Etxeko txikienak zorioneko daude, “Txiki, Txiki, Txikia” festibala jaio baita Euskadin. 0 eta 5 urte bitarteko umetxoentzat apropos pentsatu eta sortutako antzerki festibala, lehen haurtzaroari zuzendutakoa alegia.

“Txiki, Txiki, Txikia” festibalak Imanol Urbietaren kanta ezagunetik hartzen du izena. Lehen edizioa azaroaren 21a eta 23a bitartean ospatuko da Bizkaiko bost herritan. Amorebieta-Etxano, Barakaldo, Berriz, Durango eta Leioa dira, hain zuzen ere, eszena proiektu honetara batu diren udalerriak.

Egitaraua osatzen duten emanaldiak sortzerakoan bereziki kontuan izan dira bost urte azpiko umetxoen zentzumenaren garapena, premiak eta esperientzia. Horregatik, saioen iraupena, edota antzezleku bera ere, ezohikoak izango dira. Ikusleak talde txikietan antolatuko dira, den-dena gertu-gertutik eta bizi-bizi sentiarazteko: musika, antzerkia, dantza, ikus-entzunezkoa, jolasa… berbaro eta hizkuntza guztiak batu eta jolasten duten gunetxoak izango dira.

Zelaietan, azaroaren 21ean, 17:00etan eta 19:00etan. Sarrera 4€. Aldez aurretiko salmenta Zelaietan.

Amorebieta-Etxano, 2014ko azaroaren 19a. Azaroaren 25ean Emakumeenganako Indarkeriaren Aurkako Nazioarteko Eguna oroitzeko hainbat jarduera programatu ditu Amorebieta-Etxanoko Udaleko Berdintasun arloak:

• Eguerdiko 13:00ean, indarkeria matxista gaitzesteko kontzentrazioa izango da, eta erakunde-adierazpena.
• Udal liburutegiarekin batera, eta 5 eta 8 urte bitarteko umeei zuzenduta, ipuin kontalariaren saioa antolatu du Berdintasun arloak azaroaren 25erako. Liburutegian bertan izango da arratsaldeko 18:00etan, eta ipuin eta liburu ez-sexistak, adinka eta gaien arabera sailkatuta, biltzen dituzten familientzako gidak banatuko dira.
• KINE elkarteak ere kolaboratzaile jardun du programatu diren ekitaldietan, eta azaroaren 25ean, iluntzeko 20:00etan, Agua filma proiektatuko da Zornotza Aretoan.
• Era berean, auto-defentsa feministarako ikastaroa antolatu da. Indarkeria sexistari antzeman eta aurre egiten irakatsiko dute bertan. Azaroaren 22an (larunbata) eskainiko Zelaieta zentroan, goiz eta arratsaldez, 10:00etatik 14:00etara eta 16:00etatik 20:00etara hain zuzen.

 “Genero indarkeriaren aurrean ez ezazu orririk pasa”. Hori da azaroaren 29an, arratsaldeko 18:00etatik 20:00etara, Amorebieta-Etxanoko kaleetan zehar aktore batek aurkeztuko duen leloa, indarkeria matxistak dakartzan kalteez kontzientziak irazekitzeko. Interpretazio-lanekin batera, liburuen orrialdeak markatzekoak banatuko ditu zornotzarren artean, eta emakumeen aurkako indarkeriari dagokionez paso ez egiteak daukan garrantzia azpimarratuko.

Amorebieta-Etxano, 2014ko azaroaren 26a. Mahai jokoen Jokoan jaialdiaren beste edizio bat izango da Amorebieta-Etxanon. Datorren asteburuan dohainik parte hartu ahalko dute guztiek, txiki nahiz nagusi, Zelaieta zentroan mota honetako aisialdia sustatze aldera erabilgarri izango diren mahai edo gizarte jokoetan.

Jaialdiaren bosgarren edizioa da dagoeneko eta Zornotzan errotuta dagoela baiezta daiteke. Joan den urtekoan 1.000 lagunetik gora izan ziren bertan partaide.

Era guztietako publikoari daude zuzenduta jarduerak, hala honelako jokoen zaletuak badira nola jolasokiko lehenengo kontaktua badute ere. Familiako gazteenentzako ludoteka berezia ere izango da. Horrela, 4 eta 10 urte bitarteko umeek euren gune propioa izango dute.

Gainerakoentzat gune orokorra izango da, edade guztietako helduentzako jolasez hornitua.

Jaialdia azaroaren 29an eta 30ean izango da, goizeko 11:00etatik iluntzeko 20:00etara, eta hainbat jokotan aritu ahalko dira partaideak.

Azpimarratzekoa da jokoen gaineko ezagutzarik ez dutela behar bertan parte hartu nahi dutenek, begiraleak izango baitira laguntzeko, gomendioak eskaintzeko eta ludoteka hornitzen duten jokoetan -100etik gora izango dira- jolasteko arauen gaineko informazioa emateko.

Bestelako ekintza osagarriak ere izango dira: Scalextric erraldoia, miniaturak margotzeko tailerra, miniaturen jokoen erakustaldiak eta Hama tailerrak, besteak beste.

Amorebieta-Etxanoko Udalaren mendekoa den Ametx erakunde autonomoak Zornotzako Forjadores kultura elkartearekin eta Hal Taldearekin batera antolatutako ekimena da, eta arlo honetako hainbat argitaletxeren lankidetza izan du.

Jarduera egitaraua webgune honetan aurki daiteke: www.jokoan.com

Angel Calvete Zumalde artista zornotzarraren “Basoa eta bere esentzia” izeneko erakusketa izango da ikusgai Zelaieta zentroko erakusketa gelan abenduaren 1ean hasita. Iluntzeko 19:30ean ekingo zaio inaugurazio-ekitaldiari eta bertan erakusketaren lanak eta artista polifazetikoa izaki egindako ibilbidea aurkeztuko ditu egileak. Abenduaren 20ra arte iraungo dute espazio honetan erakusteka osatzen duten marrazkiek eta pinturek.

Azken bi urte eta erdian, basoa ardatz hartuta, egindako lana bildu du bertara Calvetek. Hasieratik eutsi zion gai honi, margolanetan ez ezik, eskulturetan ere bai, hostoak eta enborrak langai eta irudikapen erabilita.

Kontatu nahi zuen ideiaren edo istorioaren zerbitzurako gailu sinbolista huts giza zerabiltzan lehenagoko garaietan motibo horiek. Gaur egun, ordea, baiezta daiteke azken etapa honetan entitate propioa bereganatu duela basoaren gaiak eta berori dela lanaren xedea. Maila formalari dagokionez, ikertu beharreko mikrokosmosa osatzen duten xehetasun guzti guztiak irudikatu nahi ditu.

Angel Calveteren ustez, “irudikapenaren zehaztasunetik haratago joanda, malenkonia, nostalgia edo edertasunaren bilatze soila dira honetara bultzatzen nautenak”.

Eusko Jaurlaritzako e-liburutegia proiektua (http:// www.liburuklik.euskadi.net) dela eta, eta bi saio azaltzeko emango dira Zelaieta Zentroan egun hauetan:

Abenduaren 3an, asteazkenean, goizeko 11:00etan
Abenduaren 4an, ostegunean, arratsaldeko 19.00etan

Informazio gehiago Zelaieta Zentroko udal liburutegian.

Informazioa eta egitaraua: HEMEN

.eus domeinuaren ekimenari atxiki zaizkio Amorebieta-Etxanoko Udala eta Ametx erakunde autonomoa eta, horrela, www.amorebieta-etxano.eus eta www.ametx.eus izango dira, hurrenez hurren, erakundeon webguneen helbideak. Euskara eta Euskal Kulturaren Komunitatearen Interneteko lehen mailako domeinua  da .eus domeinua. Beraren helburua euskara eta euskal kultura sustatu eta Euskara eta Euskal Kulturaren Komunitatea kohesionatzea izaki, euskara beste hizkuntzen mailan kokatzen du, euskararen normalizazioan lagunduko du eta euskararen herriari nazioarteko aitortza eskaintzen dio.

Irabazteko asmorik gabeko erakunde pribatua den PuntuEus Fundazioa  da .eus domeinua kudeatu, kontrolatu eta administratzeko ardura duen erakundea.

Aldaketa honek ez die inolako eragozpenik eragingo erabiltzaileei, orain arteko www.amorebieta-etxano.net eta www.ametx.net helbideak sakatuz gero, berdin sartuko baitira erakundeen webgune berrietan.

.eus domeinuari buruzko informazio gehiago: HEMEN

Gabonak datoz, pozik eta zoriontsu egoteko aroa, familian eta giro alaian igarotzeko egunak. Baina etxeko norbait falta denean egoera guztiz aldatzen da: sufrimendua, faltan botatzea... Sentimendu negatiboak sortzen dira.

Egoera honetan, Gabonak kontraesan bihurtzen dira, ez diogu ospakizunari zentzurik ikusten. Pentsa dezakegu ez duela ospatzerik merezi, beharbada giro honetatik ihes egitea dela irteera onena, baina horrek azken baten ez du ezer konpontzen, hurrengo urtean ere berdina gertatuko zaigu... Orduan, zelan antolatu Gabonak egoera honetan?

Soraya Diez Gonzalez, doluan espezialitatea daukan psikologak doaneko hitzaldi hau emango du datorren asteazkenean, abenduaren 17an Zelaietan.

Laster izango da Zelaietan ikastaroak eta bestelako Zelaietako programazioa jazotzen duen eskuorria. Hemen dago informazio osoa:

 IKASTAROAK ETA PROGRAMAZIOA urtarrila-ekaina 2015

Izena emateko epea datorren abenduaren 22an zabaltzen da.

Amorebieta-Etxano, 17 de diciembre de 2014. Gabonetako argiak piztuta, hasiera eman zaie, nolabait, jaioi Amorebieta-Etxanon. Ametx erakunde autonomoaren eskutik eta udalerriko hainbat elkarterekin batera, umeentzako eta gazteentzako jarduerek, musikak, antzertiak, kirolak, eta abarrek osatutako egitaraua jarriko du abian Amorebieta-Etxanoko Udalak beste urte batez, zornotzar guztiek gozagarriak izan ditzaten egun berezi hauetan.

Gabonetan Jai

Abenduaren 26tik 30era, 0 eta 12 urte bitarteko umeei zuzenduta dagoen Gabonetan Jai programa izango da Zelaieta zentroko pilotalekuan. Umek txikiek puzgarriak, irratia, musika-jarduerak, ohe elastikoak, tailerrak eta hainbat jolas izango dituzte haurren gunean jostagarri.

Goizeko 11:00etatik eguerdiko 13:30era eta arratsaldeko 16:00etatik iluntzeko 20:00etara izango dute gazteenek bertan parte hartzeko aukera.

Sarreraren prezioa 2 eurokoa da eguneko. Bost egunetarako bonoa erosiz gero, berriz, 8 eurokoa.

Gazteentzako jarduerak

Beste alde batetik, bost egun horiexetan, 10 urtetik gorako gaztetxoek beraientzat propio antolatutako ekintzetan parte hartu ahalko dute: mahai-jokoetan, bideo-jokoetan, ping-pongen....

Hori guztia egunero, arratsaldeko 17:00etatik gaueko 22:00etara, Zelaieta Zentroko kontzertu gelan.

Ikusle guztientzat

Urtero bezala, Gabonetako Kontzertua eskainiko du Zubiaur Musika Eskolak gaueko abenduaren 19an, 21:00etan Zornotza Aretoan. Beste urte batez, Zubiaur Musika Eskolako ikasle eta irakasleek koruen eta musika tresnen musika kontzertuan parte hartzeko gonbitea egingo digute, lasaitasun, alaitasun eta partaidetza giroa hedatu nahian. Aurreko urteetan bezala, taldeek hainbat estilotako lanak eta abestiak interpretatuko dituzte, euretako bakoitzari marka pertsonala erantsita.

Horrezaz gain, Ametxgazteriako begiraleek gala berezia eskainiko dute abenduaren 20an, Gauero programaren barruan, “Nun ikusiot nik zure aurpegixe? III” izenburupean.

Abenduaren 21ean gabon kantez blai izango dira herriko kaleak, abesbatzek eta txistulariek girotuta, eguerdiko 12:30ean hasi eta 13:45ean Kalbario plazan amaiturik.
Biharamunean, abenduak 24, Eguberri bezpera, arratsaldeko 18:00etan izango den Olentzeroren etorrera baino lehenago, animatzen diren zornotzar guztiek Belatixikietako igoera tradizionalean har dezakete parte.

Abenduaren 30ean GLU GLU produkzioen Hiru Txerritxoak ikuskizuna izango da ikusgai Zornotza Aretoan. Bi saio izango dira (17:00etan eta 19:00etan). Hiru txerritxoen ipuin klasikoa oinarri hartuta, gaur egungo edukiak eta tankerak erantsi zaizkio komedia, jolasa, musika eta dantza konbinaturik, ekoizpen berri honetan.

Urteari agur esateko, berriz, San Silvestre lasterketa herrikoi tradizionala abiatuko da eta, gauean aurrera egin eta 2015. urteari ongi etorria emateko, diskoteka izango da 00:15ean hasi eta goizaldeko 3:15era arte.

Eta, urtero bezala, urtarrilaren 5ean Ekialdeko Errege Magoei egingo zaie harrera Udalak antolatutako Kabalgatarekin, arratsaldeko 17:30ean hasita.

Amorebieta-Etxano, 2015ko urtarrilaren 9a. Asteburu honetan emango dio hasiera Zornotza Aretoak denboraldi berriari, Markeliñe konpainiaren Kixote  antzezlanaren eskutik. Familiei zuzenduta doa, eta adiskidetasun-istorioa taularatu dute oraingoan,  Cervantesen elaberriaren pertsonaia arketipoak oinarri hartuta. Testurik gabeko ikuskizuna, non bi aktorek eta trapezista batek ametsak eta errealitatea aurrez aurre jarriko dituen istorioa alez ale aurkeztuko baitute. Ostiralean taularatuko dute lan hau, iluntzeko 20:00etan, eta larunbatean arratsaldeko 18:00etan.
Edade guztientzako musika saioz eta antzezlanez blai datorkigun denboraldiari hasiera emango dion ikuskizuna da.

Antzerkia

Estreinu lan honezaz gain, beste zortzi antzezlan taularatuko dira Zornotza Aretoan, euretako bi familiei zuzenduak.
- De cuerpo presente, Glu Glu Produkzioak. Urtarrilaren 30ean, 21:00etan. Bat-bateko heriotza batek ahalegin paregabea eragingo du azkenean espero ez zena izango den oinordetza banatzeko. Eskuzabaltasuna eta kodizia, bihotz-zabaltasuna eta zikoizkeria ageri zaizkigu, beren gordintasun osoan.
- Arrastoak, DEJABÚ panpin laborategia. Otsailaren 13an 21:00etan.

Lurrek ez du sekula bere amari buruz galderarik egin. Arrastorik utzi gabe egin zuen alde etxetik bera txikia zenean. Ordutik bakarrik egin behar izan dio bizitzari aurre, etxean harrapatuta bizi den aitarekin, erantzunak bilatzeko astirik gabe.
Orain amaren gorpua hilda agertu da ordea, eta galderak hasi dira berriz bor-borrean. Memoriaren zulo ezkutuenetan uste zituen sentimendu eta munstroiei egin beharko die aurre Lurrek, nahi eta nahi ez.
- Little Gem, EM2. Martxoaren 6an 21:00etan. Maitasuna, sexua eta salsa klaseak. Hiru belaunalditako emakumeak.  Urte gogoankarria.
Carol Tambor saria eman zioten Edinburgoko Jaialdian.
- Amodioaren Ziega, LAUKA. Lan hau izan zen euskarako antzezlanei zuzendutako Zu-Bi laguntza-plataformak, Euskal Herriko antzokiek, konpainiek eta jaialdiek osatua bera, laguntza emateko aukeratu zuen proiektua. Apirilaren 17an, gaueko 21:00etan. Lanak ziega batean kokatu zituen pertsonaiak, eta etorkizunik gabeko maitasun-istorio hunkigarria kontatzen digu.
- Juana, la reina que no quiso reinar, Histrion Teatro. Apirilaren 24an, 21:00etan. Joana Eroaren lekukotza irudikatzen du, era hunkigarrian. Errege-erregina katolikoen alaba, nerabezaroan eta bere gogoz kontra ezkondu ondoren, 46 urtez giltzapetuta izan zutena erregina izan baino emakume izan nahiago izan zuelako eta boterearen gainetik maitasuna defendatu zuelako.
- Edipo, Chapitó. Maiatzaren 8an, gaueko 21:00etan. Greziako antzezlan klasikoa, talento izugarridun jabe diren hiru aktoreren eskutik honako honetan. Erabat orijinalak eta harrigarriak diren umorea eta teatralitatea erabiliko dituzte horretarako.

Familian ikusteko antzezlanei dagokienez, berriz, honako hauek dira, Markeliñe konpainiak estreinatuko duen lanaz gain:
- Aladdin, Gorakada Teatroa. Martxoaren 14an, arratsaldeko 18:00etan. Aladdinek pertsonaia misteriotsu bat ezagutu eta aberats bihurtzeko aukera izango du, pertsonaiari kobazulo sorgindu batean dagoen olio lanpara zaharra lortzen laguntzen badio… Biziko duen ikaskuntza prozesuak, obraren izpirituak eta aberastasun plastikoak ikuskizun fin, poetiko eta adiskidetsua bihurtu dute Aladdin.
- Minutos, Marcel Gros. Maiatzaren 22an, iluntzeko 20:00etan. Une garrantzitsuen bilatzailea eta gauza txikitxoen bildumazalea… Marcel Gros pailazoak irudimenaz egindako ibilgailua eraiki du, eta bidaian abiatuko da mundu nimiño, anitz eta dibertigarrira. Barrez eta irudimenaz egindako ikuskizuna.

Aipatzekoa da, bestalde, antzerkiaren atalean, 13 eta 18 urte bitarteko gazteentzako Zugan ni antzezlanen lehiaketaren VII. edizioa. Maiatzaren 17an izango da emanaldia, arratsaldeko 17:00etan, eta Durango, Iurreta, Elorrio, Amorebieta e Igorre herrietako 100 gazte inguruk amaiera emango diote ikasturtean egindako lanari, parte hartu duten udalerrietako antzokietan antzezlanak taularaturik.

Musika

Musikaren alorreko programazioari dagokionez, berriz, joan den urteko HAIZETARA jaialdian epaimahaiaren sari berezi irabazi zuen MASTRETTA taldeak otsailaren 7an arratsaldeko 18:00etan familiei zuzenduta eskainiko duen emanaldiaz gain, Zelaieta zentroan Musika Gertu izeneko zikloaren barruan programatu direnak ere aipatu behar dira.

- MBA3, Mikel Bikandi. Urtarrilaren 23an, 20:00etan. Zelaieta zentroan aurten eskainiko den lehendabiziko kontzertu honetarako, Mikel Bikandi musikari zornotzarrak hirukotea batu du: bateria, kontrabaxua eta gitarra; eta beraren azken konposizioak gozaraziko dizkigun taldea osatzen duten musikarien jatorria anitza da benetan: Guadalajara, Madrid eta Amorebieta. Zortzi musika-olerki orijinal, eguneroko bizimoduaren osagai diren paisaiak, keinuak eta egoerak.
- Sugaray Rayford eta Travelling Brothers. Otsailaren 19an, iluntzeko 20:30ean. Texaseko kantaria da Sugaray Rayford. Magnolia Route izeneko disko berria besapean hartuta datorkigun “Travelling Brothers” euskal taldea izango du lagun.
- Canciones de Centroamérica, Lupita la Ingrata eta Lolo Callejo. Martxoaren 26an izango da, 20:30ean. Lupita la ingrata aktore eta abeslari gazteak, Roberto Castro lagun duela, rancheren eta bestelako aiherren errepertorio ezaguna eskainiko digu alez ale. Lolo Callejo y los suyos Kantabriako laukotea da, Nikaraguako, El Salvadorko, Kolonbiako, eta abarretako abestien interpretea.

Eta aurrekoa gutxi balitz bezala... beste  bi proposamen, oso bereziak:
- Txapeldun, Organik-Kepa Junkera. Martxoaren 13an, gaueko 21:00etan. Dantza eta musika zuzenean. Hamar urtez hemendik hara ibili ondoren, motore nagusi eta lan guztien identifikatzaile mugimendua, jatorrizko musika, hitza eta umorea dituen dantza bakar-saioa dakarkigu Organikek. Valentziako El Pont Flotant konpainia da lankide dramaturgian, eta Kepa Junkera musikari bikainaren zuzeneko musika.
- Bios Orkestraren 3 emanaldi, goizetan. Hiru igandetan, otsailak 15, martxoak 15 eta apirilak 19, eguerdiko 12:00etan. Bizkaiko musikari gazte profesionalek osatuta dagoen BIOS orkestrak, Ana Uriarte zornotzarraren zuzendaritzapean, hiru kontzertu eskainiko du, goizez, hiru egitarau bariatu aurkezturik: Karibeko musikatik hasi eta Barrokoraino, zineko soinu bandetatik ere igarota. Dohainik izango dira kontzertu hauek Zornotza Aretoko bazkideentzat.

Irakurketa familiengana hurbiltzea dugu helburu. Liburuetan eskeintzen zaizkigun istorioak, taldeka irakurri eta entzuteko plazerra bizi izateko gune berezi bat eskaintzea gustatuko litzaiguke. Irakurtzeko ohitura astero gure etxeetara eramango dugu altxor bat bezala, otzara baten sartuta, liburuz eta fantasiaz beteta. Irakurketa bidaia delako, mundu eta modu berriak bizitzeko era bat, eta hezkuntza zein bizitzarako gakoak eskuratzeko esperientzia.

Izena 9 saioetarako ematen da.

Plaza mugatuak: 12 haur + bere aita/ama.

Plazak baino jende gehiago balego, zozketa egin eta itxaron zerrenda sortuko.

Izena ematea epea: Otsailaren 17 arte.

Eman izena Bibliotekan.

Datak:

• otsailaren 20an eta 27an
• martxoaren 6an, 13an eta 27an
• apirilaren 17an eta 24an
• maiatzaren 8an eta 15ean

          ARRATSALDEKO 18.15etan                                              

Otsailaren 23an gure seme alaben hezkuntzan Maitasuna eta Mugak aztertuko dira hitzaldi doan batetan. Hitzaldia Virginia Belategi psikologak emango du. Informazioa hemen.

"Zoriontsu hezten" mintegian parte hartzeko  (martxoaren 2an, 9an eta 16an) izena eman behar da otsailaren 26 baino lehen Zelaietan, hau da informazio gehigarria. Mintegia Soraya Diez Gonzalez psikologak burutuko du.

Ume zaintza zerbitzua emango da baina horretarako aldez aurretik izena ematea beharrezkoa izango da.

3 - 4 - 5 urtekoentzat.

Otsailaren 21ean.

Eguerdiko 12.00etan.

Arratsaldero, 17:30etik 19:30era, Vicente Ferrer fundazioaren proiektuen inguruko informazioa emango zaie interesa duten guztiei.

Amorebieta-Etxanoko Udaleko Gizarte Ekintza Sailak Emakumeen Nazioarteko Eguna ospatzeko egitarau zabal bat antolatu du.

Egun hori baino lehen, udal ludotekan ipuin kontalariak egongo dira. Hau ludotekaren ohiko ordutegian izango da, hau da, 17:00etatik 20:00etara.

Martxoaren 5ean 18:30ean Zelaieta Zentroko Auditorioan “La bicicleta verde” bideo-foruma egongo da. Film honetan zuzendariaren ilobari buruz hitz egiten zaigu. Wadjdak hamar urte ditu eta gizarte tradizional batean bizi da. Gizarte horretan hainbat gauza, horien artean bizikletan joatea, debekatuta daude. Hala eta guztiz ere, neskato alai eta saiatu hau baimendutakoaren eta debekatutakoaren arteko muga horretan ibiltzen da beti. Wadjdak bizikleta bat izan nahi du Abdullah bere lagunarekin karrera bat egin ahal izateko baina amak ez dio uzten bizikletak neskato baten duintasunerako arriskutsuak baitira.  

Hurrengo egunean, martxoaren 6an, Zelaietan LITTLE GEM antzezlana taularatuko da gaueko bederatzietan (21:00).  Hiru belaunaldi ezberdinetako hiru emakumek maitasuna, sexua, bizitza eta heriotzari buruz hitz egiten duten komedia bat da.

Martxoaren 7an goiz guztian zehar Emakume Artisau eta Nekazarien XVIII. Azoka egongo da. Arratsaldez, Gaztetxokoko diskotekan sentsibilizazio/dinamizazio jarduera bat egongo da 20:00etatik 23:00etara.

Martxoaren 8an kontzentrazioa eta adierazpen instituzionalaren irakurketa 13:00etan Herriko plazan.

NORENTZAT :

3 eta 10 urte bitarteko umeentzat (2012 – 2005)

TXANDAK/ TURNOS

Txanda bi eskainiko dira

A.- Martxoak 30, 31 eta apirilak 1 (3 egun)

B.- Apirilak 7-10l (4 egun)

ORDUTEGIA

10.00 – 13.00

NON

Zelaietan

IZENA EMAN

Izena eman Gazte Informazio Bulegoan martxoaren 18ra arte. Ordutegia: 11:00 – 13:00 eta 16:00 – 19:00

PREZIOA

5€ txanda bakoitza

KONTUTAN IZATEKO

-          Izena ematean matrikula ordaintzea derrigorrezkoa da (kreditu txartelaren bidez).

-          Plaza mugatuak. Izen-emateen ordenaren arabera esleituko dira.

-          Itzulketak. Izena emateko epea bukatuta ez da dirurik itzuliko hurrengo egoeretako bat ematen ez bada (beti ere idatziz eskatuta eta dagokion dokumentuak aurkeztuta): a) gaixotasun edo istripu larria (medikuaren ziurtagiria) edo b) udalekuetara etortzea eragozten duten ustekabeak edo beharrizan larriak, justifikatuta.

Otsoa, ipuinen unibertsoan ugaria. Hainbeste istorio abere honi buruz, hainbeste.

Ipuin bilduman otsoari buruzko gezur, egi eta mitoak argituko zaizkigu.

Otsoak, ujujuju

otsoak, ujujuju

otsoak, irrifar egiten digu

horregatik Txanogorritxu

bildurtu da

otsoekin.....

Amorebietan argazkilaritza zabaltzea eta zaletasun hori daukaten pertsonek euren gogoa, lana eta jakintza partekatzea da elkartearen helburu nagusia. Hogeita lau bazkide ditu gaur egun elkarteak, eta astero batzen dira, egindako argazkiak guztien artean aztertzeko. Nork bere argazkien gaineko azalpenak ematen ditu, zer parametro eta bitarteko erabili duen adierazirik, eta irudiaren datuak irakurrita. Lana taldearekin partekatzen dute eta horrek ikasteko balio die.

Irteerak ere egiten dituzte,  argazki mota jakin batzuk lantze aldera: gaueko argazkiak, naturakoak, ur-jauzienak...

Uztargi.Klik elkartekideek argazkilaritza herriko gazte eta helduen artean ezagutarazi eta bultzatu nahi dute.

Martxoaren 10ean hasi eta apirilaren 7ra bitartean Zelaietako erakusketa gelan ikusgai dagoen erakusketan taldea sortu zenetik urtebete igaro den honetan egindako lanaren lagina ikus daiteke.

Irudiez gain, argazkilariek urteen joan-etorrian erabilitako kamerak eta tresnak ere badaude erakusketan, ikusgarriak eta bitxiak direnak, Pedro BIlbao zornotzarrak utzita.

Uztargi.Klik talde irekia da, kide berriak gustura hartzen dituena. Interesa dutenak harremanetan jar daitezke elkartearekin astearteetan arratsaldeko 7:00etan Zelaietara joanda, edo fotograficauztargi@gmail.com helbide elektronikora mezua bidalita.

Euren lana ikusi nahi izanez gero, flickr-era jo daiteke: https://www.flickr.com/groups/uztargi/

"Egia esan" liburua izango da hasieran mintzagaia baina, beste gauza asko ere aipatu ditu idazle polifazetiko honek. Zatoz, ez zara damutuko.

Irteera, ohiko moduan, goizeko 10:00etan izango da, Gudari kaleko autobus geltokitik.

Honakoak dira helburu estrategikook:

1.- Euskararen jabekuntza:  Hizkuntzaz jabetzea, hiztun bilakatzea dakar berekin helburu honek, eta familia transmisioa, irakaskuntza eta euskalduntzea/alfabetatzea dira esparru nagusiak.

2.- Euskararen erabilera: Hizkuntzaren erabilera bultzatzeko neurriak sustatu behar dira, bereziki administrazioan, arlo sozio-ekonomikoan, aisian eta kirol arloan.

3.- Euskararen elikadura: Bi arlo nagusi ditu, bata sorkuntza eta bestea kontsumoa. Beraz, lehenik eta behin, euskarazko kalitatezko sorkuntza sustatu eta babestu behar da eta, horrekin batera, euskarazko kontsumoa indartu behar da. Sail honi dagozkio liburugintza, kulturgintza, publizitatea, hedabideak…

Zehar lerro bat ere bereganatzen du; izan ere, etengabekoak izango baitira horiekin guztiekin batera sentsibilizazioa eta motibazioa.

Onartu berri den Euskara Sustatzeko Ekintza Planean, hiru urteko epean garatu eta burutuko diren jarduerak zehazten dira. Garapenarekin batera, urtero-urtero gauzatuko dira planaren ebaluazioa eta jarraipena, eta 2018rako egin beharreko egokitzapenak ebaluazio horien emaitzetan oinarrituko dira. Hainbat dira, eta era askotakoak, aurtengo urtean gauzatuko diren ekintzak. Besteak beste direla, honako hauek nabarmen daitezke:

-          Haur literatura tailerra: Udalerriko ikastetxeekin elkar lanean burutzen da. Haur Hezkuntzan eta Lehen Hezkuntzan irakurketarekiko zaletasuna bultzatzea xede duen ekintza da, orokorrean, eta literatura lan gomendagarriak lantzea du oinarri. Adin bakoitzean, formatu ezberdinetan, ipuin antzeztuak, ipuin kontalariak, antzerkiak, liburu erraldoia, idazleekin elkarrizketak eta erakusketa girotua bezalako ekintzak burutzen dituzte urtero.

-          Gu ere bertsolari programa: Bertsolaritzaren jarduna eskola eremura ekarrita, euskararen ikaskuntzan hizkuntzaren erabilera praktikoari dagozkion esparru berriak zabaltzen dira. Hitzarekin eta hizkuntzarekin jolasten den bitartean, bertsoekin lan litezkeen hainbat esparruri ekiteko aukera jartzen da ikasleen eskura: euskara, kultura, musika eta trebetasun pertsonal eta sozialak jendaurrekotasuna, auto-estimua, elkarkidetza…

-          Gabonetan Jai: Gabon garaian etxeko txikienentzat eta gazteentzat urtero antolatzen diren egitarau bereziak.

-          Hizkuntza indartzeko proiektua: Irakaskuntza arautuan sartzen diren ikasle etorkinei murgiltze-fasean euskaraz jabetzen eta euskaldun bilakatzen laguntzeko indartze saioak.

-          Erdu olgetan familian: Gurasoek seme-alabekin batera parte hartzeko ekintzak, euskararen erabilera bereziki zainduz eta sustatuz.

-          Ibilialdiak familian: Etxeko gaztetxoenek gurasoekin batera egiteko moduko ibilaldi didaktikoak, natura eta inguruko paisaiak eta parajeak ezagutzeko, eta landa-bizitzara eta bertako jardueretara hurbiltzeko  parada ezin hobea eskaintzen dutenak.

-          Ibiliaz ezagutu: Gida euskaldunek lagunduta eta autobus zerbitzua izanik inguruetako natura, kultura eta arkitektura ondarea ezagutzeko antolatzen diren mendi-irteerak.

-          Berbaldiak programa: Euskaldun zaharrak eta euskaldun berriak, bere egunean ikasten ibili zirenak, gaur egun ikasten ari direnak, euskaraz jarduteko ekimen parte-hartzailea.

-          Tinko programa. Eskola-umeek eta gaztetxoek zinea euskaraz ikusteko ekimena.

-          Apelliduak abizendu: Deituren grafia euskarara egokitzeko ekimena.

-          Udaleku irekiak: Eskola-umeen opor garaian hainbat ekintza eta jardueraz blaituta antolatzen diren aisialdi-egitarauak.

-          Gurasolagun programa: Gurasoei zuzenean bideratuta dagoen euskarazko mintzaldien ekimena .

-          Izen euskaldunak.

-          Gazteria, gaztezulo kultur eskaintza: Gazteei zuzenduta dagoen euskarazko hedabidearen sustapena.

Merkataritzaren eta ostalaritzaren sektorean euskararen erabilera sustatzeko ekimenak.

Amorebieta-Etxanoko ESEP: HEMEN

Informazio osoa hemen. Izena emateko agiria.

Iritsi da Amorebieta-Etxanoko “Zornotzan JAN ALAI” Pintxoen Ibilbidearen aurtengo edizioa. Udalerrian dagoeneko finkatuta dagoen lehiaketa honetan parte hartzeko izena ematen has daitezke ostalariak. Saria eskuratu nahian tabernetan eta jatetxeetan prestatuko dituzten pintxo orijinalez, berritzailez eta gozo baino gozoagoez gozatzeko aukera izango dute atzera ere zornotzar guztiek.

Lehiaketaren oinarriak eta izena emateko orria eskuragarri daude Zelaietako harreran eta www.amorebieta-etxano.eus eta www.ametx.eus web orrietan. Udalak dei egiten die Zornotzako ostalari guztiei izena emateko azken eguna den apirilaren 30a baino lehen inskripzioa egin dezaten.

Aurreko edizio hiruretan harrera bikaina izan duelarik, ekimen honen aldeko apustuari berretsi dio Amorebieta-Etxanoko Udalak aurten ere, Zornotzako ostalaritza sustatu eta dinamizatzeko xedearekin. Honakoak dira lehiaketan parte hartzen dutenek eskura ditzaketen sariak:

• Pintxo berritzailerik onenarentzako saria: 1.000 euro.
• Pintxo herrikoirik onenarentzako saria: 1.000 euro.
• Zerbitzaririk profesionalena.
• 500 euroko zozketa bozketan parte hartzen duten bezeroen  artean.

Pintxoen Top Ten zerrenda.

Jan Alai lehiaketaren laugarren edizioko deialdia: HEMEN

Izena emateko fitxa: HEMEN

Kids & Us akademiak PHANTOM MANOR saio emango du.

Saio bi egongo dira, lehenegoa 11.3oetan eta bigarrena 12.15etan.

Saiok 3 eta 8 urte bitarteko haurrei zuzenduta daude.

Irteera, ohiko moduan, goizeko 10:00etan izango da, Gudari kaleko autobus geltokitik.

NORENTZAT: Umeentzako egokiak diren jardueren bidez, meditazio-teknika ikasi nahi duten gurasoentzat.

NON: Zelaieta zentroan. Izena eman apirilaren 30era arte.

NOIZ: Maiatzaren  11ean, 18an eta 25ean eta ekainaren 1ean, astelehenak.

18.30etik 20.00etara.

PARTAIDEAK: 20 lagun guztira.

MATERIALA: Material xumea emango da, etxean seme-alabekin erabiltzeko (irakurgaiak, jarraibideak…).

EDUKIAK

✦    Mindful gurasoak

✦    Arreta arretari

✦   Sentimenduak erabiltzen

✦   Pazientzia ekoizten

✦   Ametsak sortzen

PREZIOA: 25€

info gehiago hemen

Aurrematrikula egiteko, ikaslearen datu pertsonalak eta bankuko kontu zenbaki bat eskatuko da (24 zenbaki)

Web gunetik ere egin daiteke. http://www.ametx.eus/eu/zerbitzuak/zubiaur/matrikulazioa

DANTZA

6 URTETIK AURRERA  
 
Dantzarekin kontaktua (6-7 urte)
Sormenezko dantza (8 urtetik aurrera)
Dantza Klasikoa (8 urtetik aurrera)
Hip Hop/Funky (12 urtetik aurrera) 

MUSIKA 

4 URTETIK AURRERA  
 
Musikarekin Kontaktua (4-7 urte)
 
Flauta, Klarinetea, Saxofoia,  Tronpeta, Tronboia, Perkusioa, Biolina, Biola, Biolontxeloa.  
Pianoa, Gitarra, Akordeoia. Txistua, Alboka, Trikitixa, Dultzaina, Txalaparta.
Gitarra eta Baxu elektrikoa, Teklatuak, Bateria.
 
Hizkuntza Musikala, Analisia, Korua eta Talde instrumentalak.
 
Musikoterapia Hezigarria

Zabalik dago, maiatzaren 12tik aurrera, Zornotza Arte eta Kultura Sozietateak Ametx erakunde autonomoaren lankidetzaz antolatzen duen “Enrike Renteria” Pintura Lehiaketako Zintzilik sailean parte hartuko dutenek, olanak batzeko epea.

Zelaieta zentroan har daitezke olanok (astelehenetik ostiralera, 9:00etatik 21:00etara eta, larunbatetan, 10:00etatik 14:00etara).

Zintzilik

Uztailaren 12an izango da “Enrike Renteria” kanpoko pintura lehiaketaren aurtengo edizioa.

Lehiaketak bi modalitate izango ditu: Kanpoan egiten den ohiko pintura txapelketa, eta herriko balkoietan ikusgai jarriko diren lanetatik onenak sarituko dituen Zintzilik izenekoa. Lan horiek lehiaketa eguna baino lehen egin behar dira, eta Zornotzako etxeetako balkoietan esekiko dira, herriko jaien amaierara bitartean.

Partaidetza

Izena ematean 1,30 x 1,50 metroko olana jasoko dute partaideek. Gaia librea da, eta eguraldi txarrak kaltetuko ez dituen pinturak erabili behar dira, kanpoan eskegita egongo baitira lanak.

Obrak aurkezteko epea ekainaren 29an hasi eta uztailaren 3an amaituko da, eguerdiko 14:00etan. Zelaietan  entregatuko dira bildurik, tolestu gabe, eta lanekin batera izena ematean jasotzen den fitxa ere ekarriko da, beteta.

Haizetara jaialdiaren egitaraua: HEMEN.

• Iraupena: ekainaren 18tik uztailaren 15era.
• 5 ordu egunean (08:30-14:00).
• Matrikula epea: ekainaren 1etik 10era.
• Sarrera proba: ekainaren 11n

Aurrematrikula egiteko: Zornotza Udal Euskaltegian
Bulego ordutegia honako hau da: Goizez: 09:00-13:00. Arratsaldez: 15:00-17:30

Telefonoa: 94 6732026
Helbidea: San Pedro 5
e-posta: euskaltegia@ametx.eus

Urtza Tabernan “Muskuiluak latan”  izenaz atondutako pintxoa izan da “Zornotzan Jan Alai” txapelketaren laugarren edizioko pintxorik berritzaileena epaimahaikideen aburuz. Saria, 1.000 € dirutan, plaka eta txapela.

Herri pintxorik onena, berriz, lehiaketan parte hartu duten hiritarren bozketa bidez izendatua, Hotel Harrison Etxeko "Zaku de rabo con dulce de membrillo sobre crema de patata con manzana al aliño de su jugo" izenekoa izan da. Saria, 1.000 € dirutan, plaka eta txapela.

Txapelketara aurkeztutako pintxoen Top Ten delakoa ere bozketa honetatik eratorririk osatu da. Honakoa izan da:

1.- HOTEL HARRISON

2.- POZU´S                           

3.- GU GEU                         

4.- PROPI                             

5.- BOROA

6.- URANGA                         

7.- BEREZI

8.- URTZA

9.- ANKORA

10.- ATERPE

Beste alde batetik, lehiaketan parte hartu duten herriko 54 taberna eta jatetxeen arteko zerbitzaririk onena aukeratzeko bozketa ere eginda, Propi Erretegiko zerbitzariaren profesionaltasuna nabarmendu da.

Hiritarren partaidetza

Eskerrak eman nahi dizkie Udalak Amorebieta-Etxanoko ostalariei euren inplikazioagatik eta hiritarrei ere, joan den urteko moduan, bat egin dutelako txapelketarekin eta hori, berez, bada udalerri osoarentzako saria. Guztira, 59.000 pintxo inguru gora saldu dira.

Irabazleen argazkiak: Jabi Atutxa - HILERO

UMEENTZAKO IGERIKETA: astelehenetik ostiralera

10:00  Hobekuntza 6-7-8 urte

10:45  Hastapena 6-7-8 urte

12:00  Hastapena 4-5 urte

12:45  Hastapena 4-5 urte

JARDUERAK:  astearte eta ostegunetan

18:00   COMBI-GYM

19:00   PILATES

20:00   G.A.P.

18:30  SPINBIKE

19:30  SPINBIKE

Ekainaren 15 - 30 ........... 9.00 / 20.00
Uztailaren   1 - 15 ............ 9.00 / 20.00
Uztailaren  16 - 30 .........   8.30 / 15.00
Abuztuaren 1 - 16 ........... itxita
Abuztuaren 17 - 31 ........ 8.30 / 15.00
Irailaren 1 - 15 ............     9.00 / 20.00

Amorebieta-Etxanoko kaleak musikaz blaituko dira beste behin, Kaleko Musikaren Nazioarteko Jaialdiari esker. Aurreko ekitaldietan bezala, aurten ere oso estilo desberdinetako nazioarteko bederatzi banda lehian arituko dira. Hala ere, oraingoa edizio berezia izango da.  Hamargarren urteurrena izanik, oraingoan 2006tik aurrera epaimahaiak saritutako bandek parte hartuko dute.

Aurreko edizioetan bezala, bandak elkarren arteko lehian arituko dira baina antolatzaileek ukitu berezia eman nahi izan diote eta horregatik aurreko urteetan irabazle izan diren bandek hartuko dute parte.

Hamar urtetan egindako lanaren emaitza bikainek ematen duten pozarekin, Amorebieta-Etxano berriz ere alaitasun, aisia, topaketa eta dibertsioz beteko da.  Jaialdiaren X. edizioa asteburu honetan izango da eta nazioarteko kaleko musikaren arloan jaialdirik sendoenetariko bat bihurtu da.

Edizio berezia izanik eta aurrekoetan ez bezala, ez da taldeek Haizetaran izena emateko deialdi irekia egin. Horren ordez, gonbidapena bidali zaie 2006 eta 2014 urteen arteko edizioetan irabazle izan diren bandei. Esan beharra dago Amorebieta-Etxanora etortea denek onartu duten arren, LA FANFARE PETARD banda frantziarrak, jatorria Strasbourg  hirian duenak, ez duelako 2009ko garaipena errepikatzeko aukerarik izango; izan ere, azken aspaldi honetan eszenatoki gaineko ikuskizunak, soinu ekipoez hornituak, besterik ez baitute eskaintzen.  Halatan ere, euren haize, ahots eta elektronikaren nahasteez gozatu ahalko gara jaialdiaren aperitibo gisa, lehiaketatik at, bihar osteguna, ekainak 18, Andra Mari plazan eszenatoki gainean. Eguraldiak lagundu ezean, Zubiondo plazako garagardotegian izango da kontzertua.

Haizetara jaialdia duela bederatzi urte jaio zen Amorebieta-Etxanoko Udalaren eskutik eta San Juan inguruko asteburu batean ospatzen da. Kaleko banda eta musika taldeen lehiaketa bat da. Herriko artxibo historikoetan jasotzen den bezala, San Juanetan musika kalean bizi-bizi egoten zen. Jaialdi honetan Udalak XX. mende hasieran musika San Juan suarekin lotzen zuen jai-giroa berreskuratu nahi du. Honek berebiziko garrantzia izan zuen batez ere 1913. urte inguruan.

Haizetara jaialdia herriarentzat bada ere, musikaren arloan dabiltzanei ere zuzenduta dago, jaialdiaren bidez munduko beste leku batzuetan kaleko musika taldeek zer egiten duten ezagutzeko eta azken joerak eta joera berritzaileak ezagutu ditzaten.

 Sariak

Edizio berezia izanik, sariak ere halakoxeak izango dira, bereziak.  Jaialdian irabazle suertatzen den bandak 12.000 €-ko saria eskuratuko du. Musika munduan ospedun diren kideek osatutako epaimahaiak ebatziko du irabazleak nortzuk diren.

Ikus-entzuleek gogokoen duten bandari berriz, 5.000 €-saria emango zaio.  Banda hau aukeratzeko, larunbat gauean, ekainak 20, bozkak jasoko dira.

Instrumentu-jolerik onenak, bere aldetik, 1.500 €-ko saria irabaziko du. Sari honen irabazlea nor den epaimahaiak erabakiko du, eta INTERKLABE enpresaren babesletza dauka.

 Gastronomia guneak

Aurreko edizioan legez, lau izango dira gune gastronomikoak aurten ere. Arraibi plazan iaz gehitutako guneak izaniko arrakasta ikusita, mantentzea erabaki dute antolatzaileek.  Honakoak dira, hain zuzen, guneok:

 -          Euskal Taberna Gernika plazan ezarriko den karpan, bertoko produktu tipikoak eskainiko dira: txakolina, ardoa, sagardoa, gazta, txerrikiak… Euskadin egin eta ekoiztutako produktuak.

-          Sagardotegia. Zelaieta parkean egongo da eta Amorebieta-Etxanon egindako sagardoa eta sagardotegi bateko produktu tipikoak dastatu ahal izango dira.

-          Garagardotegia. Zubiondo plazan egongo da eta Alemaniako garagardotegietako ohiko produktuak edukiko ditu: askotariko garagardoak, saltxitxak, ukondoak…

-          Arraibi plaza. Zornotza saskibaloi taldearen eskutik sorpresa gastronikoren bat dastatzeko parada izango dute bertaratzen direnek gune honetan.

Erakusketa eta erakusleihoen lehiaketa

Era beran, ekainaren bigarren hamabostaldian banda irabazleei Haizetara jaialdian egin izan zaizkien argazkien Hoberenak izeneko erakusketa izango da ikusgai Zelaietan.

Beste alde batetik, eta Musikaren Nazioarteko Egunarekin (ekainak 21) eta Haizetara (ekainak 19, 20 eta 21) bat eginez, III. Erakusleiho Lehiaketa antolatu du, musika gaitzat hartuta, Dendariak elkarteak bazkide dituen establezimenduen artean. Elkartearen bulegoan hartu ahalko dira lehiaketaren oinarriak (Luis Urrengoetxea 9). Lehiaketarik onena aukeratzeko bozketan parte hartzen dutenen artean elkarteari atxikita dauden establezimenduetan erabiltzeko 20 €-ko hamar bono zozketatuko dira.

 HAIZETARA jaialdiaren X. edizioan elastiko ofiziala ere egongo da. AIDAE tokiko elkartea arduratuko da kamisetaren salmentaz, eta elkarte horrentzat izango dira bertatik lortzen diren etekinak.

 Egitarau osoa

 EKAINAK 19, OSTIRALA

 19:00 Zelaieta Parkea.

             Taldeen aurkezpena

 20:00    Zelaieta parkea-Luis Urrengoetxea kalea

             LE BUS ROUGE

 20:30    Andra Mari plaza-Gernika plaza

             LA BANDA DE LA MARÍA

              Arraibi plaza-Herriko plaza-Zubiondo plaza

             MAGICABOOLA BRASS BAND

 21:00    Gudari kalea-Ogenbarrena

              NO WATER PLEASE

 21:30    Kalbario plaza

             OOMPAH BRASS

               Arraibi plaza

              FUNKY STYLE BRASS

 22:30     Nafarroa kalea-Gernika plaza

              LE BUS ROUGE

 23:00     Euskal Herria plaza-Zelaieta parkea

              WHAT CHEER? BRIGADE

 24:00    Zezilia Gallarzagoitia kalea-Zubiondo plaza

              PERHAPS CONTRAPTION

  EKAINAK 20, LARUNBATA

 13:00    Euskal Herria plaza-Kalbario plaza

             MAGICABOOLA BRASS BAND

              Gernika plaza-Arraibi plaza

             OOMPAH BRASS

              Zezilia Gallarzagoitia kalea-Abasolo apeizpiku kalea

             LA BANDA DE LA MARÍA

 19:00 Sabino Arana kalea-Zubiondo plaza

             FUNKY STYLE BRASS

 20:00    Harrison parkea-Zelaieta parkea

             NO WATER PLEASE

              Andra Mari plaza-Zezilia Gallarzagoitia kalea

             SUGARRI-ZAPARRADA  *

 20:30    Kalbario plaza

             WHAT CHEER? BRIGADE

              Euskal Herria plaza-Luis Urrengoetxea kalea

             PERHAPS CONTRAPTION

 21.00  Ogenbarrena- Gudari kalea

             MAGICABOOLA BRASS BAND

              Zezilia Gallarzagoitia kalea

             LE BUS ROUGE

              Arraibi plaza

             ZUBIAUR BAND *

                -----------------

             LA BANDA DE LA MARÍA

              Gernika plaza

             NO WATER PLEASE

                -----------------

             FUNKY STYLE BRASS

 22.00    Zelaieta parkea

              SUGARRI-ZAPARRADA  *

                   -----------------

                PERHAPS CONTRAPTION

 23:00      Zubiondo plaza

               OOMPAH BRASS

                    ----------------

               WHAT CHEER? BRIGADE

 EKAINAK 21, IGANDEA

 11:30 Auzoetan: Ixer, Gane, Ogenbarrena, Zubipunte…

                   NO WATER PLEASE

                   PERHAPS CONTRAPTION

                   OOMPAH BRASS

                    Erdiko kaleetan: Herriko plaza, Euskal Herria plaza, Sabino Arana kalea,

                   Gernika plaza, Arraibi plaza, Kalbario plaza,

                   LA BANDA DE LA MARÍA

                   MAGICABOOLA BRASS BAND

                   WHAT CHEER? BRIGADE

                   LE BUS ROUGE

                   FUNKY STYLE BRASS

 *Lehiaketatik kanpoko banda gonbidatuak

 Parte-hartzaileak

Honakoak dira, hortaz, aurtengo edizioan parte hartuko duten bandak:

LA BANDA DE LA MARIA (2006) (Sevilla)

Sevillako banda maitagarria, jaialdiaren lehenengo edizioaren irabazlea, 2006. urtean. Duela 20 urte sortu zen taldea, kaleko musika bultzatzea eta umorea erabiltzea xede  izanik, eta brass band amerikarrak eta Europako fanfarreak izan zituzten inspirazio iturri. Hamarkada bi horietan harro ikusi dute nola ugaldu diren taldeak eta jaialdiak, kaleko musikaren kontzeptua normalizatzera heltzeraino.  Barne-berreraikitze prozesu interesgarri batean daude murgildurik gaur egun, eta beste egiteko bati ekin diote, hau ere aurrekoa bezain utopikoa eta liluragarria: Jazza edota funka begien bistatik galdu gabe, estilo jatorra finkatu nahi dute, euren musika kaletarraren tradizioetatik abiatuta. Horretan dabiltza gaur egun, eta bilaketa horretara bilduta dago kaleko lan berria: A Bombo y Platillo.

 NO WATER PLEASE (2007) (Frantzia)

Bira luzeetan aritu eta Europan barrena 600 kontzertutik gora eskaini ondoren, bosgarren diskoa aurkeztu dute Haizetara 2007an bandarik onena izan zen talde honetakoek, ezaugarri duten indarra eta bultzadari eutsirik beti ere.

Beren irudiaren isla diraute, aldaketarik gabe, eta oraingoan kalerako propio eginda dauden 12 abesti berri dakartzate, eragingarritasun ikusgarriaz eta indar, umore pila eta soinu bolumen harrigarriaz jabeturik. Edozein taberna, kaleko jaialdi edo kontzertu areto su eta gar jartzeko gaitasuna dute « tight and punchy »  bezalako lanek.

Jatorria New-Orleansen duen inspirazioa mantenduz, elementurik onenak hartzen dituzte No Water Please bandakoek ska, punk, afro eta jazz musiketatik, cocktail zoroa eskainiz.

 MAGICABOOLA BRASS BAND (2008) (Italia)

Magicaboola Brass Band banda basatia dugu, tronpetek, saxofoiek, tubek, danborrek eta perkusioak osatua. Marching band klasikoetatik urruti, New Orleansen eta Italiako folk banden musika legatuaren berrirakurketa modernizatua egiten du MAGICABOOLA BRASS BANDek, estiloak nahastuz: Funka, Jazza, Bluesa eta mota guztietako herri musika. Banda honen ikuskizunean mugimendua eta koreografiak ere konbinaturik datoz, eta ikusle-entzuleen partaidetza bilatzen da saio guztietan, atal aktiboa eta funtsezkoa bilakaraziz. Aditzeko eta ikusteko musika da, bai, eta dantza egitekoa ere bai. 2008ko edizioan izan ziren irabazle.

 THE WHAT CHEER? BRIGADE (2010) (EEBB)

What Cheer? Brigade 18 musikarik osatuta dagoen punk brass banda da, (Providence, Rhode Island, AEB). Argi frogatzen dute musika jai bikaina ospatzeko soinu ekipo indartsurik, areago, argindarrik zertan erabilirik ez dagoela. Erritmo balkanikoak, Bollywood estiloa, samba, metala eta beste hainbeste elementu konbinatzen dira banda honen musikan. 2005az geroztik nonahi aurkitu ahal izan ditugu: hala erkidegoko ekitaldietan nola jai, taberna, klub, kale, liburu-denda, kanposantu, ezkontza, autobus geltoki edota umeentzako parkeetan. Bai publikoa eta  bai epaimahaikideak liluraturik geratu ziren 2010eko Haizetara jaialdian.

 FUNKY STYLE BRASS (2011) (Frantzia)

2011ko irabazleek 2005.ean ekin zioten ibilbideari, Frantziako Tolosa hiriko kontserbatorioan, euren gozamenerako kaleko musika taldea sortu zuen banda izanik abiapuntua. Nazioarte mailan ospetsu diren hainbat musikari izan dituzte lagun urteotan: Sargento Gracía, Emir Kusturica edota Manu Chao besteak beste, eta Europa osoan ibili dira batera eta bestera: Frantzia, Ingalaterra, Eskozia, Finlandia, Suitza, Bulgaria… Musikari eta komediantetzat dute beren burua, eta funkarekin, rockarekin eta reggaearekin nahasten dituzte metaleak, eromen dosi galantak ere konbinaturik. Horren guztiaren emaitza musika ikuskizun eldarniozko eta kutsagarriak izaten dira.

 OOMPAH BRASS (2012) (Ingalaterra)

5 musikari baizik izan ez arren, jakin zuten, euren  musikaren eta interpretazioaren kalitateari esker, epaimahaikideak eta ikus-entzuleen zati handi bat konkistatzen Haizetara 2012n. Banda hau 2006an sortu zen Londresen, eta Oom-Pop izeneko estiloa asmatu zuten: pop klasiko, soul eta rock estiloen abestien bertsioak, ukitu bavariarra emanez.

Nazioarte mailako arrakasta lortu dute, eta Abu Dhabi, Montreux, Amsterdam, Dublin, Espainia, Bermudak, Jersey, Edinburgo, Cardiff bisitatu dituzte. Londresen erresidentzia dute astean bitan. Joan den urtean sei jaialditan hartu zuten parte.

Irrati eta telebistan ere azaldu izan dira: BBC 1, 2, 3, 4, 5 eta 6, eta BBCren Channel Four eta ITV.

LE BUS ROUGE (2013) (Frantzia)

Le Bus Rouge, Lyonetik (Frantzia) datozkigun 10 musikari, duela hamar urte taldea sortu zutenetik, kaleko arteak eta Languedoc herrialdeko musika tradizionala uztartuz, oso proiektu bitxia aurrera atera nahian dabiltzanak. Landa Odak izena duen azken lanean, 4 ekitaldiko kaleko artzain opera aurkeztu dute, 9 musikari eta aktore baten eskutik. Lana osatzen duten lau koadroen bidez mendizaleak, artzainak, ezkontza bat, talde barrokoa, berpiztea, trantze-eszena, jai eta prozesioak, gazta eta altzari abeslariak. 2013an eskuratu zuten saria jaialdian.

 PERHAPS CONTRAPTION (2014) (Ingalaterra)

Perhaps Contraption, Haizetara jaialdiaren azken edizioko talde irabazlea, Londreseko banda miresgarria da, abesbatza zati batean eta ganbera orkestra beste batean. Brass progresibo eta ibiltaria, benetako musika esperientzia sorrarazten duena, jazz, oompah bizi, pop eta post-minimalismoaren elementuak nahastuz .

Banda honen energia maila eta ikuskizun elkarreragileak koru-harmonia joriez, koreografiez eta erritmo nahaspilatuez blai daude.

Nazioarte mailako jiratan ibiltzen da 2011z geroztik, eta hainbat jaialditan parte  hartzen, Glastonburyn (UK), Honk! jaialdian (AEB) besteak beste, eta Amanda Palmerrekin aritzen da, halaber, tourrean.

Atzo Haizetara Amorebieta-Etxanoko banda eta kaleko musikaren jaialdiko hamargarren edizioaren azken egunean, lehiaketako sariak banatu ziren:

• Lehiaketaren sari nagusia (izen ezagunek osatutako epaimahaiak erabakia): Perhaps Contraption. 12.000 euroko saria.

• Ikusleen sari berezia (herritarrek erabakia): The What Cheer? Brigade. 5.000 euroko saria.

• Instrumentistarik onenarentzat saria 1.500 euro (sari nagusia ematen duen epaimahai berak erabakia): François Piriou (NoWater Please). Interkable enpresak ematen du.

Zelaietako auditoriora bildu ziren ekainaren 22an Musikaz Hobe izeneko proiektuan partaide izan diren taldeen eta egoitza eta zentroen ordezkariak, bigarren edizioari amaiera emanez horrela.

Zubiaur musika eskolaren ekimenez sortu zen Musikaz Hobe proiektua. Zornotzan musikaren alorrean diharduten 14 taldek eta elkartek hartu dute parte amaitu berria den bigarren edizioan, eta guztira 24 ekitaldi eskaini dituzte udalerriko egoitzetan eta Nafarroa eguneko zentroan. Andoni Agirrebeitia alkateak bihotzez eskertu die parte hartu duten guztiei altruismo hutsez  egindako lana. Zubiaur musika eskolako sei taldeez gain, honakoak dira aurtengo edizioan aritu diren kolektiboak: SACZ, Abes Kimu, Xuxurlariak, Andra Mari abesbatza, Alaiak, Zornotzako Otxotea, Juravca eta Cantamañanas.

Egoitzetan izaniko harrera azpimarratu du ekimenaren koordinatzailea den Xabier Goitiandiak, esanez lehenengo edizioan 18 ekitaldi eskaini zituztela eta aurtengoan, berriz, 24. Eale aretoko dantza taldea ere partaide izango da hurrengo edizioan, eta guztira 30 emanaldi eskaintzea da asmoa, bost egoitza bakoitzean.

Musikaz Hobe proiektuan parte hartu dutenei eskerrak emateko egin den ekitaldi honetan ez da egoiliarrik falta izan, eta beraien esanetan ere nabaria izan da ekimen honek sortzen duen poztasuna eta daukan harrera ona.

Irudiak: Jabi Atutxa

Kartelean Amorebieta-Etxanoko gune esanguratsuak eta jaietako koloreak agertzen dira. Irabazlea 16 urteko ikasle zornotzarra da, Imanol Gonzalez Estepa, eta 1000 euroko saria lortu du.

Epaimahaiak lau kartel finalista aukeratu ditu, aurkeztutako 21 kartelen artean, eta jai batzordeak aukeratu zuen irabazlea atzo horien artean irabazlea.

Aurtengoa, bigarren aldia izan da lehiaketa herriko gazteei mugatzen dena eta epaimahaitik aurkeztutako lanen kalitatea eta originaltasuna azpimarratu da.

Marmitako lehiaketa 2015 oinarriak

1 Amorebietako jaietako kuadrilen arteko marmitako lehiaketa/txapelketa uztailaren 18an egingo da Zubiondo plazaren inguruan.

2 Herriko edozein koadrilak parte hartu ahal izango du, aurretik AMETX Erandunde Autonomoaren Gazte Informazio Bulegoan izena ematen badu. Izen ematea astelehenetik ostiralera 10:00etatik 13:00etara eta 17:00etatik 20:00etara izango da eta uztailaren 10ean eguerdiko 13:00etan amaituko da.

3 Mahai-lagunak eta banatutako mahai eta aulkien kopurua ahalik eta zehatzen aurreikusteko, koadrila bakoitzak diru bermea jarri beharko du koadrilako kide kopuruaren arabera.

A: 20 mahai-lagun edo gutxiago 20 €

B: 20 mahai-lagun baino gehiago 30 €

Izen ematearekin batera jarritako diru kopurua AMETX Eradunde Autonomoaren Gazte Informazio Bulegoan berreskuratu ahal izango da uztailaren 22tik 30era 10:00etatik 14:00etara eta irailaren 1etitk urriaren 31ra arte. Bermea galdu egingo da honako egoera hauek gertatuz gero:

– Mahai-lagun baino askoz mahai eta aulki gehiago egonez gero.
– Materialaren ez entregatzea orduan eta beharrezko lekuan edo materiala egoera okerrean bueltatzea.
– Antolatzaileek banatutako tokien mugak errespetatu ezean.
– Urriaren 31a baino lehen jarritako dirua bueltatzeko eskaririk ez egitea.
– Antolatzaileek erabakitzen duten beste edozer.

4 Lehiaketako/txapelketako koadrilei egokitu zaizkien tokiak zozketatu egingo dira. Zozketa jendeaurrean egingo da Zelaietako Auditorioan, uztailaren 14ean, asteartea, eguerdiko 12:00etan. Guneak pertsona kopuruaren arabera sailkatuko dira eta kategoria desberdinetan zozketatuko dira: A talde txikiak, B talde handiak eta C Challengeko taldeak. Kuadrila bakoitzak zozketan esleitutako tokia erabili beharko du derrigorrez.

5 Antolatzaileek hegaluzea, mahai-tresneria eta ogia BAINO EZ diete emago Challengen parte hartuko duten koadrilei. Mahaiak eta aulkiak planoan agertzen den lekuan hartu eta bueltatu beharko dira hurrengo ordutegia errespetatuz. Hartu: 10:30 – 13:00; bueltatu: 17:30 – 19:30.

6 Koadrilek, antolatzaileen azalpenak kontuan hartu beharko dituzte uneoro. Ordutegia eta lekua lapikoak entregatzeko hurrengoa da:

Gunea Ordua Lekua

A 13:30 Zubiondo Plaza
B 13:50 Zubiondo Plaza
C 14:10 Zubiondo Plaza
D 14:30 Zubiondo Plaza
E 14:50 Zubiondo Plaza
F 15:10 Zubiondo Plaza

Sari banaketa 15:30etan izango da.

Lapikoak gehienez, 25 zm-ko diámetroa izan dezakete.

7 Txapelketan/lehiaketan zehar sortu litekeen edozein arazo konpontzeko Batzorde Antolatzailea izendatuko da.

Bizilagun ospetsuenetako bat omenduko du berriro ere Amorebieta-Etxanok aurten: Enrike Renteria margolaria. Horrela, igandean, uztailak 12, Enrike Renteria Pintura Lehiaketaren XVIII. edizioa  ospatuko da udalerrian. Zornotza Arte eta Kultura Elkarteak (SACZ) antolatuta dago lehiaketa, kulturaren Ametx udal erakunde autonomoaren kolaborazioarekin.

Bi era daude lehiaketan parte hartzeko: kanpoan egiten den txapelketa tradizionala eta “Zintzilik”, izenak dioen bezala, herriko balkoietan esekita dauden lanetatik onenak saritzen dituena. Azken horiek lehiaketa eguna baino lehen egindakoak dira eta ikusgai egongo dira igandetik bertatik, herriko jaiak amaitu arte.

Pintura lehiaketa

Amorebietako hirigunean eta Etxanoko gune historikoan burutuko da. Landu beharreko motiboak gune horietakoak izango dira eta lehiaketako parte hartzaileei lehiaketa hasi aurretik adieraziko zaie zeintzuk diren.

Partaideek Zelaieta zentroan zigilatuko dituzte oihalak goizeko 9:00etatik 11:00etara. Hamalau urtetik gorako partaideek 15 euroko ordaina jasoko dute. Lehiakideek lan bana aurkeztu ahalko dute, beraiek aukeratzen dituzten teknika eta neurriak erabili ahalko dituzte, eta arratsaldeko 16:00etatik 17:00etara bitartean entregatuko dituzte lanak. SACZek izendatutako bi kritikarik, Ametxek izendatutako beste batek eta SACZen bazkide batek osatuta dagoen epaimahaiak arratsaldeko 18:00etan jakinaraziko du zein den epaia.

Guztira, zazpi lan sarituko dira. Lehenengo saria 500 eurokoa izango da; bigarrena, 400 eurokoa; hirugarrena, 350 eurokoa, eta laugarrena, bosgarrena eta seigarrena, 300 eurokoak. Saririk gabeko herriko margolaririk onenarentzako accesita ere izango da, 200 eurokoa.

Umeen mailari dagokionez (14 urtetik beherakoak), lehenengoarentzako saria kaballetea eta margo-maletatxoa izango dira. Bigarren eta hirugarren geratzen direnek, berriz, margo-maletatxoa jasoko dute.

Lan saritu guztiak antolatzaileen esku geratuko dira, eta ikusgai jarriko dituzte Zelaietako erakusketa-gelan uztailaren amaierara arte.

Zintzilik

Herriko balkoietan ikusgai dauden lanetatik onenak sarituko dituen “Zintzilik” arte esekiaren epaia ere igandean jakinaraziko da, arratsaldeko 18:00etan.

Lehiaketaren era honetan parte hartzen dutenek, izena ematearekin batera, 1,30 x 1,50 metroko olana jaso zuten. Nahi duten gaia erabil dezakete, baina margoek eguraldiaren eraginaren aurreko erresistentzia izan behar dute, kanpoan baitaude ikusgai, hiriguneko etxeetako balkoietan esekita.

Antolatzaileek aukeratuta dauzkate jadanik, uztailaren 3ra bitartean entregatutako lanen artean, hiriguneko balkoietan zintzilikatuko diren lanak. SACZek izendatutako bi kritikarik, Ametxek izendatutako beste batek eta SACZen bazkide batek osatuta dago epaimahaia.

Parte hartzen dutenen artean lau sari banatuko dira: 400 euroko lehenengo saria, 300 euroko bigarren saria, 250 euroko hirugarren saria eta herritar batek egindako lanik onenarentzako saria, hau ere 200 eurokoa.

Enrike Renteria

Enrike Renteria Mardaraz Larrean (Amorebieta, Bizkaia) jaio zen, 1900eko otsailaren 9an. Autodidakta izan zen, eta Kaitanako eskolan zebilela ekin zion margotzeari. 1924an, Juan Gorbeak eta Athleticeko kapitaina zen Luis Icetak, Renteriaren lana ikusita, Isidoro Guinea eta  Antonio Guezala margolariei erakutsi zieten. Urte hartan bertan sartu zen Euskal Artisten Elkartean, eta bertan iraun zuen bazkide, 1937an elkartea desagertu zenera arte.

Bokazioko pintorea izan zen Renteria. Bere hartan eutsi zion jarrera hari eta gogor egin zuen borroka margotzen jarraitu ahal izateko. Renteriak, pintore lanetan murgilduta, beti eskaini zien arreta berezia naturak bere dituen ñabardurei. Horrela, distirak, islak, euriaren hezetasuna, egunsentiko behe-lainoa edota  ezkutatzera doan eguzkiaren epeltasuna izango dira, besteak beste, beraren lanen elementuetako batzuk. Aire zabalean, xehetasun guzti-guztiak apuntaturik.

Amorebieta-Etxano, 201eko uztailaren 08a. Datorren asteazkenean, uztailak 15, hasiko dira Karmengo jaiak, Amorebieta-Etxano urteroko moduan hamahiru egunez musikaz, kolorez, gastronomiaz, antzezlanez, eta abarrez blaitzeko. Jaien antolaketa lanetarako udalerriko elkarteen eta taldeen laguntza izan du Udalak, partaide aktibo izan baitira zornotzar guztiak, gustuak eta edadea direnak direlarik ere, hainbat jarduera ludikotan murgil daitezen atondu den programazioa osatzen.
Musikaren eskaintza anitza da benetan: Betagarri eta Vendetta taldeekin batera, Los Sabandeños, eta Mikel Urdangarin eta Anne Etchegoien ere aurki baitaitezke egitarauan. Antzerti lanak maite dituztenentzako eskaintza ere oparoa da: Kukai-Tanttaka, Ganso, dantza talde serbiarra...
Jarduerarik tradizionalenek eta jendetsuenek ere beren tokia izango dute, nola ez, programazioan, eta bertan daude marmitako txapelketa, danborradak, koadrilen eguna, txupina eta Santanatxu eguna.

Pregoia, Zornotza Xake Klubaren eskutik

Herrian errotuen dauden erakundeetako bat dugu Zornotza Xake Kluba, ibilaldi luzea eta ospe dituelarik ezaugarri nagusi. Euskadiko Xake Txapelketaren antolatzailea izan da azken urteotan eta elkarte honi esker Amorebieta izan da lehiaren egoitza. Herriko gazteen eta ez hain gazteen artean xakearekiko zaletasuna hedatzen jakin izan du Zornotza Xake Klubak eta jai batzordeak inplikazio eta konpromiso horiek nabarmendu nahi izan ditu pregoilari aukeratuta. Elkartearen presidentea den Mari Carmen Montoya zornotzar ezagun eta maitatuak jardungo du, hain zuzen, pregoilari.

Kirol jarduerak

Kultura programazio oparoaz gain, kirol eskaintza ere anitza da, urteroko moduan, Amorebieta-Etxanoko jaietan, eta hala nagusiei nola umeei doa zuzenduta: herri kirolak, xake eta tenis txapelketak, arku-tiroketaren lehiaketa, koadrilen arteko piraguen jaitsiera Ibaizabalen, pala eta esku-pilota txapelketak, umeen bizikleta-martxa, pilotari profesionalen partidak Amorebieta IV. frontoian, boloak, padela, futbola, errugbia, eta abar.
Horiez guztiez gain, uztailaren 25an, goizeko 10:00etan, Euskadiko ekitazio txapelketa osoa  ospatuko da: doma, saltoak eta krosa.

Etxeko txikienentzat

Hainbat jolas, kirol eta musika ekintza izango dituzte etxeko txikienek gozagarri: Uztailaren 19an goizeko 11:30ean Zubiondon izango den umeentzako jolas parkea, haurrentzako IV. Scalextric txapelketa (hilaren 20an), umeentzako arrantza lehiaketa (uztailaren 18an goizeko 09:00etan Ibaizabalen), haurrentzako bolo-txapelketa (uztailaren 18an, larunbata, goizeko 11:00etan bolatokian) eta haur-danborrada tradizionala (uztailaren 23an, 19:00etan) dira, besteak beste, aipagarrien.

Koadrilak eta herri-ospakizunak

Uztailaren 17an, ostiralarekin, Koadrilen Eguna izango da txosnen gunean, eta hainbat ekimen gauzatuko dira, herri bazkaria barne. Amorebieta-Etxanoko lagun taldeek izango dute, halere, beste ekintza eta lehiaketarik ere: koadrilen arteko Talent Showa (uztailaren 21a, asteartea, 19:00etan), mozorroen XVI. desfilea (hilak 27, 19:30ean txosnetan), piraguen jaitsiera Ibaizabalen (uztailaren 23an, 18:30ean), lagun-taldeen arteko herri-kirolak... Beste alde batetik, marmitako txapelketa jendetsua ere ospatuko da beste behin, uztailaren 18an, larunbata.

Berdintasuna

Amorebieta-Etxanoko 2015eko karmengo jaietan aurrera eramango den berdintasunean oinarrituriko sentsibilizazio kanpainak lema hau erabiliko du: jaiak berdintasunean gozatu.

Jai egunetan etxeko eta familiako ardurak denon artean partekatzen baditugu, denok jai giroaz disfrutatzeko denbora gehiago izango dugula ikustarazi nahi da lema honen bitartez. Beraz, Amorebieta-Etxanoko Udalak herritarrak egun hauek ere berdintasunean bizitzera animatu nahi ditu: Txosnetan, jaietako ekintza desberdinertan, antolaketan, plazan, dendetan, tabernetan eta nola ez etxean.
Jai giroa ligatzeko aukera paregabea bihurtzen da eta horren aurrean ere betaurreko moreak janztera animatzen ditugu herritarrak ezetza ez dela argi utziz.
Sentsibilizazio kanpaina honetan zehar aurreko urteetan banatu izan diren eraso sexisten aurkako txapak txosnetan eskuragarri egongo dira, eta urte honetan diseinaturiko serbiletak taberna eta txosna desberdinetan egongo dira. Gainera, Marmitako egunean 3.000 pegatina banatuko dira parte hartzaileak eta inguruan dauden herritarrak lemarekin bat egitera animatuz.

Amorebieta-Etxanoko Udalak lehenengoz 1989an atondu zuen Santiago Onaindia Ikerketa Beka, euskal idazle eta ikerlari handiaren omenez. Euskal literaturaren arloan ikerketa sustatzeko asmoz sortu zen, eta arlo hori lantzen duten aztertzaileei zuzenduta dago.
Halatan ere, beharrok ez zuten argirik ikusi 1995era arte. Urte hartan jo zuen Udalak Labayru Ikastegira eta, ordurik hona, elkarlanean jardun dute bi erakundeek Bizkaiko Foru Aldundiaren laguntzaz.

2005az geroztik Ametx erakunde autonomoaren bidez  egiten du Amorebieta-Etxanoko Udalak deialdia bi urterik behin. Bekak 9.000 euroko zuzkidura dauka, eta urtebetekoa izaten da lana burutzeko epea.

Bekaren 13. edizioa ixtear dagoela, ekin zaio 14. edizioaren deialdiari; aurreko bekadunak laster burutuko duen lanaren aurkezpena eta bekadun berriarena batera egiteko xedeaz.

Azken edizio honen baldintzak orain artekoak izango dira:
•    Lanak euskaraz aurkeztuko dira, eta originalak eta argitaratu gabeak izan beharko dira.
•    Lana burutzeko epea urtebetekoa izango da.
•    Bekaren zuzkidura 9.000 €-koa izango da.
•    Dokumentazioa aurkezteko epea, 2015eko irailaren 30ean, 14:00etan amaituko da.

Oinarriak begiratzeko egin klik hemen

Argibide gehiago Ametx Erakunde Autonomoaren euskara zerbitzuan:
euskara@ametx.eus
946300650/946732026

Eusko Jaurlaritzak, Euskararen Aholku Batzordearekin batera, plan berria diseinatu du: Euskara Sustatzeko Ekintza Plana (ESEP).

Hizkuntza plangintza berria hiru helburu estrategikoren inguruan antolatuko da. Bat, ezinbestez, helburu nagusia baita, euskararen erabilera sustatzea izango da. Erabilerarekin batera, jabekuntzak eta elikadurak osatzen dute helburuen atala.

 1.- Euskararen jabekuntza edo eskuratze-prozesuan hiru esparru bereiz daitezke: familia bidezko transmisioa, alde batetik, euskarazko irakaskuntza, bestetik, eta helduen euskalduntzea edota euskalduntze-alfabetatzea, azkenik.

 2.- Euskararen erabilera: Honi begira, zaindu behar dira ondo, hizkuntzaren ikuspegitik betiere, familiaren eta eskolaren luzapen eta ingurune diren jardunbide guztiak: kultura, aisia, kirola, teknologia berriak, lan mundua, administrazioa, merkataritza, hedabideak eta bestelako zerbitzu eta jarduerak.

 3.- Euskararen elikadura: Bi arlo nagusi ditu: bata sorkuntza eta bestea kontsumoa. Beraz, lehenik eta behin, euskarazko kalitatezko sorkuntza sustatu eta babestu behar da eta, horrekin batera, euskarazko kontsumoa indartu behar da.

Beraz, Amorebieta-Etxanoko AMETX Erakunde Autonomoak diru-laguntza hauen bidez, helburu hauek bete eta 2015. urtean Amorebieta-Etxano udalerrian burutzen diren jarduerak finantzatu nahi ditu.

OINARRIAK IKUSTEKO, KLIK HEMEN

Helburua herriko baselizak eta parajeak ezagutzea ez ezik, euskaraz egin gura duenari horretarako aukera ematea ere bada. Beraz, hona beste aukera bat mendia eta euskara lotu gura duzuenontzat.
Irtenaldiak irailaren 12an, 19an eta 26an izango dira.

Irailaren 12an
Montorrako San Lorentzo, Belatxikietako San Inazio, Arkotxa Bediagako San Bizente, San Antonio, Eustoako Santi Kurutz, Bernako San Migel.

Irailaren 19an
San Bartolome, Ergoiengo San Juan, Bizkargiko Santi Kurutz, San Isidro, Boroako San Pedro.

Irailaren 26an
Ofrendoko San Juan, Epaltzako San Antolin, Alakaoko Santa Luzia, San Martin, Dudeako San Migel, Saratsuko San Pedro.

Ibilaldietan gida euskaldunak izango ditugu. Autobus zerbitzua ere izango da amaiera puntuetatik etortzeko.
Irteera goizeko 08:30ean izango da, Gudari kaleko autobus geltokitik.

Egunak eta ordutegia:

Ingelesa: A.- low-intermediate /  B.- Intermediate-High

A maila:

- Astelehenetan (11.00)

- Asteazkenetan (19.00)

B maila:

- Astearteetan (11.00)

- Ostegunetan (19.00)

Frantsesa: A.- bas-français- intermédiaire / B.- intermédiaire- haute

A maila:

- Asteazkenetan (18.00 edo 19.00)

B maila:

- Astelehenetan (11.00)

Arautegi berria:

1.- Kurtsoa hiru hiruhilabetetan banatuta dago. Izena ematea eta ordainketa hiruhilabetero egin beharko da.

2.- Hiruhilabete bakoitzaren prezioa 10 €-koa da.

3.- Aurreko hiruhilabetean izena eman dutenek lehentasuna izango dute ondorengo hiruhilabetean.

4.- Izena emateko ordainketa egin behar da Zelaieta Zentroaren harreran, banku-txartela erabilita.

5.- Izena emateko epea irailaren 7an hasi eta irailaren 16an bukatuko da.

6.- Klaseak irailaren 21ko astean hasiko dira, bakoitzak aukeratutako egun eta orduetan.

7.- Liburutegiak ikasle bakoitzaren maila frogatzeko beharrezkoak diren tresnak erabiltzeko aukera izango du, horrela taldeen maila beretsuagoa izan dadin.

Urteroko moduan, hainbat ikastaro eskainiko ditu Amorebieta-Etxanoko Udalak Zelaieta zentroan. Interesa dutenek irailaren 29ra bitartean eman ahalko dute izena Zelaieta zentroko harreran. Bertan eskainiko zaie beharrezkoa den informazio guztia, eta ikastaroaren ordainketa ere toki berean gauzatu ahalko dute.

Oraingoan, honako ikastaroak dira eskaintza osatzen dutenak: saloi-dantzak, sabel dantza, bitxigintza, zur langintza, puntua, yoga, patroigintza, sukaldaritza, magia eta ilusionismoa, dekorazioa, argazkilaritza, photoshop, antzertia, zinema eta margolaritza. Badaude, bestalde, ikastaro bi gazteei bereziki zuzenduta: astialdiko begirale ikastaroa eta enplegu bilaketarako coaching-a.

Informazio gehiago: HEMEN

4-5 urte ...................... 17.30

6-7-8 urte ..................  18.30

Kopuru mugatua

Egunak:

   - urriaren 1ean eta 15ean.

   - azaroaren 12an.

   - abenduaren 10ean eta 17an.

Dinamizatzailea: Saroa Bikandi

• Irailak 30, asteazkena, 19:30etan Zelaieta auditorioan:

Proiekzio-hitzaldia “GR 11, 11egun Auñamendietan barna”
ZIGOR ITURRIETA.

• Urriak 4, igandea, 08:30etan Parke Botanikotik:

Herri martxa PR BI-74 “Andrés Espinosa” bidetik. (22,5km. 4 ordu terdi)

• Urriak 4, igandea, 10:00etan Parke Botanikotik:

Umeentzako irteera 6 urtetik gora
Umeentzako ibilbidea egiteko 2 begirale egongo dira eta
bidearen lehenengo partetik bakarrik izango da
(6km.-Ordu terdi).

        4 eta 5 urte: ONARTUAK:

ARANZABAL BARROETA, MARKEL
ARANZABAL GALLASTEGI, UXUE
ARREGI ALVAREZ, LIHER
ETXEZARRAGA URKIZA, AIMAR
HUERTA ASPIAZU, IRATI
ITURRARAN TXARTE, BEÑAT
MARTINEZ FONTETXA, LAIDA
MUJIKA GAMINDE, MAIALEN
OLIBARES JAYO, NIKOLE
ORDOZGOITI AMORROSTA,NAHIA
ORMAETXEA ARIAS, UXUE
TERAN, AILEN

       ERRESERBAK:

VILLARDON GONZALEZ, ALAIN

LARREA ARRIBAS, UNAX

        6-7-8 URTE:

Izena emandako guztiak ONARTUAK.     

Gogoratu: Lehehengo eguna URRIAK 1.

Amorebieta-Etxano, 2015eko irailaren 24a. Udazken Txistulari Taldeak aurten ere Txistu Eguna antolatuko du. Ospakizuna datorren irailaren 26an arratsaldean izango da. Aurten Txistu Egunaren XV. edizioa betetzen da.

Txistu Egunaren helburua gure herritik zehar txistu talde ezberdinak egun berean entzuteko aukera eskaintzea da. Gure herritarrei txistu soinuaz gozatzeko aukera eder bat ematea. Horretarako datorren irailaren 26an sei txistu bandek parte hartuko dute Txistu Egunean. Honexek izango dira:

- Eibarko Usartza Txistu Taldea
- Iruñako Bizarzuri Txistulari Taldea
- Gasteizko Adurtza Txistu Taldea
- Bermeoko Kankinkabara Taldea
- Durangoko Jaizale Txistu Taldea
- Amorebieta-Etxanoko Udazken Txistulari Taldea

Egitaraua hauxe izango da:

17:30: Txistu talde bakoitza herriko alderdi ezberdinetatik kalejira : herriko erdigunea, Ogenbarrena, Gane, Ixer, Vivendas de Vizcaya eta Andrandi

19:00: Talde guztien kalejira herritik zehar: Udaletxea, Luis Urrengoetxea, Euskal Herria plaza (txistu saioa), Bide baltza, Kalbarioa (txistu saioa), Gregorio Mendibil, Gernika plaza (txistu saioa), Nafarroa plaza (txistu saioa), Gudari (txistu saioa), Txiki eta Otaegi, Zelaieta parkea, Harrison parkea (txistu saioa).

Txistu Egunaren laguntzaileak Ametx, euskera, kultura eta kirolarako Herri Erakundea eta Harrison Hotela dira.

Udazken Txistulari Taldea

Udazken Txistu Taldeak, txistuaren zabalkundearen alde lan egiten du. Txistua gure herri folklorearen elementu garrantzitsu bat dugu eta bera zabaltzea eta gure herriko bizitzan uztartzea nahi dugu. Horretarako, urteko igande guztietan, abuztuan izan ezik, kalejira jotzen dugu  eta era berean, Amorebieta-Etxanoko auzoetako jaietara ere joaten gara.

Horrez gain, urtero Karmengo Jaietan Txistularien Kontzertu Nagusia antolatzen dugu, eta bertan txistulariez gain, metalek, abesbatzak, dantzariek eta kantariek parte hartzen dute.

Urria heltzear dago eta berarekin batera KINE ZINEKLUB ziklo berri bat. Aurten gainera, ikus-entzunezko zaleentzako berrikuntza batekin. Hainbat urteren ondoren, ideiaren prozesua martxan egonda, azkenean lehenengo KINE RALLYa burutuko da, zein laburmetraiak egitean datza.

Lehiaketa hau asteburu bakar batean egingo da, urriaren 2tik 4ra. Ostiralean, arratsaldeko 19:30etan hasiko da lehiakide guztiei ongietorria emanez (gogo handiarekin etortzea eta partaide bakoitzak bere materiala eramatea da eskatzen den gauza bakarra). Orduan, laburmetraiak zein gairen inguruan egon behar duten landuta jakinaraziko zaie. Antolatzaileek aurretik aukeratuko duten Zornotzako hainbat leku ezagun ere agertu beharko dira lanetan. 

Behin gaia emanda dagoenean, pentsatzeko prozesua hasten da, ondoren grabatu, eta bukatzeko muntaia, zein larunbat  arratsaldeko  20:00ak arte luzatuko dena. Ordu hori baino lehenago partaide bakoitzak Zelaietan  bere lana aurkeztu beharko diote antolatzaileei, zeintzuk epaimahai profesionalarekin batuko direnak laburmetraiarik onenak aukeratzeko. Ikus-entzunezko profesionalek- LARA IZAGIRRE - Zuzendari zornotzarra / ABEL ISASI - Zinegotzi, ikus-entzunezko komunikazio lizentziatua / MARIJO DE LA HOZ - Kreatiboa / Itziar Cantero - Euskal Zine Bileran irabazlea.

Igande eguerdiko 12etan laburmetraia guztiak proiektatuko dira eta onenari 500 euroko saria metalikoan eta Marieta Soulek sortutako trofeoa emango zaizkio. Eta ze leku hobeagoa Zornotza Aretoa baino. Ekintza hau dohanik eta zabalik izango da. Horregatik gonbidatu nahi dizuegu etortzera. Gozatu parte hartzailen kreatibitateaz, gainera amaieran luncha egongo da eskertzeko ikusle guztientzat.
Epaimahaiak  euskaraz grabatuta egotea eta  berdintasuna,  LGBT kolektiboa, tolerantzia eta ingurumena moduko gaiei buruz  hitz egitea oso kontuan izango dute. 

Parte hartzeko bidaliguzu email bat (kinezinekluba@gmail.com) edo mezu bat (Facebook-en bitartez: KINE-RALLY) hurrengo informazioarekin: taldekide kopurua eta izena, zuen izen abizenak ta adina.

KINE ZINEKLUBAk aurten ere, denboraldi berrirako, galdu ezin daitekeen hiru ziklotan banatutako egitaraua eskainiko du, zine onenarekin eta sorpresa askorekin.

URRIA: ZETAREN BIDEA
Mangamore dela eta, asiar zinea izango da ziklo honetako gaia, lehenengo eta azken emanaldian LUNCH bat edukiz.
Asteartea 6- Retratos de Familia (V.O.S.E) Anthony Chen. Singapur. 99min
Asteartea 13- El viento se levanta (2013) Hayao Miyazaki. Japonia. 125min Asteartea 27- Aguas tranquilas (2015) Naomi Kawase. Japonia. 110min
 
AZAROA: PARE BAT AKORDE (TA MELODIA URDIN BAT)
Zinea eta musika beti joan dira elkarrekin. Gogoratu hileko azken filmarekin batera luncha izango dugula.  
Asteartea 3 - AMY, La Chica Detrás del Nombre (2015) (V.O.S.E) Asif Kapadia.   Erresuma Batua. 128min
Asteartea10 - Love & Mercy (2015) Bill Pohland. EEUU. 121min
Asteartea 17- Cobain: Montage of Heck. (2015) Brett Morgen. EEUU. 132min
 
ABENDUA:  DOKUFILIA
Dokumentalak berreskuratuko ditugu.   
Asteartea 1 - Citizenfour (2014). (V.O.S.E) Laura Poitras. EEUU. 114min
Asteartea 8 – La Sal de la Tierra (2014) Win Wenders eta Juliano Ribeiro Salgado. Frantzia. 100min
Asteartea 15 – The Act of Killing (2012) Joshua Oppenheimer eta Christine Cynn. Danimarka. 117 min

Honez gain, Zornotza Aretoan proiekzio bakoitzaren aurretik egingo diren hizketaldietara  gonbidatu nahi zaituztegu, 18:30etatik 19:30etara. Bertan, filmaren xehetasun eta bitxikeria guztiak eztabaidatuko ditugu, gure zinearekiko pasioaz gozatuz. Sarrera irekia eta doakoa.  

Ametxek eskainitako yoga ikastaroaren arrakasta dela eta, talde berri bat sortzeko aukera eman da. Azkenengo plazak gelditzen dira eta apuntatzeko azken eguna urriaren 6a izango da. Ikastaroa urriaren 7an hasiko da. Ikastaroan parte hartzeko Zelaietako harrerara hurbildu eta izena eman behar da.

Amorebieta-Etxano, 2015eko urriaren 06a. Amorebieta-Etxanon berriro ere Mangamoreren IX. edizioarekin batera Japoniako kultura eta manganime izango ditugu ikusgai.  Urriaren 9tik 11ra adin guztietako milaka lagunek 100 ikuskizun eta jarduera baino gehiagoz gozatzeko aukera izango dute (seitan banatuak). Programatutako jardueren artean ondokoak azpimarratu ditzakegu: musika emanaldiak, lehiaketak, bideo jolasak edota umeentzako jarduerak eta gastronomikoak.  

Kontzertuak eta ikuskizunak
Bless 4 ikaragarrizko salmentak dituen talde japoniarra urriaren 10ean, larunbata, ikusi ahal izango da Zelaieta Zentroan.  Lau neba-arrebek osatzen dute koru eta dantza talde hau eta aurten Oricon, i Tunes edo Amazon CD bezalako zerrendetan gorengo postuetan izan dira.
Ruki-Chan idola ere Japoniatik dator. Valentziako neska gazte batek abestea eta manga gogoko izan eta Japonian idol bihurtzeko bere ametsa lortzen saiatu zen, album bat grabatzeko aukera eman zion lehiaketa bat irabaziz.

Era berean, Cosplayren erakusketak ikusgai egongo dira eta baita bideo jolasetako musika entzuteko ere Attack on Games taldearen kontzertuari esker.
Mangamorera hurbiltzen direnek Japonia tradizionalaz gozatzeko aukera ere izango dute. Izan ere kimono erakusketa egongo da, Taiko, karate eta aikido bezalako kirolak edo Senmaru Mauichi artista japoniarraren malabar eta truko tradizionalak.

Teknologia eta bideo jolasak
Teknologiarik berriena bertan izango da 3Dko imprimagailuekin eta errobotika ere egongo da, etxeko gazteenei zuzendua oraingoan.
Bideo jolasik berrienak ere ikusi ahal izango dira eta Oculus Rift probatzeko aukera ere egongo da, errealitate birtualeko betaurreko batzuk.   Era berean, 19 tailer programatu dira. Hauen artean ondokoak azpimarratu daitezke: cosplay, origami, amigurumi edo shogi, baita Japoniako xakea ere.
Mangamorek gainera bere maskotaren, Ureshiren bideo jolas bat sortu du Android duten sakelako telefonoekin erabilgarria.  Ureshis Adventure izeneko bideo jolasa doan jaitsi daiteke. Honekin batera Mangamoreko web orrian doan online jolasteko aukera ematen duena ere badago.

Ludoteka
Hirugarren gunea ume eta nerabeentzat da, 6 urte baino gehiago dituztenentzat ludoteka batekin eta Pokemon gune bat txapelketa, ginkana eta umore horiko lehiaketetako partaide bezala sentiarazteko aukerarekin.

Gastronomia
Japoniako janaria ere beste elementu garrantzitsu bat da Mangamoreren edizio honetan.  Japoniako gastronomia dastatzeko aukera egongo da, musikarekin.  Gainera bertaratuek sushi dastatu ahal izango dute edota okonomiyaki edo gyoza prestatu sukalde tailerretan.

Zornotzako ostalariek ere ez dute egun hauetan herrian izango den manga kulturatik kanpo gelditu nahi eta Amorebieta-Etxanoko hamaika tabernek pintxoak prestatuko dituzte japoniar erara. Hauek larunbatean jan ahal izango dira, urriaren 10ean.  

Txapelketak
Mangamoreko Quidditch txapelketarentzat ere lekua egongo da. Bizkaia, Araba, Katalunia, Madril eta Frantziako taldeak kirol berezi honetako saria irabazteko lehian arituko dira Larrea kirol zelaian.
Hemen baita ere Mangamoreko Akita eta Shiba Inu arrazako txakurren ohiko lehiaketa egingo da.

Informazio guztia ondoko web orrian dago: en www.mangamore.net

Guztira 7 film labur izan ziren joan den asteburuan garatu zen Kine Rallyra aurkeztu zirenak. Txalogarria izan zen aurkeztutako lanen kalitatea, are gehiago aintzat hartuta 25 orduko epea zeukatela lanak egin eta entregatzeko.

 Bilboko Zuzenzinema taldearen Amore lanak liluratu egin zituen epaimahaikideak, eta lehenengo saria irabazi zuen Leire Azkunagak, Izaskun Camarerok, Gina Cuaránek eta Joseba Hernándezek osatutako taldeak. Film laburraren teknika, gidoiaren biribiltasuna, interpretazioa eta gaiarekiko sentikortasuna azpimarratu zituen epaimahaiak.

Iñigo Betanzosen lanak aipamen berezia izan zuen, filmaren umore bereziagatik  eta "zaindu gabeko" teknikagatik.

8 taldek ekin zioten erlojuaren kontrako lanari ostiralean, eta, gaia librea bazen ere, kontuan hartu zen berdintasuna, LGTB kolektiboa, ingurumenarekiko errespetua eta tolerantzia jorratu izana. Horrezaz gain, antolatzaileek proposatutako Amorebietako 10 lekuetatik gutxienez hiruk agertu behar zuten.

Larunbatean, gaueko bederatziak ziren lana entregatzeko epemuga, eta Zinemakume taldeak, arazo teknikoak medio zirela, ezin izan zuen hitzordua bete. Halatn ere, ikusgai dago beraien lana ere KINE RALLYaren VIMEO orrialdean (https://vimeo.com/user44550240).

Igandean film laburrak ikusteko eta sari banaketarako saioaren eguna izan zen. Partaide guztiek beren gain hartutako lan eskerga azpimarratu nahi du KINE Zineklub elkarteak, eta guztiak zoriondu egindako lanagatik.

AMORE, film irabazlea ikusteko: HEMEN

Ez da izenik eman behar aldez aurretik.

3-4-5 urte ......... 12.00etan.

6-+ urte .........   12.40tan

Amorebieta-Etxano, 2015eko urriaren 22a. Amorebieta-Etxanoko udaleko euskara zerbitzuak  501baietz! kanpaina martxan jarriko du urriaren 26tik aurrera zornotzarrei euskararen aldeko konpromisoa eskatzeko asmoz.

Euskaraz jakin zein ez jakin, euskararekiko konpromisoa hartu nahi duenak idatziz adierazi ahalko du. Horretarako twitter-en hastag bat (#501baietz) eta e-posta helbide bat (501baietz@ametx.net) zabalduko dira nahi duenak konpromisoa helarazi dezan. Udalerrian ere, postontziak jarriko dira konpromisoak bertan uzteko.

Zornotza telebistatik emitituko den ikusentzunezkoan hainbat konpromisoren adibideak ikusi ahal izango dira, eta hori oinarri hartuta herritarrek euren konpromisoa pentsatu beharko dute.
Kanpaina honen helburua 500 konpromisotik gora lortzea da helburua. Guzti horiek behin jasota, erantzuna jasoko dute, jendeari hartutako konpromisoa gogorarazteko.

Konpromisoak batzeko epea urriaren 26an hasi eta urtea amaitu arte luzatuko da.

Zornotzako hainbat kirolarik eta profesional ezagunek parte hartuko dute kanpaina honetan euren konpromisoa azalduz.

Amorebieta, 2015eko urriaren 27a. Amorebieta-Etxanoko Mangamore jaialdiak berriro ere arrakasta handia lortu du manga eta animeren jarraitzaileen artean eta mundu honetara hurbildu nahi izan dutenen artean. Jaialdiaren IX. deialdian 13.383 lagun izan dira eta Japoniako kulturaren inguruko 100 jarduera baino gehiagotan parte hartu ahal izan dute. Horrek esan nahi du iaz baino 1.000 lagun gehiago egon direla.

Urriaren 9tik 11ra, adin guztietako jendeak parte hartu du tailer, musika ikuskizun, lehiaketa, bideo jolas, umeentzako jarduera eta abarrean.

Cosplay lehiaketa, Bless 4 talde japoniarraren kontzertua, umore horiko probak edota Akita Shiba Inu txakurren lehiaketa aipa daitezke burututako jardueren artean. 

Mangamorera etorritako jendearen jatorriari dagokionez, gehienak Bizkaitik etorri dira. Honen atzetik Gipuzkoa, Araba, Nafarroa, Kantabria eta Kataluniakoak, hurrenez hurren.  Era berean, Frantzia, Belgika, Kroazia edo Italiatik etorritako jendea ere izan da. 

Mangamorera etorritako jende andanaren ondorioz, herriko hotelak beteta egon dira asteburu horretan eta inguruko herrietako hoteletan ere normala baino jende gehiago izan dute.

Urriaren azken astean hasi zen 501 BAIETZ! kanpainarako bideoa amaituta dago, eta ikusgai duzue hainbat saretan: Youtuben, Ametxen web orrian, Ametx facebooken, Ametx- gazteria facebooken, eta Zornotza.TVn. Bertan, makina bat zornotzarrek euskararekin hartu duten konpromisoa adierazi dute; bakoitzak ahal duen neurriko konpromisoa hartu du. HAU DA NIRE KONPROMISOA esan dute, ETA ZUREA? galdetu dute.

Horixe da falta dena ZUEN KONPROMISOA. Ikusi itzazue herritar batzuen konpromisoak, eta ausartu zaitezte zuen konpromisoa idatziz ematera. Horretarako, hiru bide jarri ditu euskara zerbitzuak, honakoak:
•    #501baietz hashtaga.
•    501baietz@ametx.net e-posta helbidea.
•    Udal eraikinetan jarri diren postontziak konpromisoa idatzi eta bertan sartzeko.

Helburua denon konpromisoa lortzea da, baina gutxienez 501 konpromiso behar ditugu. KANPOAN GELDITUKO ZARA?

Lanak ikusgai daude Koralaren lokaletako erakusketa gelan, azaroaren 14tik 16ra, eta enkantea azaroaren 21ean izango da bertan, 10:00etatik 13:00etara bitartean.

Amorebieta-Etxano, 2015eko azaroaren 18a. Amorebieta-Etxanoko Udalak eta mendeko duen Ametx erakunde autonomoak, Labayru Ikastegiak eta Bizkaiko Foru Aldundiak Santiago Onaindia bekaren XIII. edizioan irabazle izan zen lanaren argitalpena aurkeztu dute gaur. Beñat Sarasola Santamariak burututako lana da.

Euskal literaturaren alorreko ikerketa lanak sustatzea xede duen bi urterik behin deitzen den beka honen bidez Santiago Onaindia omentzen da.
Labayru Ikastegiak argitaratzen ditu Santiago Onaindia Bekaren hartzaile diren proiektuak. Oraingo honen izenburua: Mundu-ikuskerak euskal narratiba garaikidean: modernitatearen krisitik postidentitatearen promesera.
Lan honen hipotesi nagusia honakoa da: XX. mendean, eta batez ere 36ko gerraren ondorenean, literatura aldizkariek garrantzi funtsezkoa izan zuten euskal sistema literario modernoaren osaeran, eta gaur egun gure literaturaren erdigune den belaunaldiarentzat (40ko eta 50eko hamarkadetan jaioak) ezinbesteko bitarteko eta heziketa literarioa izan ziren.
Lan honen helburua bikoitza da. Alde batetik, literatura aldizkarien azterketa sistemikoa egingo da, euskal literatur “esparrua” ikertuz. Bestetik, literatura aldizkari horien azterketa testual-estetiko bat egingo da.

Ametx  erakunde autonomoan eta Labayru Ikastegian eskuragarri izango dira lanaren aleak.

Beñat Sarasola Santamaria

1984an jaio zen. Filosofian lizentziaturik dago EHUn eta Literaturaren Teorian eta Literatura Konparatuan Bartzelonako Unibertsitatean. Hainbat graduondoko ikasketa eta master egin ditu literaturaren alorrean, eta aurkeztua du doktoregorako tesia, zeinen defentsa prestatzen ari baita.Olerki liburuak argitaratu ditu (Kaxa Huts Bat eta Alea), bai eta literaturaren inguruko artikuluak  eta kritikak ere.

Santiago Onaindiaren XIV. edizioaren proiektua

Bestalde, Amorebieta-Etxanoko Udalak XIV.edizioaren proiektu irabazlearen berri eman du gaur.  Gorka Mercero Altzugarai izan da Mundu-ikuskerak euskal narratiba garaikidean: modernitatearen krisitik postidentitatearen promesera lanaren egilea.

Azken laupabost hamarkadetan, euskal literatur sistema sendotu eta egonkortu ahala, nobelak poesia ordezkatu du genero nagusi modura. Ordezkatze horrekin batera, nobelagintzak berak eboluzio nabarmena izan du zenbait alderditan. Azken aldion hainbat analisi plazaratu dira garapen horren nondik norako orokorrak ezaugarritzeko asmoz. Gorka Merceroren proposamenak ere euskal narratiba garaikideak izandako eboluzioaren irudi orokorra eskaini nahi du.

Gorka Mercero

Gorka Mecero Altzugarai 1969an jaio zen Donostian. Euskal Filologian Lizentziatua da EHUn.
Doktorea Euskal Literaturan 2012 urtean EHUn. Tesiaren izenburua honako hau da: Oroimena eta postmodernismoa euskal nobelagintza garaikidean: errealitatea, nitasuna eta nazioaren auziak. Gaur egun University of Liverpooleko Euskal Gaietako Irakasle Titularra da.

Santiago Onaindia

Santi Onaindia Amoroton jaio zen 1909an. Hamabi urte zituela, Karmeldarrek Amorebieta-Etxanoko Larrea auzoan duten komentuan sartu zen, eta berrogeita hamar urte baino gehiago emango zituen bertan, lan eta lan  nekerik gabe.

Gerra Zibilaren aurretik ekin zion olerkiak idazteari. Francoren garaiko  kartzelak ezagutu zituen, eta erbesteratua ere izan zen. Sasoi hartakoa da Milla euskal olerki eder (1954) poesia antologia. Euskarazko olerkigintzari buruz inoiz idatzi diren lanik osoenetako bat da. Karmel (1956), Olerti (1959) eta Aurrera (1968) aldizkarien sortzaile eta sustatzailea izan zelarik, orrialde haietan, lirika-lehiaketen bidez batik bat, olerkari berriak bultzatuaz egindako lana nabarmentzekoa da.  Halaber, azpimarratzekoak dira klasikoen itzulpen lanak: Goethe, Dante eta Virgiliorenak besteak beste.

Bertsolaritzarekin lotutako hainbat eta hainbat lan ere argitaratu zituen. Gure Bertsolariak (1964) antologia besteak beste. Euskaltzaindiko ohorezko kidea izan zen,  eta Euskal Letren saria eman zioten 1990an.

4-8 urte bitartekoentzat.

Azaroan BERBALDIAK programa martxan jartzen da urtero. Askok badakizue zer den, baina oraindik ez badakizue: ZER DA BERBALDIAK programa?

• Euskaraz berba egiteko eta praktikatzeko ekitaldia. Guztiz DOHAINIK.
• Lagun euskaldunak egiteko aukera.
• Taberna baten, kafe bat hartu eta euskaraz ikasten dabiltzan edota hobetu nahi dutenekin hitz egin; beti ere, euskaraz ondo dakitenen laguntzarekin (BERBALAGUNAK).
• Aste birik behin, ordubete.

 PARTE HARTU NAHI BADUZU, erdu Zornotza udal euskaltegira, edo telefonoz deitu: 94 6732026.

Larrea kiroldegian 2016ko urtarriletik martxora eskainiko diren jarduera eta ikastaroak, eta izena emateko epeak, HEMEN.