Hemen zaude: Hasiera Albisteak

Albisteak

Zornotza Udal Euskaltegiak 2015-2016 ikasturterako izena emateko epea irailaren batean zabalduko du. Talde irakaskuntzaz gain, jardun biko aukera ere eskainiko du aurton. Honen bidez, ikasleak taldean lan egiteaz gain, bakarkako lana eta tutoretzak izango ditu osagarri. Bestalde, eta aukera zabalagoa eman guran, iraupen laburreko ikastaro bereziak ere eskainiko ditu, helburu zehatzetarakoak hain zuzen ere (etorkinak, tabernariak, merkatariak, gurasoak...).

Zelaieta zentroan gela bat eskainiko da bideokonferentzia bidez jarduteko

2016/12/13
• Helburu akademikoa duten jarduerak garatu ahalko dira bertan, bideo-konferentzia eskatzen dutenak. • Astelehenetik ostiralera erabili ahako da, goizeko 9:00etatik iluntzeko 20:30era.

Ikasketekin lotuta dauden jarduerak aldatuz doazelarik, beharrizan berriak ageri dira esparru honetan, eta premia berri horiei erantzuna eman nahian, bideokonferentzia bidezko lanak egin ahal izateko gela bat prestatu da Zelaieta zentroan. Bakarka lan egiteko gela izango da, eta interesdunek eramango dituzte bertara euren euskarri tekniko guztiak: ordenagailua, aurikularrak…

 

Hemezortzi urtetik gorakoentzat izango da zerbitzu hau, eta egunean hiru orduz erabili ahalko du pertsona batek gehien  jota. Taldeka ikasteko diren gelekin egiten den bezala, gela hau erabili nahi dutenek, giltza  eskuratzeko, NAN utziko dute harreran eta bertan jasoko dute gelako giltza. Lana amaitutakoan, espazioa aurkitu bezala utzi, giltzak itzuli eta NAN jasoko dute.

 

Gelaren ordutegia goizeko bederatzietatik iluntzeko zortzi eta erdietara bitartekoa izango da, astelehenetik ostiralera bitartean.

Helduentzako kontaketa

2016/12/19
"Marokoko ipuinak": helduei zuzendutako kontaketa Maider Galarzaren eskutik, liburutegian.

 "Imajina ezazue zoko baten erdian gaudela. Kale estuak: saltokiz, jendez, ahots eta usain ezberdinez beteta. Lur koloreko espeziak, eguzkitan lehortutako okel usaina, merkatarien zalaparta…Gainezka doan ibaiaren modukoa. Eta iskanbila haren erdian, gizon bat. Zaharra, begi bizietakoa, bizarduna eta txilaba urdinez jantzita..."

Zelaietako kafetegia ustiatzeko eskaintzak aurkezteko epea zabalik

2016/12/20
Proposamenak aurkezteko epea urtarrilaren 23an amaituko da, eguerdiko 14:00etan. Zelaieta zentroko harreran aurkeztuko dituzte interesdunek eskaintzak.

Zelaietako Kafetegia ustiatzeko esleipenaren Baldintza Teknikoen eta Administrazio Baldintza berezien Agiriak onetsi ditu Ametx erakunde autonomoko Artezkaritza Batzordeak abenduaren 16an.


Prozesuan parte hartzeko interesa daukatenek, Zelaietako Zentroko harreran edo webgune honetan kontsulta ditzakete agiriok:


Administrazio baldintzen agiria.

Baldintza teknikoen agiria.

Eskaintzak aurkezteko epea urtarrilaren 23an amaituko da, eguerdiko 14:00etan.

Zelaieta_Kafetegia

Zelaieta_Kafetegia
Jatorrizko tamainako irudia: 435 KB | Irudia ikusi Ikusi Irudia deskargatu Deskargatu

Zubiaur Musika Eskolak Gabonetako kontzertua eskainiko du

2016/12/20
Zubiaur Musika Eskolak Gabonetako kontzertua eskainiko du, urtero legez. Ostiralean izango da, abenduaren 23an, 20:00etan Zornotza Aretoan.

Zubiaur Musika Eskolako irakasle eta ikasleek ordubetez musika korala eta instrumentala partekatzeko gonbita egingo digute giro atsegin, alai eta parte-hartzaile batean. Aurten ere, estilo ezberdinetako obra eta abestiak entzun ahal izango dira, talde ezberdinen eskutik. Horrek, bakoitzari bere ukitua emango dio.

Aurten, nobedade bat egongo da: Unai Ormaetxeak eta Dani Tomásek konposatutako “Zubiaur” kanta aurkeztuko da zuzenean musika eskolako hamargarren  urteurrena ospatzeko. Abesti honekin batera, eskolako ikasle eta ikasleek flashmob bat grabatu dute.

Zabalik dago Zelaietan antolatutako ikastaroetan izena emateko epea

2016/12/21
Abenduaren 22tik 30era arte.

Urte osoko ikastaroak urtarrilan hasi eta maiatzean amaituko dira; hiruhilekoak, aldiz, Aste Santu aurreko astean.

https://prezi.com/_jekom3vq6is/ikastaroak-2017-2/

 

Liburutegiko ordutegi berezia gabonetan

2016/12/23
Abenduaren 23tik urtarrilaren 5era bitartean, 9:00etatik 20:00etara zabalik egongo da. Haur liburutegia 10:00etatik 13:30era eta 17:00etatik 20:00etara. GOGORATU ikasgelak ordutegi berezia duela azterketa sasoian. Liburutegia itxita egongo da abenduaren 24 eta 31an eta urtarrilaren 6 eta 7an.

Amorebieta-Etxanok Zornotzako nazioarteko krosaren 63. edizioa hartuko du

2017/01/04
• Froga igande honetan izango da, urtarrilak 8, eta bertan estatu mailako eta nazioarteko atleta onenek parte partuko dute • Emakumezko absolutoa 8,7 kilometroko ibilbidea izango du eta gizonezkoa 10,7 kilometrokoa. Gainera, lasterketa paralinpiko bat eta gizon-emakumezko herri-lasterketa bat egingo da nahi duen pertsonari zabaldua

Amorebieta-Etxano, 2017ko urtarrilaren 4a. 600 pertsona baino gehiagok parte hartuko dute Amorebieta-Etxanoko Jauregibarriko zelaian, igandean, 2017ko urtarrilaren 8an izango den Zornotzako Nazioarteko Krosaren 63.edizioan.

Hamaika froga izango ditu txapelketak. Infantil-kadeteak hasiko dira, gero alebin neska eta mutilak eta jarraian juvenil-juniorrak. Ondoren, 1,9 kilometrotako lasterketa paralinpikoa egingo da bigarren urtez eta jarraian 4,7 kilometrotako herri-lasterketa nahi duen pertsonari zabaldua.

Emakumezko froga absolutoak 8,7 kilometro izango ditu eta gizonezkoak 10,7 kilometro. Zornotzako belarrezko zirkuitotik, munduko onenetarikoa, nazioarteko eta estatu mailako atleta nabarmenenak pasatuko dira.Zirkuito hau atletismoaren arloan erreferente bihurtu da eta Europako Atletismo Federazioaren egutegian sartuta dago, baita Espainiako, Euskal Herriko eta Bizkaiko Federazioarenean ere. Gainera, ANOC, Kros antolatzaileen estatu mailako elkartearen egutegian dago. Frogak, Kutxabank-eko, Bizkaiko Foru Aldundiko eta Eusko Jaurlaritzaren laguntza du, baita Amorebieta-Etxanoko laguntza ere.

Errege Magoak Amorebieta-Etxanora helduko dira kabalgata parte-hartzailean

2017/01/04
• Ostegunean, urtarrilak 5, kabalgata arratsaldeko 18.00etan hasiko da Biarritz industrialdean eta Herriko Plazan amaituko da, non umeak Errege Magoekin egoteko aukera izango duten • Herritar guztiek parte hartu ahal izango dute argiz, musikaz eta gozokiz betetako kabalgatan

Amorebieta-Etxano, 2017ko urtarrilaren 3an. Hiru Errege Magoak Amorebieta-Etxanora helduko dira ostegunean, urtarrilak 5, kabalgata parte-hartzailean. Meltxor, Gaspar eta Baltasar herrira helduko dira musikaz, argiz eta ilusioz beteriko hiru karrozetan. Honez gain, Disney karroza bat ere egongo da fantasiaz beteta datorrena  umeei harritzeko.

Kabalgatan herritar guztiak parte-hartzeko dei egin nahi da, gazte zein nagusi, zornotzar guztiak harrituko baitu.

Kabalgata arratsaldeko 18.00etan hasiko da Biarritz industrialdean eta handik, Gudari kalerantz joango da, San Migel kaletik pasatu eta Herriko Plazan amaituko da. Bertan, ume guztiak beraiekin egoteko aukera izango dute euren eskutitza emateko edota azken orduko desioak eskatzeko.

Haur eta helduentzako tailerrak liburutegian

2017/01/05
Haurrei zein helduei zuzendutako jardueretan izena- emateko epea urtarrilaren 9tik 20ra zabalduko da. Haurrentzako "Kontu- leku", "Irakurketa kluba", "Kaligramen tailerra", "Istorio harri-garriak sortzeko tailerra" eta hilean behin ipuin- kontaketa saioak. Bestalde, helduei zuzendutako idazketa eta sormen tailerrak programatu dira, "Sormen idazketa tailerra", Danele Sarriugarte idazleak dinamizatuta eta, gaztelaniaz, "Taller de iniciación a la escritura creativa". Honez gain, mintzapraktika taldeetan izena- emateko epea, urtarrilaren 9tik 19ra zabalduko da.

Haurrentzako ipuin- kontaketa

2017/01/11
"Saharako ipuinak" haurrentzako ipuin- kontaketa entzuteko aukera liburutegian. Desertu zabaletik Euskal Herriko txokoetara datozen gatz zaporeko eta eguzki koloreko ipuinak kontatuko ditu Dorleta Kortazarrek. NOIZ: larunbatean, urtarrilaren 14an. ORDUTEGIA: 3 eta 5 urte bitarteko umeentzako saioa 12:00etan izango da eta 12:30ean, 6 urtetik gorakoentzat.

Haurrentzako tabletak liburutegian

2017/01/19
Tabletak erabiltzeko aukera izango dute haurrek liburutegian. Haurrentzat teknologia berriak arrunt bihurtzeaz gain, gurasoekin batera informazioa bilatu eta kontsultak egiteko bideratuko dira. Informazio gehiago liburutegian.

Zornotza Aretoan hogeita hamar ikuskizun baino gehiago taularatuko dira denboraldi berrian

2017/01/23
• Urtarriletik ekainera bitarteko programazio berriak hainbat ikuskizun jasotzen ditu familia osoarentzat • Gustu eta publiko guztientzako proposamenak dira, dantza, antzerkia, musika, zinea eta familientzat eta umeentzat prestatutako ikuskizunak.

Amorebieta-Etxano, 2017ko urtarrilaren 19a.  Amorebieta-Etxanoko Zornotza Aretoak herriko kultur guneko denboraldi berrirako programazioa aurkeztu du. Gustu eta publiko guztientzako proposamenak jasotzen ditu: dantza, antzerkia, musika, zinea eta familientzat eta umeentzat prestatutako ikuskizunak.

Horrela, datozen hilabeteetan, Zornotza Aretoan KINE zineklubeko lau ziklo ikusi ahal izango dira.  Ziklo bik “Euskolabel”a izango dute, beste batek “Ongi etorri errefuxiatuak” izango du izena eta azkenak emakumeen gaia landuko du. Martxoan izango da, Emakumearen Eguna ere orduantxe dela aprobetxatuz.  Era berean, urtero bezala, Aretoan Kimuak 2016 ikusi ahal izango da, euskal film labur onenak biltzen dituelarik.  

Antzerkiari dagokionez, hamabi izango dira taularatuko diren antzezlanak, horietatik hiru familiei zuzenduta daudelarik.  Gainera, “Zugan ni” gazteen antzerkiaren X. edizioa aipatu beharra dago. 13 eta 18 urte arteko gazteentzat antzerkirako gunea da, antzerkirako zaletasuna bultzatu nahi duena.  

Musika programazioaren barruan, Zornotza Aretoak “Musika Gertu”  (Basauri, Leioa, Zornotza) zikloa biltzen du, Zelaietan, Dead Combo talde portugaldarraren eskutik. Dantzak ere bere lekua izango du Zornotza Aretoan, familia osoari zuzenduta dagoen ikuskizun bati esker.  

Programazio osoa hemen eskuratu daiteke:  https://www.ametx.eus/eu/zerbitzuak/aretoa

Inauteriak 2017

2017/02/01
Amorebieta-Etxanoko inauteriak otsailaren 24tik 28ra.

Otsailak 3

18:00 Gaztetxokoa
PERUBELE egiteko tailerra

 

Otsailak 24

17:30 AMOREBIETA IV Frontoia
PIRRITX, PORROTX ETA MARIMOTOTS
Sarrerak Gazte Informazio Bulegoan otsailaren
20tik aurrera
19:00 Zelaieta parkea
Perubele gaizkilearen aurkezpena
19:00 Kaleetatik
Perubeleren kalejira
UDAZKEN taldeko gaiteroekin
19:30 Zelaieta parkea – karpa
Sagardoa eta txorizoa
20:00 Zelaieta parkea – karpa
TRIKIZIO
Erromeria
 

Otsailak 25

18:00 Zelaieta parkea
MUGI BOOGIE
Umeentzako diskofesta
20:00 Kaleetatik
SUGARRI FANFARRIA
20:00 Zelaieta parkea – karpa
DJ MARKELIN
10-17 urte bitartekoen mozorro lehiaketa
 
Egun guztian zehar
Mozorro lehiaketa
Gaia:  Piratak
Ant..: Luis Urrengoetxeako ostalariak

Otsailak 26

12:00 Kaleetatik
Inauteri dantzak UDABARRI dantza taldearekin

Otsailak 28 de Febrero
17:00 Zelaieta parkea – karpa
ROCK & KIDS
17:00 Rock Star bat bezala jantzi zaitez!
17:00 Photocall Rock Star
18:00 Rock & Kids. Kontzertua
18:00 Nafarroa zentroa
Nagusientzako mozorro lehiaketa. Luntxa eta dantzaldia.
19:00 Kaleetatik – Zelaieta parkea
PERUBELEren inauteri kalejira gaiteroekin,
agurra, erretzea eta txokolatada umeentzat.

Ipuin-kontalaria: Ixabel Agirresarobe

2017/02/07
OTSAILAREN 11an JOXE MOXE KITARRAREN bordan kontatutakoak 12.00 ... (3/5 urte) 12.30 ... (6/+ urte)

Larrea kiroldegiko fitness gimnasioa zabalik egongo da igande goizetan

2017/02/10
• Otsailaren 12tik aurrera jarriko da indarrean ordutegiaren handiagotzea. • Gainerako orduetan bezala, begiralea izango da bertan, ariketetan laguntzeko eta zuzentzeko. • Goizeko 9:00etatik eguerdiko 13:30era erabili ahalko dute fitness gimnasioa interesa duten guztiek.

Erabiltzaileen eskariak aintzat hartu eta instalazioen erabileraren zenbaterainokoari erreparatuta, Amorebieta-Etxanoko udalaren mendeko kirol zerbitzuak kudeatzen dituen Ametx erakunde autonomoak kirol-praktikaren sustapenaren  aldeko apustuari eutsirik, irekita izango du igande goizetan ere Larrea kiroldegiko fitness gimnasioa.

Ohi bezala, begiralea izango da instalazioetan erabiltzaileei laguntzeko eta kirolaren praktikan zuzentzaile jarduteko.

Gimnasioaren ordutegia goizeko 9:00etatik eguerdiko 13:30era bitartekoa izango da.

Irekita dago Larrea kiroldegiko 2017ko uztaileko ikastaroetan izena emateko epea

2017/05/18
• Erabiltzaileek ez dute zertan Larreara joan aurretiko izen-ematea egiteko, eta etxetik gauza dezakete, Internet erabilita.

Ekainaren 19an amaituko da inskripzio epea, eta ekainaren 20an zozketatuko dira ikastarootan dauden lekuak, eguerdiko 12:00etan. Zozketa egin eta gero, 21ean argitaratuko dira lekua duten pertsonen zerrendak, eta ekainaren 27ra arte, gauzatu ahalko dute interesdunek ordainketa. Ikastaroan lekua izan eta, epe horretan matrikula ordaintzen ez dutenen eskariak bertan behera utzitzat hartuko dira, eta itxarote zerrenda osatzen duten pertsonei esleituko zaizkie leku hutsak, ordenari hertsiki jarraiturik.

Gogorarazten da, halaber, Ametx erakunde autonomoak ezarrita duela eskaintza osatzen duten ikastaroak antolatuko badira, ezinbestekoa dela matrikula egiten dutenen pertsona kopurua guztirako lekuen gehi bat izatea gutxienez.

Interesa duten pertsonek on-line bete ahalko dute, aurretiko-izen-ematea interesa duten  diziplinan edo, bestela, Larrea kiroldegira joanda.

Amorebieta-Etxanoko jaiei buruzko inkesta zabaldu du Udalak, hiritarren iritzia jasoz, jaiok Zornotzak eta Zornotzarentzat egindakoak izan daitezen

2017/02/27
Inkesta udalerriko etxeetara bidaliko da, eta on-line ere eman daitezke erantzunak.

Amorebieta-Etxanoko bizilagunen ekarpenak kontuan hartzeko konpromisoari jarraiki, eta Udalean ordezkaritza duten talde guztiek (EAJ-PNV, EH Bildu, Hiriekimena eta PSE-EE) onartu ondoren, etxez etxe helaraziko da inkesta, herritarrek jaiei buruzko balorazioa eman dezaten.

Jai bereziki herritarrak egiten laguntzeko aukera zornotzarren esku jarri da horrela, iradokizunak eta proposamenak aurkezteko bidea emanez, jaiok herriko biztanleen nahiak ase ditzaten eta Amorebieta-Etxanori hazten laguntzeko gogoaren adierazgarri izan daitezen.

Jai-eredua berrikusirik, Zornotzako jaiak zornotzar guztiek pentsatuak izatea da inkestaren helburua, denon parte-hartzearen bitartez Zornotzak eta Zornotzarentzat egindakoak izatea hain zuzen.

HEMEN  daukazu inkesta, on line bete nahi baduzu, martxoaren 17ra arte.

Zure parte-hartzeak gure herriari lagunduko dio.

Aste Santuko Ludoteka berezia

2017/03/08
2 TXANDA eskaintzen dira, (Txanda bakar baten parte hartu ahal izango da): 1. txanda: apirilaren 10etik 12ra. 2. txanda: apirilaren 18tik 21era. Ordutegia: 10:00-13:00

1. Gaia: Zientzia
2. Norentzat: 3-10 urteko ume eta gaztetxoentzat (3 urte beteta eta 2007ra arte jaioak).
3. Ametx Txartela ume txartel bezala aktibatuta izatea derrigorrezkoa da.
4. 2 TXANDA eskaintzen dira, (Txanda bakar baten parte hartu ahal izango da)
1. txanda: apirilaren 10etik 12ra
2. txanda: apirilaren 18tik 21era
Ordutegia: 10:00-13:00
5. Onartuen zerrendetan lehentasuna izango dute Amorebieta-Etxanon erroldatuek. Horrela, eskari-kopurua eskainitako plaza-kopurua baino handiagoa bada, kanpoko biztanleak azkenak izango dira zerrendetan.
6. Plaza mugatuak (100 plaza guztira). Matrikulazio gehiegi izan ezkero, eta erroldatuen lehentasuna ezarri ondoren zozketaz esleituko dira plazak. Behin betiko zerrenda martxoaren 28an argitaratuko da.
Txanda bakoitzean 50 plaza egongo dira. Baina talderen bat ez betetzekotan Ametxek beste txandako plazak gehitzeko aukera izango du, antolakuntzak erabakitzen badu eta materialak eta lekuak aukera ematen badute.
7. NEBA-ARREBAK: Zozketa egiterakoan zenbaki bakar batekin parte hartuko dute izena batera eman badute, kasu horretan besterik ez.
8. Izena emateko epea: martxoaren 13tik 24ra arte Gazte Informazio Bulegoan. Ordutegia: 10:00 – 13:00 eta 17:00 – 20:00.
9. Ordainketa kreditu txartelarekin izena ematerakoan egingo da. Diru bueltaketa, onartuak ez direnentzat behin betiko zerrendak argitaratzen direnean ezartzen den epean egingo da.
10. Prezioak eta beherapenak.
1. TXANDA: 15 €
2. TXANDA: 20 €
Ez da beherapenik aurreikusten
DBE: prezio ordenantzaren arabera
11. Itzulketak. Izena emateko epea bukatuta dirua itzuliko da, plaza egokitzen ez bazaizu, hurrengo egoeretako bat ematen bada (beti ere idatziz eskatuta eta dagokion dokumentuak aurkeztuta): a) gaixotasun edo istripu larria (medikuaren ziurtagiria) edo b) udalekuetara etortzea eragozten duten ustekabeak edo beharrizan larriak, justifikatuta. Behin udalekuak hasita diru itzulketa arazo larriren bat suertatzen bada baino ez da bueltatuko, eta disfrutatu ez diren egunen kopuru proportzionala soilik.
12. Aste Santuko ludoteka bezeria Zelaietan eta udal kirol eta kultura egoitzetan garatuko dira onartzen den programaren arabera.
13. Deialdi honetan ematen diren informazioa eta datu pertsonalak Izaera Pertsonaleko Datuak Babesteari buruzko abenduaren 13ko 15/1999 Legearen babespean egongo dira.

Euskaraz egingo diren ibilaldi gidatuak antolatu ditu Ametx erakunde autonomoak

2017/03/17
• Paisaiaren edertasunaz gain, Bizkaiko eta Gipuzkoako kobetako batzuk kokatzen direneko lau paraje bisitatuko dira, gida euskaldunek lagunduta. • Ibilaldiak martxoaren 25ean eta apirilaren 1ean, eta maiatzaren 6an eta 13an izango dira, goizeko 8:00etan hasita. • Autobus zerbitzua izango da etapak hasten eta amaitzen diren lekuetarako, eta Nafarroako parkina izango da batzeko tokia. • Zelaieta zentroan eman beharko da izena, irteerak baino bi egun arinago beranduen jota.

Lau ibilaldik osaturiko ekimena antolatu du Amorebieta-Etxanoko Udalaren mendekoa den Ametx erakunde autonomoak, Ibiliaz Ezagutu programaren barruan.

Horrela, gidari euskaldunak bide lagun izango dituzte partaideek lau irteera hauetan, paisaiaren edertasunaz gain, Bizkaiko eta Gipuzkoako kobetako batzuk kokatzen direneko parajeak ezagutzeko.

Ibilaldiak martxoaren 25ean eta apirilaren 1ean, eta maiatzaren 6an eta 13an izango dira, goizeko 8:00etan hasita. Etapa guztiei emango zaie hasiera Nafarroako parkinean eta autobus zerbitzua izango da bertatik ibilaldien hasiera puntura iristeko eta behin amaituta ere, Amorebietara itzultzeko. Honakoak izango dira, zehazturik, lau larunbat horietan egingo diren ibilaldiak:

Martxoaren 25ean, Ereño-Santimamiñe: Ereñotik irten eta Ereñozar igo ondoren, Omako basoa ikusi eta Bizkaiko Santimamiñen amaituko da ibilaldia. Natura paraje paregabeez gain, historia aurreko aztarnez eta arte-adierazpenez ere liluratzeko ibilaldi ederra.

Apirilaren 1ean, Lekeitio-Lekeitio: Lekeitioko talaiara igo eta baleei eta arrain sardei zelan erreparatzen zitzaien ikusi ondoren, Zatika eta Kurtxiaga auzoetatik Lumentza mendira igoko dira, Lumentza eta Armintxe kobazuloen sarreretaraino hurbildurik.

Maiatzaren 6an, Arantzazu – Pottokaleku: Oñati inguruak ezagutzeko parada izango da hirugarren irteeran. Arantzazuraino autobusez hurbildutakoan, bertatik, Aloñamendi katera igo eta ibilbidea Pottokalekun amaituko da. Interesa duten ibiltariek Arrikrutzeko kobaren bisita gidatua egiteko aukera izango dute ibilaldia amaitu ostean. Bisitaren prezioa aparte doa, 6 €, eta gutxienez 25 laguneko taldeak egon behar du.

Maiatzaren 13an:Zestoa-Zestoa: Zestoan irten eta Sastarrain bailara ezagutzeko aukera. Ekainberriko kobazulotik hurbileko tokiak bisitatuko dira.

Zelaieta zentroan eman beharko da izena, irteerak baino bi egun arinago beranduen jota.

Informazio orria: HEMEN

Izena emateko orria: HEMEN

Ibiliaz ezagutu- Izena emateko orria_Bizkaiko eta Gipuzkoako koben inguruak

application/vnd.openxmlformats-officedocument.wordprocessingml.document icon Izena emateko orria_Bizkaiko eta Gipuzkoako kobazuloak.docx — application/vnd.openxmlformats-officedocument.wordprocessingml.document, 220 KB (225473 bytes)

Jan alai 2017

2017/03/28
“Zornotzan JAN ALAI” Amorebieta-Etxanoko pintxo ibilbidearen seigarren deialdia maiatzaren 24tik 28ra egingo da. Lehiaketaren helburua herriko ostalaritza bultzatu eta dinamizatzea da.

Parte hartu nahi duten establezimenduek apirilaren 21era arte izena emateko epea izango dute. Lehiaketaren oinarriak Ametxeko edo Udaleko web orrian eskuratu daitezke (www.ametx.eus; www.amorebieta-etxano.eus) edota Zelaietako harreran ere eskuratu ahal izango dira.

Lehiaketaren deialdiarekin batera emango den izena emateko orria bete eta Zelaietan aurkeztu beharko da.

Epaimahaiak ondoko pintxoak bozkatuko ditu:

  • Pintxo berritzailerik onena (EPAIMAHAI TEKNIKOA).
  • Pintxo herrikoirik onena (HERRI EPAIMAHAIA).
  • Zerbitzaririk profesionalena aukeratzea.
  • Bezeroen botoen artean 500€ garbi zozketatuko dira.
  • Pintxoen TOP TEN zerrenda.

 Lehiaketara aurkeztuko diren pintxoak jendearen eskura egon beharko dira lehiaketa egunetan, gutxienez jarraian adierazten den ordutegian: 12:00-15:00 eguerdian eta arratsaldez 19:00-22:00. Asteazkenean arratsaldez bakarrik eta igandean eguerdian bakarrik: 12:00-15:00.

Udaleku irekiak 2017

2017/04/04
3 eta 10 urte bitarteko umeentzat izango dira (20017-2013an jaioak). 4 aste eskaintzen dira eta txanda bi, jantokiarekin eta jantokirik gabe. Izen ematea apirilaren 24tik maiatzaren 10era izango da Gazte Informazio Bulegoan.

Izena emateko arautegia
Datak
1. ekainaren 26tik 30era
2. uztailaren 3tik 7ra
3. uztailaren 10etik 14ra
4. uztailaren 18tik 21era
Ordutegiak
A. 09.00-13.00 B.09.00-15.00
Prezioa A.35€ B.75€ (Jantokia barne)
Izen-ematea Apirilaren 24tik maiatzaren 10era (biak barne)
Ametx Txartelarekin Gazte Informazio Bulegoan. 10.00-13.00/17.00-20.00

Amorebieta-Etxanok Euskadiko Xake Txapelketaren XXXII. edizioa hartuko du

2017/04/12
• Apirilaren 17tik 23ra bitartean ospatuko da lehiaketa Zelaieta zentroan. • Guztira 22 partaide izango dira txapelketan, eta irabazleak 1.000 euroko saria jasoko du. • Partaideen artean Gabriel del Río maisua, Mikel Huerga nazioarteko maisua edota Sergio Trigo FIDE maisua izango dira, besteak beste

Amorebieta-Etxano, 2013ko martxoaren 26a. Amorebieta-Etxanora etorriko zaigu beste urte batez Euskadiko Xake Txapelketa, bertan jokatuko baita 32. edizioa ere. Apirilaren 17tik 23ra bitartean, udalerri bizkaitarreko Zelaieta zentrora hurrera daitezke xakea gustuko duten guztiak, euskal xakelaririk onenen teknikaz eta jokaldiez gozatzera.

Euskal lurraldeetan sailkatu diren 22 partaideen artean erabakiko da zein den Euskadiko txapelduna, eta garaipenari esker, Espainiako txapelketan parte hartzeko aukeraz gain, 1.000 euroko saria ere eskuratuko du irabazleak.

Partidak irekiak izango dira ikustera hurreratu nahi duten guztientzat eta, horrezaz gain, Internet bidez ere ikusi ahalko dira zuzenean Zornotzako Xake Elkartearen webgunean: www.zornotzakoxakeelkartea.com

Beste urte batez, oso kalitate oneko jokalariek hartuko dute parte, eta bertan izango dira, besteak beste, Gabriel del Río maisua, Mikel Huerga nazioarteko maisua, Sergio Trigo FIDE maisua eta Eihartze Buiza, nazioartekoa maisua eta Espainiako Xake Selekzioaren jokalaria.

Nagusien Tanborrada 2017

2017/04/24
Izena emateko epea maiatzaren 19ra arte hemen

IZEN EMATEA HEMEN

ARAUTEGIA

Hirurogeita hamar urtetik gorako tradizioa daukan ospakizuna da Amorebietako tanborrada, eta azken 40 urteotan etenik gabe ospatu izan da. Gure ustez, ekimen herrikoia da tanborrada eta, horregatik, merezi du zaintzea denboran iraun dezan eta, urteak aurrera joan ahala, aberastuz joan dadin.

Urte hauetan guztietan, profil eta ezaugarri bereziak eta esklusiboak definituz joan da Amorebietako tanborrada, eta horiek ematen diete ospakizunari bere duen izaera berezkoa.

Izaera berezi, koloretsu, parte-hartzaile eta umoretsu horri eustea, eta jaia ahalik eta erarik antolatuenean iraunaraztea da arautegi honen helburua. Hain zuzen ere, ahalegin sendoa egitea Napoleonen tropek duela bi mende baino gehiago gure lurretan barrena gauzatu zuten desfilea ospatu, jai bilakarazi eta satira eran burutzen duen jai bitxi hau bizirik mantentzeko, antolaketarik ezak edota utzikeriak jota hil ez dadin.

 

IZEN-EMATEA

Tanborrada osatzen duten gorputzetako edozeinetan (tanbor-joleak eta tanbor-jole beteranoak, fusilariak, zaldunak, sukaldariak eta kantinerak) izena ematea NAHITAEZKOA izango da, iragartzen diren egun eta epeetan, bai eta librea eta irekia ere Amorebieta-Etxanoko 16 urtetik gorako hiritar guztientzat.

Izena emateko deialdia publikoa izango da eta Ametx erakunde autonomoak iragarri egingo du, ohiko dituen bideak erabilita horretarako. Hemendik aurrera zorrotz errespetatuko dira aurreko urteko zerrendak, eta gertatzen diren bakanteak beteko dira urte bakoitzean. Ametx erakunde autonomoaren ardura izango dira izen-ematea eta entseguetako asistentziaren kontrola.

Tanborradaren batzordeak erabakiko du, urtero-urtero, gorputz berriak sortzea edo lehendik daudenen kopurua areagotzea.

 

ENTSEGUAK ETA MUSIKA ZUZENDARITZA

Tanborradaren batzordeak onartuko ditu gorputz ezberdinen entseguen egutegiak, eta argitaratu egingo ditu. Derrigorrezkoa izango da entseguetara etortzea, eta entsegu bitan baino gehiagotan huts egiteak desfilean parte ez hartzea ekarriko du.

Tanborradako doinuak, musika-konponketak, musika banda eta entseguen musika zuzendaritza Zubiaur musika eskola eta Tanborradaren zuzendariaren ardura izango da.

Tanborradaren batzordeak eta Zubiaur musika eskolak aukeratuko dute, ados jarrita, tanborradaren zuzendaria.

 

TANBORRADAREN BATZORDEA

Honakoak izango dira tanborradaren batzordekideak:

Tanborradaren zuzendaria; 2 fusilari (gorputzaren nagusia barne); 2 tanbor-jole beterano, 2 tanbor-jole gazte; 2 sukaldari; 2 kantinera; 2 antortxero; zaldun 1; Ametx erakunde autonomoaren teknikari 1.

Honakoak izango dira tanborradaren batzordearen eskumenak: Kideen kopurua handiagotu edo gutxiagotzea, tanborradaren ibilbidea, geldialdiak eta amaiera definitzea, uniformea bezalako oinarrizko gaietako aldaketak erabakitzea eta, orokorrean, giro baketsua bermatzea eta konponbidea ezartzea gorabeherak gertatzen direnean, eta tanborradaren  zuzendariaren izendapenean parte hartzea.

 

ZUZENDARIA

Agintari nagusia izango da tanborrada prestatzeko entseguetan eta tanborrada gauzatu bitartean. Zuzendariaren eskumena izango dira diziplina neurri guztiak, ibilaldiaren aldaketak, tanborrada osatzen duten gorputzen kokalekua, errepertorioa… Tanborrada osatzen duten gorputzen arduradunei emango die horien guztien berri eta apelaezinak zaingo dira beraren erabakiak.

Tanborrada osatzen duten gorputzen koordinazioa zuzendariaren erantzukizuna izango da. Gorputzen nagusiak batuko ditu desfileari ekin aurretik eta, bere erabakien berri emateko, egoki deritzon guztietan.

 

UNIFORMEAK ETA MATERIALA     

Tanborradarako erabiltzen diren uniformeak (kasakak, txanoak, amantalak, txalekoak…) jabetza publikokoak dira, eta halakoak dira tanborradan erabiltzen diren gainerako materialak ere (tanborrak, makilak, fusilak, kanoia, lapikoak…). Ametx erakunde autonomoaren ardurapekoa da beraien zainketa eta biltegiratzea, tanbor-jole beteranoen kasakak izan ezik (tanbor-joleenak eurenak dira).

Honakoak dira tanborrada osatzen duten gorputzen uniformeak:

 

Tanbor-joleak eta tanbor-jole beteranoak

Tanbor-joleen kasaka (alkandora zuria eta lazo beltza).

Beteranoen kasaka (ez daramate alkandorarik, kamisetarik edo lazorik bistan).

Praka zuri luzeak (jeans erakoak ez)

Itsasontzi tankerako txanoa, apaingarria ezkerretara.

Zapata beltzak (zapatillak ez).

 

Fusilariak

Kasaka bandaz (ez alkandorarik, ez kamisetarik, ez zintarik) eta zapi zuri pertsonala.

Praka zuri luzeak (jeans erakoak ez).

Txanoa.

Zapata beltzak (zapatillak ez).

 

Zaldunak

Kasaka bandaz.

Txanoa.

 Alkandora zuria lazo beltzaz.

 Praka zuriak.

 Zaldi gainean ibiltzeko botak.

 Eskularru zuriak.

 

Sukaldariak

Sukaldarien prakak eta kasaka.

Zapia.

Txanoa.

Zapata beltzak.

 

Antortxeroak

Kasaka urdina.

Praka urdinak.

Alkandora zuria.

Zapatak.

Txanoa.

 

Kantinerak

 Alkandora.

 Txalekoa.

 Gona.

 Abarketak.

Tanborradaren kideek bere horretan erabili beharko dute tanborradaren uniformea, agerian eranskin edo osagarri pertsonalik gehitu gabe (fusilariak izan ezik. Beraien zapi zuria daramate hauek). Uniformetasuna nabarmen urratu, materiala behar den moduan zaindu ez edo justifikaziorik gabe hondatzeak tanborradatik aldentzea ekarriko du, zuzendariak hala erabakiz gero.

Tanbor-joleek eta fusilariek debekatuta izango dute erretzea tanborrada gauzatu bitartean (ezarrita dauden atsedenaldietan izan ezik), eta ezingo dute txilibiturik, turutarik edo bestelako soinu-tresnarik erabili, aginduak betetzeko beharrezkoak direnak besterik ez, hain zuzen ere.

TANBORRADA AMAITZEN DENEAN, MATERIALA (tanborrak, makilak, fusilak…) ETA UNIFORMEAK (kasakak, txanoak) ITZULI BEHARKO DITUZTE KIDE GUZTIEK, HORRETARAKO ADIERAZTEN ZAIEN TOKIAN. BERAIENAK DIRENAK (beteranoen kasakak) EZ DIRA ITZULI BEHAR ETA KANTINEREN JANTZIAK 5 EGUNEKO EPEAN ITZULI BEHARKO DIRA, DENAK BATERA.

 

Ikasgela zabalik maiatza eta ekaineko asteburuetan

2017/05/03
Azterketak hasteko diranez, Zelaietako IKASGELA zabalik egongo da maiatz eta ekaineko asteburuetan. Larunbatetan, goizez eta arratsaldez zabalduko da eta igandeetan, arratsaldez. Larunbatetako goizeko ordutegia ohikoa izango da; 10.00etatik 14.00etara eta arratsaldekoa, 16.00etatik 21.00etara. Igandeetakoa, 17.00etatik 20.00etara.

Azterketak hasteko diranez, Zelaietako IKASGELA zabalik egongo da maiatz eta ekaineko asteburuetan.

Larunbatetan, goizez eta arratsaldez zabalduko da eta igandeetan, arratsaldez. Larunbatetako goizeko ordutegia ohikoa izango da; 10.00etatik 14.00etara eta arratsaldekoa, 16.00etatik 21.00etara. Igandeetakoa, 17.00etatik 20.00etara.

 

 

Eleizetan programaren XVIII. edizioak Amorebieta-Etxanoko ermita eta elizak ganbera-musikaz beteko ditu

2017/05/04
• Antolatzaileek kontzertu guztietarako doako autobus bat jarriko dute. Autobusa kontzertua baino 30 minutu lehenago aterako da (45 minutu Bernagoitiara joateko)

Amorebieta-Etxano, 2017ko maiatzaren 3a. Aurten ere Amorebieta-Etxanoko ermita eta elizetan ganbera-musikaren arloan Euskadin egiten den programarik originaletariko bat entzun ahal izango da, Eleizetan programa. Hain zuzen ere berezia da kontzertuak Zornotzako ermita eta baselizetan egingo baitira.

Programaren XVIII. edizioak bost ganbera-musikako kontzertu proposatzen ditu. Entzun ahal izango diren taldeek esperientzia zabala eta kalitate handia dituzte.

Edizio honetan zornotzarrek ondoko kontzertuez gozatzeko aukera izango dute:

-         IAGOBA FANLO, biolontxeloa. 5 ostirala. Boroako San Pedro baseliza (20:00)

Madrilgo Goi Mailako Kontserbatorioko hari instrumentuen sailaren buru da, eta klase magistralak ematen ditu Londreseko Royal Academy of Music-en. Casals fundazioak eskatuta, P. Casalsen biolontxelo eta pianorako lan argitaratu gabearen lehenengo entzunaldia eskaini zuen 2009an. Irakasle eta orkestra zuzendari jarduten du Bayreuth-eko junger Künstler jaialdian, eta txelo tutore European Union Youth Orchestran.  J. S. Bach konpositorearen biolontxelorako sei suiteen grabazioak egin eta oso kritika onak jaso ditu Ritmo, The Strad eta Scherzo hedabideetan. 27ko belaunaldiko musikaren disko-grabazioa burutu du oraintsu IBS zigiluarentzat.  Bakarlari aritu da Northern Chamber Orchestran, Saint Petersburg’s Chamber Orchestran, Euskadiko Orkestran, Gaztela eta Leoneko Orkestra Sinfonikoan, Murtziako Orkestra Sinfonikoan, Sevillako Errege Orkestra Sinfonikoan, Espainiako Orkestra Nazionalean, Malagako Orkestra Filarmonikoan, North Czech Philharmonic Orchestran, Virtuosi di Pragan eta Panamako Orkestra Nazionalean, besteak beste.

-         GANI MIRZO. Laute jole kurdua, Qamichi Siriakoa eta Bartzelonan bizi dena, Neila Bembey, ahotsa eta Juan José Barreda, gitarra. 13 larunbata. Garitondoko San Isidro ermita (20:00)

Haurra zela Alepon bizi izan zen, eta bertan burutu zituen lehenengo musika ikasketak. Qadri Dala (ekialdeko lautea) eta Nuri Escandar (konposizioa). Ekialdeko musikan aditua eta lauterako konpositorea da, eta Neila Bembey algeriarraren ahotsa eta Juan José Barredaren gitarra ditu lagun, ekialdeko musika kurdua inspirazio iturri duten bere konposizioak aurkeztera datorkigun honetan.  Mundu osoko eszenatokietan ibili da, eta Siriako mugatik 60 kilometrora dagoen Irakeko Domiz esparruko errefuxiatuei eskaini dizkie azken kontzertuak.

-         ZARUK. Iris Azquinezer, Biolontxeloa eta Rainer Seiferth, gitarra. 14 igandea. Bernagoitiako San Migel eliza (12:15)

Soinu lurraldea da Zaruk, tradizioa eta gaurkotasuna uztartzen dituen musika-imajinarioa. Iris Azquinezer txelo jole espainiarrak eta Rainer Seiferth gitarra jole alemaniarrak osatutako musika bikotea judu sefardien musika ondareari begira ageri zaigu. Horrela, Sefarad –Iberiar penintsulatik egotziak izan ondoren, XV. mendean laga behar izan zuten lurraldea-, galdu izanaren eraginez malenkoniaz blaituta eta aldi berean diasporan zehar ezarriaz joan zireneko mediterraneoko lurraldeen arimak osatuta dagoen kulturaren ñabardurak dakarzkigu.  

-         ARTEKO HIRUKOTEA. Unay Celaya (biolina), Guillermo Pérez (tronpa) eta Andrés Martínez (pianoa). 20 larunbata. Dudeako San Migel ermita (20:00)

***PROGRAMAZIOAN ALDAKETA (MUSIKENEN KONTZERTUA ORDEZKATZEN DU).

Arteko Hirukotea sortu berri den hirukotea da. Musikenen sortu da Gabriel Loidik ematen duen ganbera-musika irakasgairako. Kideak Unai Celaya (biolina), Guillermo Pérez (tronpa) eta Andrés Martínez (pianoa) dira eta aurten Musikeneko azken ikasturtean daude beraien irakasleak Keiko Wataya, Rodolfo Epelde eta Marta Zabaleta direlarik. Ganbera-musikako hainbat ziklotan parte hartu dute beste talde batzuekin, esaterako Kutxa Zikloa, Trintxerpe edota Lasarten aurreko edizioetan.

-         IÑAKI ALBERDI & BIOS KAMARA ORKESTRA. 21 igandea. Akordeoia Etxanoko Andra Mari Eliza (12:30)

Hainbat konpositore garaikiderekiko elkarlanean aritu da, eta Sofia Gubaidulina, Karlheinz Stockhausen, Luis de Pablo, Joan Guinjoan, Gabriel Erkoreka, Ramón Lazkano eta beste zenbaiten lanak estreinatu ditu. Diskoen grabazioak ere egin ditu Stradivarius, Kairos, Verso eta Espainiako Orkestra Nazionalaren zigiluetan, eta hainbat kontzertu-areto eta jaialdi ere bisitatu ditu: Fenice, Madrileko Auditorio Nazionala, Donostiako Musika Hamabostaldia eta San Petersburgoko Hermitage, esaterako. Beste hainbat dira Iñaki Alberdi jotzera gonbidatzen duten orkestrak ere: Royal Liverpool Philarmonic, Tempera Chamber Orchestra, Espainiako Orkestra Nazionala, Euskadiko Orkestra Sinfonikoa...

BIOS KAMARA ORKESTRA. 2004an sortu zuen Ana Uriartek eta EGO (Euskadiko Gazte Orkestra), JONDE eta beste musika-talde batzuk ditu musikari-iturri. BIOS osatzen duten interprete gehienak, kontzertista ez ezik, irakasle dira Euskal Herriko zenbait ikastegi eta kontserbatoriotan, bai eta Bilboko eta Euskadiko Orkestra Sinfonikoen ohiko kolaboratzaile ere.        

Kontzertu guztietarako doako autobusa egongo da. Autobusa kontzertua baino 30 minutu lehenago aterako da Gudari kaleko autobus geralekutik (45 minutu Bernagoitiara joateko).

Programa osoa.

Udako ikastaro trinkoa ZORNOTZA udal euskaltegian.

2017/05/04
HABE C1 maila / EGA prestatzeko egunean bost orduko ikastaroa, ekainaren 2tik 29ra.

Ikastaroan matrikulatu nahi duenak sarrera proba egin beharko du. Informazio gehiago

PDF document icon ELEIZETAN 2017 programa.pdf — PDF dokumentua, 1.01 MB (1059007 bytes)

Umeen tanborrada 2017

2017/05/13
Izena emateko epea ekainaren 9ra arte Gazte Informazio Bulegoan eta online

Umeen tanborrada 2017ko uztailaren 20an burutuko da.

5-13 urte bitarteko umeak eta gaztetxoak hartu ahal dute parte. (2012-2004 urteetan jaioak)
Izena emateko epea: 2017ko maiatzaren 15etik ekainaren 9ra Gazte Informazio Bulegoan edo online. Izena emateko umea/gaztetxoaren izen-abizenak, jaiotze data eta arduradunaren teléfono zenbakia eman beharko da.

Tanborradak aurten gorputz berri bat izango du eta kantineroak ere izango dira umeen tanborradan. Gorputzak: Sukaldariak, antortxeroak, fusileroak, kantineroak eta tanborreroak.

Arautegi osoa hemen.

Izena emateko hemen.

Zubiaur Zornotzako musika eskola - Matrikulazioa 2017/2018 zabalik

2017/05/15
Epea: Maiatzaren 15etik ekainaren 9ra. • Ordutegia: astelehenetik ostiralera (13:00-18:30) • Tokia: Zubiaur Musika Eskola eta online. Elizalde kalea 2. • Tfnoa: 94 630 15 10

Aurrematrikula egiteko, ikaslearen datu pertsonalak eta bankuko kontu zenbaki bat eskatuko da (24 zenbaki)

Aurrematrikula web gunetik ere egin daiteke.

DANTZA

6 URTETIK AURRERA  
 
Dantzarekin kontaktua (6-7 urte)
Sormenezko dantza (8 urtetik aurrera)
Dantza Klasikoa (8 urtetik aurrera)
Hip Hop/Funky (12 urtetik aurrera) 

MUSIKA 

4 URTETIK AURRERA  
 
Musikarekin Kontaktua (4-7 urte)
 
Flauta, Klarinetea, Saxofoia,  Tronpeta, Tronboia, Perkusioa, Biolina, Biola, Biolontxeloa.  
Pianoa, Gitarra, Akordeoia. Txistua, Alboka, Trikitixa, Dultzaina, Txalaparta.
Gitarra eta Baxu elektrikoa, Teklatuak, Bateria.
 
Hizkuntza Musikala, Analisia, Korua eta Talde instrumentalak.
 
Musikoterapia Hezigarria

Derandein fundazioaren astea Amorebieta-Etxanon

2017/05/25
Sahara azpi ekialdeko herrialdeetan (Etiopia eta Kenia nagusiki) umeen hezkuntzarekin zer ikusia duenarekin laguntza zuzena eskeintzea helburu duen fuindazio honek ekitaldiz betetako astea antolatu du Ametx erakunde autonomoaren eta Zornotza mendi taldearen lankidetzarekin

Ekainaren 5etik 10era Afrika emakumearen izenarekin izeneko erakusketa izango da ikusgai Zelaieta Zentroko Erakusketa gelan.

Ekainaren 9an, ostiralarekin, arratsaldeko 19:00etan, hitzaldia eskainiko dute Derandein Fundazioko erakusketa izenburupean, Zelaieta Zentroko auditorioan.

Ekainaren 10ean, larunbata, arratsaldeko 17:00etatik iluntzeko 20:00etara, Erdu Olgetan berezia ospatuko da: Udako jaia, puzgarriak, eta afrikako jokoak 3-10 urteko umeeentzat Zelaieta parkean.

Ekainaren 11n, goizeko 10:00etan hasita, Ibilaldi herrikoia (11 km ibilbide luzea eta 6 km-koa, berriz, umeekin familian joatekoa) Jauregibarriako parkinean. Ibilaldian parte hartu nahi dutenek izena emango dute Zelaieta zentroko harreran ekainaren 6ra bitartean (barne)

Izen-ematea: 3,50 euro nagusientzat eta 1,50 euro 14 urtetik beherakoentzat.

IZEN EMATEETATIK BATZEN DeN DIRU GUZTIA ETIOPIAKO ESKOLA BATERA MATERIALA ERAMATEKO IZANGO DA.

Informazio gehiago: HEMEN

Ibilaldian parte hartzeko fitxa (Zelaietan entregatzeko): HEMEN

Derandein

Derandein
Jatorrizko tamainako irudia: 59 KB | Irudia ikusi Ikusi Irudia deskargatu Deskargatu

Derandein_Izena emateko orria

PDF document icon izen emateak.pdf — PDF dokumentua, 174 KB (178254 bytes)

Derandein_Informazioa

PDF document icon Derandein Fundazioaren Ibilaldia eus.pdf — PDF dokumentua, 409 KB (419218 bytes)

Berezi eta Boroa Jan Alai 2017ko irabazleak

2017/05/28

291 botoekin Berezi kafetegiko pintxoa izan da Jan Alai 2017ko herri bozketaren irabazlea. Herri aukeraketaren top 10ean, Boroa jatetxea, Uranga taberna, Vintage taberna, Singing Munch, New Castle, Javi taberna, Sukoi, El Cojo eta Izaro jatetxea aurkitzen dira ere.

Pintxo berritzaileena epaimahai teknikoaren ustez, Boroa Jatetxeko pintxoa izan da, atuna arinki marinatua eta ahuakatea irasagar belo espeziatuan, zitrikoen lurrindun foie grasaren gainean.

Kirol Campusa euskaraz 2017

2017/05/31
Izena emateko epea ekainaren 1etik 15era Campusa abuztuaren 31tik irailaren 6ra burutuko da

Datak
Abuztuaren 31tik irailaren 6ra
Adina
LHko ikasleak (2011-2006 jaioak)
Ordutegia
9:30-14:00
Prezioa 35€
Izen-ematea Ekainaren 1etik 15era (biak barne)
Ametx Txartelarekin Gazte Informazio Bulegoan. 10.00-13.00/17.00-20.00
ARAUTEGI OROKORRA

Santiago Onaindia ikerketa bekaren 15. edizioa (2017)

2017/06/05
Ametx erakunde autonomoak Santiago Onaindia Ikerketa Bekaren 15. edizioari dagokion deialdia onartu du, 2017ko maiatzaren 9ko, 17-88 zenbakidun Presidentearen dekretuaren bitartez.

BALDINTZAK

Izendagaiak

Banaka nahiz taldean aurkeztutako proiektuak izan daitezke hautagai. Bigarren kasu horretan, proiektuaren zuzendari-arduraduna izendatuko da, taldearen ordezkari izan dadin.

Beka emateko baldintzak bete ezean edo aurreko deialdiren bati dagokion lana amaiturik entregatu ez bada, eskabide horien arduradunak ez du izango hurrengo beka-deialdietara aurkezterik, egoera argitu bitartean.

Lanak

Originalak eta lehenago argitaratu gabeak izango dira. Euskal literaturaren alorreko ikerketa-lan hauek euskaraz aurkeztuko dira.

Iraupena

Lana gauzatzeko epea, gehien jota, urtebetekoa izango da, esleitu eta onartzen denetik zenbatzen hasita.

Zuzkidura

Bekaren zuzkidura 9.000 €-koa izango da.

Ordainketa

Honela burutuko da ordainketa:

% 40 beka esleituta, bekadunak hura onartu ondoren.

% 30 sei hilabete igarota aurkeztu beharreko txostena aurkeztu eta Epaimahaiak onartu ondoren.

% 30 lan osoa aurkeztu eta Epaimahaiak onartu ondoren.

Aurkeztu beharreko dokumentazioa eta epea

Bekarako izena eman nahi dutenek dokumentazio hau bidaliko dute Ametx Erakunde Autonomoaren euskara zerbitzura:

a.- Bekadun izan nahi duenaren, edo taldea balitz, taldeko ordezkariaren eskaera, honako hauek adieraziz:

-          Izen-abizenak

-          Helbidea

-          NAN edoPasaporte zenbakia

-          Telefono zenbakia

-          Posta elektronikoa

b.- Eskatzailearen, edo taldea balitz, taldeko kide guztien “Curriculum vitae”ak; bertan, egindako ikasketak, izandako lanbide-jarduerak, burututako ikerketak, lortutako sariak, argitaratutako lanak… azalduko dira.

c.- Egingo den lanari buruzko txostena, honakoak azalduz:

-          Lanaren interesa.

-          Luzera edo iraupena.

-          Ikerketa-lanen epeak.

-          Erabiliko den metodologia.

-          Lan-zentroak.

-          Bitartekoak.

 Dokumentazioa aurkezteko epea 2017ko irailaren 29an, 14:00etan amaituko da; horretarako, hiru bide hauetakoren bat erabiliko da:

-          Ametx erakunde autonomoaren erregistroan sarrera eman (Zelaieta Zentroa. Zelaieta Parkea z/g 48340 Amorebieta-Etxano).

-          Postaz helarazi helbide honetara: AMETX erakunde autonomoa. Zelaieta Zentroa, Zelaieta parkea z/g 48340 Amorebieta-Etxano. Gutunazalean SANTIAGO ONAINDIA IKERKETA BEKAren 15.ediziorako dela adierazi behar da.

-          Posta elektronikoz AMETX erakunde autonomoaren euskara zerbitzura bidali: euskara@ametx.eus. Dokumentuak PDF formatuan erantsiko dira.

Egun berean postetxean utzitako proiektuak onartuko dira, baldin eta proiektua posta ziurtatuz bidaltzen bada. Horrelakoetan, eskaerak kartazal irekian aurkeztu behar dira, posta-funtzionarioak, ziurtapena egin baino lehen, eskaerei data eta zigilua jar diezazkien.

Bekadunen betebeharrak

a.- Bekadunak idatziz adieraziko du beka onartu duela, beka berari eman zaiola jakinarazten zaionean zenbatzen hasi eta egutegiko 15 egunen epean. Beka jasotzen duenak uko eginez gero, Epaimahaiak, egoki baderitzo, zerrendan hurrengo dagoenari eman ahal izango dio beka.

b.- Beka eman dela jakinarazten denean zenbatzen hasi eta sei hilabeteko epean, lanaren garapenaren egoerari buruzko txostena aurkeztu beharko du.

c.- Hala lanean nola ikertzaile-taldean aldaketaren bat egin ahal izateko, idatziz jakinarazi beharko zaio aldez aurretik Epaimahaiari, eta Epaimahaiak erabakiko du aldaketa onartzen denentz.

d.- Bekaren amaieran lan osoa aurkeztu beharko da idatziz eta euskarri informatikoan.

e.- Ametx Erakunde Autonomoak egoki iritziz gero, bekadunak landutako edukiaren berri emango du jendaurreko ekitaldi batean.

Lanaren jabetza

Lanaren jabea egilea izango da. Ametx Erakunde Autonomoak beretzat gordeko du ikerketa-lanaren argitalpen osoa edo zatikakoa egiteko lehenengo eskubidea. Horrela eginez gero, bekadunak uko egingo dio egile-eskubideak jasotzeari.

Ametx Erakunde Autonomoak eskubide hau erabili nahi badu (paper-formatuan zein euskarri informatikoan), jakinarazi egingo dio egileari; lana behin betiko jasotzen duenean zenbatzen hasi eta sei hilabeteko epean, eta bi urteko epean argitaratu beharko du. Epe hori igarota, egileak askatasuna izango du lana berak argitaratzeko. Horrela eginez gero, jasotako bekaren aipamena egingo du argitalpenean.

Epaimahaia

- Ametx Erakunde Autonomoaren presidenteak izendatuko ditu epaimahaikideak, dagokion jakintza-arloko adituen artean.

- Dokumentazioa aurkezteko azken egunean zenbatzen hasi eta hiru hilabeteko epearen barruan jakinaraziko da nori eman zaion beka.

- Epaimahaiak beka inori ez ematea erabaki dezake, aurkeztutako lanek bere ustez beharrezko baldintzak eta garantiak betetzen ez badituzte.

- Bekarako proiektuak aurkezten dituzten eskatzaileek, eskatze hutsaz, uko egingo diete Epaimahaiaren ebazpenaren aurka egiteko mota guztietako egintzei.

Gorabeherak

- Ametx Erakunde Autonomoak ebatziko ditu  bekaren tramitazioan gertatzen diren gorabehera guztiak, eta horien ondoren ez da bestelako errekurtsorik izango. Era berean, Beka indarrik gabe utzi ahal izango du, baldin eta bekadunak adierazi zaizkion betebeharrak betetzen ez baditu.

- Bekadunak, lanak dirauen bitartean bekari uko egiten badio, eskubide guztiak galduko ditu, eta itzuli egin beharko ditu ordura arte jasotako diru-kopuruak.

 

Amorebieta-Etxanon, 2017ko ekainaren 1ean.

 

 

 

LUCIANO MARTINEZ IGLESIAS

Ametx erakunde autonomoko presidentea

Zornotzarrek “oso ongi” nota eman diete Amorebieta-Etxanoko jaiei, eta euren iraupenari eutsi nahi diote

2017/06/12
• Jai-garaian, herritarren segurtasunak eta udalerriaren garbitasunak 10 puntutik 8 jaso dituzte • Udalak dagoeneko eskuratu ditu herritarrek parte hartzeko abiarazi zuen prozesuaren emaitzak; prozesu horretan bildu dira Amorebieta-Etxanoko biztanleek jaien inguruan dauzkaten iritzi eta iradokizunak • Gehiengoa jaiak orain arte izan duten luzaeraren alde agertzen da • Karmengo jaien kartela Mikel Berrojalbiz zornotzarrarena izango da.

Amorebieta-Etxano, 2017ko ekainaren 12a. Udalerriko biztanleek “oso ongi” nota eman diete Amorebieta-Etxanoko Karmengo jaiei. Zehazki, 10 puntutik 7 eman dizkiote jaien kalitateari.

Horixe da Gizaker enpresak egin duen txostenaren ondorio nagusietako bat. Enpresa hori arduratu da, hain zuzen, Amorebieta-Etxanoko Udalak herritarrek parte hartzeko abiarazi zuen prozesua zuzentzeaz; hots, udalerriko jaiei buruzko iritziak eta iradokizunak biltzekoa. Ekimen horren bidez, udalak herritarren ahotsa entzun nahi izan du, inplikatutako eragile guztien artean lan eginda benetan jai herrikoiak ospatu ahal izateko, udalerriko biztanle guztiek atsegin izango dituztenak.

Txostenak azpimarratu ditu zornotzarrek hobeto baloratu dituzten jarduerak; honako hauek, alegia, eta ordena honetan: marmitako-txapelketa, txupinazoa eta haurren danborrada. Izan ere, jarduera horiek biltzen dute jende gehien, musika-emanaldi eta kontzertuekin batera.

Jaien iraupenaren ildotik, gehiengoa (% 41.5) orain arte ezarrita dagoen egutegia mantentzearen alde agertzen da. Ez da adostasun argi bat agertzen jaien iraupenaren inguruko aldaketak egiteko orduan. Inkestak beste datu batzuk ere ezagutarazi ditu: esate baterako, 10 zornotzarretik 8k ez lukete jaien ezer aldatuko, eta herritarren % 90ek egungo jai-esparruei eutsi egin nahi die, ez lukete horietako bat ere ez kenduko. Bestalde, inkestan parte hartu dutenen % 60k uste du Amorebieta-Etxanoko jaiak ez daudela berdintasunez zuzenduta profil guztietara.

Gehien baloratu dituzten zerbitzuen artean, aipatzekoa da 8 puntu eman dizkietela (10 puntutik) herritarren segurtasunari eta udalerriaren garbitasunari jai-garaian.

 

Jaien kartela

Beste alde batetik, Jai Batzordeak dagoeneko enkargatu du 2017ko Karmengo Jaiak iragartzeko kartela. Jaiak, aurten, uztailaren 15ean hasi eta uztailaren 27an amaituko dira.

Aurtengo kartela jai-irudien puzzle bat, Mikel Berrojalbiz zornotzarrak egin du.

Emakumez osatutako nazioarteko bederatzi talde hurbilduko dira Amorebieta-Etxanoko fanfarreen, banden eta kaleko musikaren Haizetara jaialdian

2017/06/14
• Jaialdiaren XII. edizioa ekainaren 23tik 25era ospatuko da • Aurtengo edizioa emakumeengan pentsatuta antolatu da, emakumeek kaleko arteetan duten presentzia indartzeko eta ikusarazteko • Haizetara jaialdiak Belgika, Japonia, Frantzia, Danimarka, Erresuma Batua eta Argentinatik etorritako taldeak hartuko ditu gurean, baita Madril, Katalunia eta Euskaditik etorritakoak ere.

Amorebieta-Etxano, 2016ko ekainaren 14a. Emakumez, batez ere, osatutako nazioarteko bederatzi talde hurbilduko dira fanfarreen, banden eta kaleko musikaren Haizetara nazioarteko lehiaketaren hamabigarren edizioan parte hartzeko. Jaialdia Amorebieta-Etxanon ospatuko da ekainaren 23tik 25era.

Aurtengo edizioa emakumeengan pentsatuta egin da, emakumeek kaleko arteetan duten presentzia indartzeko eta ikusarazteko.

Musika-jaialdia, kaleko musikari begira, nazioartean hobekien finkatuetakoen artean dago jada, eta Amorebieta-Etxano herrialde eta hiri ezberdinetako taldeekin beteko du hiru egunez; besteak beste, Belgika, Japonia, Frantzia, Danimarka, Erresuma Batua eta Argentinatik etorriko dira. Horrez gain, ez dira faltako Madril, Katalunia eta Euskaditik bertatik etorritako bandak.

Jaialdiaz gozatzeko aukera izango duzu Amorebieta-Etxanoko kaleetan ekainaren 23ko, ostirala, 19:00etatik ekainaren 25eko, igandea, 13:00etara, eta lehiaketa itxura izango du. Bertan, talde parte-hartzaileek sari ezberdinak jasotzeko aukera izango dute, bai epaimahaiak banatuko dituen bandarik onenaren saria (10.000€) eta instrumentistarik onenaren saria (1.000), bai herritarrek bozkatuta emango den ikusleen saria (4.000€).

Lehiaketa-jaialdia antolatzen den egunetan, lau gastronomia-gune jarriko dira Amorebieta-Etxanoko hainbat plazatan. Agertoki horietan honako hauek joko dute:

  • Pas de Soir Chéri (Belgika).
  • The Dawlins (Madril).
  • Tokyo Brass Style (Japonia).
  • Wonder Brass Band (Frantzia).
  • Bluenette Sisters & the Seamen Orchestra (Danimarka).
  • Tell Tale Tusk (Erresuma Batua).
  • Fanfarre Sugarri (Euskadi).
  • Balkan Paradise Orchestra (Katalunia).
  • Las taradas (Argentina).

 

Jarduera osagarriak

 Haizatera jaialdian musika-emanaldiak eskainiko dira, baina gainera, egun horietarako antolatutako zenbait jarduera osagarri egingo dira, hala nola Guça (Serbia) eskualdeko “Urrezko tronpeta” jaialdiari buruzko “Balkaneros” argazki-erakusketa. Honako hauek ere erakusketa antolatzen lagundu dute: Espainiako Gobernuko Kultura Ministerioko Antropologia Museoa eta Bosniako Serbiar Errepublikako enbaxada. Erakusketa Zelaieta Zentroan egongo da ikusgai.

Bestalde, bi jam-session antolatu dira (ekainaren 23an eta 24an, 23:00etan) Harrison hotelaren terrazan. Girls Band emakumeen laukotea arduratuko da emanaldiaz, eta Elsa Lizundia saxofonista bizkaitarra izango da burua.

Foru Aldundiak eta Amorebieta-Etxanoko Udalak babestutako programa dugu, baina tokiko txokoen, entitateen eta enpresa pribatuen laguntza izango dute.

Haizetara

Haizetara jaialdia duela hamar urte jaio zen Amorebieta-Etxanoko Udalaren eskutik eta asteburu batean ospatzen da, San Juan egunetik gertu. Herriko artxibo historikoetan jasota dagoenaren arabera, San Juanetan musika kalean bizi-bizi egoten zen.  Jaialdi honetan Udalak XX. mende hasieran musika eta San Juan sua lotzen zituen jai-giroa berreskuratu nahi du. Honek berebiziko garrantzia izan zuen batez ere 1913. urte inguruan. 

Herrikoak eta eskualde osokoak erakarri nahi ditu Haizetara jaialdiak. Musikaren arloan dabiltzanei ere zuzenduta dago, jaialdiaren bidez munduko beste leku batzuetan kaleko musika-taldeek zer egiten duten ezagutzeko eta azken joerak eta joera berritzaileak ezagutu ditzaten.

Informazio gehiago: www.haizetara.com

Balkan Paradise Orchestra, Haizetara 2017ko banda irabazlea

2017/06/26
• Talde kataluniarra 9 taldeetatik aukeratua izan da epaimahaiaren eskutik • Publikoaren sari berezia Fanfarre Sugarri izan da. • Tell Tale Tusk hautatu da instrumentistarik onena (Fiona Feyk, Laura Inskipek eta Reyhan Yusufek osatzen duten taldea) • Hamabigarren edizioa emakumeek gehienez osaturiko taldeen edizioa izan da

Amorebieta-Etxano, 2017eko ekainaren 26a. Haizetara 2017 arrakasta handiarekin amaitu da jada. Milaka pertsona hurbildu ziren Amorebieta-Etxanora parte hartu duten taldeen musikaz gozatzeko. Aurten emakumeek gehienez osaturiko taldeen edizioa izan da.
Haizetara Amorebieta-Etxanoko banda eta kaleko musikaren jaialdiko hamabigarren  edizioaren lehiaketako sariak ondorengoak izan dira:

  • Lehiaketaren sari nagusia (izen ezagunek osatutako epaimahaiak erabakia): Balkan Paradise Orchestra (Katalunia). 10.000 euroko saria.
  • Ikusleen sari berezia (herritarrek erabakia): Fanfarre Sugarri (Durango). 4.000 euroko saria.
  • Instrumentistarik onenarentzat saria 1.000 euroko saria (sari nagusia ematen duen epaimahai berak erabakia) Tell Tale Tusk taldeari pertsona hauek osaturikoa: Fey, Laura Inskip eta Reyhan Yusuf.

 

Asteburuko bideoa eta argazkiak ikusgai daude multimedia atalean

Marmitako txapelketa 2017

2017/06/28
Izena emateko epea Gazte Informazio Bulegoan ekainaren 29tik uztailaren 14ra arte

1 Amorebietako jaietako kuadrilen arteko marmitako lehiaketa/txapelketa uztailaren 22an egingo da Zubiondo plazaren inguruan.

2 Herriko edozein koadrilak parte hartu ahal izango du, aurretik AMETX Erandunde Autonomoaren Gazte Informazio Bulegoan izena ematen badu. Izen ematea astelehenetik ostiralera 10:00etatik 13:00etara eta 17:00etatik 20:00etara izango da eta uztailaren 14ean eguerdiko 13:00etan amaituko da.

3 Mahai-lagunak eta banatutako mahai eta aulkien kopurua ahalik eta zehatzen aurreikusteko, eta lehiaketaren garapen egokirako, izena ematerakoan, kuadrila bakoitzeko kide batek AMETX txartela izan eta aurkeztu beharko du. Pertsona hori mailegatutako materialaren arduraduna izango da eta materiala ez jasotzea, ez itzultzea, edo egoera ez egokian itzultzekotan hurrengo zenbatekoen arabera ordaindu beharko ditu:

Mahaia: aleko prezioa 30€

Aulkia: aleko prezioa 20 €

Bestelako zigorrak: 50€

Zigorra jarriko da honako egoera hauek gertatuz gero:

-          Mahai-lagun baino askoz mahai eta aulki gehiago egonez gero.

-          Materialaren ez entregatzea orduan eta beharrezko lekuan edo materiala egoera okerrean bueltatzea.

-          Antolatzaileek banatutako tokien mugak errespetatu ezean.

-          Arautegian agertzen ez den antolatzaileek erabakitzen duten beste edozer

4 Lehiaketako/txapelketako koadrilei egokitu zaizkien tokiak zozketatu egingo dira. Zozketa jendeaurrean egingo da Zelaietako Auditorioan, uztailaren 19an, asteazkena, eguerdiko 12:00etan. Guneak pertsona kopuruaren arabera sailkatuko dira eta kategoria desberdinetan zozketatuko dira: A talde txikiak, B talde handiak eta C Challengeko taldeak. Kuadrila bakoitzak zozketan esleitutako tokia erabili beharko du derrigorrez.

5 Antolatzaileek hegaluzea, mahai-tresneria eta ogia BAINO EZ diete emago Challengen parte hartuko duten koadrilei. Mahaiak eta aulkiak planoan agertzen den lekuan hartu eta bueltatu beharko dira hurrengo ordutegia errespetatuz. Hartu: 10:30 – 13:00; bueltatu: 13:00 – 19:30.

6 Koadrilek, antolatzaileen azalpenak kontuan hartu beharko dituzte uneoro, batez ere lapikoak entregatzeko ordutegia eta lekua.

Sari banaketa 14:30etan izango da.

Lapikoak gehienez, 25 zm-ko diámetroa izan dezakete.

7 Txapelketan/lehiaketan zehar sortu litekeen edozein arazo konpontzeko Batzorde Antolatzailea izendatuko da AMETXeko bi kide eta kuadrila antolatzaileko beste bi kideek osatuta.

420 parte-hartzaile Amorebieta-Etxanoko 2017ko udalekuetan

2017/06/28
• Ekainaren 26tik uztailaren 21era bitartean, udalerriko gaztetxoek primeran pasatzeko aukera izango dute kirol- eta kultura-jarduerez osatutako programa zabal batekin • Jarduera ugari aurreikusi dira, besteak beste: puzgarriak, ohe elastikoak, igerilekura joateko irteerak eta robotika

Amorebieta-Etxano, 2017ko ekainaren 28an. Guztira Amorebieta-Etxanoko 340 haurrek hartuko dute parte 2017ko Udaleku Irekietan, aste honetan hasi eta uztailaren 21era bitartean. Udaleku Irekiak 4 eta 10 urte bitarteko gaztetxoei zuzenduta daude, eta bi talde egiten dira adina kontuan hartuta.

Udalekuak Larrea eskolako instalazioetan egingo dira, bai eta udalaren kirol- eta kultura-instalazioetan ere. Ordutegia honako hau izango da: 09:00etatik 13:00ak edo 15:00ak arte.

Udalekuek irauten duten bitartean, etxeko txikiek aisialdiaz gozatzeko aukera izango dute. Horretarako, zentro bakoitzean jolas-parkeak jarri dira puzgarriekin, ohe elastikoekin, ur elementuekin… Halaber, astean behin irteerak egingo dituzte Bizkaiko beste udalerri batzuetara. Gainera, beste hainbat jardueren artean, igerilekura joan eta familientzako emanaldietan parte hartuko dute.
Udalekuetako programa Udako Zineman oinarrituta diseinatu da: haur-zineman aurki daitezkeen gai, balio eta genero desberdinak oinarri hartuta, jarduera-programa erakargarri eta oso bat diseinatzen da, egunero abentura bat bizitzeko.

Gauero Udan 2017

11 eta 14 urte bitarteko 80 zornotzarrek eman dute izena Gauero Udan programan. Ekainaren 26tik uztailaren 7ra bitartean, primeran pasatzeko aukera izango dute aire zabalean egingo diren jarduera desberdinekin: paintball, piraguak, robotika, igerilekuak eta ortua lantzearekin zerikusia duten jarduerak, besteak beste.

Eneko Atxa chef zornotzarra, Amorebieta-Etxanoko Karmengo jaietako pregoilaria

2017/07/05
• Zornotzako sukaldariak, uztailaren 15etik 27ra luzatuko diren jaiei hasiera emango die • Ohi bezala, hainbat jardueraz betetako egitarau bariatua atondu da Amorebieta-Etxanoko jaietarako • Tamborrada, marmitako txapelketa eta kontzertuak jaietako ekitaldi nabarmenenak dira.

Amorebieta-Etxano, 2017ko uztailaren 5a. Adin eta gustu ezberdinetara iristea da Karmengo jaien helburua eta, horretarako, ohi bezala, hainbat jardueraz betetako egitarau bariatua atondu da.

Musika ekitaldien artean: Esne Beltza, La Orquesta Mondragón, Calum, Carlos Jean, Vendetta eta Family Atlantica.

Eneko Atxa, pregoilaria

Aurten, jaietako pregoilaria Eneko Atxa sukaldaria izango da. Zornotzarra, bere garaian, 3 Michelin izar lortu zituen Espainiako sukaldari buru gazteena izan zen. Ezagutza hori World’s 50 Best Restaurants jatetxe zerrendan sartzearekin ere osatu da. Munduko jatetxerik iraunkorrena izateagatik ere saria jaso du, zerrenda berean, eta Europako Jatetxerik Onenaren saria OAD (Opinionated About Dining) iritzi zerrendaren arabera. Enekorena da 2015eko Gastronomia Sari Nazionala, oraintsu Elite Traveler luxuzko aldizkariaren irakurleek Munduko jatetxerik onena izendatu dute eta European's Young Leaders elkarteko kidea da.

Eneko Atxak Azurmendi gastronomia gunean lortu du bere sormena garatzea eta zabaltzea. Bere zaletasuna eta sentiberatasuna, sustrai kulturalak, ingurunearekiko eta bertako produktuekiko lotura eta euskal sukaldaritzako errezeta tradizionalak izan dira bere sorkuntza bakoitzaren oinarri, eta hala izaten jarraitzen dute. Hori guztia, atsegina sortu nahian, bikaintasuna jadetsi guran, balioa sortzeko ahaleginean, aberastasuna eta jakintza elkarri zabaltzeko asmoz; azken batean, oso esperientzia pertsonala diseinatzeko eta etengabe eta iraunkortasunez hazteko.

 Antzerkia, kirola, koadrilak, eta abar

Ohi bezala, antzerkiak ere toki garrantzitsua izango jaiegunetan. Kale antzerkia eta umeentzako antzezlanak  izango dira, eszena arteen zaleen gozamenerako. Azpimarratzekoak dira KUKAI-BRODAS konpainien (lehenengoa Max 2017 sarietan saritua) “Topa” antzezlana edota Ekuadorreko TUNGURAUA talde folklorikoa.

Urteroko moduan, kultura eskaintza oparoaz gain, asko dira programatu diren kirol jarduerak, hala helduei nola umeei zuzenduak: herri kirolak, xake txapelketa, arku-tiroketaren lehiaketa, koadrilen arteko piragua jaitsiera Ibaizabalen, tokiko pala eta esku-pilota txapelketak, etab.

Mota guztietako ekintzez beteta datorren koadrilen arteko Challenge-a ezin falta, dena lagun taldeei begira antolatuta, herri bazkaria, lehiaketak, piraguen jaitsiera Ibaizabalen, koadrilen arteko herri kirolak, eta marmitako txapelketa besteak beste.

 

Egitaraua

 TXUPINAZOAREN EGUNA-JAIEN HASIERA___________Uztailak 15 larunbata-sábado

  • 20.00 Herriko plaza

Pregoia, txupinazoa eta kalejira, Iruñako Sanduzelai, Kanboko Zukila eta Amorebieta-Etxanoko, erraldoi eta buruhandien konpartsak, gaitero eta txistulariak.

Pregón, chupinazo y posterior  pasacalles de las  comparsas de gigantes y cabezudos de Iruña, Kanbo y Amorebieta-Etxano, gaiteros y txistularis.

  • 20.30 Kalbarioa/ Euskal Herria plaza          

Kaleko antzerkia-musika/teatro música

ANITA MARAVILLAS

Sardina bakalau

  • 21:30 Ixerbekoa kiroldegia

KICK BOXING eta ARTE MARTZIALEN ERAKUSTALDIA

Velada de Kick Boxing y exhibición de artes marciales

Ant./Org. Ukabilak

  • 23.00 Zubiondo parkea

Kontzertua: ESNE BELTZA      

  • 24.00    Ixerbekoa

Erromeria: ZIRKINIK BEZ

  • 24:00  Ixerbekoa

Alkoholemia karpa

Autobus zerbitzu berezia bueltatzeko Arratia eta Galdakaora. / Servicio de Autobuses especiales de vuelta a Arratia y Galdakao.

Tren zerbitzu berezia. Euskotren.

____________________________________________Uztailak 16 igandea-domingo

  •  Goizean  Larrea / Por la mañana

KARMENGO JAIA. Meza, bertsolariak, UDABARRI dantza taldea, eta Euskal erromeria TRIKI PIU taldearekin.

Fiesta del Carmen. Misa, bertsolaris, Udabarri y romería con Triki Piu..

  • Ostean   Larreako landetan / Después

 HERRI KIROLAK

  •  11.00 Herrian zehar / Por las calles

UDAZKEN taldearen kalejira

Pasacalles de los txistularis de UDAZKEN

  •  12:00 Larrea eskolan

 ARKU TIROKETA. / Tiro con arco y stand participativo al público

Ant./Org. Ostadar

  •  17.30 Amorebieta IV frontoia

PILOTA PARTIDA PROFESIONALAK. / Partidos de pelota profesionales

ALTUNA III-REZUSTA

IRRIBARRIA-ZABALETA

Ant/Org: Lagun Onak pilota elkartea

  • 20:00 Gernika plaza

 Antzerkia/teatro: CIA. TORNADO

“Amigos con derecho a robo” 

  • 22.00 Zelaieta parkea

Kontzertua: GONTZAL MENDIBIL

  • 23:00 Zubiondo plaza

 Kontzertua: EN TOL SARMIENTO                                 

____________________________________________Uztailak 17 astelehena-lunes

  •  16.00  Nafarroa aparkalekua

UME ETA GAZTEENTZAKO UR JOLAS PARKEA / Parque de juegos acuáticos infantil y juvenil

  •  17.30 Zubiondo plaza

 KOADRILEN ARTEKO GINKANA

Ant/Org: Zornotzako koadrilak

  •  17:30 Amorebieta IV frontoia

NESKEN ARTEKO ESKUPILOTA ETA PALA I. TXAPELKETA

Finalerdiak/Semifinales

Ant/Org: Erdu Pilotan                 

  • 21.00 Herriko plaza

Bertsolariak: MAIALEN LUJANBIO, XABAT GALLETEBEITIA, JON MAIA, JONE URIA

 _____________________________________________Uztailak 18 asteartea-martes

  • 21.00    Gernika plaza

Dantza/Danza: KUKAI

“Topa”

  •  22:00 Zubiondo plaza

Kontzertua: ILE

__________________________________________Uztailak 19 asteazkena-miércoles

  • 17:00 Amorebieta IV Frontoia

PALA PARTIDAK.

Herriko Txapelketaren finalerdiak. / Semifinales del campeonato local

Ant/Org: Erdu Pilotan

  • 19:30 Ixerbekoa

KOADRILEN ARTEKO PLAY BACK LEHIAKETA

Concurso Play Back entre cuadrillas

Ant/Org: Zornotzako koadrilak

  • 22.00 Herriko plaza

Nazioarteko dantzak

Conjunto Folklórico TUNGURAHUA (Ecuador)

____________________________________________Uztailak 20 osteguna-jueves

  • 18.00    UMEEN TANBORRADA

Tamborrada infantil

  • 20:00    Zelaieta parkea         

Ume eta gazteentzako ikuskizuna/Espectáculo Infantil y juvenil

GO!AZEN

Glu Glu producciones

  • 22:00 Zubiondo plaza

Kontzertua: LA FAMILIA ATLÁNTICA

___________________________________________Uztailak 21 ostirala-viernes

  •  13:00 Kalbario plazatik

KOADRILEN KALEJIRA

Ant/Org: Zornotzako koadrilak

  • 15:00 Ixerbekoa

BERTSO BAZKARIA: ANDER ELORTEGI, MIREN AMURIZA

Ant/Org: Zornotzako koadrilak

  • 17.00 Zelaieta parkea

ALDI BEREKO 50 XAKE PARTIDA. / 50 partidas simultáneas de ajedrez 

Ant/Org: Club de ajedrez Zornotza

  •  18:00  Luis Urrengoetxea kalea

TXARANGAZO ELEKTROTXARANGA

Ant/Org: Zornotzako koadrilak

  • 18.00 Zubiondo parkea

BIZIKLETA EGUNA. / Día de la bici

Ant/Org: Urgozo iturria txirrindulari elkartea

  • 22.00 TANBORRADA                             
  • 23:00 Zubiondo plaza

Kontzertua: SETENTA Y UNO, CALUM.

  • 24.00 Ixerbekoa         

Erromeria: GARILAK 26

Autobus zerbitzu berezia bueltatzeko Arratia eta Galdakaora. /  Servicio de Autobuses especiales de vuelta a Arratia y Galdakao.

____________________________________________Uztailak 22 larunbata-sábado

  • Goizean   Zubiondo parkea / Por la mañana

MARMITAKO LEHIAKETA. / Concurso de marmitako

Ant/Org: Zornotzako koadrilak

Amantala eskuetan gaixotasun arraroekin. / Delantal en mano con las Enfermedades Raras

Ant/Org: Feder País Vasco

  •  09:00 Boroa poligonoan

XCIII. USAKUME TIROKETA OFIZIALA. / XCIII. Tirada oficial de pichón

Ant./Org.: Errekamendi

  • 11.00 Gure Kirolak bolatokian

UMEENTZAKO BOLO TXAPELKETA. / Torneo de bolos infantil

Ant/Org: Club bolos Zornotza

  • 17.00 Urbano Larruzea kalea

 XXXVI. XAKE TXAPELKETA / XXXVI. Torneo de ajedrez

Agustín Zamakona Memoriala-Memorial Agustín Zamakona

Ant/Org: Club de ajedrez Zornotza

  • 18:00    Amorebieta IV frontoia

ZORNOTZAKO III. MASTER KAIOLA

Finalak. Finales.

Ant/Org: Lagun Onak pilota elkartea

  • 21.00 Gure Kirolak bolatokian

KARMENETAKO VII. BOLO TXAPELKETA. / VII.torneo de bolos de fiestas.

Ant/Org: Club bolos Zornotza

  • 22.00 Ixerbekoa

Kontzertua

BELATZ

TXAPELPUNK

ITZIARREN SEMEAK

  • 23.00 Zubiondo plaza

Kanp berbena:  LONDON ORKESTRA

Autobus zerbitzu berezia bueltatzeko Arratia eta Galdakaora. / Servicio de Autobuses especiales de vuelta a Arratia y Galdakao.

Tren zerbitzu berezia. Euskotren.

_____________________________________________Uztailak 23 igandea-domingo

  • 09:00 Boroa poligonoan

XCIII. USAKUME TIROKETA herrikoia / XCIII. Tirada social de pichón

Ant./Org.: Errekamendi

  • 11.00 Jauregibarria

ONTZI-MODELISMOAREN ERAKUSTALDIA. / Exhibición de modelismo naval

Ant/Org: Bilbo Model Club

  • 11:00 Zubiondo parkea

AMOREBIETA-ETXANOKO VI. MILIA ETA JAI LASTERKETA. / VI. Milla de Amorebieta-Etxano y carrera de fiestas

Ant/Org:Zornotzako korrikalariak

  • 17:00    Amorebieta IV frontoia

EUSKAL HERRIKO NESKEN GOMAZKO PALETA ZIRKUITUA

1. jardunaldia 1ª jornada

Ant/Org: Munduko Pilota Batzarra Elkartea

  • 18.00 Amorebieta IV frontoia

 KARMENETAKO X. ESKU-PILOTA TXAPELKETA. / Torneo local de pelota mano

Federatuen finalak / finales de federados

Ant/Org: Lagun Onak pilota elkartea

  • 21:30 Nafarroa

Disko festa: OIHAN VEGA

  • 22:00 Zubiondo parkea

 Kontzertua: PURO RELAJO

 _____________________________________________Uztailak 24 astelehena-lunes

  • 18.00 Ibaizabal erreka

 KOADRILEN ARTEKO PIRAGUA JAITSIERA. / Bajada de piraguas entre cuadrillas

Ant/Org: Zornotzako koadrilak

  •  18:00 Amorebieta IV Frontoia

PALA PARTIDAK.

Herriko Txapelketaren finalak. / Finales del campeonato local

Ant/Org: Betiko jokalariak

  • 21.00 Zelaieta parkea   

 TXISTULARIEN XVIII. KONTZERTUA. / XVIII. Gran concierto de txistularis

Artista gonbidatua/ Artista invitado: Niko Etxart

Ant/Org: Udazken txistu taldea

  • 23:00 Ixerbekoa

 Kontzertua:

VENDETTA

BATEK DAKI       

  • 23:00    Zubiondo parkea

 Kontzertua:

LA ORQUESTA MONDRAGON

___________________________________________Uztailak 25 asteartea-martes

  • Goizean  Zelaieta parkea. / Por la mañana

BASERRITARREN AZOKA

Feria de productos de caserío

Ant/Org: Nekalur

  • Egun guztian. / Todo el día

 AITITE-AMAMEN JAIA: meza , aurreskua, erromeria…

Fiesta de la 3ª edad: misa, aurresku, bailables…

Izena emateko/Inscripciones: Nafarroa zentroa

  •  10:00 TXIRRINDULARITZA

Junior mailako Euskal Herria txapelketa. / Ciclismo. Torneo de Euskal Herria Junior

Irteera eta helmuga: Nafarroa kalea. / Salida y meta: Calle Nafarroa

Ant/Org: Sociedad Ciclista Amorebieta

  • 11:30 Amorebieta IV frontoia

NESKEN ARTEKO ESKUPILOTA ETA PALA I. TXAPELKETA

Finalak/Finales

Ant/Org: Erdu Pilotan

  • 12:00    Amorebieta IV frontoia

EUSKAL HERRIKO NESKEN GOMAZKO PALETA ZIRKUITUA

2. jardunaldia 2ª jornada

Ant/Org: Munduko Pilota Batzarra Elkartea

  • 18.00 Amorebieta IV frontoia

KARMENETAKO X. ESKU-PILOTA TXAPELKETA. / Torneo local de pelota mano

Eskolartekoen finalak Finales de escolares

  • 18.00 Zelaieta parkea

KOADRILEN ARTEKO HERRI KIROLAK. / Deporte rural entre cuadrillas

Ant/Org: Zornotzako koadrilak

  • 18.30 Urritxe Futbol Zelaia

 SDA  TALDEAREN AURKEZPEN-PARTIDA

            VI. Amorebieta-Etxanoko Udala Saria

Partido de presentación del equipo S.D.A.

            VI. Trofeo Ayuntamiento de Amorebieta-Etxano

Ant/Org: Sociedad Deportiva Amorebieta

  • 22.30 Jauregibarria

SU ARTIFIZIALAK

Piroteknia Astondoa

  • 23.00    Zubiondo plaza

Disko festa: CARLOS JEAN

__________________________________________Uztailak 26 asteazkena-miércoles

  •  11.30  Zelaieta parkea

UME ETA GAZTEENTZAKO JOLAS PARKEA. / Parque de juegos infantil y juvenil

UMEENTZAKO TAILERRAK. / Talleres infantiles

Ant/Org: Asociación Bizkaia Elkartea Espina Bífida e Hidrocefalia, ASEBI.

  • 19.00 Zelaieta parkea

Umeentzako Disko festa

3TXULO kale ikuskizuna

  • 22:00 Herriko plaza

Dokumentala/Documental

Txirrindularitzaren historia Amorebieta-Etxanon. / Historia del ciclismo en Amorebieta-Etxano

Ant./Org. Sociedad Ciclista Amorebieta          

___________________________________________Uztailak 27 osteguna-jueves

 MOZORRO EGUNA: MEXIKO!

  •  19:30 Euskal Herria plaza – Kalbario - Zezilia Gallartzagoitia

Kaleko musika: MARIACHI IMPERIAL          

  • 21.30 Andra Mari plaza

Kaleko musika: THE BUSQUITOS                                         

  • 22.30 Zubiondo plaza

 Kontzertua: MARIACHI IMPERIAL. ELEGANCIA MEXICANA.

Amorebieta-Etxanoko Udalak Jose Mari Gonzalez “Sema” Ohorezko Danborrari izendatu du

2017/07/10
• “Sema” Danborradako alma mater eta zuzendari izan zen 30 urtez. • Danborradako musika bandak, danborrari talde guztiekin eta ikusleekin batera, euskal doinu bat eskainiko digu, Karmengo jaietako ekitaldi ospetsuari amaiera emateko.

Amorebieta-Etxano, 2017ko uztailaren 10a. Amorebieta-Etxanoko danborrada saihestu ezinezko ekitaldia da milaka zornotzarrentzat, eta urterik urtera hazi eta berritzen jarraitzen du.

Danborradako talde guztietako ordezkariek osatzen duten Batzordea, aurten bi asmo berrirekin datorkigu, Herriko Plazako emanaldi nagusia indartzeko gogoz.

Aurton, Batzordeak Ohorezko Danborrariaren izendapena egingo du, eta horretarako, Jose Mari Gonzalez Iza “Sema”, 30 urtez gora Danborradako Alma Mater eta zuzendari izan dena, aukeratu dute. Danborradako emanaldia amaitu baino lehen, plazan bertan, Izendapena egingo da, danborrari historiko biren parte hartzearekin.

Gainera, amaitzeko, bertan dauden herritar guztiek euskal abesti bat kantatuko dute denok batera, hau da, Danborradako Musika Banda (indarberritutako  Fanfarre Sugarri), danborrarien taldeak, publikoa eta danborradako gainontzeko taldeak, elkarrekin arituko dira. Abestia errazago kantatzeko, guztiei hitzen testua banatuko zaie.

40 urtetik gorako historia

Danborrada urtero egin da, duela 41 urtetik hona; hala ere, lehen emanaldiak izan zirenetik, 70 urte baino gehiago iragan dira. Iaz ikuskizunaren eguna aldatzea erabaki zen, herritar gehiagok izan zezaten bertaratzeko aukera. Aurton, uztailaren 21ean, ostiralean, izango da, 22:00etan. Iazko ibilbide berarekin.

Beraz, 2017ko Danborrada Nagusiaren ibilbidea hauxe izango da: Zelaieta zentrorik abiatu- Txiki-Otaegi kalea- San Pedro -San Miguel - San Juan –Nafarroa-Ibaizabal-Gudari-Herriko Plaza.

Uztailaren 20an, ostegunean, 18:00etan, Danborrada Txikiaren ibilbidea egingo da: Zelaieta zentrotik irten-Gudari kalea-San Miguel-San Juan-Gregorio Mendibil-Konbenio-Karmen-Luis Urrengoetxea-Larrabide-Karmen-Zelaieta parkea.

Amorebieta-Etxanoko Udala, berdintasunez jantzitako jaien aldeko kanpainaren sustatzaile

2017/07/13
• Jaietan indarkeria sexualari aurre egiteko ekimenaren harira, herritar arruntak protagonista lanetan aritu diren hainbat bideo ekoiztu dira • Txosna eta barraketan mezuak zabalduko dira errespetuz jokatu eta edozein motatako eraso sexista arbuiatzeko eskatuz

Amorebieta-Etxano, 2017ko uztailaren 12a. Eraso sexistarik gabeko jaiak, berdintasunean bizitzekoak, horixe da Udalak hartutako konpromisoa, aurton sendotu nahi duena. Horregatik, herriko jaietan Berdintasun arloak sentsibilizazio kanpaina jarriko du abian.

Ekimenaren barruan, bideo sorta bat eskainiko da. Protagonistak bertoko herritarrak dira, adin eta lanbide ezberdinekoak, solasean arituko direnak berdintasunari eta jaietako eraso sexistei buruz.

 Horretaz gain, txosna eta barraketan mezu zehatzak zabalduko dira, andreenganako indarkeria mota ezberdinei aurre egiteko, fisiko zein ahozkoei, baita edozein motatako jazarpen eta babesik eza sortzen duten egoerei ere.

 Eusko Jaurlaritzaren datuen arabera, 30 urtetik beherako andreen kopuru handi batek genero indarkeria pairatzen du. 15 eta 29 urte bitartekoen kasuan, erasoen kopurua% 29,4 igo da. Gehienetan, gizon erasotzaileak gazte-gazteak dira (eraso sexualen % 30 adingabeek egiten omen dituzte), erasoak gauez edo goizaldean izaten dira, aisialdirako lekuetan, jaietako guneetan, hain zuzen ere.

Bistakoak diren ondorioez gain (kalte fisiko-psikologikoak), andrazkoenganako indarkeriak ikusezinezko ondorioak ere eragiten ditu, erasotuek beldurra barneratzen baitute; gainera, segurtasun eza antzeman eta babesgabe sentitzen dira, eta horren ondorioz,jaietako guneetan ez dira aske sentitzen, beraz, leku horietara hurbildu barik, saihesten dituzte eta bertatik alde egin dezakete.

Horren harira, mutilen jokabidea guztiz garrantzitsua da, erasotzaileei aurre egin eta gizonezkoen arteko konplizitate matxista suntsitzeko, baita kontrol eta indarkeria matxistaren aurrean erantzun aktiboa emateko ere.

Amorebieta-Etxano herriak gizalegez eta berdintasunez jantzitako jaien aldeko aldarrikapena egiten du. EZ esaten duenak EZ! esan gura du. Ez onartu inolako tratu txarrik,  eraso fisiko, ahozko, sexual, arrazista, xenofobo zein homofoboei, EZ!

DJ Jose AM, FM-ko koordinatzailea, hilaren 25ean, asteartea, Amorebieta Etxanon arituko da

2017/07/18
• Carlos Jean ordezkatuko du, eskaini behar zuen emanaldia bertan behera geratu eta gero, arazo logistikoak direla-eta • DJ ospetsuaren emanaldia Zubiondon izango da, 23:00etan

Amorebieta-Etxano, 2017ko uztailaren 18a. DJ Jose AM karismatikoak, MAXIMA FM-ko koordinatzaile eta  MUCHO MAX morning show-eko esatariak, uztailaren 25ko gaua erritmoz beteko du Amorebieta- Etxanon.

Egun horretan Carlos Jeanen emanaldia eskaini behar zen, baina bertan behera utzi du bere ekitaldia, arazo logistikoak direla-eta.
Bere ordez, DJ Jose AM arituko da, bere doinuak eskainiz, dantza-tokietan erreferente bihurtu direnak.

Bere doinu ezagunen artean, Dale que voy (Juan Maganekin ekoiztua) edo Boomshak  (John Jacobsenekin)  ditugu aipagai. Izan ere, iTunes-en salduenen artean ageri dira, eta Maxima 51 Chart-eko bozkatuenetan, esaterako, Weekelee, Silanena, Honey, Fiesta edo I AM the party.

Amorebieta-Etxanoko jaietan balantze positiboa eta sekulako jendetza

2017/08/02
• Ekitaldi arrakastatsuenak: txupinazoa, danborrada eta marmitako lehiaketa • Gustu eta adin guztietarako jardueretan parte-hartze itzela • Udalak jaietako lehen gaueko eraso sexista gogor gaitzetsi du eta lanean tinko jarraituko du horrelakorik berriro gerta ez dadin

Amorebieta-Etxano, 2017ko abuztuaren 2a. Karmengo jai arrakastatsuenak izan ditugu aurton. Herritarren partaidetza handia izan da, giro onean, lehenengo gaueko eraso sexista aipatu beharra dagoen arren. Eraso deitoragarri hori udal talde guztiek eta herritarrek gogor salatu zuten.

Doako eta kalitatezko jarduerak prestatu dira, adin eta gustu guztietarako, horregatik Udalaren balorazioa oso positiboa izan da. Txupinazoa, danborrada eta marmitako lehiaketa izan dira arrakastatsuenak. Izan be, Luciano Martinez Ametx-eko lehendakariaren esanetan,  “txupinazo jendetsuena izan da Amorebieta-Etxanoko jaien historian” eta marmitako lehiaketan, berriz, 4.000 lagun inguru bildu ziren, marka guztiak gaindituz. Zornotzarren egun kutuna da Santanatxu, egun horretan be zapore gozo eta mamitsua berreskuratu zen, mozorro, mariatxi eta kaleko doinuei esker.  

Alde negatiboa herrian gertatutako eraso sexista izan da. Udalak edozein motatako indarkeria gaitzesten du, eta lanean jarraitzeko hartutako konpromisoa berretsi gure du zornotzarren jaien alde, erasoetatik urrundu eta aparteko jaien eredu izan daitezen. Luciano Martinezen ustez, zornotzarrak gizabidetsu eta adeitsuak dira, horregatik gertaera isolatu horrek ezin du lausotu jaietan bizi izan dugun giro ezin hobea.  

Udalak Jai Batzordearen lana eta ahaleginak eskertu nahi ditu, izan be, kirol eta kultura taldeek edota jai antolatzaileek antolatutako ekitaldi guztietara lagun ugari bertaratu dira.

www.amorebieta-etxano.eus

Zelaieta Zentroak urrian hasiko diren sormenezko hamabost bat ikastaro eskainiko ditu

2017/09/01
• Urteko ikastaroen artean daude ekialdeko dantza, saloi dantza, yoga, mindfulness, bitxigintza, zur langintza eta puntua. • Interesatuta daudenek Zelaieta Zentroan eman dezakete izena datorren irailaren 26a baino lehen.

Amorebieta-Etxano, 2017ko irailaren  1a. Amorebieta-Etxanoko Udalak, urtero bezala, sormenezko hainbat ikastaro eskainiko ditu.
Bi ikastaro mota egongo dira. Batetik, urte osoko ikastaroak, urritik ekainera bitartekoak, eta bestetik, iraupen desberdinetako ikastaroak, urria eta otsaila artean egingo direnak.  

Urte osoko ikastaroetan izena emateko epea ostiral honetan hasiko da, irailak 1, eta irailaren 26an amaituko da. Izen-ematea Zelaieta Zentroko harreran egin beharko da eta bertan ordain daiteke ikastaroa. Otsailean urteko ikastaroen bigarren zatian izena emateko epea zabalduko da eta baita epealdi horretarako eskaintzen diren bestelako ikastaroetarako ere.  

Eskainiko diren ikastaroen artean daude ekialdeko dantza, saloi dantza, yoga, mindfulness, bitxigintza, zur langintza eta puntua.
Aurten mindfulness ikastaroa urte osoko ikastaroa izango da zornotzarren artean piztutako interesaren ondorioz. Era beran, ikastaro puntual berriak ere izango dira: josten ikasteko ikastaroa (hasiberrientzat), eskulanak eta sorkuntza, argazkigintza, sevillanak, dekorazioa, flamenkoa, nazioarteko sukaldaritza eta sukaldaritza begetarianoa.

Ikastaro eskaintza osoa ondoko agirian HEMEN aurki dezakezu.

Amorebieta-Etxanoko euskaltegien 2017-2018 ikasturteko matrikula-aldiaren hasiera

2017/09/01
Amorebieta-Etxanoko Udaleko kultura zinegotzia den Luciano Martínezek; Idoia Zuloagak, Zornotza udal euskaltegiaren zuzendariak; Marivi Zubiagak, Zornotzako barnetegiaren zuzendariak eta AEK-ko udalerriko arduraduna den Julio Aranguenak, zornotzar guztiak deitu nahi dituzte aurtengo ikastaroetan matrikulatzera eta euskaraz eta euskal kulturaz gozatzera.

Amorebieta-Etxano, 2017eko irailaren 1a. Amorebieta-Etxanoko Udalak, Zornotza Udal Euskaltegiak, AEK-k eta Zornotzako Barnetegiak hasiera eman diote 2017-2018 ikasturteko matrikula-aldiari.

Zornotzako Barnetegiaren hileroko ikastaroen eskaintzaz gain, udalerriko Zornotza Udal Euskaltegiak, eta Zornotzako AEK-k jardun ezberdineko ikastaroetan matrikulatzeko aukera ematen diete zornotzarrei baita maiztasunaren aldetik ere: egunero astelehenetik eguenera, astean bi egunetan… Udako trinkoak edo iraileko eskaintza ahaztu gabe.

Helburu nagusia euskara ikastea izanik, eskaintza ikasleei bideratua izango da. Horretarako, besteak beste, xede berezietarako taldeen aukera izango da (guraso taldeak, nagusientzako taldeak…), baita maila lortzea helburu duten taldeena ere.

Luciano Martinezek, kultura zinegotziak gogorarazi nahi izan du, ohi bezala, Amorebieta-Etxanoko Udalak Ametx erakunde autonomoaren bidez udalerrian erroldatuta dauden euskara ikasleentzako diru-laguntzak ematen dituela. Eskariak urrian, ikasturtea amaitutakoan, Zornotza Udal Euskaltegiko sarrera-erregistroan aurkeztu ahal izango dira.

Horrez gain, Euskara Zerbitzuak antolatua eta euskaraz berba egitea helburu duen Berbaldiak programan izen-ematea ere urrian izango dela jakinarazi du.

Etxe-Irakurleak

2017/09/08
Haur liburuen hautaketa egiten ikasteko programa. Euskeraz 5 saio. Astelehenetan. Hasiera: irailaren 25ean. 18.00/19.30 Izena ematea: Liburutegian Epea: Irailaren 19ra arte.

 Askotan gertatzen zaigu, liburutegira edo liburudendara goazenean eskaintza handiarekin egiten dugula topo, hainbat liburu ikustean, oso zaila egiten zaigu aukeratzea. Zer egiten dugu orduan?. Zozketa egiten dogu?. Modak jarraitzen ditugu?

 Tailer honetan liburuak izan behar dituzten ezaugarriak ezagutuko ditugu gure haurrentzat erakargarriak izan daitezen, bai etxean zein eskolan erabili ahal izateko.Haur literatura irakurleak garenez, gure IRITZI kritikoa sortzeko taldea izango da hau. Liburuen hautaketa egiten ikasiko dugu eta gure irakurle txikiei erakargarria egiteko errekurtsoak landuko ditugu.

Haurren ibilbide literarioa sortzen joango gara. Haur literaturaren xirrikituak ezagutzeko asmoz. Gure ezinbestekoen liburuen zerrenda sortuz.

 Album ilustratuak erabiliko ditugu gehienbat:  irudia, edizioa, testua, pertsonaiak zer kontatu nahi duten aztertuz. Helburu estetikoaz, fikzioaz, hitz egingo dugu. Gaiak, tematikak ere landuko ditugu, haur literaturan gai nagusien nondik-norakoak, denborarekin egon diren aldaketak, ikuspuntuak, iritziak mahaiganeratuz eta solasaldi dinamikoak eta parte-hartzaileak sortuz.

 Liburuetan murgilduko gara, irakurketa eraldatzeko helburuarekin. Ze liburu mota daude, zeintzuk erabili  proposamen ludiko eta didaktikoak egiteko, zeintzuk kreatibitatea lantzeko, ….

Taller txiki honetan irakurketa partekatuaren gakoak emango dizkizuegu; nagusiei haurrekin irakurtzeko grina piztuz. Elkarrizketa, inbestigazioa, idazketa, irudiak sortu....irakurketa partekatu baten ostean proposatu ahal diren ekintzetako batzuk dira. Umeekin egiten ditugun irakurketen esperientziak konpartitzeko lekua izango dugu.

 

Puzgarriak Ganeko igerilekuetan

2017/09/13
Eguraldiak eraginda, atzeratuta geratu da, beste egun baterako, irailaren 15erako Ganeko igerilekuetan programatuta zegoen puzgarrien jaialdia. Bere egunean iragarriko da data berria. Barkatu eragozpenak.

Zornotza Udal Euskaltegia 2017-18 ikasturtea. Matrikula zabalik

2017/09/13
• Izen-ematea: Irailaren 1etik 25ra ZORNOTZA UDAL EUSKALTEGIAN. • Sarrera probak: Irailaren 26an (goizeko 10:00etan eta arratsaldeko 17:00etan)

Eskaintza

TALDE IRAKASKUNTZA

Astean 6 ordu, astelehenetik ostegunera. Ordu eta erdi egunean
Urriaren 2tik ekainaren 21ra (194 ordu)

Tarifa:

  • Eskola-ordua: 1,23 €
  • Matrikula: Astean 6 ordukoa: 238,62  €
  • Langabetuak 10 €

IKASTARO BEREZIAK (60 eta 90 ordukoak)

Tarifa: 10 € eta 15 €, hurrenez hurren.

  • Ais: Euskara etorkinentzat.
  • Dendaketan: Euskara dendarientzat.
  • Tabernariak: Euskara tabernarientzat.
  • Guraso-taldeak: Euskara gurasoentzat.
  • Nagusi-taldeak: Euskara nagusientzat.

Ingelesa eta frantsesa liburutegian.

2017/09/18
Ahozkotasuna indartzeko ekintzak. Ikasleriak Liburutegian dauden materialekin errekurtsoak gehitzeko aukera du.

Ingelesaren edota frantsesaren ahozkotasuna lantzea dute helburutzat ekintzok.

Maila eta ordutegi desberdinak:

Ingelesa:

astelehenetan.... 11.00/12.00. Maila: ERTAINA/ BAXUA

ostegunetan....... 18.45/19.45. Maila: ERTAINA

                            19.45/20.45. Maila: GOI maila

Frantsesa:

asteartetan: 11.00/12.00. Maila: GOI maila

asteazkenetan: 19.00/20.00. Maila: ERTAINA

 

** Ikasleak berak hautatuko du izena zein mailatan eman.

Ume ekintzen egitaraua argitaratuta

2017/09/19
Ametxek argitaratu du irailetik abendura antolatuko dituen umeentzako ekintzen egitaraua. Gure herriko txikiek ekintza desberdinak gozatzeko aukera izango dute: ipuinkontalariak, antzerkia, musika, jokuak,...

IRAILA

  • LUDOTEKA “Itsasoko lagunak ludotekan”
    Ekintza bereziak: 6, 14, 19, 28
  • Irailaren 30ean MENDI JOLASAK

11.00 Zelaieta parkean.

URRIA

  • LUDOTEKA “Beldurrezko hilabetea”

Ekintza bereziak: 5, 10, 18, 26, 31

  • Urriaren 1ean: ERDU OLGETAN Andres Espinosa

Mendi martxa: PR BI-74 (6km). Irteera: 10.00. Apuntatzeko epea: 25 - 28 septiembre.

  • Urriaren 6an: Concierto familiar. “Harriaren hiztegia”. Jabi Muguruza (familientzako +6 urte)

20.00 ZORNOTZA ARETOA

  • Urriaren 6-7-8an. MANGAMORE
  • Urriaren 21ean: Ipuinkontalariak

12.00 Liburutegia.

  • Urriaren 27an. Teatro. “Malas Palabras” Teatro La Galera (familientzako) cast

20.00 Zornotza Aretoa

  • Urriaren 28an. ERDU OLGETAN Halloween

Apuntatzeko epea: 16 - 20 urria

AZAROA

  • LUDOTEKA “Hostoekin jolasean”

Ekintza bereziak: 7, 16, 21, 29

  • Azaroaren 10ean. TITEREAK“Jon Braun”. Anitamaravillas teatro (+3 urte)

20.00 Zornotza Aretoa.

  • Azaroaren 11n. TITEREAK“Jon Braun ” Anitamaravillas teatro (+3 urte)

18.00 Zornotza Aretoa.

  • Azaroaren 11n. ERDU OLGETAN Minions

Apuntatzeko epea: 30 urria - 3 azaroa.

  • Azaroaren 18an. Ipuinkontalariak.

12.00 Liburutegia.

ABENDUA

  • LUDOTEKA “Gabonetan gaude”

Ekintza bereziak: 1, 5, 14, 20, 28

  • Abenduaren 2, 3an. JOKOAN
  • Abenduaren 23an. ERDU OLGETAN. “Olentzeroren etxea” (Irteera)

Apuntatzeko epea: 27 - 30 azaroa

  • Abenduaren 26 - 30ean. GABONETAN JAI
  • Abenduaren 28an. MUSICAL “Kontukantari” La Ressistens

18.30 Zornotza Aretoa

GABONETAKO LUDOTEKA BEREZIA ZELAIETA
Apuntatzeko epea: Abenduak 1 - 15

Informazio gehiago

Txistu Egunaren XVII. edizioa ospatuko da larunbatean Amorebieta-Etxanon

2017/09/21
• Eibar, Gasteiz, Bermeo, Durango, Sestao eta Amorebieta-Etxanokoak dira herriko zoko guztiak musikaz blaituko dituzten bandak. • Arratsaldeko 17:00etan emango zaie hasiera herrian zehar egingo dituzten kalejireei.

Amorebieta-Etxano, 2017ko irailaren 21a. Udazken Txistulari Taldeak aurten ere Txistu Eguna antolatuko du. Ospakizuna datorren irailaren 23an arratsaldean izango da. Aurten Txistu Egunaren XVII. edizioa betetzen da.

Udazken Txistulari Taldeak, txistuaren zabalkundearen alde lan egiten du. Txistua gure herri folklorearen elementu garrantzitsu bat dugu eta bera zabaltzea eta gure herriko bizitzan uztartzea nahi da. Horretarako datorren larunbatean parte hartuko duten taldeak honexek izango dira:

  • Eibarko Usartza Txistulari Taldea
  • Gasteizko Adurtza Txistulari Taldea
  • Bermeoko Kankinkabara Txistulari Taldea
  • Durangoko Jaizale Txistulari Taldea
  • Sestaoko  Salleko Danbolinteruek
  • Amorebieta-Etxanoko Udazken Txistulari Taldea

 

Egitaraua hauxe izango da:

17.00etan: Txistu talde bakoitzak herriko alderdi ezberdinetatik kalejira : herriko erdigunea, Ogenbarrena, Gane, Ixer, Sabino Arana,Zubibitarte, Zubipunte,  Vivendas de Vizcaya, San Juan, Santa Ana eta Andrandi.

18.00etan: Talde guztien kalejira herritik zehar: Zelaieta Zentroa,  Venecia, Zezilia Gallarzagoitia, Nafarroa kalea,  Gernikako Arbola enparantza (txistu saioa), San Miguel, Herriko Plaza (txistu kontzertua). Gudari, Ogenbarrena (txistu saioa),Txiki -Otaegi Luis Urrengoetxea, Euskalerria enparantza (txistu saioa), Bide baltza, Kalbarioa (txistu saioa), eta  Harrison parkea (txistu saioa).

Azpimarratzekoa da Txistu Eguneko taldeak arratsaldeko 20:00etan Herriko Plazan eskeiniko duten kontzertua  eta Ogenbarrenako jaietan parte hartuko dutela, bertara arratsaldeko 18:45etan joango direlarik.

Ondarearen Europako jardunaldiak

2017/09/22
Jardunaldietan ateak irekita daude eta, aparteko kasuetan eta egun jakin batzuetan baino ez, jendeari aukera ematen zaio bere ondarea eta historiarekin zerikusia duten bitarteko eta baliabide batzuetara iristeko eta horiek ezagutzeko.
  • NEU NAIZ NEURE PAISAIA XV-XXI MENDEETAKO ZORNOTZAKO JENDEA ETA TOKIAK. ENRIQUETA SESMEROREN HITZALDIA.

Enriqueta Sesmero Historia- doktorearen eskutik geure paisaiaren ezinbesteko osagaiak birpasatuko ditugu, eta saiatuko gara haiek ulertzen. Nork sortu zituen? Zer helbururekin? Aldatu al dira denboran zehar? Zer lotura daukate lehengo jendearen bizimoduarekin? Eta gurearekin? Zer utiziko dugu etorkizunerako? Galdera horiek lagunduko digute geure existentzia ere ulertzen.
Hizkuntza: Gaztelania. Elkargunea: Zelaieta zentroko auditoriuma. Eguna eta ordua: Asteazkenean, urriak 18, 19:30ean. Informazioa eta erreserbak: 946 300 650. Lekuak mugatuak dira.

  • PAISAIA BEGIRADAN. ARGAZKIGINTZA-LANTEGIA.

Txelu Angoitia argazkilariak zuzendutako lantegia. Amorebieta-Etxanoko paisaiarako begirada desberdinak probatzeko bidea emango digu. Bere zatirik praktikoenean, lantegia "noraezari" buruzkoa izango da; jomuga zehatzik gabeko paseotzat hartuta. Lantegian parte hartzen dutenek bakarka ibiliko dira Zornotzako kaleetan zehar, "isurtzen uzteko" ariketa batean, begirada zorrozten eta hiria "bestela" ikusten saiatzen. Begiratzen ikasten, azken batean.
Hizkuntza:  Gaztelania. Elkargunea:  Zelaieta zentroa. Eguna eta ordua:  urriak 21, 10:00etan. Informazioa eta erreserbak:  946 300 650. Lekuak mugatuak dira.

  • ARBURU, TALAIA BIKAINA. BISITA GIDATUA.

Arburu Bizkargi mendiguneko 550 metroko tontor bat da; bertatik gure udalerriko ikuspegirik osoen eta deigarrienetako bat ikus daiteke: haren kokapena, haranaren zabalera, Aramotz mendigunea, Gorneia, Urduñako mendiak, itsasoa... Iñaki García geologoak lagunduta, ezagutuko dugu nola eratu den Zornotzako haran osoa denboran zehar. Bi bisitaldi izango dira, euskaraz eta gaztelaniaz; Gorozika-Bizkargi bidearen eta Zornotza-Bizkargi bidearen arteko gurutzetik irtengo dira, eta ibilbide labur baten ostean Arburu mendira igoko dira.
Hizkuntza:  Euskara/gaztelania. Elkargunea:  Gorozika-Bizkargi pista eta Zornotza-Bizkargi pista gurutzatzen diren tokia. Eguna eta ordua:  Larunbatean, urriak 21, 11:00etan (gaztelaniaz) eta 12:00etan (euskaraz). Informazioa eta erreserbak:  946 300 650. Lekuak mugatuak dira.

  • SELFIE-LEHIAKETA. ARGAZKIGINTZA-LEHIAKETA.

Selfie-joko-lehiaketa bat, Zornotzako paisaiak ezagutzeari eta identifikatzeari buruzkoa.

Selfie Lehiaketa Instagramen #paisaiaselfiezornotza

LEHIAKETAREN GAIA

Europar Ondare Jardunaldiak direla eta, Amorebieta-Etxanoko paiasaiaren selfie lehiaketa antolatzen da, “Paisaia eraikitzen” izeneko ekintzekin batera. Partehartzaileek haien argazkiak zabaldu behar dituzte instagramen #paisaiaselfiezornotza hastaga erabilita. Selfien gymkhana burutzen dutenen artean irabazleak zozketatuko dira. 3 irabazle egongo dira. Bakoitzak Amorebieta-Etxanoko Dendariak elkarteetako dendetan erabiltzeko bono bat irabaziko du.

PARTE HARTZEK ARAUAK

  • Urriaren 2an hasten da eta urriaren 21ean bukatuko da (data biak barne).
  • Argazkiak publikoki zabaldu beharko dira Instagramen #paisaiaselfiezornotza hastaga erabilita.
  • Lehiaketan parte hartzeko epea bukatuta gymkhana osatzen duten 12tik gutxienez 8 selfie argitaratu dutenen artean zozketatuko dira sariak:
    • Baseliza bat
    • 40 urtetik gorako zuhaitz bat
    • Astepe
    • Organo, klaustro edo erretaula bat
    • Amorebieta
    • Etxano
    • Trenbidetik urrun dagoen hilerri bat
    • Idi-probetako harri bat
    • VOF
    • Lantegi bat
    • Etxerik altuena
    • Burdin zubia
  • Ametx Erakundeak irudiak ez argitaratzeko, edo argitaratutakoak kentzeko edo ezabatzeko eskubidea du, irudiak giza eskubideen kontra, edo begirunezkoak edo gustu onekoak ez badira. 
  • Lehiaketan parte hartzeak baldintza hauen onarpena suposatzen du. Ametxek izango du erabakiak hartzeko eskubidea arauetan agertzen ez den edozein gairako..
  • Sarien zozketa publikoa izango da.

 

 

LEHIAKETAREN SARIAK: Irabazleen iragarpena:

Sariak:

  • 1. Saria 200€ko bonoa
  • 2. Saria 140€ko bonoa
  • 3. Saria 80€ko bonoa

.
Eguna eta ordua:  Urriaren 2tik 21era. Informazioa:  946 300 650.

Kalathras, arrakasta handiko otaku youtuberra, eta Japoniako turismo-bulegoko managerra Mangamoreko gonbidatu nagusiak izango dira

2017/09/28
• Japoniako kulturari eta manganime delakoari buruzko jaialdiaren hamaikagarren edizioa urriaren 6tik 8ra ospatuko da, Amorebieta - Etxanon • Hainbat hitzordu programatu dira dagoeneko, besteak beste Areatzako Bandak anime abestien bertsioak joko ditu bertan eskainiko duen kontzertuan eta Lolita moda-desfilea egingo da, Tamara Ferrero diseinatzailearen eskutik. • Bertaratutakoek Japonian inspiratutako pintxoak dastatu ahal izango dituzte Luis Urrengoetxea etorbidearen inguruan

Amorebieta-Etxanon, 2017ko irailaren 28an Japoniako kultura eta mangako zaleak berriz ere bilduko dira urriaren 6an eta 8an, Amorebieta-Etxanon. Mangamore jaialdiaren hamaikagarren edizioaren barruan ehun jarduera baino gehiago programatu dira: tailerrak, musika-emanaldiak, txapelketak, bideo-jokoak, haur-jarduerak, etab.

Edizio berriaren erakargarri ugarien artean, Kalathras-en bisita nabarmendu beharra dago; izan ere, Japoniako pop kulturan jarraitzaile gehien dituen youtuberretako bat da. Zaleek bera entzuteko aukera izango dute larunbatean, 11:30ean, Zelaieta zentroan, emango duen hitzaldian. Igandean, 12:30ean, toki horretan bertan egongo da Japoniako Turismoaren Nazio Erakundeko manager den Hajime Kishi.

Musikak toki garrantzitsua izango du Mangamoren. Horren erakusgarri da jaialdiaren lehen egunean Areatzako Bandak eskainiko duen kontzertua; Japoniako telesail ezagunenen abestien bertsioak egingo dituzte musikariek, Zelaieta zentroko pilotalekuan. Horrez gain, bertaratutakoek beste zenbait kontzertutara joateko aukera izango dute, besteak beste Nyorobotics japoniarrek zein Panicrew feat Lunak joko baitute.

Urtero bezala, Japoniako moda eta manga presente egongo dira Zornotzako jaialdi osoan zehar. Halaber, edizio honetan Tamara Ferrero diseinatzaileak beren-beregi jaialdirako sortutako moda-desfile bat egongo da, baita jaialdiak iraun bitartean ikusgai egongo den ehun-erakusketa ere.

Aisialdi elektronikoari dagokionez, Mangamoreko bisitariak 80ko eta 90ko hamarkadako bideo-jokoetan aritu ahalko dira retro itxurako jolas-gela batean; bertan, gurasoek aukera izango dute gaztetako jokoetan aritzeko beren seme-alabekin batera.

Ezaugarri horiek dituen ekitaldi batean derrigorrean egon behar direlako, larunbatean Pokemon bezalako jokoak eskainiko dira. Cosplay txapelketa tradizionalak eta Shogi zein Yu Gi Oh jolasak (kartak) egongo dira ere bai.

Etxeko txikiek Japoniako jolas tradizionaletan aritu ahalko dira horretarako prestatutako ludotekan, betiere heldu batekin badoaz. Horrez gain, Ureshi izena duen jaialdiko maskotarekin atera ahalko dute argazkia photocall-ean; jarduera horrek arrakasta handia izan ohi du urtero gaztetxoen artean. Hirugarren urtez jarraian, Humor Amarillo txapelketako gunea jarriko da; Japoniako programa ospetsuan agertzen diren antzeko probekin, bai ikusleek, bai parte-hartzaileek ondo pasa dezaten.

Larunbatean, berriz, tren bat ibiliko da herri osotik, eta Larreara eramango ditu bisitariak; izan ere, Quidditch txapelketa bat egingo da Larreako futbol-zelaian. Amorebieta-Etxanoko Ukabidea klubari esker, zenbait kirol egongo dira Mangamoren, hala nola karatea.

Larunbatean, Your Name filma jarriko da Zornotza Aretoan eta Cine Made in Asia blogeko Jonny Blancok aurkeztuko du. Era berean, Hotaru antzerkia eskainiko da, Scena13 taldearen eskutik.

Egun horretan bertan, txikientzako mozorro-lehiaketa bat egingo da Ogenbarrenan, eta gauez Yui Kanan DJa arituko da Zelaieta parkean.

Gastronomia japoniarrak amaiera emango dio programazioari, sushi eta Japonian inspiratutako pintxoak dastatu ahalko baitira udalerriko zenbait tabernatan, Luis Urrengoetxea etorbidearen inguruan.

Programazio guztia eskuragarri egongo da egitarau honetan www.mangamore.net webgunean.

PDF document icon Mangamore 2017 folleto.pdf — PDF dokumentua, 5.45 MB (5716412 bytes)

Jabier Muguruzaren “Harriaren hiztegia”, Bernardo Atxagaren testuak izango dituen kontzertuak hasiera emango dio Amorebieta-Etxanoko Zornotza Aretoko denboraldi berriari

2017/10/03
• Familia osoarentzat zuzendutako ikuskizuna, urriaren 6an izango da • Gustu eta publiko guztientzako proposamenak dira, dantza, antzerkia, musika, zinea eta familientzat eta umeentzat prestatutako ikuskizunak.

Amorebieta-Etxano, 2017ko urriaren 2a.  Amorebieta-Etxanoko Zornotza Aretoak herriko kultur guneko denboraldi berrirako programazioa aurkeztu du. Gustu eta publiko guztientzako proposamenak jasotzen ditu: dantza, antzerkia, musika, zinea eta familientzat eta umeentzat prestatutako ikuskizunak.

Denboraldi berriari hasiera emango dion lehen ikuskizuna “Harriaren Hiztegia” izango da. Jabier Muguruzak (musika) eta Bernardo Atxagak (testuak) sortutako familia osoarentzat zuzenduta dagoen kontzertua da. Urriaren 6an izango da arratsaldeko 20.00etan.

Datozen hilabeteetan, Zornotza Aretoan KINE zineklubeko hiru ziklo ikusi ahal izango dira. Lehenengoa Opera Prima zikloa izango da eta bertan, urrian zehar ikusi ahal izango diren lau film hartuko ditu. Bigarren zikloa “Zinea gizartearen ispilu” lelopean, azaroan izango da eta abenduan berriz, “Dokufilia” zikloa.

Honez gain, Zineklubak mendiari buruzko bi jardunaldi antolatu ditu Zornotza Mendi Taldearen eskutik. “Andres Espinosa Gogoratuz.Mendi Astea” titulua izango du.

Hainbat dantza, antzerki, musika eta zine ikuskizun beteko dute Zornotza Aretoko programazioa. Programa kontsulta dezakezu hemen: https://www.ametx.eus/eu/zerbitzuak/aretoa?set_language=eu.

Nabarmentzekoak dira bi artista lokalen ikuskizunak. Alde batetik, Miren Larreak ANITAMARAVILLAS Teatroak estreinatuko duen lana (Jon Braun), eta beste alde batetik Mikel Urdangarinek bere taldearekin “Margolari” lana aurkeztuko du.

Euskaraz egingo diren ibilaldi gidatuak antolatu ditu Ametx erakunde autonomoak

2017/10/16
• Arratiako bailaran aurki ditzakegun txoko ederrenetakoak bisitatuko dira oraingoan, 10-15 kilometro inguruko ibilaldiak eginez. Ikuspegi zoragarriak, auzo baketsuak eta lasaitasuna han eta hemen. • Ibilaldiak urriaren 28an eta azaroaren 4an, 18an eta 25ean izango dira, goizeko 8:00etan hasita. • Autobus zerbitzua izango da etapak hasten eta amaitzen diren lekuetarako, eta Nafarroako parkina izango da batzeko tokia. • Informazio gehiago nahi izanez gero, www.ametx.eus web orrian begira daiteke. Zelaieta zentroan eman beharko da izena, irteerak baino bi egun arinago beranduen jota. Leku kopurua mugatua da.

Hamar eta hamabost kilometro bitarteko lau ibilaldik osaturiko ekimena antolatu du Amorebieta-Etxanoko Udalaren mendekoa den Ametx erakunde autonomoak, Ibiliaz Ezagutu programaren barruan, Arratiako bailaran aurki ditzakegun txokoen edertasunaz gozatzeko. Ikuspegi zoragarriak, auzo baketsuak eta lasaitasuna han eta hemen.

Ibilaldiak urriaren 28an eta azaroaren 4an, 18an eta 25ean izango dira, goizeko 8:00etan hasita. Etapa guztiei emango zaie hasiera Nafarroako parkinean eta autobus zerbitzua izango da bertatik ibilaldien hasiera puntura iristeko eta behin amaituta ere, Amorebietara itzultzeko. Honakoak izango dira, zehazturik, lau larunbat horietan egingo diren ibilaldiak:

Urriaren 28an, Baltzola-Mañaria: Arratiako bailaratik hasita. Eta bertako baserri eta inguruen edertasunaz liluratuta, ibilaldi honi ekingo diogu Dimako ingururik ederrenetakoa ezagutzeko. Altuera apal batetik hasita, 1.000 metrotik gora ikusiko dugu geure burua.

 Azaroaren 4an, Zumeltza-Indusi: Gerra Zibileko gudarien aireportuaren zelaiaz baliatuz, Eskuagatxeko inguru ostenduak ezagutzeko aukera izango dugu, eta gure arbasoen aztarnen atzean amaituko dugu ibilaldia.

 Azaroaren 18an, Zumeltza-Areatza: Zumeltzako goi-larreetako bakeaz eta lasaitasunaz gozatuz, Dimako Indusi aran galdu eta estuan murgilduko gara, ingurune historikoa ezagutzeko.

 Azaroaren 25ean, Oba – Zornotza: Dimako auzo esaguratsuenetatik igaroz, Legarmendiko mendilerroan sartuko gara, Dimako bazterrei agur esanez, eta gure herriko inguru ederrenetakoak gozatuz.

 Informazio gehiago nahi izanez gero, HEMEN begira daiteke. Zelaieta zentroan eman beharko da izena, irteerak baino bi egun arinago beranduen jota. Leku kopurua mugatua da.

 Jarduera fisikoaren onura, orohar, berekin dakarren arriskua baino handiagoa da. Nolanahi ere, ariketa fisikoa egiten duen orok jakin beharra dauka jarduera horiek eguneroko bizimoduan arriskurik gabe txertatzen, eta segurtasuna bermatzeko neurriak hartzen.

Larrea kiroldegia itxita ordu batzuetan azaroaren 2an

2017/10/27
Azaroaren 2an, osteguna, arriskuen prebentzioaren gaineko prestakuntza saioa izango da Larrea kiroldegian bertako langileei zuzenduta. Ondorioz, instalazioak itxita egongo dira eguerdiko 13:00etatik arratsaldeko 15:00etara. Barkatu eragozpenak.

Internet eta sare sozialen aukera eta arriskuak nerabezaroan gurasoentzako tailerra

2017/11/20
Zelaieta Zentroa. Azaroaren 29 18:30etan

Gurasoentzako tailerra: Internet eta sare sozialen aukera eta arriskuak nerabezaroan.

  • Iraupena: ordu 1 eta 30 minutu
  • Lekuak: 20
EDUKIAK
 NORTZUK ERABILI AHAL DITUZTE INFORMAZIO ETA KOMUNIKAZIO TEKNOLOGIAK
  • Gailuak izateko eta erabiltzen hasteko adina
  • Akonpainamendu digitala
NORTASUN DIGITALA
  • Zelan agertzen naiz interneten?
  • Zer esaten dute gure seme-alabak interneten?
  • Aztarna digitala
MUGIKORREN ERABILERA (DES)EGOKIAK
  • Informazio eta komunikazioarako teknologiak errealitate bezala
  • Esparruak eta momentuak
  • Gure seme-alabak laguntzea sare sozialetan

Irekita dago Larrea kiroldegiko 2018ko urtarriletik martxora bitarteko ikastaroetan izena emateko epea

2017/11/27
• Ametx erakundearen web bidez izena eman ahal da formulario bat betez.

Izena emateko esteka hau klikatu: https://www.ametx.eus/eu/zerbitzuak/kirolak/aldez-aurretik-izena-ematea.

Abenduaren 13an amaituko da inskripzio epea, eta abenduaren 15ean zozketatuko dira ikastarootan dauden lekuak, eguerdiko 12:00etan. Zozketa egin eta gero, 20an argitaratuko dira Larrea kiroldegiko oholean lekua duten pertsonen zerrendak, eta abenduaren 26ra arte, gauzatu ahalko dute interesdunek ordainketa. Ikastaroan lekua izan eta, epe horretan matrikula ordaintzen ez dutenen eskariak bertan behera utzitzat hartuko dira.

Abenduaren 27an argitaratuko dira Larrea kiroldegiko iragarki oholean leku hutsak okupatzeko eskubidea duten eskatzaileen izenak (abenduaren 15eko zozketaren ondoriozko ordenaren arabera), eta interesdunek bertan kontsultatuko dute lekua duten ala ez.

 Pertsona horiek, ikastaroa egin nahi izanez gero, abenduaren 27a eta 28a izango dute ordainketa egiteko.

 Behin epe hori igarota, eskubide guztiak galduko dituzte, eta leku hutsik geratuz gero, abenduaren 29tik aurrera Larrea kiroldegiaren sarrerara etorri eta ordainketa gauzatzen dutenei esleituko zaizkie, agerpen ordenari zorrozki jarraituaz.

 UMEEN IGERIKETA IKASTAROAK

 Igeriketa ikastaroan lekua lortu ez eta itxaron-zerrendan geratzen diren umeek bermatuta izango dute lekua ezaugarri berberak dituen hurrengo ikastaroan, beti ere zerrendaren ordenari jarraiki, ikastaroaren lekuak bete arte.

Gogorarazten da, halaber, Ametx erakunde autonomoak ezarrita duela eskaintza osatzen duten ikastaroak antolatuko badira, ezinbestekoa dela matrikula egiten dutenen pertsona kopurua guztirako lekuen gehi bat izatea gutxienez.

Interesa duten pertsonek on-line bete ahalko dute, aurretiko-izen-ematea interesa duten  diziplinan edo, bestela, Larrea kiroldegira joanda.

 

Abenduaren 1ean hasten da GABONETAKO LUDOTEKA BEREZIAN parte hartzeko izena emateko epea.

2017/11/30

Abenduaren 1etik eta hurrengo abenduaren 15era arte Gabonetako Ludoteka Berezian izena emateko epea zabalik egongo da. Inskripzioa Gazte Informazio Bulegoan egin beharko da (ordutegia: 10.00 – 13.00 eta 17.00—20.00).

Jorratuko den gaia ARTEA izango da  eta programa honetan 3-10 urte bitarteko umeak parte hartu ahal izango dute. 2 txanda eskaintzen dira (bakarrik batean parte hartu ahal da):

  1. TXANDA: Abenduaren 26tik 29ra
  2. TXANDA: Urtarrilaren 2tik 5era

Ordutegia: 10:00 -- 13:00

Prezioa: 20€/txanda

Informazio gehiago:  www.ametxgazteria.eus

Gabonetako argiak piztuko dira abenduaren 13an

2017/12/04
Abenduaren 13an, arratsaldeko 17:30ean, Gabonetako argiak piztearekin batera, ekitaldia izango da Herriko plazan. Txokolate beroa, Zubiaur musika eskolako kideen musika ekitaldia eta txapak egiteko tailerra ere izango dira, bertaratzen diren guztientzat.

Ikasgelaren ordutegi berezia

2017/12/12
Asteburuetan, arratsaldez, irekita.

sakatu hemen.

IKASGELA abendua 2017 pdf

PDF document icon IKASGELA abendua 2017.pdf — PDF dokumentua, 151 KB (155121 bytes)

Kirol tarifak 2018

PDF document icon AMETX eskuorria1_eus.pdf — PDF dokumentua, 247 KB (252968 bytes)

Irekita dago Udalaren kirol instalazioetako abonodunek aldaketak egiteko epea

2017/12/20

2018ko urtarrilean ekingo zaio udalaren kirol instalazioak erabiltzeko urteko abonuaren kuota kobratzeari.

Ordaintzeko moduari, helbideratzeari, kontu zenbakiari, edo bestelako konturen bati dagokion aldaketarik egin edo baja ematea nahi duten abonatuek horren berri emateko epea 2018ko urtarrilaren 5era artekoa da.

Ametx erakunde autonomoaren Artezkaritza Batzordeak, udalerriko biztanleek kirolean jardutearen alde jokaturik, aurreko urteetako prezioei eustea erabaki du.

Kirol zerbitzuetan abonatuak direnek Larrea kiroldegira edota Zelaieta zentrora jo dezakete egoki deritzeten kudeaketak gauzatzeko.

Ametx erakunde autonomoaren kirol zerbitzuek eskutitz bidez emango diete honen berri abonatuei, indarrean dauden tarfiak biltzen dituen orria (HEMEN) ere erantsita. Bidalketa arazo baten zioz, hartzaileetako batzuek joan den urteko eskutitza jasoko dute, eta aurtengoa nahi izanez gero, (HEMEN) edota Larrea kiroldegian nahiz Zelaieta zentroan eskura dezakete.

Kontu-leku liburutegian

2017/12/29
Istorioak kontatzeko plazerra eta liburuen ezagutzak dakarren liluraz gozatzeko gunea. Tailerra haurraren gurasoekin batera burutuko da eta literaturarekiko zaletasuna sustatzeaz gain, umeen eta gurasoen arteko harremanak sendotzeko oso baliogarria da.

3/4 urte/años. Ostiraletan 17.30etik 18.30era

5/6/7 urte/años. Ostiraletan 18.30etik 19.30era

Ostiraletan, 9 saio, urtarriletik martxora.

-   URTARRILA / Enero: 19,26

OTSAILA / Febrero:  2,16,23

MARTXOA/ Marzo:  2,9,16,23

Dinamizatzailea: Aitor Ormaetxea.

-         Plaza mugatuak : 8 ume + ama edo aita

Lehentasuna izango dute aurreko ikasturtean parte hartu ez zuten umeek.

Dauden plazak baino pertsona gehiagok ematen badute izena, ZOZKETA egingo da. Izena ematean, parte- hartzaileek 9 saioetara etortzeko konpromisoa hartuko dute.

Eman izena liburutegian. Izena emateko epea: urtarrilaren 3tik 17era.

Amorebieta-Etxanok Nazioarteko Zornotza Krosaren 64. edizioa jasoko du

2018/01/03
• Hitzordua igande honetan, urtarrilaren 7an, izango da, eta nazio mailako atleta hoberenek eta nazioarteko goi mailakoek hartuko dute parte. • Kros honen historian zehar, atletismoaren zenbait espezialitatetan Joko Olinpikoetako edo Munduko txapeldun absolutuak izan diren 49 atleta igaro dira Jauregibarriako zelaietatik.

Amorebieta-Etxanon, 2018ko urtarrilaren 3an. Amorebieta-Etxanok Nazioarteko Zornotza Krosaren 64. edizioa antolatuko du. Beste urte batez, atletismo hoberenaz beteko dira Amorebieta-Etxanoko (Bizkaia) Jauregibarriako zelaiak. Hitzordua domeka honetan, urtarrilaren 7an, izango da.

Jardunaldiak 10 proba izango ditu. Goiztiarrenak ume-kadete, kimu, junior eta gazte mailakoak izango dira.

Horien ondoren, bigarren urtez jarraian, 1,9 kilometroko lasterketa paralinpikoa izango dugu. Geroago 4,7 kilometroko herri lasterketa egingo da, gura duten guztiek parte hartzeko zabalik egongo dena, eta ez da beharrezkoa izango federatuta egotea.

Nazioarteko proba absolutuei dagokienez, 12:30ean emakumeena hasiko da, eta 13:15ean gizonena. 8,7 kilometroko eta 10,7 kilometroko ibilbidea izango dute, hurrenez hurren. Mundu osoko hoberenetakoa den Zornotzako belar gaineko zirkuitutik, nazio eta nazioarte mailako atleta hoberenak igaro dira historian zehar. Guztira, atletismoaren zenbait espezialitatetan Joko Olinpikoetako edo Munduko txapeldun absolutuak izan diren ia berrogeita hamar atleta.  

Zirkuitua erreferentea da atletismoaren munduan, eta Europako Atletismo Federazioaren egutegiaren barruan dago, eta baita Espainiako, Euskadiko eta Bizkaiko Federazioen egutegietan ere. ANOC erakundearen, Kros Antolatzaileen Nazioko Elkartearen egutegian ere badago. Probak Bizkaiko Foru Aldundiaren, Eusko Jaurlaritzaren eta Amorebieta-Etxanoko Udalaren beraren laguntza du. Nazioarteko probak zuzenean eskainiko ditu ETBk eta aurrez grabatuta Teledeporte kateak.

Errege Magoak Amorebieta-Etxanora helduko dira

2018/01/04
• Bihar, urtarrilak 5, kabalgata Biarritz industrialetik abiatuko da 18:00etan eta Herriko Plazan amaituko da. Bertan, txikienek Errege Magoekin egoteko aukera izango dute. • Udalerriko biztanle guztiak daude musikaz, argiz eta kolorez betetako desfile honetan parte hartzera deituta.

Amorebieta-Etxanon, 2018ko urtarrilaren 4an. Amorebieta-Etxano Errege Magoen etorrerarako prestatzen ari da. Meltxor, Gaspar eta Baltasar bihar, barikuan, urtarrilaren 5ean, helduko dira gure herrira, argiz, soinuz eta ilusioz betetako hiru karrozatan. Hiru karroza horiekin batera, fantasiaz beteta egongo den Disneyren beste bat ere etorriko da. Horrez gain, udalerriko gimnasia erritmiko ikasleek osatutako dantza talde bikaina eta erregeen pajeak, herriko gazteak, ere izango ditugu. Musikaz, kolorez eta, zelan ez, gozokiz betetako ikuskizuna, txikiak eta nagusiak aho zabalik uzteko.

Udalerriko biztanle guztiak parte hartzera daude deituta eta, ondorioz, aurtengo kabalgatak inoiz baino parte hartze handiagoa izatea aurreikusten da.

Desfilea arratsaldeko 18:00etan abiatuko da Biarritz industrialdean, eta bertatik Gudari kalera joango da, San Migel kaletik igaro eta Herriko Plazan amaitzeko. Txikienek Erregeekin egoteko aukera izango dute, gutunak helarazteko eta euren nahien berri emateko.

Amorebieta-Etxanoko Zornotza Aretoak hamabi ikuskizun programatu ditu 2018ko lehen seihileko honetarako

2018/01/09
• Ikus-entzule guztientzat diseinatutako egitaraua: dantza, antzerkia, musika, zinea eta umeentzako ikuskizunak.

Amorebieta-Etxanon, 2018ko urtarrilaren 9an. Zornotza Aretoak, urte hasieratik uda arte luzatuko den denboraldirako programazioa aurkeztu du. Urtarriletik maiatzera, gustu eta ikus-entzule guztientzako kalitatezko proposamenak jasoko ditu: dantza, antzerkia, musika, zinea eta umeentzako ikuskizunak, Zornotzako ikus-entzuleen gozamenerako.

Programazio berria urtarrilaren 12an hasiko da, “Artxipielagoa” ikuskizunarekin. Euskal kultur eremuko zenbait profesionalek bultzatutako ekimena da, Andoni Egaña bertsolaria buru dela. Ikus-entzulearen partaidetza ezinbestekoa duen ikuskizun berritzailea eta desberdina.

Urtarrilaren 26an, Karabanserai Produkzioak-ek “Ele!! Lorca-Lauaxeta” ikuskizuna ekarriko du Zornotza Aretoko agertokira. Literaturaren bi jenio horien poemen bitartez, poesiak eta arteak balioak transmititu ditzaketela eta irakurtzen eta entzuten dituztenengan eragina izan dezaketela kontatuko digu “Ele” ikuskizunak.

Otsailaren 3an Dejab pampin laborategia konpainiaren “Linbo Planeta” lanaz gozatu ahal izango dugu. Txotxongiloak, antzerkia, musika eta bideoa uztartuz, desberdintasunaren, askatasunaren eta irudimenaren aldeko kantua egiten duen antzezlana. Otsailaren 16an, Kabia teatroak “Alike Alicia después de Alicia” ikuskizuna aurkeztuko digu. Antzezlan horrek irudien animazioa eta 7 antzezlek osatutako antzezpen lana elkartuko du espazio bakarrean. Otsailaren amaieran, Williem Shakespeareren testuetan oinarrituta dagoen Karrika Antzerki Taldearen “Deshakesperazioa” lanaz gozatu ahal izango dugu.

Martxoaren 9an, Bilbao 700 Fundazioak “Lyceum Club” antzezlana aurkeztuko du. Kulturan eta ausardian oinarrituta, Espainian feminismoaren oinarriak ezarri zituzten emakumeei eskaintzen zaien omenaldia. Martxoaren 17an, Zornotza Aretoak, familia osoari zuzenduta dagoen eta orain denbora gutxi estreinatu den “Izar” antzezlana jasoko du.

Zornotza Aretoaren antzerki programazioak apirilean jarraituko du. Apirilaren 13an, Cancamisa Teatrok, Imanol Ituiñok idatzitako eta zuzendutako “Ramper historia de un payaso” lana aurkeztuko du. Bertan, umorez eta maisutasunez kontatzen da pailazoaren bizimodu berezia. Apirilaren 20an, berriz, HIKA Antzerki Taldeak “Txarriboda” antzezlana aurkeztuko du, euskaraz. Umorean eta bat-batekotasunean oinarritutako oso pieza berezia.

Maiatzaren 4an, Zornotza Aretoak Gorakada Teatro konpainiaren “Ulisesen Bidaia” lana jasoko du. Antzerki programazioaren azken lana Ez Dok Hiru taldeak eskainiko du, “Euskal musikaren benetako istorioa” ikuskizunarekin. Patxo Telleriak eta Mikel Martinezek tokiko euskal musikan oinarritutako antzezlana ekarriko digute.

24 urteko ibilbidearen ostean, Zornotza Aretoak eskaintzen dituen ikuskizunen ordutegiak aldatzea erabaki du, gizarteko ohitura berrietara egokituz.

Ikus-entzule guztiei eta helduei zuzendutako ikuskizunak 20:15ean hasiko dira (ostegun, ostiral eta larunbatetan, batez ere) eta umeei bereziki zuzendutakoak larunbatetan, 18:00etan.

Kontzertuak

Musika programazioaren barruan, Zornotza Aretoak, urtarrilean eta apirilean Zelaieta zentroan egin diren “Tritzak” eta “Terra da fraternidade” kontzertuak ere sartuko ditu bere programazioan.

Zine-kluba

Datozen hilabeteetan, Zornotza Aretoak KINE zine-klubak antolatutako hiru zine ziklo eskainiko ditu:

Lehenengoa, “Euskolabel zikloa”, euskal artistek zuzendutako eta ekoiztutako hiru filmek osatuko dute: “Iritziaren oihartzunak”, “Pedaló” eta “Verabredung”.

Bigarren zikloa otsailean izango da, “Nagusi egitea eta beste arazo batzuk” izenburupean.

Hirugarrena, “Femeninoan zikloa”, martxoan izango da.

Ziklo horietako film guztiak astearteetan eskainiko dira, 20:15ean.

Pirritx, Porrotx eta Marimotots eta Perubele Amorebieta-Etxanoko Inauterietako protagonistak

2018/01/19
Jarduerak otsailaren 9an hasiko dira egun horretan etorriko baita Perubele eta otsailaren 13an amaituko dira, Inauterietako asteartean

Amorebieta-Etxanoko Udalak hainbat ekintza antolatu ditu datozen Inauterietarako. Horrela, otsailaren 9tik 13ra, zornotzarrek hainbat kultur ekitaldi izango dituzte kaleak girotzeko. Jai parte-hartzaile batzuk antolatu nahi dira, herritar guztientzat baina bereziki txikienei zuzenduak.

Ostiralean, hilak 9, Pirritx, Porrotx eta Marimotots pilotalekuan jarriko den taula gainean izango dira arratsaldeko 17:30etik aurrera. Sarrerak 6 eurotan salduko dira eta otsailaren 5etik aurrera eskuratu ahal izango dira Gazte Bulegoan.   

Beranduago, 19:00etan, Zelaieta parkean, Perubeleren aurkezpena egongo da eta ondoren jaietako protagonista nagusia den honekin kalejira bat egingo da. Ibilbidean zehar Udazken taldeko dultzaineroak izango ditu bidelagun eta parte hartzen duten guztiak animatuko dituzte.   

19:30etik aurrera atseden hartu ahal izango da Zelaieta parkean jarriko den karpan eta han zornotzarrek txorizoa eta sagardoa jan eta edan eta ordu erdi beranduago Gora Herria taldeak egingo duen erromeriarako indarrak hartu ahal izango dituzte.  

Larunbaterako, otsailak 10, 18:30ean magia ikuskizuna antolatu da Asier Khidam magoaren eskutik.

19:00etatik aurrera, La Cuadrilla de la TIa kaleko ikuskizun musikalak  Amorebieta-Etxanoko kaleak girotuko ditu zornotzarrak animatuz eta 20:30etan, Zelaieta parkean egongo den karpan, DJ XAIBOR izango da eta jendea dantzatzen animatuko du.

Beste urte batez, Luis Urrengoetxea kaleko ostalariek mozorro lehiaketa antolatu dute eta aurtengo gaiarekin lotuta dagoen mozorrorik onenari saria emango diote: Munduko karnabalak

Igandea, otsailak 11, egun lasaiagoa izango da eta Udabarri dantza taldearen eskutik 12:00etatik aurrera Inauterietako dantzak ikusi ahal izango dira herriko kaleetan.

Inauterietako asteartea

Asteartea, otsailak 13, 17:00etatik aurrera Zelaieta parkean. Photocall bat  egongo da txikienek argazki bat atera dezaten oroigarri gisa. Orduerdi beranduago kolpez blai ikuskizuna eskainiko dute Zo Zongó batukada taldekoak.  

18:00etan Nafarroa Zentroan nagusientzako mozorro lehiaketa egingo da. Ondoren lunch bat egongo da eta Inauterietako dantzaldi bat parte hartzen duten guztientzat.

19:00etan dultzaineroen laguntzarekin Inauterietako kalejira bat egongo da. Zelaieta parkean hasiko eta bertan baita ere datorren urtera arte agur esan ondoren erre egingo da Perubele. Txikienentzat txokolatada bat ere egingo da. 

Maketa lehiaketaren bosgarren deialdia martxan

2018/01/22
• Interesdunek otsailaren 28ra arte eman dezakete izena • Lehiaketa edozein musika estilo lantzen duen taldeei zuzenduta dago • Talderik onenak 1.500 euro jasoko ditu eta euskarazko abestirik onenak 500 euro • Aurkeztutako taldeen artean 9 hautatuko dira Zelaietako kontzertu gelan zuzeneko emanaldi bat eman dezaten

Amorebieta-Etxano, 2018ko urtarrilaren 22a.  Amorebieta-Etxanoko Gazteria Sailak Maketa Lehiaketaren 5. edizioa martxan jarri du.

Interesdunek otsailaren 28ra arte izena emateko aukera izango dute. Edozein musika estilo lantzen duten taldeei zuzenduta dago, diskorik ez badute inoiz argitaratu edota kontratu diskografikorik ez badute.  

Lehiaketan parte hartu ahal izateko, kideen erdiak, lehentasunez, 16-35 urte artekoak izan beharko dira eta ezin izango dira lehiaketan parte hartuko duten talde baten baino gehiagotan egon.

Talderik onenak 1.500 euro jasoko ditu eta euskarazko abestirik onenak 500 euro.

Epaimahaia musikako profesionalek eta antolakuntzako langile teknikoek osatuko dute. 9 maketa hautatuko dira ondoko irizpideak jarraituz: ahotsaren nortasuna, nola jotzen duten (erritmoa, afinazioa, koordinazioa) eta aberastasuna konponketetan (egiturak, sekuentzia harmonikoak eta estilora egokitutako akordeak). Horrez gain, zuzenean erakusten duten indarra kontuan hartuko da.  

Kontzerturako errepertorioa 40 minutukoa izango da. Gehienez bi bertsio jo ahal izango dira kontzertuan eta beste bat gehiago euskaraz bada. Gainontzeko lanak originalak izan behar dira, taldearenak.

Martxoaren 8an hautatutako taldeak zeintzuk izan diren jakinaraziko da eta talde hauek Zelaietako kontzertu-gelan zuzeneko emanaldi bat emango dute. Bestalde, irabazleek azken kontzertu bat eskainiko dute maiatzean. Han maketa lehiaketaren sariak banatuko dira.  

Parte hartu nahi duten taldeek ametxgazteria.net web gunetik izena emateko orria jaitsi beharko dute eta taldearen 3 abesti konprimatuta dituen artxibo bat bidali.

Zelaietako programazioa Otsaila-Ekaina 2018

2018/01/24
Erakusketak, inauteriak, liburutegia, ume ekintzak, gazte ekintzak, Eleizatan, Jan Alai, Haizetara, kiroldegia, Ibiliaz Ezagutu eta ikastaroak

Programazio osoa eskuratzeko klikatu hemen.

Sormenezko idazmena

2018/01/25
Dinamizatzailea: Danelle Sarriugarte idazlea. Orri zuriarekin aurrez-aurre. Frente egin nahi? Idazmena lantzeko teknika desberdinak ikasteko tailerra.

4 larunbatetan: otsailaren 17 eta 24an /martxoaren 3 eta 17an.

10.15 / 13.15

Don’t be Dummy | Zuk ez duzu ordezkorik ekitaldia Zornotza Aretoan

2018/01/31
Amorebieta-Etxanoko ikastetxeetako 15 eta 19 urte bitarteko ikasleek hartuko dute parte bertan.

Eusko Jaurlaritzako Segurtasun Sailaren “Don’t be Dummy | Zuk ez duzu ordezkorik” ekitaldi ibiltaria Zornotza Aretoan izango da bihar, otsailak 1, eguerdiko 12:00etan. Ekitaldi hauek trafiko-istripuak prebenitzeko sortu dira eta Euskadiko ikastetxe ez unibertsitarioetako gazteei zuzenduta daude. Kanpaina honetan, 15 eta 19 urte bitarteko gazteek hartzen dute parte.

Informazio gehiago: HEMEN

 

Testo laburren tailerra. (gaztelaniaz)

2018/02/22
Dinamizatzailea: Ana Belen Alonso. Alfa Taller de escritura creativa. Eman izena liburutegian.

 Egunak: martxoak 7 eta 14 eta apirilak 4 eta 18.

Ordua: 19:00etatik 21:00etara.

 

 

Pilates 2018

Pilates 2018
Jatorrizko tamainako irudia: 71 KB | Irudia ikusi Ikusi Irudia deskargatu Deskargatu

Irekita dago Larrea kiroldegiko 2018ko apiriletik ekainera bitarteko ikastaroetan izena emateko epea

2018/02/26
Erabiltzaileek ez dute zertan Larreara joan aurretiko izen-ematea egiteko, eta etxetik gauza dezakete, Internet erabilita.

Martxoaren 12an amaituko da inskripzio epea, eta 14an zozketatuko dira ikastarootan dauden lekuak, eguerdiko 12:00etan. Zozketa egin eta gero, hilaren 16an argitaratuko dira Larrea kiroldegiko oholean lekua duten pertsonen zerrendak, eta martxoaren 23ra arte gauzatu ahalko dute interesdunek ordainketa. Ikastaroan lekua izan eta, epe horretan matrikula ordaintzen ez dutenen eskariak bertan behera utzitzat hartuko dira.

Hil bereko 26an argitaratuko dira Larrea kiroldegiko iragarki oholean leku hutsak okupatzeko eskubidea duten eskatzaileen izenak (martxoaren 14ko zozketaren ondoriozko ordenaren arabera), eta interesdunek bertan kontsultatuko dute lekua duten ala ez.

 

Pertsona horiek, ikastaroa egin nahi izanez gero, hilaren 26a eta 27a izango dute ordainketa egiteko.

 

Behin epe hori igarota, eskubide guztiak galduko dituzte, eta leku hutsik geratuz gero, biharamunetik aurrera Larrea kiroldegiaren sarrerara etorri eta ordainketa gauzatzen dutenei esleituko zaizkie, agerpen ordenari zorrozki jarraituaz.

 

UMEEN IGERIKETA IKASTAROAK

 

Igeriketa ikastaroan lekua lortu ez eta itxaron-zerrendan geratzen diren umeek bermatuta izango dute lekua ezaugarri berberak dituen hurrengo ikastaroan, beti ere zerrendaren ordenari jarraiki, ikastaroaren lekuak bete arte.

Gogorarazten da, halaber, Ametx erakunde autonomoak ezarrita duela eskaintza osatzen duten ikastaroak antolatuko badira, ezinbestekoa dela matrikula egiten dutenen pertsona kopurua guztirako lekuen gehi bat izatea gutxienez.

Interesa duten pertsonek on-line bete ahalko dute, aurretiko-izen-ematea interesa duten  diziplinan edo, bestela, Larrea kiroldegira joanda.

Ametx erakunde autonomoak Zelaieta zentroko ikasgelaren ohikoa den ordutegia luzatuko du

2018/02/23
Kontuan izanda urte aurtengo oposaketen deialdiak, batez ere Osakidetzak egin duena eta aurkeztuko diren oposiziogileen kopurua aurreikusita, Ametx erakunde autonomoak Zelaieta zentroko ikasgelaren ohikoa den ordutegia luzatu egingo du.

Larunbatetan arratsaldeko 16:00etatik 21:00etara eta igandeetan 17:00etatik 20.00etara egongo da zabalik uikasgela. Ordutegi berezi honetan Ikasgelara sartzeko atea Gazte-Txokokoa izango da.

Zornotza euskalduna gura duzu?

2018/02/26
Zornotza herri euskalduna da. 18.700 biztanle inguru gara, horietatik %52,9k ondo dakigu euskaraz eta %22,7k ulertzeko gaitasuna dute; baina azken neurketaren arabera kalean entzuten diren elkarrizketen %23 baino ez dira euskaraz...

Datu horiek ikusita, badaukagu zeregina gure herrian euskararen erabilera bultzatzeko. Zeregin horretan udalak badauka erantzukizuna, baina herritarron ardura eta lana ere bada. Lan horri heltzeko behar-beharrezkoa da euskaltzale guztiak aktibatzea.
Hori dela eta, Euskal Herri osoan abiatuko den Euskaraldia, Euskarak 365 egun ekimena Zornotzan ere martxan jartzeko dei zabala egin gura dugu.

Zer da Euskaraldia, Euskarak 365 egun? Euskaraz jakin arren, gaztelaniaz egiteko joera daukaten pertsonak aktibatzeko ekimena da; hizkuntza-ohiturak aldatzeko ahalegina, norberarena eta kolektiboa, eguneroko bizitzan gaztelaniara jotzeko ditugun inertziak apurtu gura dituena, herritarrek eta instituzioek batera landuko dutena. Zornotza euskaraz bizi eta arnasa hartzen duen herria izateko, euskara bihotzetik ahora ekarri gura dugu, ahoak bizi-bizi jarri eta belarriak prest entzuteko.
Horretarako, euskaltzaleon parte hartzea sustatu behar dugu, eta euskara talde bat sortu. Lan horretan hasita gaude, eta lehenengo helburua 11 Egun Euskaraz kanpaina antolatzea izango da, 2018ko azaroaren 23tik abenduaren 3ra. Hara ailegatu arteko bidea ahalik eta herritar gehienen eskutik egin gura dugu.

Euskaraldiari ekiteko Kike Amonarrizen hitzaldia antolatu dugu. Gutun honen helburua dei egitea da, zeu ere bertara etorri zaitezen. Deia egiten dugu udalean ordezkatuta gauden indar politikoen ordezkariok, eta Zornotzako bizitza sozialean euskaraz bizitzea aukeratu dugun hainbat herritarrok. Kike Amonarrizek Euskaraldiaren berri zuzena emango digu. Ekitaldiaren amaieran ekimen honetan parte hartzeko interesa dutenentzako bidea zabalduko da.

Zornotza euskalduna gura duzu? Egingo dugu?
Kike Amonarrizen hitzaldia
Otsailaren 28an, asteazkena, 19:00etan
Zelaieta zentroko auditoriumean

Zornotzako euskaltzaleak batu gura ditugu, eta eskertuko genizuke bertara etortzea eta zure inguruan honen berri zabaltzea.

Beste barik, otsailaren 28an elkarrekin egoteko aukera izango dugulakoan, agurtzen zaitugu.

Udal euskaltegian egon daitezkeen beharrak betetzeko euskara irakasleen lan-poltsa bat sortzeko lehiaketa.

2018/02/27
Onartuen eta ez-onartuen zerrenda

Onartuen eta ez-onartuen zerrendak argitaratuta daude atal honetan: Ametx - Tramiteak - Lan eskaintzak.

“Zornotzan JAN ALAI” lehiaketaren zazpigarren edizioan izena emateko epea zabalik dago

2018/03/05
Amorebieta-Etxanoko Jan Alai lehiaketaren edizio berria, “Zornotzan Jan Alai 2018”, gero eta hurbilago dago eta ostalariek apirilaren 20ra arte (egun hau barne) izango dute izena emateko aukera.

Deialdiaren oinarriak eta lehiaketan izena emateko orria Zelaieta Zentroko harreran eskuratu daitezke eta baita ondoko web orrietan ere: www.amorebieta-etxano.eus eta www.ametx.eus

Pintxo berritzailerik onenari 1.000 euroko saria emango zaio eta baita pintxo herrikoirik onenari ere. Zerbitzaririk profesionalena ere aukeratuko da. Gainera, 500 euro zozketatuko dira bezeroen artean eta pintxoen Top Ten-a ere egingo da.

Amorebieta-Etxanoko Udalak, ostalaritza sustatu eta dinamizatzeko berriro ere ekintza honen aldeko apustua egiten du, aurrekoetan herrian oso harrera ona izan baitu.

Eman izena!

Gaztedi Durangaldea programaren barruan dagoen Amorebieta-Etxanoko ENPRESA IDEIEN LEHIAKETAko sariak banatu dira

2018/03/06
• Bizkaiko Foru Aldundiak bultzatutako eta Durangaldeko Udalen partehartzearekin garatutako Gaztedi Durangaldea proiektuaren barruan Enpresa Ideien Lehiaketa antolatu zen. Sari banaketa martxoaren 2an, ostiralean, Ermuko Izarra Centre eraikinean egin da. • Amorebieta-Etxanon bi proiektu aurkeztu ziren lehiaketara eta 1. Eta2. Saria eskuratu dute. • Gaztedi Durangaldeko hiru zonalde bakoitzean deialdi bat egin da eta guztira 12 proiektu aurkeztu izan dira: 2 Amorebietan, 2 Durangon eta 9 Ermuan.

Bizkaiko Foru Aldundiak GAZTEDI BIZKAIA 2020 proiektua bultzatu zuen eta Durangaldeko Udalek bat egin zuten GAZTEDI DURANGALDEA abiaraziz. Bertan barneratutako ekintzen artean, 16-29 urte bitarteko gazteei zuzendutako enpresa ideien lehiaketa antolatu zen. 2017ko abenduan eta 2018ko urtarrilean jasotako proiektuak baloratu ondoren, irabazleei merezitako saria emateko txanda izan da.

Guztira, 12 proiektu jaso dira, gehienak informatika aplikazio berriekin zerikusia dutenak. Lehiaketa ondorengo udalerrietako gazteei zuzenduta egon da: Durango, Abadiño, Mañaria, Berriz, Iurreta, Izurtza, Zaldibar, Mañaria, Garai, Amorebieta-Etxano, Ermua eta Mallabia. Hiru zonaldetan zatitu da Durangaldea eta sariak ere zonaldeka banatuko dira: 1000 euro talde irabazleari eta 500 bigarren sarituari.

  • ZORNOTZAK ondorengo bi proiektuak saritu ditu:

       BERBIZI proiektua. SARIA: 1.000 €.

   Erabiltzen ez diren eraikinak errekuperatu, moldatu eta merkaturatzea proposatzen du. Interesaturiko pertsonen artean sarea eratu eta bitartekaritza egin. Egileak: Ianara eta Martzel Do Nascimento eta Izaskun Narbaiza.

      SKYROAD proiektua. SARIA 500 €.

   Norberari egokituriko turismo bidaiak prestatzea proposatzen du, bezeroaren gustu, interes eta diru edo aurrekontuaren arabera moldatuta. Egileak: Markel Rodríguez, Markel Bilbao, Omar Sacristan eta Eneko Torre.

  • DURANGOK ondorengo bi proiektuak saritu ditu:

       DOOZY proiektua. Saria: 1.000 €

   Etxean ditugun gauzen alokairua –bigarren eskukoa- berme eta aseguratuta, behin edo oso noizbehinka behar diren gauzak erosi behar ez izateko. Egileak: Candela Zabala, Kepa Azkarate eta Unia Olaso.

       EXPRESS NAP proiektua: Saria: 500 €

   Atsedena hartu, norbere burua garbitu eta trasteak lagatzeko alokatuko liratekeen kabinak dira bidaian dauden pertsonentzat, aireportuak dituzten gabezien osagarri. Egileak: Isabel Castro, Jon Arribas eta Julieta Ferrino.

  • ERMUAN saritu diren proiektuen zerrenda ondokoek osatzen dute:

       DAMDAW proiektua. Saria: 1.000€

   Lan-arriskuen prebentziorako aplikazioa da. Egileak: Andoitz Horrillo, Xabier Sánchez eta Alexander Arévalo

       ERMUAP proiektua. Saria: 500 €

   Herriari eta bertan gertatzen denali buruzko App “erabilgarri, erraza eta intuitiboa”. Informazioa berehala iritsiko zaio erabiltzaileari bere zaletasun, adin eta interesei egokituta. Egileak: Maialen Arrizabalaga, Aitor Ferreño eta María Rodríguez.

       TIME TRAINER proiektua. Saria: 500 €

   Gailu elektronikoa, kirolaren praktika areagotzeko. Entrenatzaile pertsonalaren internaza du. Egileak: Mikel Errasti, Mireia Martín eta Almudena Maeso.

       MYCAREER proiektua. Saria: 500 €

   Ikasketa eta lan aholkularitzarako zerbitzua da, pertsonak lan alorrean ditugun jomugak lortzen laguntzeko. Fase guztiak barne hartzen ditu: unibertsitateko ikasketak, lehen lana eta pertsonaren gogo-betetzea. Egileak: Iván Fernández, Leire Fernández eta Olatz Masie.

       AURKITZEN EH proiektua. Saria 500 €

   Web eta app plataforma da, galdutako objektuak iragartzen eta berreskuratzen laguntzeko xedea duena. Zerbait galdu duenak bertan begiratu eta aurkitu duenarekin harremanetan jar daiteke, musutruk edo sari baten truke. Egileak: Imanol Acebedo, Sergio Rubio eta Garikoitz Lamariano.

HIZKUNTZAK / Idiomas

2018/03/15
Bada azken hiruhilerako (apirila/maiatza/ekaina) izena emateko epea zabalik:martxoaren 19tik 23ra.

Ahozkotasuna lantzeko tailerrak.

Ingelesa:

A2 - Astelehena.11.00

B1/B2 - Osteguna. 18.45

C1/C2 - Osteguna. 19.45

Frantsesa:

B1/B2 - Asteazkena. 19.00

Ekin lanari 2018

2018/03/19
Udal Enplegu eta Ekonomi Sustapen sailak antolatuta enplegu jardunaldiak apirilaren 26an.

Apirilaren 26an, Udal Enplegu eta Ekonomi Sustapen sailak antolatuta, Amorebieta-Etxanoko Zelaieta Zentruan enplegu azoka ospatuko da eta bertan aukera egongo da prestakuntza eskaintzak eta lan aukerak ezagutzeko eta baita ekintzailetzari dagozkionak ere.

Horretarako, nahi duten guztiek aukera izango dute hitzaldi, tailer eta enplegu foroan parte hartzeko.

Enpresek curriculumak eskuan jasoko dituzte eta hainbat heziketa zentro ere egongo dira beraiek eskaintzen dutena azaltzeko. Hauez gain, bestelako erakundeak ere izango dira.

Sarrera doakoa da eta ordutegia ondokoa: 09:30-18:00.

ZURE ZAIN GAUDE!

Ibiliaz ezagutu_Bizkaia maite

Ibiliaz ezagutu_Bizkaia maite
Jatorrizko tamainako irudia: 12 KB | Irudia ikusi Ikusi Irudia deskargatu Deskargatu

Euskaraz egingo diren ibilaldi gidatuak antolatu ditu Ametx erakunde autonomoak

2018/03/19
• Bizkaiko hegoaldean dauden mendien gogortasuna eta iparraldera jota aurkitzen dugun itsasoaren goxotasuna edo zangartasuna dastatzeko parada emango digute 12-15 kilometro inguruko ibilaldi hauek. • Ibilaldiak apirilaren 14an eta 21ean, eta maiatzaren 5ean eta 12an izango dira, goizeko 8:00etan hasita. • Autobus zerbitzua izango da etapak hasten eta amaitzen diren lekuetarako, eta Nafarroako parkina izango da batzeko tokia. • Zelaieta zentroan eman beharko da izena, irteerak baino bi egun arinago beranduen jota. Leku kopurua mugatua da.

Hamabi eta hamabost kilometro bitarteko lau ibilaldik osaturiko ekimena antolatu du Amorebieta-Etxanoko Udalaren mendekoa den Ametx erakunde autonomoak, Ibiliaz Ezagutu programaren barruan, Bizkaiko hegoaldean dauden mendien gogortasuna eta iparraldera jota aurkitzen dugun itsasoaren leuntasuna baturik. Lekeitio inguruko txoko ezkutuak, babesleku goxoak Oiz mendiaren inguruko bazter haizetsuenetan, Gorbeiako handitasuna gure txikitasunaz jabetzeko, eta Urkiolako edertasuna.

Ibilaldiak apirilaren 14an eta 21ean, eta maiatzaren 5ean eta 12an izango dira, goizeko 8:00etan hasita. Etapa guztiei emango zaie hasiera Nafarroako parkinean eta autobus zerbitzua izango da bertatik ibilaldien hasiera puntura iristeko eta behin amaituta ere, Amorebietara itzultzeko. Honakoak izango dira, zehazturik, lau larunbat horietan egingo diren ibilaldiak:

Apirilaren 14an, Lekeitio-Lekeitio: Bizkaiko kostaldeko herri esanguratsu eta politenetariko baten bazterrak ezagutuko ditugu, kresal usain artean olatuetatik mendira igoaz.

 Apirilaren 21ean, Barazar-Barazar: Gorbeiako gurutzea etenik gabe zaindari dugularik, bertako larreetan barrena murgilduko gara, antzinako pagadiek liluraturik eta ur-jauzi ikusgarriek harrituta.

Maiatzaren 5ean, Zengotita-Munitibatr: Mila metro inguruko altuera duen Oiz mendiaren iparraldean abiatuko gara, bertako ikuspegiez gozaturik eta Bizkaiko mendi bozineroetako bat zela aldarrikatuz.

Maiatzaren 12an, Kurutzeta-Arrazola: Hain ezagunak ez diren Urkiolako inguru hauetan barrena ibilita, bertako altxorrak ezagutzeko parada izango dugu. Haitz eta pago artean galduz Anbotoko damaren begiradapean beti ere.

Zelaieta zentroan eman beharko da izena, irteerak baino bi egun arinago beranduen jota. Leku kopurua mugatua da.

Jarduera fisikoaren onura, orohar, berekin dakarren arriskua baino handiagoa da. Nolanahi ere, ariketa fisikoa egiten duen orok jakin beharra dauka jarduera horiek eguneroko bizimoduan arriskurik gabe txertatzen, eta segurtasuna bermatzeko neurriak hartzen.

Informazio orria: HEMEN