiz eta Ainhoa Aierbe ezagunen parte-hartzearekin. 70 urteko gizon baten menpekotasun egoerara hurbilduko gaituena. Hilabete geroago, martxoaren 7an, Panadaria konpainiak "Elisa y Marcela" lana ekarriko digu, estatuan 1901ean izan zen lehen ezkontza lesbikoa taularatzen diguna. Gizarte gaiak beste lan batzuetan ere jorratuko dituzte, maiatzaren 22an Pez Limboren "El Patio de mi casa", besteak beste; euskal gatazkara hurbilduko gaitu, hainbat ideologia elkarrekin bizi diren patio batean aurkituko gara, eta batak besteari begietara begira zauriak sendatzen saiatuko dira istorio honekin.

Rita Tolosa

Era berean, beste ikuskizun batzuk ere aurkeztuko dira: "Rita", Txalo Produkzioakena eta Aitziber Garmendia eta Joseba Apaolaza protagonista dituena, maiatzaren 8an; "Tendríamos que haber empezado de otra manera", martxoaren 13an antzeztuko den komedia beltza; edo "Qué fue de Ana García?", maiatzaren 29an Pabellon 6rena.

Dantzak eta musikak ere izango dute euren tartea, esate baterako, martxoaren 28an Elirale dantza konpainiaren emanaldiarekin, Zornotza Aretoak koproduzitutako "o!" lana aurkeztuz. Bertan, ikusleek dantzaz gozatu ahal izango dute Zornotza Aretoan jarritako kupula baten azpian. Horrez gain, herriko musika bandak bi kontzertu eskainiko ditu, martxoaren 14an eta maiatzaren 23an, proposamen musikal guztiz ezberdinak gerturatzeko, munduko musiken lehen kontzertu batekin eta Rock & Rollera hurbilduko gaituen bigarren kontzertu batekin.

Elirale

Musika Gertu
Musika Gertu programak beste urtebetez jarraitzen du. Zelaieta Zentroan egiten direnen lehen kontzertua urtarrilaren 16an izango da, Jou Gonzalez eta Feten Feten taldeen eskutik, eta horretarako sarrerak agortuta daude. Hurrengo kontzertua berezia izango da, ikuskizun parte-hartzailea izango baita, eta ikusleek Zornotzako jaietako abestia sortzeko laguntza emango dute, Xabier Zabala eta Andoni Egañaren eskutik, otsailaren 6an. Denboraldi honetako azken kontzertua Ash Grunwalden eskutik etorriko da, musika surfarekiko duen zaletasunarekin uztartzen duen musikari australiarra.

Aretoko bazkideak
2019tik ez dira bazkideentzako doako ikuskizunak adierazten, urteko bi doako ikuskizunak inolako mugarik gabe aukera ditzaketelako. Aurten hasita, bazkideentzat beste aldaketa bat sartzen da: haurrentzako filmen kasuan, igandeetan ere sarrerak doan erabili ahal izango dira. Gainera, beherapenekin eta doako sarrerak Zornotza Aretoaren www.zornotzaaretoa.eus webgune berriaren bidez, inolako komisiorik gabe lor ditzakete. Online erosketak egiterakoan komisiorik ez izatea bazkideak ez diren pertsonei ere aplikatzen zaie, ikuskizun eta zinema guztietarako, urtarrilaren 1etik aurrera. Sarrerak inprimatzea ere ez da beharrezkoa, sakelako telefonoan bertan eraman baitaitezke. Zornotza Aretoko bazkide izateko interesa duten pertsonak Zelaietara hurbildu ahal dira Ametx txartelean aktibazioa egitera edo berri bat eskatzera. Ordaindu beharreko prezioak honako hauek dira: urteko 30 € kuota arrunterako, 15€ 14 eta 29 urte bitarteko pertsonentzat, eta 10€, 65 urtetik gorakoentzat, eta 14 urtetik beherakoentzat.

Dagokion kuota ordainduta, doako bi ikuskizunez gain,% 25eko deskontua lortzen da gainerako zuzenekoetan eta Sareko beste antzokietan, baita zinemako doako 3 sarrera ere, helduen saioan igandeetan izan ezik.

ZORNOTZA ARETOA 2020 EGITARAUA

URTARRILA
2 Osteguna 18:00 KATILLUKADAK, KONTAKATILLU Familiarra/euskaraz
3 Ostirala 18:00 KONTUKANTARI 2 Familiarra/euskaraz
16 Osteguna 20:15 JOU GONZALEZ & FETEN FETEN Musika/Zelaieta
17 Ostirala 20:15 CAMISELLE, LA PACHECA COLLECTIVE Antzerkia
24 Ostirala 20:15 UTZI MEZUA…, TANTTAKA Antzerkia/euskaraz
31 Ostirala 20:15 OYMYAKON HABITACIÓN 101, KHEA ZIATER Antzerkia

OTSAILA
6 Osteguna 20:15 ENKARGUZ! JAIETAKO ABESTIAREN SORRERA Musika/Zelaieta
7 Ostirala 20:15 ROMAN Y JULIETA, BOROBIL Antzerkia
21 Ostirala 17:15 PIRRITX, PORROTX ETA MARIMOTOTS Familiarra/euskaraz
19:15
22 Larunbata 18:00 PINOCCHIO, GORAKADA Familiarra/euskaraz
29 Larunbata 20:15 ZALDI URDINA, ARTEDRAMA Antzerkia/euskaraz

MARTXOA
5 Osteguna 20:15 ASH GRUNWALD Musika Gertu/Zelaieta
7 Larunbata 20:15 ELISA Y MARCELA, A PANADARIA Antzerkia
13 Ostirala 20:15 TENIAMOS QUE HABER EMPEZADO… Antzerkia
14 Larunbata 20:00 ZORNOTZAKO MUSIKA BANDA Musika
21 Larunbata 18:00 KASKAROT, ATX Familiarra/euskaraz
28 Larunbata 16:00 ELIRALE Familiarra/dantza
17:30
19:00
20:30
APIRILA
3 Ostirala 18:00 SAGUTXU TUNTUNA Familiarra/euskaraz
25 Larunbata 18:00 IKIMILIKILIKLIK, MARIE DE JONGH Familiarra

MAIATZA
8 Ostirala 20:15 RITA, TXALO Antzerkia
16 Larunbata 18:00 SAFARI, LA BALDUFA Familiarra/euskaraz
17 Igandea 17:00 ZUGAN NI JAIALDIA Antzerki jaialdia
22 Ostirala 20:15 EL PATIO DE MI CASA, PEZ LIMBO Antzerkia
23 Larunbata 20:00 ZORNOTZAKO MUSIKA BANDA Musika
29 Ostirala 20:15 QUE FUE DE ANA GARCIA, PABELLON 6 Antzerkia

EKAINA
6 Larunbata 18:00 HAUR ANTZERKI TOPAKETAK
12 Ostirala 20:15 ANTZERKI TAILERREKO KURTSI BUKAERAKO LANA

Camiselle

Camiselle
Jatorrizko tamainako irudia: 104 KB | Irudia ikusi Ikusi Irudia deskargatu Deskargatu

zaldi urdina

zaldi urdina
Jatorrizko tamainako irudia: 78 KB | Irudia ikusi Ikusi Irudia deskargatu Deskargatu

Roman eta Julieta

Roman eta Julieta
Jatorrizko tamainako irudia: 128 KB | Irudia ikusi Ikusi Irudia deskargatu Deskargatu

Rita Tolosa

Rita Tolosa
Jatorrizko tamainako irudia: 371 KB | Irudia ikusi Ikusi Irudia deskargatu Deskargatu

Elirale

Elirale
Jatorrizko tamainako irudia: 162 KB | Irudia ikusi Ikusi Irudia deskargatu Deskargatu

KONTU-LEKU programa Liburutegian

2020/01/21
literaturarekiko zaletasuna sustatzeaz gain, umeen eta gurasoen arteko harremanak sendotzekoa. 9 saio. Asteazkenetan. Bi talde: 2016/2015. 17.30-18.30 2014/2013/2012. 18.30-19.30 Izena emateko epea: urtarrilaren 21tik 25ra. Plaza mugatuak. Zozketa: urtarrilaren 27an Hasiera: urtarrilaren 29an.

Urtarrila/enero: 29

Otsaila/febrero: 5,12,19

Martxoa/marzo: 4,11,18,25

Apirila/abril: 1

Amorebieta-Etxanoko Emakume Nekazari eta Artisauen Azokan izena emateko epea zabalik

2020/01/24
• Euskal Herri osoko emakumeek beraien produktuak ikusgai izango dituzte martxoaren 7an, Amorebieta-Etxanoko Udalak Emakumeen Nazioarteko Eguna dela-eta antolatzen duen topaketaren XXIII. Edizioan. • Izena emateko epea zabalik egongo da otsailaren 24ra arte.

Amorebieta-Etxano, 2020ko urtarrilaren 24a. Amorebieta-Etxanoko Udalak martxoaren 7an herrian egingo den Emakume Nekazari eta Artisauen XXIII. Azokan parte hartzeko izena emateko epea gaur zabaldu du.

Udaleko Berdintasun Sailak martxoaren 8aren inguruan antolatutako ekintzen barruan dago topaketa hau, eta Euskal Herriko hainbat lekutako ekoizleak bilduko ditu. Emakume hauek beraien artisau produktuak erakutsiko dizkigute: ogia, gozoak, marmeladak, fruta-gozoak barazkiak, zeramika, arropak edo osagarriak, beste batzuen artean.

Izena emateko epea otsailaren 24ra arte zabalik egongo da eta oinarrizko betekizuna da azokan ikusgai egongo diren artikuluak Euskal Herrian egoitza duen enpresetako emakumeek egin eta erakutsi beharko dituztela.

Izena emateko beharrezko informazioa eta agiriak Amorebieta-Etxanoko Udaleko web orrian daude. Eskariak Gizarte Ekintza Sailean (Nafarroa Zentroa) aurkez daitezke edo e-posta bidez bidali: .

Izen-emateko orria

Arauak

 

Emakume nekazari artisauen azoka arauak 2020

PDF document icon ArauakEusk.pdf — PDF dokumentua, 608 KB (622968 bytes)

Udal euskaltegiko lan-poltsarako eskariak aurkezteko epearen luzatzea

2020/01/28
Zornotza Udal Euskaltegiko irakasleen ordezkapenak egiteko lan-poltsa sortzea xede duen deialdiaren epea luzatu egin da. Ondorioz, izangaiek urtarrilaren 27tik 31ra ere aurkeztu ahal izango dituzte eskariak.

Otsailaren 24an irekiko da Larrea kiroldegiko 2020ko bigarren hiruhilabeteko ikastaroetan izena emateko epea

2020/02/10
Aurretiko izen-ematea etxetik gauza dezakete erabiltzaileek, Internet bidez.
Otsailaren 24tik martxoaren 8ra bitartekoa izango da inskripzio epea, eta martxoaren 11n zozketatuko dira ikastarootan dauden lekuak, goizeko 9:00etan. Zozketa egin eta gero, 13an argitaratuko dira Larrea kiroldegiko oholean lekua duten pertsonen zerrendak, eta martxoaren 22ra arte konfirmatu ahalko dute interesdunek matrikula. Ikastaroan lekua izan eta, epe horretan interesa berresten ez dutenen eskariak bertan behera utzitzat hartuko dira.

Interesa duten pertsonei aurretiko-izen-ematea on-line betetzea gomendatzen da, izapidea arinago eta erosoago egite aldera. Bestela, Larrea kiroldegiko sarreran emango dute izena, astelehenetik ostiralera bitartean, goizeko 8:30etik iluntzeko 20:30era bitartean.

Matrxoaren 25ean argitaratuko dira Larrea kiroldegiko iragarki oholean leku hutsak okupatzeko eskubidea duten eskatzaileen izenak eta interesdunek bertan kontsultatuko dute lekua duten ala ez.

Lekua esleitzen zaienek, ikastaroa egin nahi izanez gero, martxoaren 25ean bertan eta 26an egin ahalko dute matrikula. Behin epe hori igarota, eskubide guztiak galduko dituzte, eta leku hutsik geratuz gero, martxoaren 30etik aurrera Larrea kiroldegiaren sarrerara etorri eta matrikula gauzatzen dutenei esleituko zaizkie, agerpen ordenari zorrozki jarraituaz.

Oraingo edizio honetan ere ikastaro guztiak, spinning eta igeriketa barne, hiru hilabetekoak izango dira, eta ikastaro osoa ordainduko da.

Ikastaroetan dauden lekuak ahalik eta era bidezkoenean banatze aldera, zozketa bidez ikastaroetako batean lekua lortzen duten pertsonek, beste ikastaroetan lekuak libre badaude baino ezingo matrikulatu. Hori horrela, gomendatzen da gehien jota hiru ikastaro edo ordutegi ezberdin eskatzea.

Ikastaroetako lekuen zozketaren ordena aleatorioa izango da, eta zozketa bidez ebatziko.

UMEEN IGERIKETA IKASTAROAK

Igeriketa ikastaroan lekua lortu ez eta itxaron-zerrendan geratzen diren umeek bermatuta izango dute lekua ezaugarri berberak dituen hurrengo ikastaroan, beti ere zerrendaren ordenari jarraiki, ikastaroaren lekuak bete arte.

Gogorarazten da, halaber, Udaleko Kirol zerbitzuek ezarrita dutela eskaintza osatzen duten ikastaroak antolatuko badira, ezinbestekoa dela matrikula egiten dutenen pertsona kopurua guztirako lekuen gehi bat izatea gutxienez.

HEMEN aurki daiteke ikastaroen eskaintza, zehazturik.

Igeriketa

Igeriketa
Jatorrizko tamainako irudia: 428 KB | Irudia ikusi Ikusi Irudia deskargatu Deskargatu

BFA Udalekuak 2020 kanpainarako berritasunak

2020/02/18
Eskariak online egin beharko dira eta identifikazio elektronikoarekin.

Aurten, Bizkaiko Foru Aldundiako “Udalekuak 2020” kanpainako eskabideak ezin izango dira paperean aurkeztu. Eskabideak, nahitaez, online aurkeztu behar dira egoitza elektronikoaren bidez.
Egoitzara sartu ahal izateko, beharrezkoa da identifikazio elektronikoko bitartekoren bat izatea: Bak, BakQ, NAN elektronikoa edo beste ziurtagiri digital bat. Bitarteko elektronikoei buruzko eta hauek lortzeko moduari buruzko informazioa lortzeko, sartu onartutako identifikaziorako bitartekoei buruzko web-orrian: https://www.ebizkaia.eus/eu/sinadura-sistemak

Eskabideak sartzeko epea martxoaren erdialdean irekiko da. Beraz, ez badaukazu identifikatzeko bitartekorik, garrantzitsua da lehenbailehen eskatzea.
Identifikazio bitarteko elektronikoak eskuratzeko, Zelaieta Zentroko bigarren solairuan dagoen KZ Gunean argibideak eman ahal dizkizute, hauek lortzeko laguntza eskeiniz aurretiaz hitzordua eskatuz, 944033303 telefonoan edo tutor.amorebieta-etxano@kzgunea.net helbidean.

Informazio gehiagorako: https://web.bizkaia.eus/eu/udalekuak

Amorebieta-Etxanoko Udalak hartutako neurriak, koronabirusaren hedapenaren aurrean

2020/03/13
Amorebieta-Etxanoko Udalak jendearentzat irekitako udal-instalazio guztien erabilera aldi baterako eteteko erabakia hartu du, hala nola udal-liburutegia, kirol-instalazioak, adinekoen zentro sozio-kulturalak, Zelaieta Zentroa, etab., baita taldeko jarduerak ere, hala nola prestakuntza-ikastaroak, kirol-ikastaroak, kultura-jarduerak, gizarte-jarduerak eta abar.

Amorebieta-Etxanoko Udalak jendearentzat irekitako udal-instalazio guztien erabilera aldi baterako eteteko  erabakia hartu du, hala nola udal-liburutegia, kirol-instalazioak, adinekoen zentro sozio-kulturalak, Zelaieta Zentroa, etab., baita taldeko jarduerak ere, hala nola prestakuntza-ikastaroak, kirol-ikastaroak, kultura-jarduerak, gizarte-jarduerak eta abar.

Gainera, ahal den neurrian, pertsonen kontzentrazioa saihesteko neurriak hartuko dira eta espazio publikoak ahalik eta gutxien erabiltzea gomendatzen da, plaza, parke, jolas gune eta antzerakoak erabiltzea ekidinez.

Horregatik, herritarrei udaletxera behar-beharrezkoa bada bakarrik bertaratzeko eskatzen zaie.

Eskaerei erantzuteko, herritarren arreta indartu egingo da telefono bidez (010 udalerritik eta 946.300.002 beste udalerri batetik), baliabide telematikoak edo whatsappa (688.866.600) erabiliz.

Udaletxera joanez gero, beharrezkoa izango da beharrezko arreta-neurriak hartzea, hala nola, pertsonen artean metro bateko distantzia egotea, eta eskuak behar bezala garbitzea, horretarako bitartekoak jarri baitira.

Salbuespenezko neurri hauen helburua da koronabirusaren hedapena geldiaraztea. Euste-lan horrek lankidetza lasaia eta arduratsua eskatzen du, herritar guztien ulermenaz gain, birusa eskala handian hedatzen laguntzen duen edozein jarduera saihestuz.

Amorebieta-Etxano, 2020ko martxoaren 13a.

ALKATEAK

Izp.: Andoni Agirrebeitia Abendibar

Larrea kiroldegiko ikastaroak: Informazio garrantzitsua

2020/03/16
Kirol instalazioak zabaltzen direnean, 2020ko bigarren hiruhilabeteko kirol ikastaroen eskaintza erregularizatuko da, onartutakoen zerrenden zabalkuntza eginez, matrikula egiteko epeak markatuz eta ikastaroen iraupena eta gainerako baldintzak inguruabarren arabera egokituz. Bitartean, denok bat eginik, #etxeangeratu.

Zornotzarren sortze lanak bilduko ditu Amorebieta-Etxanoko liburutegiak erakusketa bat antolatzeko

2020/03/17
Egoera berezi honek eragiten dizkigun sentimenduak adieraziz sortzen diren lanak bildu eta normaltasuna iristen denean Zelaieta zentroan erakustea da proiektuaren xedea.

Koronabirusari buruzko erakusketa antolatzeko asmoa dauka Amorebieta-Etxanoko liburutegiak eta, horretarako, zornotzar guztiak gonbidatzen ditu euren sortze-lanekin parte hartzera. Herritarren “arte-etorria” erakusteko parada bikaina da, aurre egin beharreko egoera berezi hau zelan bizi duten kontaturik.

Gazteenek isolamenduan nola diharduten adierazten duten marrazkiak bidaliaz har dezakete parte: zelan jolasten diren, zer ari diren irakurtzen, eguna nola ematen duten… Adinetan gora joan ahala, berriz, mikroipuinak (kontakizun laburrak) idatzi eta helaraz ditzakete, emozioak,  larritasuna, solidaritatea, asperdura… egun korapilatsuotan pilatzen ari zaizkigun sentimenduak azken batean, paperan islaturik.

Hartzen diren lanen hautaketa egingo du liburutegiak eta Zelaieta zentroan jarriko ditu erakusketa batean, normaltasuna itzultzen denean bizipenetako batzuk ikus ditzaten zentrora bertaratzen diren guztiek. Proiektu honen helburua, etxean geratu diren pertsonei sentimenduak adierazteko bidea eman eta isolamendua eramangarriago bihurtzeaz gain, bizitzen ari garena bezalako muturreko egoera batean hiritarrek aurre egiteko era ezberdinak erakustea ere bada.

Liburutegiaren helbide elektronikora bidal daitezke lan guztiak: . Aldez aurretik eman nahi dizkizuegu, parte hartzen duzuen guztioi, eskerrak, eta honelako proiektuak sustatzeko mota guztietako ekarpenak egitera animatu nahi zaituztegu.

Zornotza Aretoak antzerkia eta ikuskizunak bideoan eskainiko ditu

2020/03/26
• Ekimena bihar hasiko da Los últimos visitantes antzezlanarekin: www.zornotzaaretoa.eus web orrian ikusi ahal izango da 20:15ean. • Amorebieta-Etxanoko Markeliñe antzerki konpainiak ere lagunduko du, bere lan batzuk lagatuz. • Bideoak datozen asteetan kanalean egongo dira, nahi duenak edozein unetan ikus ditzan.

Amorebieta-Etxano, 2020ko martxoaren 26a. Amorebieta-Etxanoko Kultura Sailak Zornotza Aretoan ekoiztu diren antzezlan eta ikuskizun batzuren bideoak eskainiko ditu datozen asteetan.

Ekimena bihar hasiko da, ostirala martxoak 27, Los últimos visitantes antzezlanarekin. Antzezlana 20:15ean ikusi ahal izango da Zornotza Aretoko web orrian: www.zornotzaaretoa.eus

Los últimos visitantes antitertulia bat da, dibertimendura zuzendua. Kulturako hainbat arlo eta lekutako sei artista bilduko dira zabaltza batean jan eta edateko. Arrate Etxebarria izango da gidaria. Antzezlana 2018an sortu zen Zornotza Aretoaren 25. urteurrena zela-eta. Sei protagonistek arrasto berezia utzi dute Aretoaren eta Amorebieta-Etxanoren historian.

Halaber, Markeliñe antzerki konpainia zornotzarrak ere ekimen honekin bat egin du, eta emakizun batzuk lagatu dituzte Amorebieta-Etxanoko herritarrek beraien etxeetatik ikus ditzaten.

Igotzen diren bideo guztiak orrialdean egongo dira herriak normaltasuna berreskuratu arte, nahi duten guztiek edozein momentutan ikus ditzaten.

Heziketa fisikoaren eguna

2020/04/28
Bizkaiak eskola-umeak animatzen ditu etxean kirola egitera, Heziketa Fisikoaren Egunean.

Lurraldeko berrogeita hamar kirolarik baino gehiagok konfinamenduan zehar umeek etxean jarduera fisikoa egin dezaten sustatuko dute, sare sozialen bidez.

Konfinamendu garaian lurraldeko umeen artean kirola sustatzeko, Bizkaiko Foru Aldundiak, Hezkuntza Fisikoaren Egunean, ekimen bat jarriko du abian, zeinaren bidez lehen mailako berrogeita hamar kirolarik baino gehiagok kirolaren balioak helaraziko baitituzte Foru Erakundearen sare sozialetan jarritako bideoen bidez.

«Egin kirola, have fun!» lelopean, Aldundiak lurraldeko neska-mutilak etxean kirola egitera sustatu nahi ditu, konfinamendu garaian ere.

Halaber, Bizkaiko kirolaren modalitate eta diziplina guztietako erreferen diren pertsonek mezu positibo bat helaraziko diete biztanle guztiei, oro har, eta umeei, bereziki, etxe barruan jarduera fisikoa egin dezaten bultzatzeko.

Hainbat kirol-modalitatetako erreferenteek hartu dute parte ekimenean, besteak beste, alpinismo, atletismo, saskibaloi, boxeo, txirrindularitza, hockey, pilota, arraun eta sokatirakoek.

Aurkitu bideoak HEMEN.


Jatorrizko tamainako irudia: 370 KB | Irudia ikusi Ikusi Irudia deskargatu Deskargatu

erakusketak

erakusketak
Jatorrizko tamainako irudia: 309 KB | Irudia ikusi Ikusi Irudia deskargatu Deskargatu

liburutegia

liburutegia
Jatorrizko tamainako irudia: 205 KB | Irudia ikusi Ikusi Irudia deskargatu Deskargatu

gazte ume

gazte ume
Jatorrizko tamainako irudia: 326 KB | Irudia ikusi Ikusi Irudia deskargatu Deskargatu

Covid19a dela eta berriak kultura eta kirol ekintza eta zerbitzuetan

2020/05/07
Hemen biltzen dira Amorebieta-Etxanoko Kultura eta Kirol sailatik egoera dela eta antolatzen ari garen ekimen guztiak: Ume eta gazteentzako ekintzak, antzerki eta musika ekitaldiak online, erakusketa birtualak, liburutegiko ekintzak eta abar.

Albisteak

KZguneko zuzeneko hitzaldiak uztailean

Bueltan da Haizetara, oraingoan online

Amorebieta-Etxanoko Udalak jai guztiak bertan behera uztea erabaki du

Udalaren kirol instalazioak eta zerbitzuak berriro zabaltzea eta abonuak

Amorebieta-Etxanoko balkoietan Zintzilik berriro

Umeentzako yoga eta mindfulness Amorebieta-Etxanoko ludotekaren online programazio berrian

Goraka ari den grafikoari buruzko “Open Itinera FIG Bilbao” erakusketa birtuala ikusgai Zelaieta Zentroan

Ordutegiaren luzapena eta aldaketak Amorebieta-Etxanoko liburutegiaren zerbitzuetan

Antzerkia eta online ikuskizunak uda guztian Zornotza Aretoan

Amorebieta-Etxanoko Zelaieta Zentroak online eskaintza handitu du ekainean

Amorebieta-Etxanoko Udalak 2020ko udalekuak bertan behera uztea erabaki du

Zubiaur musika eskolaren jarduera eta kobrantzak alarma egoeran

Zelaietako ikastaroen matrikulen itzulketa eta bideoak sareetan

KZguneak zuzeneko formakuntza eskainiko du bideo deien bidez, talde txikietan

Kultura eta kirol elkarteek antolatutako ekintza, jarduera eta jaien inguruko informazioa

Zornotza Aretoko sarreren zenbatekoa itzultzea

Amorebieta-Etxanoko liburutegiaren mailegu eta itzulketa zerbitzua

Kirol zerbitzuetako urteko abonoak itzultzea

Kontaktuak

Kirola
Telefono zenbakia: 94 630 06 50
E-posta: kirolak@amorebieta.eus
Kultura eta Zornotza Aretoa
Telefono zenbakia: 94 630 06 50
E-posta: kultura@amorebieta.eus
Liburutegia
Telefono zenbakia: 94 630 06 26
E-posta: liburutegia@amorebieta.eus   
Umeak eta gazteak
Telefono zenbakia: 94 630 06 50
E-posta: gazteria@amorebieta.eus
Zubiaur musika eskola
Telefono zenbakia: 94 630 15 10
E-posta: zubiaur@amorebieta.eus

  

Zornotza Aretoa online

Mediateka: Kontzertuak, antzerkia, dokumentalak...
Musika tailerrakZornotzako Musika Bandak eskainitako tailerrak 
 

Kultura koarentenan Amorebieta-Etxanon

Herriko musikariak, aktoreak, margolariak... euren etxetik minutu batzuk eskaintzen dizkigute koarentena garaian: aholkuak, istorioak, abestiak...

Erakusketa gela birtuala

Zelaietako ikastaroak online

Bideoak eta tutorialak: edozein momentuan ikusteko, ikastaroaren erreprodukzio zerrenda aukeratuz: Errezetak, tutorialak, klaseak...
Irakasleekin kontaktuan jartzeko bideak: 
Afrikar dantzak eta zur langintza: https://forms.gle/VDobGNaPC3DvQDqu7
Saloi dantzak, yoga eta mindfulness https://forms.gle/tyYxSd3vPmbufUaC9
Izen ematea duten ikastaroak online: Izen emateak, informazioa eta egutegiak.

Liburutegia online

Liburuak zein filmeak deskargatzeko plataforma: eLiburutegia zerbitzua

KZgunea online

KZgunearen zuzeneko hitzaldien zerbitzua

Maiatzean zehar  zuzeneko hitzaldiak antolatuko dira, goizez zein arratsaldez.

Zuzeneko hitzaldietan parte hartzeko, interesa duten pertsonek Interneterako konexioa baino ez dute behar, YouTubeko ekitaldirako sarrera librea izango baita (ez da beharrezkoa aldez aurretik izena ematea).

Hitzaldien egitaraua

 

Umeentzako ekintzak online:

Ludoteka eta haur liburutegia etxean
Ipuinak: Astero ipuin berri bat, irakurtzeko, ikusteko, entzuteko…
Jolasak: Etxetik zehar jolasteko, egongelan, sukaldean, logelan…
Denborapasak: Ikasten duzun bitartean dibertitzeko!
Eskulanak: Zure irudimena lantzeko, dibertitzeko eta… lehiaketetan parte hartzeko ere!
Antzerkiak : Zornotza Aretoko webgunean umeentzako antzerkiak ere ikusgai daude

Gazteentzako ekintzak online:

Gaztetxokoa etxean Gazteentzako ekintza desberdinak etxetik egiteko
Ikusi ekintza guztiak

GaueroetxeanGauero zure etxean zelan bizitzen ari zarete? Bidali zure bideoak gazteinfo@amorebieta.eus helbidera eta astero bideo barri bat jarriko dugu, jasotzen ditugunak bilduz.
Ikusi bideo guztiak

 

Albisteak

Zornotza Aretoko sarreren zenbatekoa itzultzea

martxoak 27

Zornotza Aretoa itxita dagoenez hainbat ikuskizun bertan behera geratu dira. Bertan behera geratu diren ikuskizunetarako sarreren zenbatekoa itzultzeko honela jokatuko dugu:

Sarrerak online erosi badira, zenbatekoa automatikoki itzuliko da. Itzulketa ugari izango direnez, Zornotza Aretoak pazientzia izateko eskatzen du, aste honetan zehar txartelera itzuliko da aste honetan zehar. Sarrerak antzokiko leihatilan erosi badira, itzulketa antzokiko leihatilan bertan egingo da sarrerak aurkeztuta, ohiko ordutegian, berriro zabaltzen denean.

INFORMAZIO GEHIAGO Informazio gehiago jaso nahi duten pertsonak edo azalpenen bat behar dutenak Zornotza Aretoarekin harremanetan jar daitezke hurrengo bide hauek erabiliz:

– Telefonoa: 94 630 06 50 (astelehenetik ostiralera 9:00-14:00)

– Posta elektronikoa: kultura@ametx.eus

Kirol zerbitzuetako urteko abonoak itzultzea

 Egoerak kirol instalazioak zabaltzea eta zerbitzuak eskaintzea ahalbidetzen duenean, zabaltze horren baldintzen eta 2020ko kirol-abonoetan egingo diren moldaketen eta deskontu/itzulketen berri jakinaraziko zaie bazkideei.

Informazio gehiago jaso nahi duten pertsonak edo azalpenen bat behar dutenak Kirol Zerbitzuekin harremanetan jar daitezke hurrengo bide hau erabiliz:

– Posta elektronikoa: kirolak@amorebieta.eus

Amorebieta-Etxanoko liburutegiaren mailegu eta itzulketa zerbitzua

Amorebieta-Etxanoko Udal Liburutegiaren mailegu zerbitzua abian da maiatzaren 12tik aurrera.

Maileguak: Liburuak eta gainerako materiala (DVDak, Cdak, aldizkariak…) telefonoz, emailez edota OPACaren bidez eskatuko dira aldez aurretik.

 Liburutegian erabilgarri dauden liburuak ikusteko, eta eskaerak egiteko OPACa erabiltzea aholkatzen da. Jarraian atxiki diren eskuliburuak eta bideoak lagungarriak dira:

 Microsoft Edge 2020-05-04 17-27-24.mp4 

Microsoft Edge 2020-05-04 17-34-11.mp4

https://www.euskadi.eus/eusko-jaurlaritza/contenidos/informacion/bk_opac/eu_opac/manual_del_opac.html 

https://www.euskadi.eus/gobierno-vasco/contenidos/informacion/bk_opac/es_opac/manual_del_opac.html 

 Itzulketak: Itzultzen diren liburuek 15 eguneko berrogeialdia egingo dute.

 Eraikinaren sarreran entregatu eta jasoko dira liburuak.

Ordutegia: 10:00 – 12:00.

 

Kultura eta kirol elkarteek antolatutako ekintza, jarduera eta jaien inguruko informazioa

COVID 19aren agerpenak eragindako alarma egoerak, berorren deseskalatzeak eta normaltasun "berriak" baldintzatu egin dituzte, baldintzatzen ari dira eta baldintzatu egingo dituzte zuen asmoak, programak eta burutu ahalko dituzuen jarduerak.

Jendaurrean, dela aire zabalean, dela esparru itxietan, edozein ekintza edo jarduera programatu aurretik, asmoa egoeraren eboluzioaren arabera unean-unean ezarriz doazen arauen araberakoa dela eta jarduera burutzean segurtasunerako neurriak betetzen direla bermatze aldera, ezinbestekoa izango da Udalaren berariazko baimena edukitzea.

Horretarako, idatzizko proposamena aurkeztuko da Amorebieta-Etxanoko Udalaren kultura eta kirol sailean, programaren zehaztasunak eta segurtasuna bermatzeko hartuko diren neurriak zehatz ezarrita. Eskariak tramitatzeko, www.amorebieta-etxano.eus webgunean (Izapideen liburuan) aurkituko duzun E076 inprimakia (mezuari atxikita doakizu) bete eta zelaieta@amorebieta.eus helbide elektronikora bidal dezakezue.

Honekin lotuta, eta aintzat hartuta egoera honek elkarteen, kluben eta batzordeen jardueran izango duen eragina, Amorebieta-Etxanoko Udalari diru-laguntza eskatzean ere, hori kontuan har dezazuen eta gastuen justifikazioari begira egin beharreko moldaketak gauza ditzazuen gomendatzen dizuegu.

Iritsiko dira egun hobeak eta orduan ere, orain bezala, Amorebieta-Etxanok eta bertako bizilagunok, elkarrekin lan eginez, geure kemena eta balioa erakusteko aukera izango dugu.

 

KZguneak zuzeneko formakuntza eskainiko du bideodeien bidez, talde txikietan

Prestakuntza mota hau, honako inprimaki hau bete ondoren eskatuko da.

Horrela, interesdunek beren informazio pertsonala eta harremanetarako informazioa, ordutegia eta lehentasunezko hizkuntza, eta izena eman nahi duten eskuragarri dauden ikastaroen berri eman beharko dute.

KZgunean talde murriztuak osatzeaz arduratuko dira - 4 - 6 pertsona -, eta ikastaroaren hasieraren berri emango dute posta elektronikoz.

Zerbitzu honi buruzko beste edozein kontsulta egiteko, interesdunek 945 016 100 telefonora deitu edo kzc@kzgunea.net helbide elektronikora idatz dezakete.

Zelaietako ikastaroen matrikulen itzulketa eta bideoak sareetan

Bizi dugun egoera honek Zelaieta itxita mantentzera derrigortzen gaituenez, otsailetik ekainera bitarteko ikastaroak ezin dira aurrez aurre eskaini eta horregatik otsailean kobratu ziren matrikulak itzuli egingo dira.

Egoerak Zelaieta zabaltzea eta zerbitzuak eskaintzea ahalbidetzen duenean, itzulketak zelan egin jakinaraziko zaie ikastaroen matrikula ordaindu zutenei.

Informazio gehiago jaso nahi duten pertsonak edo azalpenen bat behar dutenak Zelaietarekin harremanetan jar daitezke hurrengo bide hau erabiliz: – Posta elektronikoa: zelaieta@amorebieta.eus.

Bestalde, ikastaroei jarraipena emateko xedez, hainbat bideo ari gara eskaintzen: ikastaroen ezaugarriak eta edukiak aurkezten dituztenak, tutorialak, online klaseak… 

Zubiaur musika eskolaren jarduera eta kobrantzak alarma egoeran

Bizi dugun egoera zail honek murriztu egiten ditu ikaskuntza sistema antolatzeko, neurriak hartzeko eta abarretarako aukerak. Ziurgabetasuna da, une hauetan, lana arrakasta-bermeaz betetzeko, bidera azaldu zaigun zailtasun nagusia.
Hori dela eta, orain arte ezinezkoa suertatu da kuoten kobrantzari, matrikulazioari eta gainerako alderdi interesgerriei buruzko informazioa zabaltzea.
Ikasturte hau amaitzeko geratzen diren hiru kuotak (apirila, maiatza, ekaina) kobratzeko hartu diren neurriak honako hauek dira:
1. Kobratzeko falta diren hiru hiletan, % 20ko deskontua aplikatuko zaio ohiko kuotari.
2. Kuotak kobratzea nahi ez duenak (zerbitzua jaso ez duelako), idatziz (posta elektronikoz: zubiaur@amorebieta.eus) eskatu beharko du baja, maiatzaren 29a baino lehen.
• Zerbitzuaren zati bat jaso bada, dagozkion hilabeteak kobratuko dira, erabaki den deskontua eginda.
3. Ikasturtearen amaiera arte jarraitzen duten ikasleek lehentasuna izango dute datorren ikasturteko plazaren erreserban.
4. Tasen kobrantza (kuotak). Alarma egoera dela eta, legez geldituta dago, ekainaren 1era bitartean behintzat, tasak kobratzea. Egoerak baimentzen duenean, abian jarriko dira kobratzeko izapideak, eta hilero pasako dira ikasturtea amaitu arteko erreziboak, atzeratuta bana ohiko aldizkakotasunaz.

2020-2021 ikasturteko matrikula.
Egungo krisiaren ondorioz eragozpenik ez badago, ekainean zabalduko da matrikulazio epea (bai egungo ikasleena eta bai ikasle berriena ere). Ahal bezain laster jakinaraziko dira epeei, zenbatekoei, ordaintzeko moduei eta abarri buruzko xehetasunak.

Amorebieta-Etxanoko Udalak 2020ko udalekuak bertan behera uztea erabaki du

• Udalekuetan 500 neska-mutiko baino gehiago biltzen dira urtero, eta horregatik ezinezkoa da udalekuak osasun berme guztiekin egitea. • Udalak aukera guztiak aztertu ditu eta erabakia hartzeko zain egon da, badakielako uda sasoian zein garrantzitsuak diren udalekuak lana eta familia bateragarri egiteko.

Amorebieta-Etxanoko Udalak bertan behera utzi ditu 2020ko udalekuak. Kultura eta Kiroletako Batzordeak aho batez hartu du erabakia, uste baitu parte-hartzaileen zein begiraleen osasun bermeak betetzeko aukerarik ez dagoela.

Udalekuetan urtero 500 ume baino gehiago biltzen dira. Ume asko, beraz, eta dakigunez, jendetza saihestu beharreko zerbait da, normaltasuna berreskuratzen ari garen honetan.  Gainera, osasun krisialdiaren ondorioz indarrean dauden murrizketengatik,  ezinezkoa da aisialdirako jarduerak planifikatzea eta baldintza guztiak betetzen dituzten guneak egokitzea.

Udalekuak oso garrantzitsuak dira udan lana eta familia uztartzeko. Horren jakitun, Amorebieta-Etxanoko Udala erabakia hartzeko zain egon da, gauzak nola doazen ikusi arte.

Azkenean, aukera guztiak aztertu ondoren, Udalak udalekuak bertan behera uztea erabaki du, osasun agintarien gomendioei jarraituz, eta betiere kutsadura berriak ekiditeko.

Amorebieta-Etxanoko Zelaieta Zentroak online eskaintza handitu du ekainean

 Amorebieta-Etxanoko Udaleko Kultura Sailak aisialdirako online eskaintza handituko du ekainean, eta zuzeneko klaseak eta tutorial berriak egongo dira, normalean Zelaieta Zentroan aurrez aurre egin ohi diren diziplinenak, hain zuzen ere.  

Horrela, yoga eta mindfulness klaseak online emango dira, eta astero www.ametx.eus webgunean hainbat arlotako eduki berriak jarriko dira: sukaldaritza, saloi dantzak, bitxigintza, zura lantzea eta dantza afrikarrak, beste batzuren artean.


Zuzeneko klaseak doakoak izango dira eta ZOOM plataforma erabiliko da. Gehienez 40 plaza egongo dira. Horregatik, aldez aurretik izena eman beharko da saioren batean parte hartu nahi bada:


Mindfulness
Klaseak euskaraz eta gaztelaniaz emango dira, goizez eta arratsaldez:
Euskaraz: ekainaren 8an eta 15ean, astelehena, 18:00etatik 19:00etara.
Gaztelaniaz: ekainaren 10 (asteazkena), 22 (astelehena) eta 29an (astelehena), 18:00etatik 19:00etara.
Parte hartu nahi dutenek, ekainaren 6ra izango dute epea zabalik. Horretarako, ondoko formularioa bete beharko da:  https://forms.gle/aRWBggt67T39JH9UA


Yoga
Ekaineko astelehen eta asteazken guztietan klaseak emango dira, goizez eta arratsaldez, horrela:
Astelehenetan: 9:15etik 10:15era.
Asteazkenetan: 18:30etik 19:30era.
Parte hartu nahi dutenek, ekainaren 6ra izango dute epea zabalik. Horretarako, ondoko formularioa bete beharko da: https://forms.gle/aGvVSJBGy4BmJV3K6


Online tutorialei dagokienean, hauek ere doakoak izango dira, eta Zelaieta Zentroak ondoko eskaintza  argitaratuko du gaurtik aurrera astero:
Sukaldaritza: errezeten hamar bideo, bost nazioarteko sukaldaritzakoak eta beste bost pastelgintza eta gozogintzakoak.
Egurra lantzea: zazpi bideo guztira, lehenengoa diziplina aurkezteko eta gero sei tutorial ondokoak azaltzeko: taillatu txolarre piku erara, pintura gainean taillatu, labanarekin taillatu, taillen akabera, tinte motak eta argizari motak.
Dantza afrikarrak: bost bideo guztira, lehenengoa aurkezpen bat, eta gero lau klase, Makru dantza, Kassa dantza, Yankadi dantza eta Tribu dantzen koreografiekin.
Saloi dantzak: hamaika bideo eskainiko dira ondokoak ikasteko: boleroa, tangoa, cumbia, bachata, fun countrya, sanba, west coast swinga, kizomba eta pop-a.
Bitxigintza: hasiberrientzat zein arituentzat hamar bideo guztira, diziplina azalduz eta erabiltzen diren tresna eta materialak zeintzuk diren adieraziz, eta hainbat pieza eginez.
Yoga eta mindfulness: Zuzeneko klaseez gain, bien tutorialak egongo dira, guztira yogako 8 bideo eta mindfulnesseko 6.

Antzerkia eta online ikuskizunak uda guztian Zornotza Aretoan

Amorebieta-Etxanoko Udaleko Kultura Sailak, Zornotza Aretoaren bidez, online programazioa areagotuko du ekainean, herriko konpainien hainbat ikuskizunekin, eta baita martxoa eta maiatza bitartean ikuskizuna eskaintzeko asmoa zuten hainbat konpainiarekin.


Programazio berria bihar hasiko da, 20:15ean, Txalo konpainiarekin eta Ondoko hilobiko tipoa euskarazko antzezlanarekin, Iker Galartza eta Aitziber Garmendiarekin.


Asteartean, ekainaren 2an, Anita Maravillasen Blue Bird umeen antzezlana argitaratuko da, Miren Larrea zornotzarraren antzerki konpainikoa.  Gizakien tamainako txotxongiloen ikuskizuna da, maitasun eta abenturaz betea, 20. hamarkadara bidaian eramango gaituena, txori urdinaren bila.


Ostiralean, eskainaren 5ean, Atx konpainiaren Fakiu ikuskizunaren txanda izango da.  Euskarazko antzezlan honetan instintuak lantzen dira eta Zornotza Aretoko kide ezagun batek parte hartzen du, Sandra Fernández Agirrek.


Hurrengo ostiralean, ekainaren 12an, Kibubu umeen antzezlanaren txanda izango da, Marie de Jongh konpainiaren eskutik eta Javi Renobalesen parte-hartzearekin. Protagonistak Xebas eta Cocó pailazoak dira eta beraien hurrengo ikuskizunean arrakasta izateko, benetako gorila bat erabili nahi dute, baina sekula ahaztuko ez duten lezioa ikasiko dute.


Ekainaren 16tik, asteartetik aurrera, Ekoma antzerki taldeak Rosalinda, Sous le ciel antzezlana online eskainiko du. Formatu txikiko antzezlana da, umorez betea, bakardadea, benetakoa izatearen balioa, bizitza maitatzea, adorea, eta maitasunak maitasuna sortzen duela beti erakutsiko dizkiguna.


Zornotza Aretoak Haizetara jaialdiari ere keinu bat egingo dio, jaialdia hastekoa zen astean. Ekainaren 19an bideo bat estreinatuko da jaialdiko 14 edizioak biltzen dituena, eta Udaleko Kultura Sailak aste horretan burutu nahi dituen ekimenen barruan kokatuta dago.


Hilabete honetako programazioa dantzarekin amaituko dugu, hilaren 26an, Elirale konpainiaren eskutik. Artha ikuskizuna itsasoaren mugimenduekin lotuta dago, eta gizakiak alde egiteko duen eskubide eta askatasunaren inguruan gogoeta egiten du.


Programazio guztia, apirilean eta maiatzean argitaratutako ikuskizunez gain, edozein unetan ikusi ahal izango da eta edozein gailutik, baina betiere Zornotza Aretoko webguneko mediatekatik (uda guztian ikusgai egongo da): https://sarrerakzornotzaaretoa.com/mediateka/

Ordutegiaren luzapena eta aldaketak Amorebieta-Etxanoko liburutegiaren zerbitzuetan

Amorebieta-Etxanoko liburutegia ekainaren 1ean irekiko da, materialaren (liburuak, DVD…) mailegu eta itzulketa zerbitzua soil-soilik eta eskaintzeko. Ordutegia honako hau izango da: Goizez, 09:30etik 13:30era (astelehenetik ostiralera) eta astelehen eta asteazkenetan, arratsaldez ere bai, 17:00etatik 19:00etara.

Beharrezkoa bada, erabiltzaileak liburutegiko mostradoreraino sartu ahalko dira, beti banan-banan eta segurtasuneko bi metroko distantzia mantenduz elkarren artean, ezarrita dauden seinaleei jaramon eginez. Zentrora sartzeko maskara erabiliko dute, eta sarreran dagoen produktuaz eskuak desinfektatuko dituzte. Zelaietako atearen aurrean jende multzorik izan ez dadin, pauso hauek jarraitzea gomendatzen da:

Maileguak: Liburuak eta gainerako materiala (DVDak, Cdak, aldizkariak…) eskaera bidez egitea aholkatzen da: telefonoz, emailez edota OPACaren bidez. Aldez aurretik eskatutako liburuak Zelaietako sarreran jaso ahalko dira.

Itzulketak: Zelaieta eraikuntzako sarreran orga bi jarri dira, liburuak itzultzeko (liburu horiek 15 eguneko berrogeialdia egin beharko dute).

Liburutegian erabilgarri dauden liburuak ikusteko, eta eskaerak egiteko OPACa erabiltzea aholkatzen da.

Jarraian atxiki diren eskuliburuak eta bideoak lagungarriak dira:

 Microsoft Edge 2020-05-04 17-27-24.mp4 

Microsoft Edge 2020-05-04 17-34-11.mp4

https://www.euskadi.eus/eusko-jaurlaritza/contenidos/informacion/bk_opac/eu_opac/manual_del_opac.html 

https://www.euskadi.eus/gobierno-vasco/contenidos/informacion/bk_opac/es_opac/manual_del_opac.html 

Goraka ari den grafikoari buruzko “Open Itinera FIG Bilbao” erakusketa birtuala ikusgai Zelaieta Zentroan

Amorebieta-Etxanoko Zelaieta Zentroak goraka doan grafikoari buruzko “Open Itinera FIG Bilbao” erakusketa birtuala inauguratu du.  Erakusketa Amorebieta-Etxanoko zentro honen online erakusketa gelan ikusgai egongo da eta estatuko eta nazioarteko 31 artista emergenteren lanak bilduko ditu, Paper gaineko Grabatu eta Artearen Nazioarteko Jaialdiak sustatzen duen Open Portfolio lehiaketan aukeratuak.


Erakusketa ibiltari bat da, eta honen helburua arte garaikidea sustatzea da, bereziki grabatua, eta Bizkaian honen zabalkundea egin, hainbat herritako erakusketa gela eta kultur etxeen bidez.  Erakusketa orain Amorebieta-Etxanoko Zelaieta Zentroan egongo da, eta hain zuzen ere ekainean, hilabete osoan, ondoko loturan ikusi ahal izango da:  https://www.ametx.eus/es/servicios/zelaieta/salas-de-exposiciones/exposicion-online


FIG Bilbao herritarrei hurbiltzen zaie modu didaktiko eta pertsonalizatuan, erakusketarekin batera lehiaketako zuzendariaren, David Arteagagoitiaren, bisita gidatu batekin. Honek, erakusketan dauden lanak oinarri hartuta, ibilbide bat egingo du, sortzaile hauen lana hobeto ezagutzeko.  Ekimen honetan erakusketako hainbat artistek ere parte hartzen dute, eta bideo laburrak bidali dituzte, beraien tailerretan nola lan egiten duten azalduz. Hain zuzen ere hori da Víctor Ríosek egin duena: bideo didaktiko bat prestatu du grabatuaren oinarrizko teknikak azalduz.


Open Itinerak ondokoen lanak biltzen ditu: Alba Lorente (Zaragoza), Alejandro Pérez Clotilde (Granada), Andrea Alonso (Kantabria), Beata Filipowicz (Polonia), Carlos Ramírez Zorromono (Errioxa), Celia Márquez Guerrero (Mallorca), Claudio Lorenzo (Durango), Concha Ruesga (Huesca), Dorota Ziółkowska (Polonia), Elena Carrasco (Cuenca), Irati Torre (Bilbo), Isabel Carralero (Madril), Jakub Honetschläger (Txekia), Jesús Mateo Brea (Cáceres), Juanjo Ortubia (Bizkaia), Julia R. Gallego (Madril), Lorenzo Davitti (Italia), Lucía Moya (Castelló), Maite Pinto (Bilbo), Manuel Prados Ledantes (León), Manuel Solís (Mexiko), María Luisa Estrada (Mexiko), Martha Muñoz Aristizabal (Mexiko),  Ming yi Chou (Taiwan), Omer Zaballa (Bilbo), Paula Huarte (Nafarroa), Radoslav Kirilov (Bulgaria), Raquel Serrano (Huelva), Sofía Neves (Portugal), Triana Parera (Mexiko) eta Víctor Ríos (Mexiko).


FIG Bilbao
FIG Bilbao paper gaineko grabatu eta artearen nazioarteko hitzordu garrantzitsua bihurtu da. Bederatzigarren edizioa azaroaren 19tik 22ra egingo da Bilboko Euskalduna Jauregian. Bertan izaten dira artistak, galeristak, komisarioak eta grabatuan interesa duen publikoa.

Umeentzako yoga eta mindfulness Amorebieta-Etxanoko ludotekaren online programazio berrian

Amorebieta-Etxanoko Udaleko Kultura Sailak bere online programazioa berritu du, ekainerako ume eta gazteen aisialdirako proposamen berriak bilduz. Proposamenak web orrian daude ikusgai: http://ametxgazteria.eus.

Programazio berriak familian egiteko mindfulness saioak biltzen ditu, sei guztira, eta bihar hasiko dira, ekainak 9, asteartea. Bideoetan (bideo guztiak euskaraz dira), irakaslearekin batera pailazo bat egongo da, eta honek lasaitasuna lantzeko proposatuko diren jolas eta ariketak modu hurbilago, dinamiko eta ludikoago batean azaltzen lagunduko dio.

Hilabete honetako proposamenak umeentzako eta gazteentzako yoga ere biltzen du. Zehazki, saio bi egongo dira nerabe eta gazteentzat ekainaren 11n eta 25ean, eta 3 eta 7 urte arteko umeentzako saio bat ekainaren 18an.

Halaber, online eskainiko diren zerbitzuen artean sexu orientazioa egongo da, webgunean eskura egongo diren hainbat bideorekin.

Gainera, hilabete osoan zehar, ludotekak umeentzako denbora-pasak eta jolasak eskaintzen jarraituko du, Aitor Ormaetxeak ipuinak kontatzen jarraituko du (hiru saio egongo dira), eta Sorgina Txirulinaren ipuin bat ere egongo da. 

Gaueroetxeanen programazioak nerabeentzako eskaintzari eutsiko dio, eta larunbat guztietan grafiti eta magia tailerrak egongo dira online. 

Programatutako jarduera guztien bideoak hilabete osoan zehar ikusi ahal izango dira online

Amorebieta-Etxanoko balkoietan Zintzilik berriro

COVID-19ak eragindako egoerak Sociedad Artístico Cultural Zornozak edo Koralak antolatzen dituen eta Udalaren babesa duten kultur ekitaldien planifikazioa aldatu beharra ekarri du. Hain zuzen ere hori hori da Enrike Renteria pintura lehiaketaren kasua. Lehiaketa hau ez da egingo ez aire zabaleko pintura modalitatean, ezta Zintzilik modalitatean ere. Hala ere, lehiaketaren xedeari eusteko, herriko hiru artistari Zintzilik bana egiteko eskatu zaie, eta hauek Zelaieta Zentroan eta udaletxean zintzilikatuko dira. Hauekin batera, ahalik eta aurreko edizioetako lan gehien herriko balkoietan jartzea nahi da. Horregatik, Koralak posta elektronikoko helbide bat, sacz.zintzilik@gmail.com eta whatsapp zenbaki bat, 616 474 994, jarri ditu herritarren eskura, nahi duten guztiek Zintzilik bat eskatu dezaten.

Ekainaren 28a baino lehen harremanetarako beraien datuak eman beharko dituzte. Zintzilik lana noiz jaso behar duten adieraziko zaie. Ekainaren 29a eta uztailaren 3aren artean izango da, eta Koralaren lokalean jaso beharko dira gero balkoietan jarriko diren Zintzilik lanak. Koralak eta Udalak zornotzar guztiei gonbita egiten diete ekimen honetan parte har dezaten.

Udalaren kirol instalazioak eta zerbitzuak berriro zabaltzea eta abonuak

· Noiz zabalduko dira berriro Udalaren kirol instalazioak?

Uztailaren 1ean, Ganeko igerilekuak.

Aurreikusita dago gainerako kirol instalazioak irailaren 1ean zabaltzea.

· Zeintzuk neurri hartuko dira eta nola?

Amorebieta-Etxanoko Udalak osasun agintariek eskatzen eta gomendatzen dituzten garbiketa eta desinfekzio-neurri guztiak beteko ditu eta, horietaz gain, Kontingentzia Bereziko Planean jasotakoak.

Erabiltzaileek arduraz bete behar izango dituzte ematen diren gomendio guztiak, bai osasun-agintariek ematen dituztenak, bai Amorebieta-Etxanoko Udalaren kirol zerbitzuetako eta instalazioetako langileek zehazten dituztenak (harreragileek, monitoreek, sorosleek, mantenu- eta garbiketa-arduradunek …).

· Noiz joan ahal izango gara Ganeko igerilekuetara eta nola?

Uztailaren 1etik irailaren 15era, goizeko eta arratsaldeko txandetan, 10:00etatik 15:00etara eta 16:00etatik 21:00etara astelehenetik ostiralera, eta 16:00etatik 20:00etara larunbat, igande eta jaiegunetan. Irailean ordutegia aldatuko da.

15:00etan hustu egingo da instalazioa garbitu eta desinfektatzeko, eta arratsaldeko txanda zabaldu ahal izateko.

Instalazioetara sartzen diren pertsonen zenbaketa sistemak informazioa bidaliko du eta unean-unean libre dauden lekuen kopurua jakin ahalko da www.amorebieta-etxano.eus webgunean kontsultatuta, 946850914 telefono zenbakira deituta edo bertaraturik.

· Noiz egingo dira udako abonu bereziak?

Ekainaren 15ean hasiko gara udako abonuak egiten. Horretarako, eskari orria beteko dute interesdunek eta bertan eskatzen den dokumentazioa erantsita aurkeztu ahalko dute emailez: kirolak@amorebieta.eus

Salbuespen gisa bakarrik, eta aurreko bideak erabiliz ezinezkoa bada, Zelaieta zentroko harreran, astelehenetik ostiralera, goizeko 8:30etik eguerdiko 14:30era. 65 urtetik gorakoek lehentasuna izango dute arreta jasotzeko

 · Nola jokatuko da ordaindu diren eta pandemian eta itxialdia arintzeko faseetan erabili ezin izan diren zerbitzuen zenbatekoak itzultzeko?

2020ko martxoaren 14an alta emanda zeuden Amorebieta-Etxanoko kirol zerbitzuetako abonatuak:

1.- Hala nahi duten abonatuek baja eskatu ahalko dute, eta martxoaren 14az geroztiko proportziozko zatia itzuliko zaie. Horrek erabiltzaileen berehalako baja eragingo du.

2.- Urteko abonua mantentzen duten abonatuei, dagokien proportziozko zatiaren itzulketa ordainduko zaie irailean. Kasu honetan, aukera bi izango dira:

a) Ganeko instalazioak erabili ezean: Horrela bada, martxoaren 14tik abuztuaren 31ra arteko denbora tarteari dagokion proportziozko zatia itzuliko da.

b) Ganeko instalazioak erabiliz gero: Kasu honetan, martxoaren 14tik ekainaren 30era bitarteko denbora tarteari dagokion proportziozko zatia itzuliko da.

2020ko urtarriletik martxora bitarteko kirol ikastaroak egin dituzten abonatuei, urteko abonuaren proportziozko itzulketaren kalkulua egitean, ikastaro horren prezioa (huelgaren eta COVID19aren ondorioz eman gabe geratu ziren klase egunak deskontaturik) erregulatuko da, eta horren emaitzaren araberako eragiketa gauzatuko da.

· Noiz, nola eta non egin behar dira baja hartzeko, itzulketa eskatzeko eta abarreko izapideak?

Urteko baja eskatzeko epea, ekainaren 15etik uztailaren 3ra bitartekoa izango da, honako bitartekoak erabilita: 1. kirolak@amorebieta.eus helbidean, abonuaren titularraren izen-abizenak eta NAN zenbakia adierazita.

2. Telefonoz, 94 6732714 telefono zenbakira deituta, goizeko 8:30etik eguerdiko 14:30era.

3. Salbuespen gisa bakarrik, eta aurreko bideak erabiliz ezinezkoa bada, Zelaieta zentroko harreran bertan artatuko da ekainaren 15etik uztailaren 3ra, astelehenetik ostiralera goizeko 8:30etik eguerdiko 14:30era. 65 urtetik gorakoek lehentasuna izango dute arreta jasotzeko.

· Informazio gehiago: www.amorebieta-etxano.eus webgunean.

· Sortzen diren berrikuntza guztiei buruzko informazioa izate aldera, udalaren webgunean eta sare sozialetan argitaratzen diren berriak jarraitzea gomendatzen dugu.

Amorebieta-Etxanoko Udalak jai guztiak bertan behera uztea erabaki du

Amorebieta-Etxanoko Udalak jaiak bertan behera uztea erabaki du. Horien artean daude San Juan suak, auzoetako jaiak, Karmengo jaiak eta Santanatxu. Egungo egoeraren ondorioz, eta hauetan jendetza pilatzen delako, ezinezkoa da osasun eta segurtasun publikoko berme guztiekin egitea.

Erabakia aho batez hartu da, Udalean ordezkaritza duten alderdi politiko guztien babesarekin, eta herritarrekiko erantzukizunez jokatuz.

Andoni Agirrebeitiak, Amorebieta-Etxanoko alkateak, adierazi du erabaki zaila dela eta azken ordura arte erabakia hartzeko zain egon direla, gauzak nola doazen ikusi arte: "Badakigu neurri gogorra dela eta onartzeko zaila, baina egoerari aurre egiteko behar dugun erabakia da, eta zornotzar guztien eta udako jaiez gozatzera gure herrira etortzen diren asko eta askoren osasunari lehentasuna ematen dion erabakia da."

Horrela, Amorebieta-Etxanoko Udalak egungo osasun eta ekonomia larrialdiari lehentasun osoa ematen dio, baina aldi berean ahal duen guztia egingo du neurri honek eragingo dien profesionalek izango dituzten galerak konpentsatzeko.  Halaber, Udala jaiak antolatzen dituzten elkarte guztiekin harremanetan jarriko da, bestelako aukera batzuk eman ahal izateko, eta beraien jardunarekin jarraituko dutela bermatzeko.

Aipatu diren elkarte eta profesional batzuek, Amorebieta-Etxanoko beste kolektibo batzuekin batera, uztailaren 15etik 27ra antolatuko den online programazioan parte hartuko dute, herriko jaiak aitzakia hartuta. Gainera, herritarrei dei egiten zaie jaietako zapiak dituztenek jar ditzaten beraien balkoi eta leihoetan, modu sinbolikoan.

Bueltan da Haizetara, oraingoan online

Aurten ere zornotzarrek Haizetaraz gozatzeko aukera izango dute, Amorebieta-Etxanoko Udaleko Kultura Sailak antolatu duen online programazio zabalari esker. Nazioarteko Jaialdiak bere ibilbidean geldiune bat egin eta atzerantz begira jarri da azken 14 urteei, ondoren aurrera egin eta 2021ko ediziorantz joateko, 15. ediziora, aurtengoa bertan behera gelditu baita osasun larrialdiaren ondorioz.

Aurten ez da lehiaketarik egongo, bandak ez dira Amorebieta-Etxanoko kaleetatik ibiliko herritarrak atzetik dituztelarik bandarik onena aukeratzeko, eta gune gastronomikorik ere ez da egongo. Hala ere, Haizetarak, ekainaren 19tik aurrera egitekoa zenak, aurten 14+ edizioa izango du: "Aurten 15 urte egingo zituen jaialdiaren istorioak, ospatu ezin izan den urtean".

Haizetararen online edizioak epaimahaikide izan zirenen parte-hartzea izango du, esaterako Roberto Moso edo José Miguel López kazetariak; eta saria irabazi eta arrastoa utzi zuten bandak: Tokyo Brass Style, yo’nle, Balkan Paradise orchestra, Sugarri edo La Banda de la María. Beraien testigantzekin eta antolakuntzako zenbaitekin, jaialdiaren 14 urteak gogoratuko ditugu, emankizunen irudiekin eta musika askorekin, ekainaren 19an 20:15ean ondoko webguneetan estreinatuko den dokumentalean: https://haizetara.eus eta Zornotza Aretoko mediateka https://sarrerakzornotzaaretoa.com/mediateka/.

Gainera, jaialdiaren historian zehar ibilbide bat egin ahal izango da, ondokoei erreparatuz: diseinu grafikoa, kartelen eboluzioa, argitaratu diren liburuxkak, parte hartzen duten txokoek jasotako diplomak, sariak edo banden laguntzaileek eraman dituzten kamisetak, zeintzuk ezinbestekoak diren jaialdiaren funtzionamendurako. Erakusketa Zelaieta parkean egongo da ikusgai ekainaren 19tik  uztailaren 12ra,   Haizetara kaleko jaialdi bat baita, eta kalean egon behar baitzen, eta baita Haizetararen web orrian eta ondokoan: www.ametx.eus.

Halaber, Unai Sasuategi argazkilariak online erakusketa bat egingo du, Haizetararen espiritua islatzeko, jaialdiko 14 edizioetan egindako argazkien aukeraketa batekin.  Ekainaren 19tik aurrera Haizetararen web orrian eta Zelaieta Zentroko online erakusketa gelan ikusgai egongo da: https://www.ametx.eus/es/servicios/zelaieta/salas-de-exposiciones/exposicion-online.

KZguneko zuzeneko hitzaldiak uztailean

Maiatza eta ekainean bezala, uztailean zehar Youtube KZguneaTIC bidez zuzeneko hitzaldi berri batzuk egiteko asmoa dugu, goizez zein arratsaldez.

Gure zuzeneko hitzaldietara joateko, interesa duten pertsonek Interneterako konexioa baino ez dute behar, YouTubeko ekitaldirako sarrera librea izango baita (ez da beharrezkoa aldez aurretik izena ematea).

Uztaileko urruneko hitzaldien plangintza honako hau da:

Uztailak 2, 18:00-19:00: Erosi etxetik irten gabe / Gaztelaniaz

Uztailak 7, 18:00-19:00: Gauzen Interneta / Euskaraz

Uztailak 9, 11:00-12:00: Heziketa eta segurtasuna Interneten / Gaztelaniaz

Uztailak 14, 11:00-12:00: Zure diru-zorroa Smartphonean / Euskaraz

Uztailak 16, 18:00-19:00: Zure ordenagailua biruz eta bestelako mehatxuetatik babestu / Gaztelaniaz

Uztailak 21, 18:00-19:00: Ezagutu Streaming plataformak / Euskaraz

Uztailak 23, 11:00-12:00: Android sekreturik gabe / Gaztelaniaz

Uztailak 28, 11:00-12:00: Azken gailu teknologikoak ezagutu / Euskaraz

Uztailak 30, 18:00-19:00: Murgildu errealitate birtual eta areagotuan / Gaztelaniaz

Zuzeneko urrutiko hitzaldien zerbitzuari buruzko informazio guztia eskuragarri duzu hemen.

KZgune zerbitzuaren erabilera

2020/07/09
KZguneak modu mailakatuan eta progresiboan hasi dira ateak irekitzen, higiene- eta segurtasun-neurriak mantenduz eta errespetatuz.

Amorebieta-Etxanoko KZgunea irailaren 1ean zabalduko den arren, interesdunek irekita dauden zentroak  zeintzuk diren jakin dezakete.

Segurtasun-neurri gisa, ALDEZ AURREKO HITZORDUA eskatzea nahitaezkoa da, KZgunearen zentroa eta behar den zerbitzua adierazita.

Aldez aurreko hitzordua

Hitzordua telefonoz eska daiteke 8:00etatik 20:00etara da, astelehenetik ostiralera.

Araba: 944 033 367

Bizkaia: 945 016 100 / 944 033 324 / 944 033 335

Gipuzkoa: 945 062 555 / 944 033 377

Zein zerbitzu eskaintzen dira?

  •  KZgunea zerbitzuaren informazio orokorra (IT Txartela, Lanbide, Alokabide…).
  •  Izapideak: BakQ, Metaposta...
  •  Aurrez aurreko tutoretzak.
  •  Nabigazioa: izapideak, kudeaketa ofizialak… gehienez 20 minutu.

Bizikleta, osasuna, segurtasuna eta iraunkortasuna bermatzen dituen ibilgailua

2020/07/20
Bizkaiko Foru Aldundiko Euskara, Kultura eta Kirol Saileko Kirol Zerbitzuak argitaratutako lana kirola egitea sustatzeko konpromisoaren erakusgarria da.

Kepa Lizarragak idatzi duen Bizikleta: osasuna, segurtasuna eta mugikortasun iraunkorra liburua ibilgailu honekiko interesa duten guztientzat da erakargarria, didaktikoa eta erabilgarritasun handikoa.

Hainbat dira bertan aztertzen eta lantzen diren alderdiak: bizikleta eta osasuna, istripuak eta lesioak, segurtasuna, bizikletaren fisika eta biomekanika, teknika eta errendimendua, eta ibilgailu honek ahalbidetzen duen mugikortasun iraunkorra.

 

Abuztuaren 22tik aurrera, kultura aurrez aurrekoa izango da berriz ere Amorebieta-Etxanon.

2020/08/19
Hainbat hilabetetan Amorebieta-Etxanoko Udaleko Kultura sailak edukiak online eskaini ditu, hala nola kontzertuak, antzerkiak, dantza-ikuskizunak... 46.000 erreprodukzio baino gehiago izan dituzte, eta horietako asko ikusgai daude oraindik ere. Abuztutik aurrera, zornotzarrek antzerkiaz, dantzaz eta zinemaz berriz ere aurrez aurre gozatzeko aukeral izango dute.

Lehen emanaldia abuztuaren 22an izango da, 21: 30ean. Egun horretan Santiago Seguraren Padre no hay más que uno (lehengo filmea-2019) ikusteko aukera egongo da, orain bigarren zatia estreinatu da eta lehenengoa gogoratzeko momentu ona izango da. Izan ere, abuztuaren 30ean Zornotza Aretoan filme berria eskainiko da. Egun horretan Zornotza Aretoa ere lehenengo aldiz zabalduko da zinea eskaintzeko martxoan itxi zenetik.

Abuztuaren 28an, 20: 15ean, antzerkiaren txanda izango da Ganso & Cia konpainiaren eta bere Panoli Kabareta ikuskizunaren eskutik, 40 minutukoa, COVID19aren garairako eta garaian asmatutako kaleko antzerki-ikuskizuna, Gorka Gansok eta Cecilia Paganinik antzeztua. Konpainiaren eszena onenetako batzuen bidez sortutako proposamena. Zirkuko ikuskizunen parodia bat da, umorez beteta, publiko guztientzat eta, bereziki, "pertsonentzat".

Abuztuaren 29an, 19: 30ean, dantzaren txanda izango da, Tio Teronen Semeak taldearen eskutik. Aritz Salamancak zuzendutako Festamentua ikuskizuna taularatuko dute, eta kuadrilla ospetsuak hileta elizkizun batean parte hartu behar izango du. Umorea, dantza eta melodia gogoraerrazak uztartzen dituen ikuskizun originala da.

Ekitaldi guztiak Amorebieta IV frontoian izango dira, edukiera murriztuarekin, eta doakoak izango dira, nahiz eta bertara sartzeko doako sarrera inprimatu edo telefono mugikorrean eraman beharko den. Sarrerak 5 egun lehenagotik eskatu eta deskargatu ahal izango dira emanaldi bakoitzerako, abuztuaren 18an lehen ikuskizunerako, Zornotza Aretoaren webgunean (http://zornotzaaretoa.eus). Gehienez bost sarrera eskatu ahal izango dira. Eserlekuak eskaera-ordenaren arabera esleituko dira, eta eskatzailearen datuak eman beharko dira. Esparrura sartzean, eskuak garbitu beharko dira, eta maskara nahitaez erabili beharko da ikuskizunean zehar ere, momentu oro. Sarreran adierazitako eserlekuak erabili beharko dira segurtasun-tartea mantentzeko antzezpen osoan, jarduera erabat segurua izan dadin.

Irailaren 1etik aurrera LIBURUTEGIAren ordutegia.

2020/09/01
Liburuaren mailegua eta itzulera bakarrik.

Astelehenatik Ostiralera

8.30-14.00 / 15.00-20.30

14.00-15.00 itxita

 Larunbatetan:

10.00-14.00

Kultura eta kirol zerbitzuen irekiera Amorebieta-Etxanon

2020/09/15
• KZ Gunea, Zubiaur Musika Eskola eta Larreako Kiroldegia irailaren 14 zabalduko dira

KZ GUNEA

Babes-manpara, hidrogela eta behegaineko markak ezarri dira. Erabil daitezkeen ordenagailuen kopurua mugatu egin da, pertsonen arteko segurtasun distantzia bermatzeko, eta erabili ezin direnak prezintaturik daude. Desinfekziorako produktua dago instalazioan.

Kartelen bidez adieraziko dira segurtasun neurri orokorrak eta gehienezko aforoa. Zerbitzurako ezartzen den ordutegiaren barruan, eta ekipoak erabili ostean, bertako hezitzaileek ordenagailuak eta gainerako gailu guztiak desinfektatuko diru. Bai eta aulkiak ere.  Kzguneko langileek instalazioa aireztatuko dute.

 

ZUBIAUR MUSIKA ESKOLA

Irailaren 14an hasiko dira klaseak. Zubiaur Musika Eskola kudeatzeko dagoen enpresak kontingetzia plana aurkeztu du.

Noranzkoak adierazten dituzten seinaleak jarri dira zentroan. Harreran segurtasun manpara ezarri da, bai eta segurtasun-distantzia bermatzeko marrak ere. Ikasleei tenperatura hartzeko termometroak daude. Bi peana jarri dira, gel hidroalkoholikoa jartzeko bertan.

 

Ikasgela guztietarako desinfekzio produktua jarri da. Haize-instrumentuetako klaseetan erabiltzeko paper xurgatzailea eraman da. Haize instrumentuak jotzen dituztenentzako babes pantailak (12) erosi dira. Taldeak berrantolatu egin dira, espazioetako bakoitzean gehienez sar daitezkeen pertsona kopuruak errespetatuaz. Ez da dantza klaserik emango oraingoz.

Jarduteko erari buruzko informazio zehatza behar izanez gero, harremanetan jarri Zubiaur Musika eskolarekin: 946301510 / zubiaur@amorebieta.eus

 

LARREA KIROLDEGIA

 

Larreako igerilekuak irekiko dira. Aldez aurretiko hotzordua, telefonoz edo bertara joanda, egun bi arinago gehien jota.  Segurtasuneko jarraibide orokorrak: Zelaietakoen modukoak. Seinaleak eta informaziorako kartelak ezarri dira instalazioan

 

Aforoa:

  • Igerileku handia: 20 lagun / orduko (bi kale bakoitzean).
  • Igerileku txikia: 8 lagun / orduko (bi nagusi, hiruna umerekin gehienez).

Ezinbestekoa da maskara erabiltzea, dutxan eta igeri egitean izan ezik. Erabiltzaileei tenperatura hartuko zaie harreran. Igeri egiteko denbora-tartea: 45 minutu. Kiroldegian ordubetez egon ahalko da gehien jota.

DEBEKATUTA dago takillak eta instalazioko ile-lehorgailuak erabiltzea. Derrigorrezkoa plastikozko poltsa erabiltzea norberaren gauzak igerilekura eramateko. Maskara plastikozko poltsa horretan sartu behar da igeri egiten hasi aurretik.

 

Orduak:  8:00;  9:30; 11:00: 12:30; 14:00; 15:30; 17:00; 18:30; 20:00

Zelaietako Erakusketa Gela berriro zabaltzen da Durangaldeko Artisten Elkartearen eskutik.

2020/09/16
Zelaietako Erakusketa Gela dagoeneko martxan dago artelanak eta bestelakoak erakusteko.

Ikusgai egongo den lehenengo erakusketa Durangaldeko Artisten Elkartearena da. Bertan Julio Morales, Begoña Garaizabal, Ane Barraincúa, Santos Okina, Carmen Merayo, Amaia del Amo, Amaia Peña, Esther Fernández, Santi Goñi, Rosa María Sanchez, Idoia Gorrotxategi, Rafael Peñafiel, Rosa Etxabe, Jose Luis Martínez de Antoñana,  Hirune Urcelay eta Victoriano Perez- en margolanak ikusi ahalko dira irailaren 16tik 30era arte.

Hori bai, bizi dugun egoeran, Erakusketa Gela bisitatzeko modua aldatu egin da. Gehinez 4 pertsona aldi berean egon ahalko dira bertan eta horretarako Zelaietako harrera zerbitzutik pasatu beharko dira lehenik, eskuak garbitu eta musukoa jartzea ahaztu barik. Betiere pertsonen arteko distantzia mantenduko da zentroaren barruan.

Zelaietako haur eta gazte zerbitzuak irailaren 28an irekiko dituzte ateak berriro

2020/09/25
Zelaieta zentroko Gaztetxoko eta Ludoteka zerbitzuak irailaren 28an irekiko dira berriro, segurtasuna lehenetsiz, besteak beste, espazioen edukiera murriztua, segurtasun-distantzia mantenduz eta maskarak nahitaez erabiliz, eskuak garbitzearekin batera.

Ludotekak 45 minutuko hiru txanda izango ditu, 17:00etan, 18:00etan eta 19:00etan, eta ez da beharrezkoa izango aldez aurretik izena ematea. Lehen bi txandak 3 eta 6 urte bitarteko haurrei zuzenduta egongo dira. Azken txandara 7 urtetik gorakoak bakarrik sartu ahal izango dira. Hiru txandetan funtzionamendua berdina izango da: 45 minutuko txandak eta sarrera eta irteera aldi berean parkeko atetik. Txanda bakoitzean gehienez 12 haurrek parte hartu ahal izango dute. Maskara erabiltzea derrigorrezkoa izango da adin guztietako erabiltzaileentzat.

 

Gaztetxokoa ohiko ordutegian zabalduko da: igandetik ostegunera 17:00etatik 20:00etara eta ostiral eta larunbatetan 17:00etatik 21:30era. Bertan nahitaez maskara erabiliko dute gaztetxoek eta ezarriko diren segurtasun distantzia eta neurriak errespetatu beharko dira. Gehieneko edukiera 20 pertsonakoa izango da uneoro espazioan.

 

Zerbitzuak erabiltzeko derrigorrezkoa izango da Ametx Txartela aurkeztea. Ume txartelaren inguruko informazio guztia: ametxgazteria.net  eta Gazte Informazio Bulegoan.

Gainontzeko programak eta ekintzak modu mailakatuan jarriko dira martxan. Lehenengoa Andres Espinosaren urteroko mendi martxa izango da, urriaren 4an, 10:00etan, Erdu Olgetan programaren barruan. Bestalde, 10 urtetik aurrerako gazteei zuzendutako Gauero gaueko aisialdi programa urriaren 17an hasiko da Gauerodiskoarekin.

 

Haurren eta gazteen programei dagozkien funtzionamendu, ordutegi eta COVID-19aren egoeraren ondorioz sor daitezkeen aldaketei buruzko informazio guztia ametxgazteria.eus webgune berrian eta sare sozialetan egongo da eskuragarri.

Amorebieta-Etxanok Andrés Espinosa mendizale eta abenturazalea gogoratuko du igandean PR-BI-74 ibilbidearekin

2020/10/02
• Ibilbide luzea goizeko 8etan hasiko da Jauregibarria parkean eta laburra, ume eta familientzako egokitua, 10etan. • Ekimena Andres Espinosaren bizitza eta abenturak ezagutzeko gonbidapena da.

Amorebieta-Etxano, urriaren 2a. Andres Espinosa euskal mendizale eta abenturazalearen oroimena urriaren 4an ospatuko da Zornotzan. Ibilbide luzea goizeko 8etan hasiko da Jauregibarria Parketik, 22,5 km-ko distantziarekin eta 400 metroko desnibelarekin. 6 km-ko distantzia laburra, familientzat eta haurrentzat egokia, goizeko 10etan hasiko da.

Ibilbideei ekin aurretik, mendian ibiltzeko eta COVID-19arekin loturiko zenbait argibide emanen dira, COVI-19 errepideari dagokionez. Halaber, PR-BI-74 ibilbidearen historia eta ezaugarriak azalduko dira.

Berak bakarrik Mont Blanc-era eta Kilimanjarora igotzea lortu zuen lehen gizakia izan zen, 1929an eta 1930ean, hurrenez hurren. Horrez gain, Himalayako mendikatera joan zen lehenengo euskal mendizalea izan zen. Eta hori guztia oso baliabide gutxirekin egin zuen. Benetan sinestezina da hain baliabide gutxirekin hori guztia egin ahal izatea. Espinosaren sendotasun fisikoa eta psikikoa hain ziren apartak, ezen mito bihurtu baitzen. Haren balentriek emozioz bete zituzten milaka mendigoizaleren bihotzak.

Espinosak bakarrik egiten zituen beti bere bidaiak. Hori horrela, deigarria da beti erantzukizuneko lanpostuak bere gain hartzeko prest egotea. Andres Espinosa hainbat mendi-elkarteko kide izan zen, baina, batez ere, bere jatorrizko herriari lotuta sentitu zen: Amorebieta Kirol Elkarteari. 1925eko martxoan sartu zen elkarte horretan, eta elkarteburua izan zen 1928 eta 1930 artean.