Hemen zaude: Hasiera Albisteak

Albisteak

Zornotza Udal Euskaltegiak 2015-2016 ikasturterako izena emateko epea irailaren batean zabalduko du. Talde irakaskuntzaz gain, jardun biko aukera ere eskainiko du aurton. Honen bidez, ikasleak taldean lan egiteaz gain, bakarkako lana eta tutoretzak izango ditu osagarri. Bestalde, eta aukera zabalagoa eman guran, iraupen laburreko ikastaro bereziak ere eskainiko ditu, helburu zehatzetarakoak hain zuzen ere (etorkinak, tabernariak, merkatariak, gurasoak...).

Marmitako lehiaketa 2013

2013/07/18
zozketaren emaitza eta planoa

Zozketaren emaitza, planoa eta ordutegiak ikusteko egin klik hemen.

Zer moduz? De Zine!

2013/09/10
Donostiako Zinemaldira joan nahi? Liburutegiak eramango zaitu.

Zelaieta ikastaroak 2013-2014

2013/09/10
Ikastaroen zerrenda

IKASTAROAK  urria-maiatza 2013 -2014 

Saloi Dantzak. Hasiberriak.

Asteazkenetan 20.30-22.00

Hasiera urriak 2

Amaiera:  Maiatzak 28

46,5 ordu

Prezioa 140€ 

Saloi Dantzak. Hobekuntza.

Bailes de Salón. Perfeccionamiento.

Ostiraletan/ viernes 19.30-21.30

Hasiera/ Inicio: urriak 4 Octubre

Amaiera /fin:  Ekainak 6 Junio

(urriaren 11an ez dago klaserik/11 de Octubre no hay clase)

54 ordu/horas

Prezioa/precio: 160€

Yoga.

Asteazken eta ostiraletan/ Miercoles y viernes 18.00-19.30

Hasiera/ Inicio: urriak 2 Octubre

Amaiera /fin:  Maiatzak 30 Mayo

(urriaren 11an ez dago klaserik/11 de Octubre no hay clase)

85,5 ordu/horas

Prezioa/precio: 200€

Capoeira.

Astelehen eta asteazkenetan/Lunes y miércoles 20.00-21.00

Hasiera/ Inicio: urriak 2 Octubre

Amaiera /fin:  Maiatzak 28 Mayo

54 ordu/horas

Prezioa/precio: 195€

Sabel Dantza. Fusioa

Danza del vientre. Fusión.

Astelehena/ Lunes 20.30-22.00

Hasiera/ Inicio: urriak 7 Octubre

Amaiera /fin:  Maiatzak 26 Mayo

43,5 ordu/horas

Prezioa/precio: 95€

Puntua. Hasiberriak.

Punto. Iniciación.

Osteguna/ Jueves 19.00-21.00

Hasiera/ Inicio: urriak 3 Octubre

Amaiera /fin:  Abenduak 19 Diciembre

18 ordu/horas

Prezioa/precio: 45€

Argazkilaritza hasiberrientzako.

Iniciación a la fotografía.

Astelehen eta asteazkenetan/ Lunes y Miercoles 19.00-21.00

Hasiera/ Inicio: urriak 2 Octubre

Amaiera /fin: Azaroa/Noviembre

24 ordu/horas

Prezioa/precio: 75€

Patroigintza eta diseinua

Patronaje y diseño.

Astelehenetan/ Lunes 19.00-20.30

Hasiera/ Inicio: urriak 7 Octubre

Amaiera /fin:  Abenduak 16 Diciembre

16,5 ordu/horas

Prezioa/precio: 45€

Bitxigintza. A Taldea

Joyería. Grupo A.

Asteazkenetan/ Miercoles 16.30-18.30

Hasiera/ Inicio: urriak 2 Octubre

Amaiera /fin:  Maiatzak 28 Mayo

54 ordu/horas

Prezioa/precio: 165€

Bitxigintza. B taldea

Joyería. Grupo B

Asteartetan/ Martes 10.00-12.00

Hasiera/ Inicio: urriak 1 Octubre

Amaiera /fin:  Maiatzak 27 Mayo

54 ordu/horas

Prezioa/precio: 165€

Sukaldaritza. Munduko 8 errezeta.

Cocina. 8 recetas del mundo. 

Asteartetan/ Martes 18.00-20.00

Hasiera/ Inicio: urriak 8 Octubre

Amaiera /fin:  Azaroak 19 Noviembre

16 ordu/horas

Prezioa/precio: 60€

Antzerkia

Teatro

Asteazkenetan/ Miercoles 18.00-20.00

Hasiera/ Inicio: urriak 2 Octubre

Amaiera /fin:  Maiatzak 7 Mayo

44 ordu/horas

Prezioa/precio: 140€

Zinema . Kinezinekluba.

Cine

Asteartetan/ Martes 18.00-19.30

Hasiera/ Inicio: urriak 8 Octubre

Amaiera /fin:  Martxoak 4 Marzo

Prezioa/precio: 30€

+ info: kinezinekluba@gmail.com

Margolaritza. Pintzelak.

Pintura

Asteartea/Martes 18.00-21.00

Ostirala/Viernes 19.00-21.00

Pirritx Porrotx eta Marimotots

2013/09/10
Sarrerak irailaren 12tik aurrera

Lekua: Amorebieta IV frontoia

Eguna: Irailaren 21ean

Ordua: 17.00

 

SARRERAK

Sarreraren prezioa: 8€ (5€ Ume txartelarekin - Ume txartel bakoitzeko sarrera bakarra emango da)

Sarrerak Zelaietan salduko dira irailaren 12an goizeko 8.00etatik aurrera.

IBILIAZ EZAGUTU

2013/09/17
Arabako iparraldea ezagutzen.

Urriaren 19an: Urduñako mendatea - Lendoño Goikoa

Urriaren 26an: Altubeko basoa - Goiuria (Gújuli)

Azaroaren 9an: Ubidea - Legutio

Azaroaren 16an: Legutio - Ulibarri-Ganboa

 

Informazio gehiaho: HEMEN

PDF document icon Eskari orria_2013.pdf — PDF dokumentua, 142 KB (145522 bytes)

PDF document icon Eskari orria_2013.pdf — PDF dokumentua, 142 KB (145522 bytes)

2012-2013 ikasturtean euskara ikasi dutenentzako diru-laguntzak

2013/09/24
Ametx erakunde autonomoak euskara ikasi duten zornotzarrei 2013an emango dizkien diru-laguntzak eskatzeko epea urriaren 1etik 31ra bitartean egongo da zabalik, biak barne.

PDF document icon Deialdia_13.pdf — PDF dokumentua, 172 KB (176619 bytes)

ZORNOTZA ARETOA-ANTZERKIA

2013/10/02
OSTIRALA 4 VIERNES 20.00H “MUNDUARI ITZULIA” GORAKADA FAMILIENTZAKO ANTZERKIA Zuzendaritza: Alex Díaz, Zé García ZINEKLUBA ASTEARTEA 8 20.00H “SEARCHING FOR SUGAR MAN” DOKUFILIA zikloa

.

ERAKUSKETA IÑAKI MENDIZABAL ELORDI

2013/10/08
AMOREBIETA-ETXANOKO ZELAIETA ZENTROAN URRIAREN 8TIK 26RA / EN EL CENTRO ZELAIETA DE AMOREBIETA-ETXANO DEL 8 AL 26 DE OCTUBRE "PUSKETAK-FRAGMENTOS"

"…Arrazoi bat aurkitu guran"


Ezleku honetan destokitze bakarra nirea da
Eguzkiak ondo daki zelan batzandu lainoaren besoetan
Parajea aspaldi egokitu zitzaion isiltasun artega honi
Txoriok territorio ezagunean daude

Urak badaki nora arte etorri
Nora arte joan
Nik, baina, ez dakit zer egiten dudan hemen
Zerk ekarri nauen
Zertarako
Ta hemen nago argazki kamera bat eskuetan arrazoi bat aurkitu guran.
Klik.
(goizalde landabaso)


ZORNOTZA ARETOA. URRIA

2013/10/08
“ROMEO” TEATRO MERIDIONAL


Zuzendaritza:
Alvaro Lavín

Banaketa: Alex Barahona, Bernabé Fernández, Javier Hernández

ZINEKLUBA

ASTEARTEA 15  20.00

“La casa EMAK BAKIA”      DOKUFILIA zikloa




Ibilbideak familian

2013/10/09
Etxeko txikiekin egiteko ibilaldi errazak, igande goizetan, azaroan hasita.

Autobus zerbitzua.

Izen-ematea eta informazioa: Zelaieta zentroa.

Informazio gehiago HEMEN.

 

PDF document icon Informazio-orria_Ibilbideak familian2_eu.pdf — PDF dokumentua, 137 KB (141066 bytes)

PDF document icon Informazio-orria_Ibilbideak familian2_eu.pdf — PDF dokumentua, 137 KB (141066 bytes)

“NICO WAYNE TOUSSAINT & TRAVELLING BROTHERS”

2013/10/16
OSTEGUNA 17 20:30

“NICO WAYNE TOUSSAINT & TRAVELLING BROTHERS”

MUSIKA GERTU

Nico Wayne Toussaint: Armonika eta ahotsa

Jon Careaga: Ahotsa

 

ZINEKLUBA

ASTEARTEA 22  20:00

“BORN IN TO BROTHELS”      DOKUFILIA zikloa

berbetan .....

2013/10/18
Sortu dira hizkuntzen mintzapraktikarako taldeak eta ordutegiak

ingelera .........

asteazkenetan ............  19:00 / 20:00

ostegunetan ................ 15:15 / 16:15

ostiraletan .................... 9:30  / 10:30

 

frantsesa ............

astelehenetan ............... 11:00 / 12:00

ostiraletan ...................... 15:00 / 16:00

Rao Kyao portugaldarraren kontzertua bariku honetan Zornotza Aretoan

2013/11/06
Sete Sois Sete Luas jaialdiaren barruan oraingo honetan Rao Kyao txirula jole famatua datorkigu Zornotzara.

Datorren barikuan, azaroaren 8an iluntzeko 21etan Rao Kyao artistaren kontzertua izango dugu Zornotza Aretoan. Ikuskizun hau bazkideentzako doakoa da.

Musikari, konposatzaile eta interprete lisboarraren musika, Portugaleko eta ekialdeko musika tradizioaren arteko lotura ezartzen duen haria da, musika indiarrean, arabiarrean eta txinatarrean inspiratuta. "De Rao Kyao a Zeca Afonso" egitasmoarekin aurkezten da.

Organo eta inprobisazio musikaren kontzertua Santa Maria parrokian

2013/11/11
Richard Wagner konpositorearen urtea ospatzen dela eta, musikari alemaniarraren lanen zenbait transkripzio erantsi ditu Juan de la Rubiak Zornotzan eskainiko duen kontzertuan. Santa Mariako organoa erabilita, inprobisazioa ere egingo du organo-joleak Zornotzako musika-gai bat oinarri hartuta. Ekitaldia debalde izango da, ostiralean, azaroak 15, Santa Maria elizan, iluntzeko 8etan.

Kontzertuari eta  Juan de la Rubiari buruzko informazioa HEMEN

Juan de la Rubia organo-jolea

PDF document icon Juan de la Rubia.pdf — PDF dokumentua, 166 KB (170371 bytes)

Zornotzako emakumeak. Cum Laude

2013/11/14
Zornotzako emakumeak unibertsitatean edo ikerkuntzan.Azaroaren 21ean, 19:00etan.

Ibilbideak familian

2013/11/19
Abenduaren 1eko ibilaldiaren ostean Urkiolako Toki Alai interpretazio zentroa bisitatuko da

Urkiolako parkea izan daiteke Euskal Herrian dugun txokorik polit eta interesgarrienetako bat. Harriz jantzitako mendi ikusgarriak, pagadi eta harizti ederrak... Euskaldunontzat magikoa izan da beti Urkiola. Anbotoko Mari buru delarik, bertara biltzen dira ilunetako eta gerizpeko pertsonaia esanguratsuak.

Abenduaren 1eako irteeran Zumeltzatik Urkiolara joango gara (6 km) eta Toki-Alai interpretazio zentroa bisitatuko dugu.

Parte hartu nahi dutenek Zelaieta zentroan eman dezakete izena. Irteeraren prezioa 2 eurokoa da, eta lekuak mugatuak dira.

Autobus zerbitzua dago, eta gidari euskalduna izango dute lagun ibilaldi osoan.

Hitzordua, ohiko moduan, goizeko 10:00etan izango da, Gudari kaleko autobus geltokian.

Euskararen Eguna 2013

2013/12/03

Adierazpena ikusteko, sakatu HEMEN.

Jakea ala gabardina?

2013/12/05
Hizlaria: Santiago Gaztelumendi. Euskalmet Agentziaren Koordinadorea. Abenduaren 17an, 19:00etan

Eta hemen jausiko balitz?. Gabonetako slogenetako bat. Loteria, jokoa, probabilitatea, iragarri nahia. Oraingoan, gurea, metereologia zientzia da. Zientzia honek guztiz kontrakoa egiten du, non jausiko den iragarri, baldintzarik gabe.

Guztientzako musika, antzerkia eta jolasak utziko dituzte Amorebieta-Etxanon Olentzerok eta Errege Magoek

2013/12/17
• 0 eta 12 urte bitarteko umeentzako “Gabonetan Jai” programa izango da Zelaieta Zentroko frontoian abenduaren 26tik 30era. • Udalak Gabonetarako programatu dituen ekintzen artean, honako hauek aipa daitezke, besteak beste direla: Belatxikietako igoera, Olentzeroren harrera, San Silvestre lasterketa eta Erregeen Kabalgata. • Argazkiak ardatz izango dituen egutegia argitaratuko du Udalak 2014rako. Aurtengo edizioan Imanol Aragonen irudiek udalerrian aurki daitezkeen hainbat elementu xume islatuko dituzte Ametxen eskutik datorren urtekarian.

Amorebieta-Etxano, 2013ko abenduaren 17a. Gabon jaietako prestakuntza-lanek piztu dute beste urte batez, Gabonen hasiera. Ametx erakunde autonomoaren eskutik eta udalerriko hainbat elkarterekin batera, umeentzako eta gazteentzako jarduerek, musikak, antzertiak, kirolak, eta abarrek osatutako egitaraua jarriko du abian Amorebieta-Etxanoko Udalak beste urte batez, zornotzar guztiek gozagarriak izan ditzaten egun berezi hauetan.

Gabonetan Jai
Abenduaren 26tik 30era, 0 eta 12 urte bitarteko umeei zuzenduta dagoen Gabonetan Jai programa izango da Zelaieta zentroko pilotalekuan. Umek txikiek jolasak, zalditxoak, puzgarriak, ohe elastikoak, tailerrak eta hainbat jolas izango dituzte haurren gunean jostagarri.
Goizeko 11:00etatik eguerdiko 13:30era eta arratsaldeko 16:00etatik iluntzeko 19:30era izango dute gazteenek bertan parte hartzeko aukera.
Sarreraren prezioa 2 eurokoa da eguneko. Bost egunetarako bonoa erosiz gero, berriz, 8 eurokoa.
Horrezaz gain, DJ animazioa izango da egunero 18:00etatik 19:30era.

Gazteentzako jarduerak
Beste alde batetik, 10 urtetik gorako gaztetxoek beraientzat propio antolatutako ekintzetan parte hartu ahalko dute: mahai-jokoetan, bideo-jokoetan, ping-pongen....
Hori guztia egunero, arratsaldeko 17:00etatik gaueko 22:00etara, Zelaieta Zentroko kontzertu gelan.

Ikusle guztientzat
Abenduaren 19an, arratsaldeko 17:00etan, helduentzako ipuinak izango dira Bibliotekan.
Biharamunean, Gabonetako Kontzertua eskainiko du Zubiaur Musika Eskolak gaueko 21:00etan. Beste urte batez, Zubiaur Musika Eskolako ikasle eta irakasleek koruen eta musika tresnen musika kontzertuan parte hartzeko gonbitea egingo digute, lasaitasun, alaitasun eta partaidetza giroa hedatu nahian. Aurreko urteetan bezala, taldeek hainbat estilotako lanak eta abestiak interpretatuko dituzte, euretako bakoitzari marka pertsonala erantsita.
Horrezaz gain, Ametxgazteriako begiraleek gala berezia eskainiko dute abenduaren 21ean, Gauero programaren barruan.

Biharamunean, abenduak 24, Eguberri bezpera, arratsaldeko 18:00etan izango den Olentzeroren etorrera baino lehenago, animatzen diren zornotzar guztiek Belatixikietako igoera tradizionalean har dezakete parte.
Une egokia izan daiteke, bestalde, Gabon sasoia, haurrek jolas eginez ikas dezaten. Hori horrela, birziklatzen era erraz eta dibertigarrian ikasteko jarduerak antolatu dira, abenduaren 27an Zelaieta zentroan Potxin eta Patxin pailazoek eskainiko duten ekitaldian.

Abenduaren 28an Baldufa konpainiaren emanaldia izango da Zornotza Aretoan, arratsaldeko 18:00etan hasita, Printze zoriontsua izeneko lana hain zuzen ere. Gabon kantak ere ezin falta gaude sasoi honetan. Horrela, Mesias sarritan entzun ahal izango da Amorebieta-Etxanoko kaleetan zehar. Abenduaren 29an, igandearekin, entzungai izango da Kalbario plazan, eguerdiko 13:30ean.
Ipuin-kontalarien ekitaldia izango da haurrentzat abenduaren 30ean, dohainik, herriko ume-liburutegian.
Urteari agur esateko, berriz, San Silvestre lasterketa herrikoi tradizionala abiatuko da eta, gauean aurrera egin eta 2014. urteari ongi etorria emateko, diskoteiza izango da 00:15ean hasi eta goizaldeko 3:15era arte.
Glu-Glu produkzioen emanaldia izango da, bestalde, urtarrilaren 4an, Zornotza Aretoan, arratsaldeko 18:00etan: Hansel eta Gretel.

Eta, urtero bezala, urtarrilaren 5ean Ekialdeko Errege Magoei egingo zaie harrera Udalak antolatutako Kabalgatarekin, arratsaldeko 17:30ean hasita.

2014ko egutegia
Argazkiak ardatz izango dituen egutegia argitaratuko du Udalak 2014rako ere. Aurtengo edizioan Imanol Aragonen irudiek udalerriko hainbat paraje islatuko dituzte Ametxen eskutik datorren urtekarian.
Udalerriaren osagai dira elementu xumeago hauek ere, nahiz eta hainbeste erreparatzen ez diegun: txokoak, detaileak, eguneroko elementuak...

Euskal abestien zatiak ere bildu dira urtekariaren orrietara, irudiaren edota dagokion hilaren eta aukeratutako hitzen arteko lotura bilatu nahirik betiere. Horrela, Xumetasunaren doinuak izena eman zaio 2014ko egutegiari.

4.000 ale argitaratuko dira eta, urtero bezala, Zelaieta zentroan, Nafarroa zentroan eta Udaltzainen bulegoan eskuratu ahalko dira (abenduaren 23tik aurrera).

BOSen kontzertua Zornotza Aretoaren 20. urteurrena ospatzeko

2014/01/08
Larunbatean, urtarrilak 11, izango da kontzertua (20.00h), Elisene Alzola biolin jole zornotzarraren partaidetzarekin. Sarrerak salgai daude 12 eurotan. Bazkideek % 50eko deskontua dute. BOSen kontzertuak hasiera emango dio hurrengo hiletan Zornotza Aretoak antzezlanez, musikaz, dantzaz eta zine-saioez blaiturik garatuko duen neguko kultur programazioari.

Hogei urte beteko ditu  Amorebieta-Etxanoko Zornotza Aretoak aurten eta urteurren biribil hori ospatzeko, Bilbao Orkestra Sinfonikoaren kontzertua programatu du Udalak. Larunbatean izango da, urtarrilak 11, iluntzeko 8etan. Aipatzekoa da, gainera, Bizkaiko Foru Aldundiaren bekari esker Alemanian dagoen Elisene Alzola biolin jole zornotzarraren partaidetza BOSek eskainiko duen ekitaldi honetan.

 Kontzertura joateko sarrerak Teleka (Kutxabank) sistemaren bidez erosi ahalko dira 12 eurotan. Zornotza Aretoaren bazkide direnek % 50eko deskontua daukate txartelak eskuratzeko.

94.630.06.50 telefono zenbakira deituta egin dezakete bazkideok tokien erreserba.

20 urteko historia

Amorebieta-Etxanoko Udalak lehengo denboretako Zornoza zinea erosi eta berriztatu ondoren inauguratu zen Zornotza Aretoa, 1994ko urtarrilaren 7an hain zuzen ere.

Urteak joan urteak etorri, erreferentzi gunea bilakatu da Zornotza Aretoa eszena arteen (antzertia, musika, dantza) eta zine-lanen erakustaldiei eta produkzioei dagokienez, eta SAREA euskal antzokien  sare publikoaren kideetako bat da.

2014ko PROGRAMAZIOA

Zornotza Aretoaren hogeigarren urteurrena ospatuaz eskainiko den kontzertua izango da, hurrengo bost hiletan antzezlanez, dantzaz, musikaz eta zinez blai datorren neguko kultur programazioari hasiera emango dion ekimena.

Antzezlanei dagokienez, azpimarratzekoa da Hoy última función izeneko lana; izan ere, Ramón Barearen antzezlan horixe izan zen, hain zuzen, Zornotza Aretoaren ibilbideari 1994an hasiera eman ziona, eta berriro ekarriko da hogei urte betetzera doan honetan.

Badaude, halere, beste antzezlan batzuk ere: familia guztiak ikustekoa den Paraíso Teatroren Erpurutxo-Pulgarcito; Meridional konpainiaren QFWFQ, una historia del Universo ikuskizuna, umorez, poesiaz eta argiz betea; Matarile Teatrok  Staying Alive izenburupean ekoiztu duen dantza-antzezlana; eta Marcel Gros konpainia kataluniarrak Zornotzara dakarkiguna: La gran A……ventura.

Tanttaka teatroak, bere aldetik, Bernardo Atxagaren Zazpi aldiz elur antzeztuko du Zornotza Aretoan. Zelaieta zentroan, berriz, Jainko txiki eta jostalari hura ikuskizun multimedia eskainiko da otsailean.

Zine zaleek ere izango dute gozamenerako aukera, besteak beste direla datozen hiletan Zine Klubaren eskutik iritsiko den eskaintza zabalari esker.

MINTEGIAK Urtarrila-Ekaina 2014

2014/01/21
Matrikulazio epea zabalik lehenbiziko mintegirako: “Gaur egungo Europar Batasuna: Hausteko arriskurik ba ote?” Izena eman urtarrilaren 31ra arte

Oraingo honetan, Ametxetik “mintegiak” izendatu dugun programa abian jarri dugu gure aisialdi ikastaroez gain. Hiru gai-bloketara bilduko dira, eta arlo bakoitzaren barruan, urtean bi mintegi garatzea da asmoa. Gai-blokeak hurrengo hauek dira:

1-     GAUR EGUNEKOAK. Eguneroko gaiak sakondu eta lantzea da helburua, horrela hezkuntza, eztabaida eta gizarte kontzientzia topaguneak lortuz. Jorratuko den lehenengo gaia europar batasunaren egoeraren eta krisialdiaren gorabeheren ingurukoa izango da.

 2-     NORBERAREN GARAPENA. Arlo honetan adimen emozionala landuko da, horretarako hainbat gai ukiturik: estresa, langabezia, dolua, jubilazioa… 

3-     GURASOAK. Gurasoentzat interesgarri diren gaiak jorratuko dira hemen, seme-alaben garapenean eragin kontziente eta baikorra lortzeko. Hona aztergai izango diren gaien adibideak: umeentzako masajea, nerabezaroa, gure seme-alabekin jolasten, …

Lehenbizikoa "Gaur egungo Europar Batasuna: Hausteko arriskurik ba ote" otsaileko eguaztenetan garatuko da 19.30etik 21.00etara Zelaietan. Hizlaria: Beatriz Iñarritu

info gehiago hemen

Microsoft Word Document icon BEATRIZ IÑARRITU.doc — Microsoft Word Dokumentua, 90 KB (92160 bytes)

Estresatuta zaude?

2014/02/04
"Ikas ezazu estresa kudeatzen" mintegian izena emateko epea zabalik.

Zer da estresa eta zergaitik agertzen da? nire gorputzean aldaketak sortzen badira, zelan jakin estresa dela? Zelan kontrolatu sintoma horiek modu erraz baten?

Honelako galderei erantzuna emoteko, apuntatu zaitez Zelaietan martxoaren 5ean hasiko den mintegira. 8 ordukoa izango da eta asteazkenero gauzatuko da 19etatik 21etara Zelaietan.

Jainko txiki jostalari hura

2014/02/11
Otsailaren 13an. 20:30 Zelaietaren Kontzertu gelan. Sarrera: 6 € Zornotza Aretoko bazkideak: % 25 beherapena Gazte Txartela: % 50 beherapena

Kirmen Uribe, Mikel Urdangarin, Rafa Rueda, Bingen Mendizabal, Mikel valverderen emanaldia.

Jainko txiki eta jostalari hura deitzen den ikuskizun multimedia berri honetan, Kirmen Uriberen testuak nahasten dira Mikel Urdangarin, Rafa Rueda eta Bingen Mendizabalen musikarekin eta Mikel Valverderen ilustrazioekin. Arte-mota desberdinak ñabarduraz eta gustuz konbinatuz, ikuskizun indartsu, eder eta liluragarria sortu dute.


 

Pasioaren ertzak

2014/02/14
Gai honen gainean Argazkilaritza ikastaro bat antolatu du Liburutegiak ekimen zabal baten barruan

“Pasioa izanez gero, ez gara egundo aspertzen; pasiorik gabe, tenteldu egiten gara”  (Stendhal)

 Pasioa. Erabat pertsonala den kontzeptua. Zentzu zabala duen hitza. GRINA, IRRIKA, LEHIA, ZALETASUNA, GOGOA… Era askotan uler daitekeena. Ederra eta indartsua.

Amorebieta- Etxanoko liburutegiak ‘Pasio’ kontzeptuaren inguruan gauzatutako egitasmoa da ‘Pasioaren ertzak (A vueltas con la pasión)’.

Proiektu honek hiru zati izango ditu, eta euren arteko lotura PASIOA izango da.

 ARGAZKILARITZA IKASTAROA: ‘Argiaz idatzi’

 Argazkilaritzak, bai sortze prozesuan, bai eta narratibari dagokionez ere, ematen dituen aukerak, eta hizkuntzarekin eta literaturarekin dituen harremanak aztertuko ditugu ikastaro honen bitartez. Irudien bitartez istorioak kontatzen eta sentimenduak adierazten ikastea da helburua. Pasioa (zentzu zabalean ulertuta) gaiaren inguruan landuko dira argazkiak.

 Ikastaroa gaztelaniaz emango da eta ez da beharrezkoa izango argazkigintzari buruzko aldez aurretiko ezagutzarik izatea.

 Izena emateko epea: Otsailaren 12tik 26ra. Zelaietako harreran 

Informazioa emateko batzarra: otsailaren 18an, 19:00etan

 Iraupena: martxoaren 4tik maiatzaren 13ra, asteartero 19:00-21:00 

Prezioa: 50€

Informazio gehiago: http://liburutegiak.blog.euskadi.net/amorebieta-etxano/

Ibilbideak familian - Etxeko txikiekin egiteko irteera tematikoak

2014/02/24
Urkiolako parkea da Euskal Herrian ditugun txokoertatik polit eta interesgarrienetako bat. Harriz jantzitako mendi ikusgarriak, pagadi eta harizti ederrak... Euskaldunontzat magikoa izan da beti Urkiola. Anbotoko Mari buru delarik, bertara biltzen dira ilunetako eta gerizpeko pertsonaia esanguratsuak. Martxoan, 3 irteera erraz eta arin egingo ditugu uda bitartean, leku eta pertsonaia horiek familia giroan gozatuz eta bakoitzean gai bat landurik: Elur-zuloa, abentura, eskalada.

Martxoaren 9an: Otxandio - Otxandio

Apirilaren 6an: Oleta - Urkiola

Maiatzaren 11n: Urkiola - Atxarte

Prezioa: 2 euro

 

Izena emateko: Zelaieta zentroa

Inauteriak 2014 Oharra

2014/02/27

Eguraldiaren iragarpena dela eta, inauterietako hurrengo ekintzak Amorebieta IV frontoian burutuko dira:

Ostirala

17.30 DISKO eta Umeen batzea

Asteartea

17.00 STANDA BANDA

 

Ibiliaz ezagutu - Bizkaiko Lau Perla

2014/03/05
Lau ibilibide bikain aukeratu dira: Apirilaren 5ean, Ispaster-Ibarrangelu; Apirilaren 12an, Elantxobe - Laida; Maiatzaren 10ean, Oleta - Atxarte; Maiatzaren 17an, Pagomakurre - Urigoiti.

Oraingo lau ibilbide hauetarako, sua eta leia, beroa eta hotza edo bitsa eta ihintza batu nahi izan ditugu.

Horregatik, lehenengo ibilbide bietan, Urdaibaiko Biosferaren Erreserba ezagunean zehar ibiliko gara, hain ezagunak ez diren bideetan barrena. Kantauri itsas menderaezina lagun, bertako kalak eta hondartzak ezagutuko ditugu.

Hurrengo bietan, ordea, goi mendietara igoko gara, Urkiola eta Gorbeia Parke Naturalak bisitatuz. Haize finak aurpegia leuntzen digun bitartean, historiaz eta magiaz beteriko lekuak zeharkatuko ditugu.

Izena emateko eta informazio gehiago eskuratzeko: Zelaieta zentroa.

Ibilbideak: HEMEN

Mendian ibiltzeko, oso gomendagarria da federatzea. Hemen dituzu lagungarri gertatuko zaizkizun dokumentuak:

Zelan?

Fitxa 1

Fitxa 2

Durangaldeko Maketa lehiaketa ostiralean hasten da

2014/03/12
■Baraia, Ekilibristak, Etorkizun beltza, Hozten, Ilunbeltzean, Rusted, Orion child, The Mockers eta Tightleash Zelaietako kontzertu gelan (Amorebieta-Etxano) zuzenekoa eskaintzeko aukeratuak izan dira. ■Talderik onenak 1500€ ko saria jasoko du, eta euskarazko abestirik onena 500€ koa.

Amorebieta-Etxano, 2014ko martxoaren 11a. Durangaldeko II. Maketa lehiaketako epaimahaiak Zelaietako kontzertu gelan zuzenean joko duten taldeen zerrenda argitaratu du.

Aukeratutako taldeak hurrengoak dira: Baraia, Ekilibristak, Etorkizun beltza, Hozten, Ilunbeltzean, Rusted, Orion child, The Mockers eta Tightleash.

Lehiaketa Amorebieta-etxano, Abadiño, Durango eta Iurretako gazteria sailek antolatu dute. Talde irabazleak 1500€ irabaziko du, eta euskarazko abestirik onenaren saria 500€koa da. Hurrengo ostiralean, martxoak 14, lehenengo lehiakideak kontzertua eskainiko dute, Baraia, Rusted eta Etorkizun Beltza, hain zuzen ere. Hurrengo taldeen kontzertuak martxoaren 21ean eta apirilaren 4ean izango dira.

Hiru talde finalistek azkenengo kontzertu bat eskainiko dute maiatzean eta sari banaketa izango da ondoren.

Kontzertuetara joateko interesa dutenentzat doako autobusak daude, lehiaketa antolatzen duten udalerrietatik. Hurrengoak dira autobuseen ordutegiak eta ibilbideak:

DATA

JOAN ETORRIA

GELTOKIAK

MARTXOAK 14

22:00

2:00

Abadiño-Zelaieta (Txanporta plaza)

 

Abadiño-Matiena (Trañabarren kaleko autobus geltokia)

Durango (Magdalenako geltokia)

Iurretako kultur etxea (autobus geltokia)

Euba (frontoia)

Amorebieta-Etxano (Gudari kalea-Zelaieta)

MARTXOAK 21

22:00

2:00

Abadiño-Zelaieta (Txanporta plaza)

 

Abadiño-Matiena (Trañabarren kaleko autobus geltokia)

Durango (Magdalenako geltokia)

Iurretako kultur etxea (autobus geltokia)

Euba (frontoia)

Amorebieta-Etxano (Gudari kalea-Zelaieta)

APIRILAK 4

22:00

2:00

Abadiño-Zelaieta (Txanporta plaza)

 

Abadiño-Matiena (Trañabarren kaleko autobus geltokia)

Durango (Magdalenako geltokia)

Iurretako kultur etxea (autobus geltokia)

Euba (frontoia)

Amorebieta-Etxano (Gudari kalea-Zelaieta)

Udaleku irekietan eta Aste Santuko Ludoteka zerbitzu berezian izena emateko epea zabalik

2014/03/19
Aste Santuan ludoteka zabalik egongo da goizez eta arratsaldez, txandak antolatuko dira eta bakoitzean aldez aurretik izena eman behar da apirilaren 4ra arte Zelaietako harreran. Udaleku irekietan izena emateko, berriz, epea apirilaren 16ra arte dago irekita Gazte Informazio Bulegoan.

Aste Santuan ludotekan goizean txanda bi eta arratsaldean beste hiru eskainiko dira 3-10 urte bitarteko umeentzat. Bakoitzean tailerrak eta psikomotrizitatea lantzen dituzten ekintzak garatuko dira begiraleen laguntzaz. Parte hartzeko derrigorrezkoa da Zelaietako harreran izena ematea, Ume txartela erakutsiz, apirilaren 4ra bitartean. Informazio gehigarria Zelaietan eskuratu daiteke. Zerbitzua doan izango da.

Udaleku irekiak aurten ekainaren 23an hasita eskainiko dira, asteka, uztailaren 18ra arte. Lau aste izango dira aukeran eta bakoitzean ordutegi bi eskaintzen dira: 9etatik 13etara eta 9etatik 15etara (jantoki zerbitzua barne). Izena Gazte Informazio Bulegoan eman behar da apirilaren 16ra bitartean. Bertan daukazue udaleku hauen eta herrian antolatzen diren gainerako udalekuen berri.

Familian egiteko beste ibilaldi bat, apirilaren 6an

2014/03/24
Urkiolako parke naturalaren txokoak ezagutu nahian, bertako zuhaitz espezieak eta santutegia izango dira hurrengo irteeraren ardatza.

Irteera ordua, ohi bezala, goizeko 10:00etan izango da, Gudari kaleko autobus geltokian.

Oraingo honetan Oletatik Urikolara joango dira ibiltariak (6,5 km).

Interesdunek Zelaieta zentroan eman dezakete izena, eta bertan eskainiko zaie behar adinako informazioa.

Umeek eurekin ardura izango duen nagusi batekin joan behar dute.

Prezioa: 2 €.

2014ko uztaila - Jarduerak Larrea udal kiroldegian

2014/04/11
Spinning, konbi-gym, pilates, GAZ (Gluteoak, Abdominalak eta Zangoak), umeentzako igeriketa ikastaroak. Izena emateko epea: ekainaren 13ra arte. Telefonoa: 94 673 27 14. E-posta: kiroldegia@euskalnet.net

Larrea udal kiroldegia. 2014ko uztaileko jarduerak

 Izena emateko epea: ekainaren 13ra arte.

  • Spinning: astearte eta ostegunetan (19:30 - 20:15, 20:30 - 21:15).
  • Konbi-Gym: astearte eta ostegunetan (18:00 - 19:00).
  • Pilates: astearte eta ostegunetan (19:00 - 20:00).
  • GAZ: astearte eta ostegunetan (20:00 - 21:00).


 UMEENTZAKO IGERIKETA IKASTAROAK

  • 10:00  Hobekuntza 6-7-8 urte.
  • 10:45  Hobekuntza 6-7-8 urte.
  • 12:00  Hobekuntza 4-5 urte.
  • 12:45  Hobekuntza 4-5 urte.


Izena emateko eta informazioa: Larrea Udal kiroldegia

Helbidea: Larrea Auzoa. (Amorebieta-Etxano)

Telefonoa: 94 673 27 14

E-posta: kiroldegia@euskalnet.net

Aukeratuta HAIZETARA 2014ko taldeak

2014/04/11
• Haizetara jaialdiaren bederatzigarren edizioa Amorebieta-​Etxanon izango da 2014ko ekainaren 20an, 21ean eta 22an. • Taldeek 4 emanaldi eskaini beharko dute, gutxienez, lehiaketaren hiru egunetan: ostiralean bat, larunbatean bi eta igande goizean beste bat. Lehiaketaren antolatzaileek erabakiko dute emanaldien lekuak eta orduak zein diren.

Taldeen aurkezpen ofiziala egiteko ekitaldiak emango dio hasiera jaialdiari. Zelaieta parkean izango da ostiralean, ekainak 20, arratsaldeko 18:30ean. Haizetara jaialdia igandean amaituko da, hilak 22, eguerdiko 13:00etan sarien banaketa gauzatu ondoren. Taldeak ezinbestean egongo dira  bi ekitaldi horietan.

HAIZETARA 2014. Aukeratutako taldeak

 

1. OTTONI ANIMATI
Sizilia
2. PERHAPS CONTRAPTION
Londres
3. FANFARA TRANSILVANIA
Errumania
4. MASTRETTA
Madril
5. KRAKOW STREET BAND
Polonia
6. IMPERIAL KIKIRISTAN
Frantzia
7. BIZU COOLECTIVE
Lisboa
8. ARCHIMOSSI
Italia
9. TOKYO BRASS STYLE
Japonia

Kultura partekatzeko eta zabaltzeko trukea egingo dute gazte zornotzarrek eta asturiarrek

2014/04/28
Ixuxú, Asturies-Euskal Herria izeneko elkarteak gazteen sortze-lanak eta kulturen nahiz pertsonen arteko harremana indartzea, hizkuntza-aniztasuna agerian azalaraztea eta tokiko musika sustatzea du xede, besteak beste. Zornotzako gazteak maiatzaren 3an joango dira L.lenara eta asturiarrak, berriz, hil bereko 31n etorriko dira Amorebieta-Etxanora.

Gazteen arteko kultura-trukea antolatu  dute Amorebieta-Etxanoko eta L.lenako (Asturias) Udalek Ixuxú, Asturies-Euskal Herria izeneko elkartearen bidez. Gazteen sortze-lanaren alde egitea, kulturen eta pertsonen arteko harremanak sustatzea, hizkuntza-aniztasuna agerian azalaraztea, tokiko musika bultzatzea eta, norberaren lurraldetik ate jotzeko aukera eskainiz, kultura tradizionala ezagutaraztea du xede ekimen honek.

Maiatzaren 3an eta 31n gauzatuko da programa, egun horietan elkartuko baitira, hurrenez hurren, La Pola de L.lenan eta Amorebieta-Etxanon.

Maiatzaren 3an gazte zornotzarrak Asturiaseko udalerri horretara abiatuko dira, euren lanen erakuskariak eramanda. Goizean, Udabarri taldeko ordezkari batzuek dantzaldia eskainiko dute L.lenako plazan. Horren ostean Amorebieta-Etxanoko gazteen artean euskararen erabileraren nondik norakoen gaineko solasaldia antolatu du Ametx erakunde autonomoak eta, arratsaldean, Lara Izagirreren Next Stop: Greenland film laburraren proiekzioa izango da, Amorebieta-Etxanoko ikus-entzunezko lanen ekoizpenaren lagin gisa. Amaitzeko, Udabarri dantza taldearen eskutik etorriko den beste erakustaldi baten ondoren, Ska Eromen erromeria taldeak kontzertua eskainiko du, Adizion Etilika talde asturiarrarekin batera.

Maiatzaren 31n La Polako gazteek bisitatuko dute Amorebieta-Etxano. L.lena kontzejuaren barruan dago La Pola eta 13.000 biztanle dituen herri hau Caudaleko meatze-arrokoen arteko garrantzitsuenetako bat da. Gaites Güestia bandaren kideek emango diote hasiera programari eguerdian Zelaieta parkean. Arratsalderako, Asturiaseko hizkuntza normalizazioari buruzko hitzaldia antolatu du. Zelaieta zentroan izango da, eta Pablo Suarezek hartuko du parte. Sagardoaren eskualdeko Hizkuntza Normalizaziorako Zerbitzuaren arduraduna da Suárez. Horren ondoren, Suena’l camín dokumentalaren proiekzioa izango da, Efrén Álvarez Acebalek, egileak, aurkeztuta. Amaitzeko, sagardoa dastatu ahal izango da gauean Zelaieta parkean, Adizion Etilika talde asturiarrak eta Ska Eromen erromeria talde zornotzarrak erritmoa emanda.

Proiektuaren protagonistak gazteak badira ere, udalerriko guztiak gonbidatu nahi dituzte parte hartzera, gazteontzat, ez ezik, nagusientzat eta haurrentzat ere programatu baitira ekintzak.

 

                                            

Familia ibilbideak

2014/05/02
Edizio honetako azken irteera izango da maiatzaren 11koa

Gure umeek eta gaztetxoek hirigunetik irten eta, urrun joan gabe, landaguneak, mendialdea, auzoak... Beste era batera esanda, elementu ez hain hiritarrak ezagutzea da ibilaldi hauen helburu nagusia. Basoan ibiltzen ikastea, eta ibiliaz gozatzea, eta gozatuaz ikastea. Aukera bikaina da nagusientzat ere, umeak lagunduaz bat, hainbat inguru ezagutzeko. Hurrengo ibilaldia maiatzaren 11n izango da, eta Urkiolatik Atxarterainoko bidea egingo da. Oraingo honetan, eskalada izango da landuko den gaia, jarduera hau hobeto ezagutze aldera.

Parte hartu nahi dutenek Zelaieta zentroan eman dezakete izena. Irteeraren prezioa 2 eurokoa da, eta lekuak mugatuak dira.

Autobus zerbitzua dago, eta gidari euskalduna izango dute lagun ibilaldi osoan.

Hitzordua, ohiko moduan, goizeko 10:00etan izango da, Gudari kaleko autobus geltokian.

Haur Masaje tailerra eta Adimen Emozionalari buruzko hitzaldia gurasoentzako Zelaietan

2014/05/07
Umeei masajeak emateko ikastaroa antolatu du Amorebieta-Etxanoko Udalak gurasoei zuzenduta. • Urtebetera bitarteko umeen gurasoei zuzenduta dago ikastaroa, eta 7,5 orduko iraupena izango du. • Bestalde, maiatzaren 20an, adimen emozionalari buruzko hitzaldia izango dugu dohainik gurasoei zuzenduta.

Umeei masajeak emateko tailerra antolatu du Amorebieta-Etxanoko Udalak Ametx erakunde autonomoaren eskutik. Urtebetera arteko umeen gurasoei zuzenduta dago, eta maiatzean gauzatuko da.

Familia barruko harremanak garatu eta indartzen dituzte umeen masajeek. Adituen artean onartuta dago maitasunak eta laztanek giza garapenean duten eragina. Sentsazioak emozio bihurtzen dituzte haurtxoek, eta horrela saiatzen dira mundua ulertzen. Hasierako kontaktu horiei esker, bizitzari aurre egiteko baliabideak garatuko ditu umeak hazteko, ikasteko gaitasuna garatzeko eta harremanei ekiteko. Horregatik guztiagatik, umeen masajeen irakaslea eta “azalerako ipuinen” dinamizatzailea den Saroa Bikandik tailerra eskainiko du bost egunez, ordu eta erdiko saioetan. Erlaxazioa, masajearen onurak eta masajeen filosofia landuko dira saiootan, praktikak eginez eta hausnarketarako oinarri gisa erabiltzeko moduko ezagutza teorikoa ere txertatuta.

Interesa duten pertsonek goizeko edo arratsaldeko ordutegien artean aukeratu ahalko dute. Goizeko saioak 11:30etik 13:00etara izango dira, asteazkenetan, maiatzaren 14an hasi eta ekainaren 11ra bitartean. Arratsaldeko saioak ostiraletan izango dira, 16:30etik 18:00etara, maiatzaren 30etik ekainaren 27ra, 7,5 ordu guztira. Ikastaroaren prezioa, berriz, 40 euro. Izena emateko epea maiatzaren 9ra artekoa da, eta Zelaieta zentroan egingo da inskripzioa.

Adimen emozionalari buruzko hitzaldia antolatu du Ametx erakunde autonomoak gurasoei edota tutoreei zuzenduta, txikienengan ongizate integrala areagotuko duen bizi emozional osasungarria eraikitzeko xedez. Dohainik izango da, maiatzaren 20an, asteartearekin, arratsaldeko 17:30etik 19:00etara.

Coach&Play izeneko enpresak emango du hitzaldia, eta adimen emozionala nola erabili eta euren esperientzia seme-alabei zelan transmititu irakatsiko zaie gurasoei. Umeen heziketa emozionala gauzatzeko estrategiak ezagutaraztea eta, besteak beste direla, gurasoek komunikaziorako, konfiantzarako, motibaziorako eta bestelako gaitasun emozionaletarako teknikak atzitzea da helburua. Hitzaldia debalde emango den arren, ezinbestekoa da aldez aurretik izena ematea Zelaietako ludotekan

The Mokers, Durangaldeko II. Maketa Lehiaketaren irabazlea

2014/05/07
Euskarazko abestirik onena Hozten taldearen "Ke artean" izan da
The Mockers izan da 1500€ko sariaren irabazlea, epaimahaiaren ustean talderik onena izan delako lehiaketa honetan. Hozten taldeak, Ke artean abestiarekin, euskarazko abestirik onenaren saria irabazi du, 500€koa. Epaimahaiak erabaki du Orion Child taldeari accesit bat emotea. Horrela, Orion Child taldeak Amorebieta-Etxanoko jaietan kontzertua eskainiko du Txosnagunean.

Ikasgela zabalik maiatzeko eta ekaineko asteburuetan

2014/05/10
Azterketa garaia izanik, zabalik egongo da ikasgela maiatzeko eta ekaineko asteburuetan. Ordutegia: ● Larunbatetan 10.00 - 14.00 / 16.00 - 21.00 ● Igandeetan 17.00 - 20.00

Donostiako Easo Abesbatzaren kontzertua Zornotza Aretoan

2014/05/14
Egitarau oparoa antolatu dute Bizkaiko Abesbatzen Eguna eta SAC Zornotzaren 60. urteurrena ospatzeko ekainaren 7an eta 8an

SAC Zornotza abesbatzak ospakizun bikoitza prestatu du ekainaren 7rako eta 8rako. Koruaren 60. urteurrenarekin batera, Bizkaiko Abesbatzen Eguneko ekitaldiak ere Amorebieta-Etxanon burutuko dira.

Larunbatean, ekainak 7, kalejira izango da eguerdian Coro de Zumaia eta SAC Zornotza abesbatzen eskutik.

Gaueko 21:00etan, Zornotza Aretoan, Donostiako Easo abesbatzaren kontzertua izango da. Sarrerak: HEMEN

Igandean, ekainak 8, Bizkaiko Abesbatzen Egunean parte hartzen duten taldeek kalejira egingo ondoren, kontzertua eskainiko dute Herriko plazan, eguerdiko 12:00etan eta horren ostean kanta-poteoan ibiliko dira. Ospakizunari errematea emateko, bazkaria izango dute partaideek.

Amorebieta-Etxanoko Udalak Durangaldeko Merinaldearen Amankomunazgoaren bitartez "JAR ZAITEZ MARTXAN" proiektua aurkeztu du 16 eta 29 urte bitarteko gazteei zuzenduta

2014/05/16
Helburua, eskualdeko gazteen aukera sozio-profesionalen kalitatea hobetzea da. Horretarako lan gaitasuna eta enplegua lortzeko aukerak aztertuko dira. Burutuko diren ekintzen artean hauek daude: Formaziozko kurtso espezifikoak eta enplegurako orientazioa. Horretaz gain, enpresak sortzeko informazioa eta gazte ekintzaileei zuzendutako diru laguntzak ere emango dira.

Durangoko Merinaldearen Amankomunazgoak, Bizkaiako Foru Aldundiak bultzatutako eta Udal Gaztedi hitzarmenaren barne dagoen "JAR ZAITEZ MARTXAN" programaren ekintzak burutuko dira hurrengo hilabeteetan. Programa honen bitartez gaur egun gazteek dituzten beharrak garatzen saiatuko dira.

Ekintza hauek, Amankomunazgoko Behargintzaren bitartez egingo dira, eskualdeko 12 herriekin sinatutako hitzarmenaren ondorioz. Ekintza hauek 16 eta 29 urte bitartean dauden, herri hauetako gazteei zuzenduta egongo dira: Abadiño, Amorebieta-Etxano, Berriz, Durango, Elorrio, Ermua, Garai, Iurreta, Izurtza, Mallabia, Mañaria eta Zaldibar.

Helburu nagusia "eskualdeko gazteen aukera sozio-profesionalen kalitatea hobetzea da, horretarako gazteek dituzten gaitasunak maximizatu, eta enplegua lortzeko aukerak aztertuko dira autoenplegura heltzeko" azaldu du Amankomunazgo lehendakaria den Oskar Zarrabeitiak.

Proeiktua, formazio eta enplegurako orientaziozko zortzi kurtsotan oinarrituta dago. Kurtso bakoitzak 44 orduko iraupena izango du eta Amorebieta-Etxanon (2 ikastaro), Durangon (4 ikastaro) eta Ermuan (2 ikastaro) burutuko dira.

Guzti horrekin batera, ekintzaileak bultzatzeko helburuarekin enpresa berrien alorretik, datorren ekainetik eta abendurarte gazte ekintzaileen gela jarriko da martxan Amorebieta-Etxanon, Durangon eta Ermuan, hauek dituzten enpresa ideiak lantzeko asmoarekin. Horretarako: banako tutoretza eta laguntza; aholkularitza fiskala, komertziala eta finantzazkoa; doako gelak proiektuak lantzeko.

Informazio gehiago: Ametx Erakunde Autonomoa 946300650 gazteria@ametx.net

Aukeratu dute Karmengo Jaiak iragartzeko kartela

2014/06/03
Udalerriko lekurik esanguratsuenetako batzuk irudikatzen ditu kartelak, jaietako elementuak diren su artifizialekin eta zapiarekin batera. Aitor Ipiñazar Martin izan da kartelaren egilea.

Amorebieta-Etxano, 2014ko ekainaren 03a. Karmengo Jaiak 2014 iragarriko dituen kartela aukeratu zuen atzo Jai Batzordeak. Udalerriko toki esanguratsuenetako zenbait ikus daitezke bertan: Zelaieta zentroa eta parkeko kioskoa besteak beste, jaietan klasikoak diren beste elementu batzuekin batera: su artifizialak eta jaietako zapia hain zuzen, eta Amorebieta taldearen himnoa ere ageri da beheko aldean. Aitor Ipiñaza Martín da lanaren egilea.

Aurten mugatu egin da lehiaketan parte hartzeko aukera, udalerriko gazteen sormena sustatzeko xedez, eta partaideak Zornotzako gazteak izan dira, 14 eta 29 urte bitartekoak.

Bi kartel finalista aukeratu zituen epaimahaiak lehiaketara aurkeztutako 17 lanen artean, eta jai batzordeak bart, gaueko 22:00etan erabaki du horietako zein den irabazlea. Lehendabizikoz mugatu da partaidetza deialdia udalerriko gazteei zuzenduta, eta epaimahaikideek azpimarratu egin dituzte aurkeztutako lanen kalitatea eta orijinaltasuna.

 

                                      

Amorebieta-Etxanoko Udalak ekainaren 15an irekiko ditu Ganeko aire zabaleko igerilekuak

2014/06/13
• Irailaren 15ra bitartean egongo dira zabalik. • Ordutegia honakoa izango da: astelehenetik larunbatera 11:00etatik 21:00etara, igandeak eta jai egunak 11:00etatik 20:00etara.

Amorebieta-Etxano, 2014ko ekainaren 13a. Ekainaren 23an, igandean, irekiko ditu Amorebieta-Etxanoko Udalak Ganeko aire zabaleko igerilekuak.

Irailaren 15ra bitartean egongo dira zabalik instalazioak.

Ordutegia honakoa izango da:

  • Astelehenetik larunbatera 11:00etatik 21:00etara.
  • Igandeak eta jai egunak 11:00etatik 20:00etara.

 
Tumbona guztiak itxi baino 15 minutu lehenago hutsik egon beharko dira

Haizetara jaialdiaren IX. edizioa hasiko da ostiralean

2014/06/19
Amorebieta-Etxanoko kaleak musikaz blaituko dira beste behin asteburu honetan, Kaleko Musikaren Nazioarteko Jaialdiari esker. Aurreko ekitaldietan bezala, aurtengoan ere oso estilo ezberdinak biltzen dituzten mundu guztiko bederatzi bandak hartuko dute parte.

Musikaren inguruan berriz ere, alaitasunez, aisialdirako ekimenez, topaketez eta dibertsioz blai azalduko da Amorebieta-Etxano ekainaren 20tik 22ra, jaialdiaren IX. edizioan. Kaleko musika jaialdirik sendoenekoa bihurtu da dagoeneko Haizetara nazioarte mailan.

Aurtengo edizioan 12 herrialdetako 48 musika-taldek aurkeztu zituzten euren proposamenak (Frantzia, Holanda, Portugal, Italia, Japon, AEB, UK, Brasil, Polonia, Errumania, Espainia eta Hungaria). Lehiaketan parte hartuko duten 9 bandak aukeratu dituzte antolatzaileek horien artean.

Haizetara 2014. Programa: HEMEN

Haizetara 2014

PDF document icon HAIZETARA 2014.pdf — PDF dokumentua, 2.67 MB (2803004 bytes)

Britainia Handiko Perhaps Contraption, Amorebieta-Etxanoko banden eta kaleko musikaren Haizetara nazioarteko lehiaketaren IX. edizioaren irabazlea

2014/06/23
• Publikoaren sari berezia Japongo Tokyio Brass Style taldearentzat izan da. • Italiako Ottoni Animati bandako Aberto Anguzza tronpeta-jolea, izan da tresna-jolerik onena.

Haizetara jaialdiaren bederatzigarren edizioaren azken egunean banatu dira lehiaketako sariak:

-         Lehiaketako lehenengo saria (adituen epaimahaiak erabakia): Perhaps Contraption taldea (London). Saria: 10.000 euro.

-         Publikoaren sari berezia (ikusleek erabakia): Japongo Tokyio Brass Style (Japon). Saria: 4.000 euro.

-         Tresna-jolerik onenarentzako saria (sari nagusia ematen duen epaimahai berberak erabakia): Italiako Ottoni Animati taldeko Alberto Anguzza tronpeta-jolea. Interklabe tokiko enpresak emana.

-         Epaimahaiak erabaki duen sari berezia (sari nagusia ematen duen epaimahai berberak erabakia): Mastretta talde madrildarra. Saria Ametx erakunde autonomoak antolatzen duen ekitaldi batean jotzeko kontratua da.

JAN ALAI pintxo txapelketaren hirugarren edizioa

2014/06/24
• 57 tabernak eman dute izena eta azkenean 56k hartuko dute parte (*), iaz baino 19 gehiagok eta lehenengo edizioan baino 35 gehiagok. • 1.000 eurokoak izango dira epaimahaiak aukeratzen duen pintxorik onenaren egileek eta herriz bozketaz hautatzen den pintxorik onenaren egileek jasoko dituzten sariak, aurreko edizioen sarien halako bi. • Sei gune ezberdin izango dira, bihar hasi eta igandera bitartean, zornotzarren dastaleku.

(*) Zenbait arrazoi direla eta, Laiene Jatetxeak uko egin behar izan dio lehiaketan parte hartzeari.

 

Bihar, asteazkena, hasiko da Amorebieta-Etxanoko “Zornotzan JAN ALAI” Pintxoen Ibilbidearen hirugarren edizioa, udalerriko 56 tabernaren eta jatetxeren partaidetzaz.

Epaimahaikideek –nortzuk diren isilpean mantenduko da- establezimendu parte hartzaile guztietara joan beharko dute, eta pintxorik berritzaileena zein den jakinaraziko dute amaieran. Saria: 1.000 euro dirutan, plaka eta txapela. Lehiaketak dirauen lau egunetan, edozein unetan pasako dira epaileak txapelketan parte hartzen duten establezimenduetatik, taldean nahiz banaka, pintxoak dastatu eta puntuak ezartzeko xedez.

Nahi duten guztiek har dezakete parte herri-txapelketan eta zerbitzaririk profesionalena hautatzeko bozketan, lehiaketara atxikitako tabernetako edozeinetan kartila bat jasoz gero. Udalerria 6 esparrutan banaturik egongo da, eta esparru bakoitzeko hiru pintxo jan behar dira gutxienez.Ondoren, hiru onenak apuntatuko dira txartelean, ordenan, bai eta profesionalen irizten zaion zerbitzariaren izena ere.

Establezimendu bakoitzak lortzen dituen puntu guztien batuketa egin eta horren arabera izendatuko dira “Zornotzan JAN ALAI” txapelketaren Herri-Pintxorik Onena (1.000 euroko saria) eta zerbitzaririk profesionalena, eta udalerriko Pintxoen Top-Ten delakoa osatuko.

 Prezio herrikoiak eta hiritarren partaidetza

Herritarren partaidetza ezinbestekoa da ekimenak arrakasta izango badu. Lehiaketan parte hartu eta 18 pintxoen ibilbidea (3 esparru bakoitzeko) betetzen duten guztiek partaidetza-saria -500 euroko balioa duena-, eskuratzeko parada izango dute.

Pintxo guztien prezioa izango da berdina, 1,30 €. Jendearen partaidetza da, izan ere, lehiaketaren mamia, eta espero da Amorebieta-Etxanoko auzo guztietako tabernetan bezero mugimendu bizia izatea ekimenari esker, milaka lagun ibilirik pintxoak dastatzen herrian zehar, horixe izango baita parte hartzen duten establezimendu guztientzako benetako saria.

 

Marmitako lehiaketa 2014

2014/06/25
Marmitako lehiaketa uztailak 19an. // Apuntatzeko epea: Uztailaren 11arte. // Non: Zelaieta zentroan. // Ordutegia: Astelehenetik ostiralera 9.00 - 20.00. Larunbata 10.00 - 14.00.

1. Amorebietako jaietako koadrilen arteko marmitako lehiaketa uztailaren 19an egingo da Zubiondo plazaren inguruan.

2. Herriko edozein koadrilak parte hartu ahal izango du, aurretik AMETX erakunde autonomoaren bulegoetan izena ematen badu. Izen ematea uztailaren 11n eguerdiko 14:00etan amaituko da.

3. Mahaikideen eta banatu beharreko mahai eta aulkien kopurua ahalik eta zehatzen aurreikusteko, koadrila bakoitzak diru bermea jarriko du kide kopuruaren arabera.

20 mahaikide edo gutxiago: 20€

20 mahaikide baino gehiago: 30€

Izena ematearekin batera jarritako dirua AMETX erakunde autonomoan berreskuratu ahal izango da uztailaren 22an hasi eta urriaren 31ra arte (biak barne). Bermea galdu egingo da honako egoera hauek gertatuz gero:

  • Mahaikide baino askoz mahai eta aulki gehiago izanez gero.
  • Banatutako materiala (mahai-aulkiak) antolatzaileek adierazitako orduan eta lekuan entregatu ezik, edo zaindu barik bueltatuz gero.
  • Antolatzaileek banatutako tokien mugak errespetatu ezean.
  • Horretarako ezarritako epean, berme gisa jarritako dirua bueltatzeko eskaririk egin ezik.
  • Antolatzaileek erabakitzen duten beste edozein.

4. Zozketa bidez esleituko zaizkie tokiak lehiaketan parte hartzen duten koadrilei. Zozketa jendaurrean egingo da Zelaietako auditorioan, uztailaren 17an, osteguna, eguerdiko 12:00etan. Mahaikide kopuruaren arabera markatu eta sailkatuko dira lekuak (A etaB), eta mailaka zozketatuko dira. Zozketa bidez esleitzen zaizkien tokiak okupatuko dituzte koadrilek derrigor.

5. Antolatzaileek hegaluzea, mahai-tresneria eta ogia Challengen parte hartzen duten gazte-koadrilei BAINO EZ dizkiete emago .

6. Koadrilek, antolatzaileen azalpenak kontuan hartu beharko dituzte uneoro.

7. Batzorde Antolatzailea izendatuko da lehiaketan sortzen diren arazo guztiei buruzko ebazpenak hartzeko.

Enpresa bat sortu nahi duzu? Zelaietan aholkularitza eta ikastaroak ematen ditugu doan!

2014/06/25
"Jar zaitez martxan" programaren barruan enpresak sortzeko aholkularitza zerbitzua eskainiko da Zelaietan ekainaan hasi eta abendura arte. Zerbitzu irekia da eta aholkularitzaz gain ikastaro trinkoak ere emango dira doan.

16 eta 30 urte bitarteko ekintzaileei zuzenduta dago zerbitzu hau. Zer eskaintzen dugu bertan?

- Banakako tutoretza eta laguntza negozio ideia edo proiektuetan.

- Aholkularitza merkataritza, finantza, zerga eta lan arloetan.

- Doako ekintzailetza gelak: lanerako eta bilerak egiteko espazioak Interneterako konexioarekin.

 

Gainera, diru-laguntzak ere emango dira, Gizarte Segurantzako kotizazioak finantzatzeko zuzeneko laguntzak. Galdetu Zelaietan.

Boroa jatetxeko "Amanita eta trufa kristalezko arrautzan, habia kurruskariaren gainean" izeneko pintxoa, Zornotzan JAN ALAI txapelketaren III. edizioaren irabazlea

2014/06/30
• Boroa jatetxeak irabazi du pintxorik berritzaileenarentzako saria. • Herri-pintxorik onena ere Boroa jatetxeko "Amanita eta trufa kristalezko arrautzan, habia kurruskariaren gainean" izeneko pintxoa a izan da. • Urtza tabernako zerbitzariari aintzatetsi zaio profesionaltasun maila bikainena.

Txapelketara aurkeztutako pintxoen Top Ten delakoa, bozketa bidez erabakia, honakoa izan da:

1.- BOROA                            293 puntu

2.- GU GEU                          238 puntu

3.- TOMASA                          233 puntu

4.- EL COJO                         202 puntu

5.- JAUREGIBARRIA           194 puntu

6.- SALTXA                            193 puntu

7.- BEREZI                            171 puntu

8.- PROPI                              152 puntu

9.- ATERPE                           143 puntu

10.- URTZA                           132 puntu

Gustu eta adin guztietakoentzako ekintzak Amorebieta-Etxanon Karmengo jaiak ospatzeko

2014/07/07
• 60. urteurrena betetzen duela eta, Zornoza Arte eta Kultura Elkarteak emango du pregoia. • Zubiondo plazan, Doctor Deseo eta Pegatina taldeen emanaldiak izango dira, besteak beste.

Jaietako programa osoa:

Jaietako egitaraua 2014

Jaietako kartela_2014

JPEG image icon Amorebieta Etxanoko jaiak 2014.jpg — JPEG irudia, 45 KB (46715 bytes)

Desfibriladorea Ganeko igerilekuetan

2014/07/10
Desfibriladore erdiautomatikoa (DESA) da, eta osasun arloko profesionalak ez direnek erabiltzeko modukoa.

Amorebietako Gane kirolguneko igerilekuetan desfibriladore erdiautomatikoa (DESA) daukate dagoeneko.

Desfibriladorea laguntza handiko tresna da bizitzak salbatzeko larrialdiren bat gertatuz gero. Adituen esanetan, bihotza gelditu ondorengo hiru minutuen barruan erabiltzen bada, askoz aukera handiagoak ditu biktimak bizitzari eusteko.

Ganeko SOS taldearen esku izango da desfibriladorea. Guztiek daukate DEA/DESA agiria. Bi urte dira Larreako kiroldegian Ganeko igerilekuetan ezarri berria den aparatuaren modukoa erabilgarri dagoela.

ZORNOTZA Udal Euskaltegiko 2014/2015 ikasurtea

2014/07/22
2014-15 ikasturtea: Euskalduntzea, alfabetatzea, HABEren 1., 2. eta 3. maila, EGA, Hizkuntz Eskakizunak 16 urtetik gorakoentzat.

2014-15 ikasturtea:

  • Helburua: Euskalduntzea, alfabetatzea, HABEren 1., 2. eta 3. maila, EGA, Hizkuntz Eskakizunak
  • Norentzat: 16 urtetik gorakoentzat     


Eskaintza:

  • Talde irakaskuntza:
    • Astean 6 ordu, astelehenetik ostegunera. Ordu eta erdi egunean.
    • Irailaren 29tik ekainaren 17ra (200 ordu).
    • Matrikula 246 € (1,23 €/orduko). LANGABETUAK 10 €.
  • Autoikaskuntza (plaza mugatuak):
    • Irailaren 29tik ekainaren 17ra (190 ordu).
    • Matrikula 273,60 € (1,44 €/orduko).


Izen-ematea: Irailaren 1etik 23ra. ZORNOTZA UDAL EUSKALTEGIAN.

Sarrera probak:

  • Irailaren 23an (goizeko 10:00etan eta arratsaldeko 17:00etan)
  • Irailaren 24an (goizeko 10:00etan eta arratsaldeko 17:00etan)


ZORNOTZA Udal Euskaltegia
San Pedro kalea 5 – 48340. Amorebieta-Etxano
Tel.: 94 6732026     Faxa: 94 6732026

Larrea kiroldegiko eskaintza 2014ko irailerako

2014/07/23
Irekita dago izena emateko epea.

Informazio gehiago: HEMEN

Pirritx, Porrotx eta Marimotots irailaren 11n Amorebieta IV frontoian

2014/07/28
Oraingo honetan "Bizipoza" ikuskizunarekin datozkigu Pirritx, Porrotx eta Marimotots Zornotzara. Datorren Irailaren 11n, ostegunez, arratsaldeko 18:00etan. Sarrerak Zelaietan egongo dira salgai irailaren 8tik aurrera (9:00 - 14:00)

Zelaieta Zentroa itxita

2014/08/05
Abuztuaren 1etik 17ra (biak barne) itxita egongo da Zelaieta Zentroa. Erregistro zerbitzua, abuztuaren 25era arte: udaletxeko erregistro nagusia (Herriko Plaza z/g) Barkatu eragozpenak

Ludoteka zerbitzu berezia iraleko lehenengo astean (irailak 1-5)

2014/09/02
Irailaren lehenengo astean ludoteka zerbitzua goizez eta arratsaldez eskeiniko da hurrengo ordutegian: 10:00 -- 13:00 eta 16:30 -- 20:30. Egun hauetan tailer bereziak egiteko aukera izango dute umeek.

Gazteentzako Ekintzaileen Gelak zabalik daude Zelaietan.

2014/09/02
Udal Gaztedi programaren barruan Amorebieta-Etxanoko Udalak Ekintzaileen Gela zerbitzuarekin jarraitzen du Zelaietan. Bertan zerbitzu arruntaz gain doaneko hitzaldiak eskeiniko dira.

Markeliñe taldearen aurrestreinaldia Amorebieta-Etxanon.

2014/09/02
Abasolo apezpiku eta Zezilia Gallarzagoitia kaleak. Iralaren 5. 19:30

push the red botton / pousse le bouton rouge

2014/09/04
Liburutegiak ingelesa, frantsesa edota gaztelerazko mintzapraktikarako aukera eskeintzen du.

Sakatu botoi gorria eta parra-parra hitz egiten hasiko zara. Astean behin, zure ordutegiari hoberen datorkion orduan, mintzo zaitez ingelesez, frantsesez edo gazteleraz.

Izena Liburutegian eman.

Herriko ondarea ezagutzen

2014/09/04
Ibilaldiak Amorebieta-Etxanoko baselizetan barrena, hiru etapatan.

Udazkeneko ohiko ibilaldiei ekin aurretik, eta aperitibo gisa, bertatik, bertara ditugun ondare eta paisaia-elementuak ezagutzeko parada izango dugu hiru larunbatetan.

Irailaren 13an hasita, Amorebieta-Etxanoko baselizetan barrena ibiliko gara.

Irailaren 13an:

Montorrako San Lorentzo, Belatxikietako San Inazio, Arkotxa-Bediagako San Bizente, San Antonio, Eustoako Santa Kurutz, Sahatsuko San Pedro eta Dudeako San Migel (17 km).

Irailaren 20an:

San Bartolome, San Juan Ergoien, Bizkargiko Santa Kurutz, San isidro eta  Boroako San Pedro (17 km).

Irailaren 27an:

Ofrendoko San Juan, San Antolin, Alakaoko Santa Luzia, San Martin, eta Dudeako San Migel (9 km).

Izen-ematea: Zelaieta Zentroa.

Informazio gehiago HEMEN


Baselizen ibilbidea

PDF document icon Informazio-orria_Baselizak.pdf — PDF dokumentua, 147 KB (151431 bytes)

“KIBUBU” Marie de Jongh. Familientzako antzerkia

2014/09/08
ZORNOTZA ARETOA: Denboraldi hasiera. URRIA, 3, ostirala, 20:00. Familientzako antzerkia.“KIBUBU” Marie de Jongh.Interpretaziorik eta karakterizaziorik onenentzako sariak FETEN 2014an. Aktoreak: Ana Meabe; Javier Renobales;…. Dramaturgia eta zuzendaritza: Jokin Oregi

Errespetuari eta askatasunari buruzko ikuskizuna.
Arrakastak barik, ilusioak bultzatutako pailazo bikotea dira Xebas eta Cocó. Prestatzen ari diren hurrengo ikuskizunerako, aldaba jotzera eramango dituen elementua sartzea erabaki du Xebasek: benetako gorila, hezur eta haragizkoa...
 

Bibliotekak abian jarri du txikienen artean irakurzaletasuna sustatzeko programa berria.

2014/09/11
• Afektibitatea, komunikazioa, irudimena, eta abar jorratuko ditu programak, horretarako abestiak, altzo-jolasak, ipuinak, poesia, errimak, esaerak, jolasak… modu ludiko eta dibertigarrian erabilita. • Parte hartu nahi dutenek liburutegian eman ahalko dute izena, irailaren 15etik 19ra

Amorebieta-Etxano, 2014ko irailaren 10a.Zelaieta zentroko liburutegiak abian jarri ditu 0-7 urte bitarteko umeen artean literaturarekiko interesa pizteko eta sustatzeko hainbat ekintza.

Gurasoen eta seme-alaben arteko komunikazioa ere indartu nahi da, ahozko hizkuntza, eta ipuinen irudimena erabilita. Afektibitatea, komunikazioa, irudimena, ahozkotasuna eta arte-adierazpena, eta literatura jorratuko ditu programak, abestiak, altzo-jolasak, ipuinak, poesia, errimak, esaerak, jolasak, eta abar tarteko, modu ludiko eta dibertigarrian beti ere.

Istorioak kontatzeko plazerra eta liburuen ezagutzak dakarren liluraz gozatzeko gunea sortzea da helburua, guztia era ludikoan.  Espazio horretan, partaideen joerak eta adinak aintzat hartuta, estrategia egokiak hautatuko dira umeengan irakurtzeko eta liburuak ezagutzeko gogoa piztea xede. Liburuen orrietan egingo dituzten aurkikuntzek bizitza osorako ekarriko dizkieten onurez jabetzea da helburu nagusia.

Programak dirauen bitartean, ezinbestekoa da umea saio guztietara pertsona heldu berberarekin etortzea. Interesa dutenek irailaren 15etik 19ra bitartean eman ahalko dute izena Bibliotekan.

Jarduera egoki gara dadin, beharrezkoa da partaideen kopurua mugatzea: 10 haur heldu banarekin. Interesdunak gehiago izanez gero, zozketa egingo da.

Hiru jarduera daude programatuta:

1.- AZALERAKO IPUINAK. ( 0-3 urte).
2.- IRAKURKETA KLUBA. (3-4 urte).
3.- KONTUleku. ( 5-6-7 urte).

Informazioa: Zelaieta zentroko liburutegian etahttp://liburutegiak.blog.euskadi.net/amorebieta-etxano webgunean.

Udalerriko euskaltegietan eta barnetegian matrikulatzeko epearen hasiera Amorebieta-Etxanon

2014/09/16
Amorebieta-Etxanoko Zornotza Udal Euskaltegiak, AEK-k eta Zornotzako Barnetegiak hasiera eman diote udalerriko euskaltegietan matrikulatzeko epeari. Amorebieta-Etxanoko Udaleko kultura zinegotzia den Andoni Agirrebeitiak, Idoia Zuloaga Zornotza udal euskaltegiaren zuzendariak, Marivi Zubiaga Zornotzako barnetegiaren zuzendariak eta AEK-ko udalerriko arduraduna den Julio Aranguenak zornotzar guztiak animatu nahi dituzte euskara ikasteko izena emateaz gain, euskaraz bizi eta euskal kulturaren ezagutzan murgil daitezen.

Hainbat dira udalerrian matrikulatzeko dauden aukerak: klaseak egunero, astero, ikastaro trinkoak … eta barnetegi eran aritzeko hileroko eskaintzak. Era berean, aipatzekoak dira aita-amei zuzenduta dauden klaseak, gurasoen benetako inplikazioa funtsezkoa delako txikienak ere euskaraz bizi eta euskaraz jarduten ohi daitezen.

 Amorebieta-Etxanon bi euskaltegi daude hirigunean, eta barnetegi bat, Larrea auzoan. Ikasturteak burutu ondoren, udalerrian erroldatuta dauden euskara ikasleentzako diru-laguntzak eskaintzen ditu urtero Amorebieta-Etxanoko Udalak Ametx erakunde autonomoaren bidez. Urria izaten da, Zelaieta zentrora zuzenduta, diru-laguntza horiek eskatzeko epea.

AEK-ko Julio Aranguenak euskera praktikoaren alde agertu da, “euskera hizkuntza denez praktikoa izan behar du eta berba eginbehar da edozein momentuan eta edozein eran”.

Maribi Zubiagak, Zornotza Barnetegiaren zuzendariak, azpimarratu duenez, Barnetegiak ikastaro aukera zabala eskaintzen du, urte guztiko eskaintza da eta maila guztietarako. Horrela, bertatik bertarakoak, on line ikastaroak eta klase saio pertsonalizatuak ere eskaintzen ditu Barnetegiak.

Azkenik,  Idoia Zuloagak, Zornotza udal euskaltegiaren zuzendariak, jakinarazi du irakurketa erraza egiteko ikastaroak antolatu dituztela. Adierazi duenez, berba ondo egin arren, asko dira irakurtzeko orduan arazoak dituztenak. Horrezaz gain, eutsi egingo diote aurreko urteetan oso arrakastatsu izan den Berbaldiak izeneko programari. Euskara ikasi dutenek eta ikasten ari direnek aukera ezin hobea dute ikasitakoa praktikan jartzeko, udalerriko euskaldun zaharrekin jardunda.

Txistu Egunaren XIV. edizioa ospatuko da larunbatean Amorebieta-Etxanon

2014/09/17
• Eibar, Bermeo, Durango, Bakio eta Amorebieta-Etxanokoak dira herriko zoko guztiak musikaz blaituko dituzten bandak. • Arratsaldeko 18:00etan emango zaie hasiera herrian zehar egingo dituzten kalejireei.

Txistu Egunaren XIV. edizioa ospatuko du Udazken Herrian zehar egun berean hainbat txistu talderen doinuak entzun eta banden musikaz gozatzeko aukera izango dute zornotzarrek.

Bost hauek izango dira ekitaldian parte hartuko duten bandak: Eibarko Usartza Txistu Taldea, Bermeoko Kankinkabara Taldea, Durangoko Jaizale Txistu Taldea, Bakioko Txistulari Banda eta Amorebieta-Etxanoko Udazken Txistu Taldea.

Egitaraua hauxe izango da:

18:00- Txistu talde bakoitzaren kalejira herriko hainbat tokitan barrena: hirigunea, Ogenbarrena, Gane, Ixer, Vivendas de Bizkaia eta Andrandi

19:30- Talde guztien kalejira herrian zehar: Udaletxea, Luis Urrengoetxea, Euskal Herria plaza (txistu saioa), Larrabide, Kalbarioa (txistu saioa), Gregorio Mendibil, Gernika plaza (txistu saioa), Nafarroa plaza (txistu saioa), Gudari, Txiki eta Otaegi, Zelaieta parkea, Harrison parkea (txistu saioa).

 Udazken Txistu Taldekoek eskerrak eman nahi dizkiete Ametx erakunde autonomoari, eta Alcoa Fundazoari, ekitaldia antolatzeko eskainitako laguntzagatik.

Udazken Txistu Taldea

Udazken Txistu Taldeak, txistuaren zabalkundearen alde lan egiten du. Txistua herri folklorearen elementu garrantzitsu bat izanik, bera zabaltzea eta herriaren bizitzan uztartzea da helburua. Horretarako, urteko igande guztietan, abuztuan izan ezik, kalejira jotzen dute  eta era berean, Amorebieta-Etxanoko auzoetako jaietara ere joaten dira.

Horrez gain, duela 15 urtetik hona, urtero Karmengo Jaietan Txistularien Kontzertu Nagusia antolatzen dute eta, bertan, txistulariez gain, gonbidatutako metalek, abesbatzek, dantzariek eta kantariek hartzen dute parte.

KONTUleku programaren zerrendak

2014/09/22

Onartuen zerrenda, BLOGean (http://liburutegiak.blog.euskadi.net/amorebieta-etxano/):

Sakatu HEMEN

eta  Zelaieta zentroko harreran.

AZALERAKO IPUINAK - zerrendak

2014/09/25

Zerrendak gure blogean: http://liburutegiak.blog.euskadi.net/amorebieta-etxano/ eta Zelaieta Zentroan.

Ikusteko, sakatu HEMEN

Hasiera eguna, urriaren 2a, arratsaldeko 17:30ean.

mintzapraktika INGELESA. bilera

2014/09/26
irailaren 30ean 19.30 Zelaieta Kontzertu gelan

Urrian "barikuetan jai" ludotekan

2014/09/30
Zelaietako ludotekan programazio eta funtzionamendu berezia izango dugu urriko barikuetan: "Urrian, barikuetan jai!"

Izan ere, urri honetan bariku guztietan daukagu zer egin berezia ludotekan: entzumen-urritasunera hurbiltzeko tailerrak eta bestelako ekintzak, Mangamore, tailer bereziak, Halloween, ...

Bariku hauetan ez da txandarik izango eta ateak zabalik izango dira parte hartzeko.

Informazio gehiago ludotekan.

Jennifer / ipuin-kontalaria ingelesez

2014/10/03

3-4-5-6 urteko umeentzat 
Urriak, 18   
12.00      
izena emateko epea: urriaren 10 liburutegian

Lan Gaitasunak trebatzeko ikastaroa gazteentzako Zelaietan DOAN!

2014/10/07
"Jar zaitez martxan", gazteen enplegua bultzatzeko programaren barruan Lan Gaitasunen arloko prestakuntza lantzeko ikastaroan izena emateko epea zabalik dago urriaren 14ra arte Zelaietan.

Ikastaroa urriaren 16tik 30era arte izango da goizeko ordutegian (9.30 -- 13.30), guztira 44 ordukoa eta 16 eta 29 urte bitarteko gazteei zuzenduta dago. Dohainik da eta parte hartzeko izena eman behar da urriaren 14a baino arinago Zelaietan bertan.

+info 94 6300650 edo gazteria@ametx.net

Japonen ezusteko arrakasta lortu duen Yuimino+ taldea ekarriko du Amorebieta-Etxanora Mangamore jaialdiaren VIII. edizioak

2014/10/07
• Japongo idol taldea da Yuiminio+ eta arrakasta izugarria lortu du bertan. DJ ere jarduten duten hiru neskak osatuta dago. • Mangamore jaialdiaren aurtengo edizioan gastronomia karpa ere izango da, eta Japongo mota guztietako produktuak dastatu ahalko dira bertan. Menu bereziak eta umeentzakoak ez ezik, garagardo japoniarrak eta bertako gozoki tipikoak ere izango dira. • Europa guztiko herrietatik etorriko dira, Errusia barne, txakurren Akita Shiba Inu txapelketan parte hartuko duten 80 lehiakideak. • Guztira 90 jardueratik gora programatu dira jaialdiaren hiru egunetarako: kontzertuak, ikuskizunak, tailerrak, umeentzako ekintzak, bideojokoak, lehiaketak, etab.

Amorebieta-Etxano, 2014ko urriaren 07a. Beste urte batez, Amorebieta-Etxanora dator atzera Mangamore, Japongo kulturaz eta manganimez gozatzeko eta gehiago jakiteko jardueraz beterik. Programa originalenetako, ludikoenetako eta dibertigarrienetako bat da jaialdi hau, eta milaka  bisitari erakartzen ditu urtero urtero.
Guztira, 90 jardueratik gora programatu dira, mota guztietakoak, tailerretatik hasi eta musika-emanaldietaraino, lehiaketak, bideojokoak, umeentzako ekintzak eta beste hainbat ahaztu gabe. Hori guztia girotuz, Zornotzako jaialdiaren maskota den Ureshi, ibiliko da kaleetan zehar.

Ikuskizunak eta kontzertuak
Berrikuntza gisa, Yuimino+ talde japoniarra izango da larunbatean Zelaietan. DJ ere jarduten duten eta jantzi deigarriez ageri izaten diren hiru neskak osatzen duten idol talde honek arrakasta izugarria lortu du bertan bere cosplay-ei esker.
Beste talde batzuk ere arituko dira: Skimales (abestien bertsioak egiten ditu, umoreak zipriztinduta, Algortako talde honek) esaterako, eta Attack on Games ere bai, zenbait bideojokoren soinu bandak pianoaz eta gitarraz interpretaturik.

Gastronomia karpa
Urteroko moduan, aurtengo edizioan ere nabarmena izango da gastronomia-kulturaren presentzia. Karpa gastronomikoa muntatuko da Zelaieta parkean, jaialdiak dirauen artean irekita egongo dena, eta Japongo mota guztietako produktuak dastatu ahalko dira bertan. Menu bereziak eta umeentzakoak ez ezik, garagardo japoniarrak eta bertako gozoki tipikoak ere izango dira. Donostiako A Fuego Negro jatetxeko Edorta Lamok, euskal sukaldaritza ekialdekoarekin fusionaturik, Mangamore Jaialdirako sortu dituen pintxoak jateko parada ere izango da.  Amorebieta-Etxanoko Urtza tabernako Julen Bazek ere diseinatu du pintxo bat, karpan dastatu ahalko dena. Gastronomia tailerrak ere izango dira: Okonomiyaki delakoaren gainekoa batetik, eta sushi dastaketak bestetik.

Txakur lehiaketa
Azken edizioetan jarduera arrakastatsuenetakoa izan dena errepikatuko da bestalde, Akita Shiba Inu izeneko txakur lehiaketa hain zuzen. Aurtengo edizioan Europa guztiko herrietatik etorriko dira, Errusia barne, txapelketan parte hartuko duten 80 lehiakideak. Larunbat goizean izango da, Zubiondo parkean.

Tailerrak, txapelketak…
Japongo alderik tradizionalenek ere izango dute beren tokia Mangamoren, kimonoa janzteko tailerretan, eta Bon Odori eta Kendo eta Ninjutsu borroka arteen erakustaldietan. Manga eta animea ere ez dira faltako, jakina, horien erakustoki izango baitira dagoeneko tradizio bilakatu den cosplay erakustaldia eta karaokea.
Japongo kulturari buruzko hitzaldiak ere izango dira; Juan Carlos Perezek mangaren eboluzioaz eta Japonerako bidaiez jardungo du eta Andrea Sanok, bere aldetik, gyaru delakoari buruz. Azkenik, Joseba  Cordon Toei-az eta Tokusatsu-aren industriaz arituko da, dokumentala ere ekarririk.

Zornotzarren partaidetza
Azpimarratzekoa da, azkenik, herritarren partaidetzak duen garrantzia. Besteak beste direla, Zaparrada batukadaren emanaldia izango da, Ukabilak elkartearen karate erakustaldia, Eromen musika taldearen kontzertua eta Forjadores elkarteak antolatuta eskainiko den mahai-jokoen esparrua.

Esan beharra dago, era berean, jaialdia Zelaieta zentrora mugatu barik, udalerriko hainbat espaziotara zabalduko dela, Amorebieta-Etxanoko kale eta plazetan emanaldiak eta kale-animazioa eskainirik. Ureshi, jaialdiaren maskota, bere aldetik, herrian barrena ibiliko da, nahi dutenekin zenbait tokitan argazkiak eginez. Zelaietan batu ahalko dira, dohainik, argazkiok.

Egitaraua eskuragarri dago webgune honetan: www.mangamore.net

"Adimen emozionalarekin hezitu" gurasoentzako mintegian izena emateko epea oraindik irekita dago

2014/10/08
Zelaietako aisialdi formakuntza eskaintzaren barruan mintegi bi antolatu dira: "Adimen emozionalarekin hezitu" eta "Estresa kudeatzen ikasi". Lehenengoa, batez ere gurasoei zuzenduta dago eta urriaren 9a da azken eguna izena emateko. Urriaren 14tik aurrera gauzatuko da, martitzenero 19.00etatik 21.00etara 4 saiotan.

Adimen Emozionala hurbiletik ezagutu eta seme-alabekin garatzen hasi nahi duten guraso guztientzat.
Ikastaroaren % 20, gutxi gora behera, teoriak osatuta egongo da; gainerako % 80, berriz, praktikoa izango da, eta dinamikak, jolasak eta ariketak erabiliko dira horretarako.

Honakoa izango da gaien ardatza
:


- Adimen Emozionala. Seme-alaben emozioak nola kudeatu.
- Gizarte Trebetasunak. Nola hobetu komunikazioa familian.
- Motibazioa. Umeak edota gazteak zerk motibatzen dituen nola aurkitu. Motibazioa zelan bideratu eta iraunarazi.

 

Partaideen beharrizanen eta banakako kezken arabera, moldatu egin daitezke gaiak. 

Udagoieneko edertasunaz gozatzeko, ibilaldiak Orozko aldean

2014/10/09
Urriaren 18an eta 25ean, eta azaroaren 8an eta 15ean izango dira.

Oraingoan hur bezain urrun ikusten dugun ingurua bisitatuko dugu, Bizkaiko bigarren lurralderik handiena. Itxina osoa eta Gorbeiako zati handi bat bertan daude. Ibilbide hauetan Orozkoko baso, mendi, bazter eta istorioak ezagutzeko parada izango dugu.

Autobus zerbitzua izango da, Gudari kaleko autobus geltokitik, ibilbidearen hasiera puntuetara mugitu eta amaiera  puntuetatik etortzeko.

Irteera ordua, goizeko 8:30, Gudari kaleko autobus geltokian.

Urriaren 18an: Bikotzgane - Zubiaur (14 km)

Urriaren 25ean: Bikotzgane – Urigoiti (11 km)

Azaroaren 8an: Altube – Zubiaur (22 km)

Azaroaren 15ean: Bikotzgane - Artea (12 km)

Izen-ematea: Zelaieta zentroan

Informazio gehiago: HEMEN

Irakurlearen Kluba umeentzat.

2014/10/09

3 eta 4 urteko umeentzat Irakurketa suspertzeko egokitutako programa.

Zerrendak gure blogean: http://liburutegiak.blog.euskadi.net/amorebieta-etxano/ eta Zelaieta Zentroan.

Ikusteko, sakatu HEMEN

Hasiera eguna, urriaren 17a, arratsaldeko 17:30ean.

Ibiliaz ezagutu

PDF document icon Informazio-orria_Udagoienaren ederra.pdf — PDF dokumentua, 495 KB (507219 bytes)

Zornotzako ahotsak proiektuaren emaitzen aurkezpena

2014/10/13
Zelaieta zentroan izango da aurkezpen-ekitaldia asteazkenean, urriak 15, iluntzeko 19:00etan.

Euskal Herriko euskarazko ahozko ondarea eta herri hizkerak bildu eta hedatzea da Euskal Herriko Ahotsak proiektuaren helburu nagusia. Horretarako, adineko jendea elkarrizketatu dute, eta euren euskara eta bizipenak jaso, herritarren artean zabaltzeko. 

Amorebieta-Etxanon, lehendik bildurik zeuden testigantzei, beste 35 grabazio inguru erantsi diete Zornotzako Ahotsak proiektugileek, eta azken horien aurkezpena egingo da oraingoan.

Badihardugu euskara elkarteak lankidetza hitzarmena izenpetu zuen Amorebieta-Etxanoko Udalarekin eta, horri esker, grabaturik, sailkaturik eta guztion esku daude edadeko bizilagunen testigantzak eta kontakizunak (www.ahotsak.com).

Gaur egun galtzeko bidean edo erabat galduta dauden ohiturak, lanbideak, istorioak, etab. aurki daitezke grabazioetan, tokian tokikoa den hizkera erabilita. AURKEZPEN BIDEOA

LIBURUTEGIA ITXITA

2014/10/20
Urriaren 21an, goizeko 9.00tik eguerdiko 14.00ra.

Lara Izagirreren "Un otoño sin Berlin" pelikularako eskenatokia izango da liburutegia. Barkatu eragozpenak

Anima zaitez eta parte hartu zure iritzia emanez!

2014/10/21
Amorebieta-Etxanoko Udala gazteriari eta berdintasunari buruzko ikerketa gauzatzen ari da. Horretarako, egiten ari diren elkarrizketa eta galdetegiez gain, herritar guztiei gaiari buruzko iritzia emateko aukera eskaintzen zaie web orrialde honetan eskegi diren galderen bitartez. Anima zaitez eta parte hartu zure iritzia emanez!

Argazkilaritza eta literatura batzen dituen Noctis proiektuaren aurkezpena izango da ostegunean Zelaieta zentroan

2014/10/21
• Txelu Angoitia, Jesus Mari Arruabarrena eta Segun Lazkano argazkilarien lanak eta literatura testuen irakurketa konbinatuko ditu ekimen honek. • Giro ilunean, gutxieneko eszenografiarekin eta argazkien atmosfera irudikatzen duen audio fondoarekin, argazkilarietako bik eta Fran Lasuen musikariak testuen zuzeneko irakurketa gauzatuko dute.

Amorebieta-Etxano, 2014ko urriaren 21a. Noctis proiektuaren aurkezpena izango da ostegunean, iluntzeko 20:00etan, Zelaieta zentroan. Ikus-entzunezkoen ekitaldi honetan Txelu Angoitiaren ANGST, Jesus Mari Arruabarrenaren MOO eta Segun Lazkanoren ERO argazkilarien lanak eta literatura testuen irakurketa konbinatuko dira.  

Gaua izango da, guztietan, gure alderik ilunenaren metafora. Dekadentzia, beldurra, angustia edota zoramena dira argazkietan barrena batera eta bestera dabiltzan sentsazioak. Hiru proposamenon sorreran, inspirazio iturri ez ezik, argazkien bidezko narratibaren motorra ere bada sarritan literatura.

Giro ilunean, gutxieneko eszenografiarekin eta argazkien atmosfera irudikatzen duen audio fondoarekin, argazkilarietako bik eta Fran Lasuen musikariak testuen zuzeneko irakurketa gauzatuko dute. Intentsitateekin eta erritmoekin jolasturik, lanen sentsazio eta sentimendu ezberdinetan murgilduko dituzte ikusleak.

Saioaren amaieran ikusleekiko eztabaida izango da, argazkilaritzaren eta literaturaren arteko harremanak gai hartuta.

“Terapia perfektuaren bila”

2014/10/24
Nora jo laguntza behar dugunean? Psikologoarengana? Terapia alternatiboetara? Hitzaldi honetan, objektiboki eta neutralki, merkatuan dauden hainbeste terapiari buruzko informazioa emango da (bakoitzaren ezaugarriak, erabilera…).

Gure bizitzaren momentu zehatzetan kanpoko laguntza behar izaten dugu aurrera jarraitu ahal izateko. Berez zaila den momentu hori heltzen denean, beste zailtasun baten aurrez aurre aurkitzen gara: nora jo? Zer da fidagarria? Benetan lagunduko naute? Zer preziotan? Merkatuan dauden aukera horiek guztiak aztertzea da hitzaldi honen helburua, horrela hautaketa zuzenena eta gure osasunarentzako lagungarriena egin dezagun.

 

Hitzaldia Zelaietan izango da urriaren 30ean arratsaldeko 19:00etan. Doan.

“GIZARTE SEGURANTZA: Zelako pentsioak kobratuko ditugu? Zer aukera daukagu?”

2014/10/29
Azken aspaldi honetan pentsio publikoak direla eta, gero eta nabarmenagoa da alarma gizarte mailan . Hala ere, badakigu zelan artikulatzen den gizarte babeserako daukagun sistema publikoa? Hartuko genituzkeen prestazio ekonomikoak kalkula ditzakegu? Informaziorik badugu gaur egungo legeriak pentsio publikoen sisteman egindako aldaketez eta jasangarritasun faktoreaz?

Hiritarrei gizarte segurantzaren funtzionamendua era praktikoan eta xumean hurbiltzea da hitzaldi honen xedea. Gizarte Segurantzaren prestazioak aurkeztuko ditugu, araubideez, kotizazio-oinarriez, oinarri arautzaileez, eta abarrez jardunda.

 Prestazio publikoen gaur egungo eta etorkizuneko egoera zein den jakinik, gaitasun handiagoz baloratu ahalko dugu gure diru-sarrera mailari eusteko zer osagai erabil dezakegun.

 Zelaietan izango da hitzaldia, datorren ostegunean, azaroak 6, arratsaldeko 19.00etan

 AZTERGAIAK:

 1.- Gizarte Segurantzaren kontzeptua eta egitura.

2.- Sisteman eragiten duten faktoreak.

3.- Aurrekontua eta Berme Fondoa.

4.- Jubilazioko pentsioa kalkulatzeko elementuak.

5.- Alarguntza, zurztasun eta baliaezintasun pentsioak kalkulatzeko elementuak.

6.- Gaur egungo zenbatekoak.

7.- Pentsioen balio-handitzearen indizeak.

8.- Gaur egungo “banaketa” sistema publikoaren gaineko hausnarketa.

9.- Gizarte Segurantzaren bestelako ereduak.

10.- Sistema Pribatu Osagarriak.

Emakumeen autodefentsarako ikastaroa antolatu du Amorebieta-Etxanoko Udalak

2014/10/30
• Azaroaren 22an emango da, larunbatarekin, Zelaieta zentroan, goizeko 10:00etatik eguerdiko 14:00etara eta arratsaldeko 16:00etatik 20:00etara. • Parte hartu nahi dutenek izena eman behar dute azaroaren 3tik 12ra bitartean Nafarroa zentroan edo 94 630 01 90 telefono zenbakira deituta

Amorebieta-Etxano, 2014ko urriaren 30a. Emakumeentzako autodefentsarako ikastaroa antolatu du, dohainik, Amorebieta-Etxanoko Udaleko gizarte ekintza sailak, azaroaren 25ean ospatzen den Genero Indarkeriaren Aurkako Nazioarteko Egunarekin lotuta.

Indarkeria sexistari antzemateko eta aurre egiten ikasteko prestakuntza saioa izango da, eta azaroaren 22an (larunbata) emango da Zelaieta zentroan, goizeko 10.00etatik eguerdiko 14.00etara eta arratsaldeko 16.00etatik 20.00etara.

Parte hartu nahi izanez gero, beharrezkoa da izena ematea. Inskripziorako epea azaroaren 3tik 12ra bitartean egongo da zabalik eta nahikoa da 94630 0190 telefono zenbakira deitzea edo Nafarroa zentroko lehenengo solairuan dagoen gizarte ekintza sailera zuzentzea.

Izena eman nahi dutenek 14 urtetik gorakoak izan beharko dute, Amorebieta-Etxanon erroldatuak eta iazko edizioan parte hartu gabeak.

"Ikas ezazu estresa kudeatzen" mintegian apuntatzeko epea oraindik zabalik dago

2014/11/04
Gure estresaren jatorria ezagutu eta estresa kudeatzeko teknika eta tresnak aztertuko dira mintegi honetan. Mintegi hau 6 martitzenetan garatuko da Zelaietan, 19:00etatik 21:00etara.

Izena emateko epea aste honetan amaitzen da eta mintegia datorren azaroaren 11n hasiko da Soraya Diez psikologoaren eskutik.

6 saio

astearteak

19:00 – 21:00

Hasiera: azaroak 11

Amaiera: abenduak 16

Prezioa: 40€

Izena eman eta informazio gehiago Zelaietan

Giza-izaeraren gaineko hausnarketa ikusgai jarriko du Hassan Echair artista marokoarrak Zelaietan egingo duen erakusketan

2014/11/07
Azaroaren 10etik 28ra bitartean bisitatu ahalko da Horizon Plombé izeneko lan bilduma. Nazioarte mailan artista marokoar ezagunenetakoa da Echair gaur egun.

Sete Sóis Sete Luas Jaialdiak Amorebieta-Etxanoko Udalarekiko elkarlanean antolatu duen eta giza-izaeraren inguruko hausnarketa dakarren Horizon Plombé erakusketa  izango da ikusgai Zelaieta zentroan azaroaren 10etik 28ra bitartean.

Nazioarte mailan artista marokoar ezagunenetako bat da Hassan Echair, eta mundu osoko museorik garrantzitsuenetan goza daitezke beraren lanak.

Echair Hassan 1964an jaio zen Rommanin, Marokoko iparraldean. Bisuala da Tetuanen bizi eta lan egiten duen artista hau. Tetuango École des Beaux-Arts-en ikasi zuen lehendabizi, eta Amienseko eta Angerseko École Regional des Beaux-Artsen (Frantzia) geroago. Gaur egun irakasle dihardu Tetuango Arte Ederretako Institutu Nazionalean. Marokon eta atzerrian egiten ditu erakusketak. Sete Sóis Sete Luas Jaialdiaren eskutik, Ponte de Sôr-eko Centrum SSSL-n (Portugal), Pontederako Centrum SSSLn (Italia) eta Castro Verden (Portugal) izan dira beraren lanak ikusgai.

 Euskarriak eta lanabesak (marrazketa, eskultura, instalazioak) ugaritu egiten ditu Hassan Echairek, eta meditazio sotilari ekiten dio denbora, gorputza eta gizakiak ardatz hartuta. Berak hala erabakita kolorerik erabili gabe, egonkortasunaren eta ezegonkortasunaren arteko tentsio etengabea erakusten digute Hassanen lanek: zuria eta beltza bata bestearen atzetik ibiliaz, egitura zintzilikatuetan, erorketa unea harrapaturik betirakoa izan dadin. In loco aurkitutako material xumeetatik abiatuta egindako margolanak eta instalazioak bildu ditu Horizon Plombé erakusketara, eta atsedenik hartu gabe ari dira borroka bertan argitasuna eta itzala, gizakiak borrokatzen diren modu berean, mugen, migrazioen, espazioaren, denboraren eta nortasunaren gaineko hausnarketa poetiko eta filosofikoa eraginda horrela

Erakusketa ikusteko paradaz gain, artistak erabiltzen dituen tekniken gaineko tailer irekian parte hartzeko aukera ere izango dute zornotzarrek azaroaren 10ean, astelehenarekin, arratsaldeko 19:00etan.

INTERIORISMO ETA DEKORAZIO tailer praktikoa azaroaren 20an Zelaietan

2014/11/12
Espazio desberdinak apaintzeko soluzio praktiko eta estetikoak erakutsiko dira doaneko tailer honetan.

Guztiok aurkitu gara etxe bat, lantoki bat edo haur batentzako logela bat egokitze beharraren unearekin. Horretarako garrantzitsua da jarraibide batzuk jakitea, bizi ditugun espazioak gure bizimodua baldintzatzen baitute.

Bizi ditugun espazioen erabilera zuzenagoa lortzeko oinarrizko nozioak ezagutzea eta funtzionaltasuna lortzeaz gain, estetikan arreta jartzea da hitzaldi honen helburua.

Hau da, bizi, jan, lo egin eta lan egiten dugun espazioak atseginagoak egitea trikimailu batzuen bitartez.

Datorren ostegunean, azaroaren 20an, arratsaldeko 19etan Zelaietako Auditorioan. Doan.