Zelaieta zentroko liburutegia zabalik izango da abuztuko bigarren hamabostaldiko goizetan

2011/08/01

Hilaren lehenengo hamabostaldian itxita egongo da zerbitzu hau. • Abuztuaren 29tik aurrera, 10:00etatik 21:00etara zabalduko da liburutegia. • Azterketa sasoian, iraileko lehenengo asteburuan hain zuzen (3an eta 4an), larunbatean goizez eta arratsaldez irekiko dira liburutegiaren ikasketa gelak (10:00-14:00 / 16:00-21:00) eta igandean arratsaldez (17:00/20:00) ikasleek ikasteko leku egokia izan dezaten. • Amorebieta-Etxanoko udal liburutegian 232 erabiltzaileri eman zaie alta 2011n. Gaur egun 6.879 dira, guztira, bertan erregistraturik dauden pertsonak.

Amorebieta-Etxano, 2011ko abuztuaren 1a. Hauxe da Amorebieta-Etxanoko Udal Liburutegiko udako ordutegia:

Abuztua

Abuztuaren 1etik 15era: instalazioak itxita.

Abuztuaren 16tik 27ra: 9:00etatik 15:00etara.

Abuztuaren 29tik 31ra: 10:00etatik 21:00etara.

Larunbatetan eta jaiegunetan itxita egongo da liburutegia.

Irailetik aurrera, berriz, honakoa izango da liburutegiaren ordutegia:

Astelehenetik ostiralera: 10:00etatik 21:00etara.

Larunbatetan: 10:00etatik 14:00etara.

Azterketa sasoian, iraileko lehenengo asteburuan hain zuzen (3an eta 4an), larunbatean goizez eta arratsaldez irekiko dira liburutegiaren ikasketa gelak (10:00-14:00 / 16:00-21:00) eta igandean arratsaldez (17:00/20:00) ikasleek ikasteko leku egokia izan dezaten.

2011ko datuak

Amorebieta-Etxanoko udal liburutegian 232 erabiltzaileri eman zaie alta 2011n. Gaur egun 6.879 dira, guztira, bertan erregistraturik dauden pertsonak.

Nabarmen hazi dira liburutegiaren zerbitzu guztiak: irakurketa-esparrua, mediateka, umeentzako liburutegia eta ikasketa gela. Ikasteko beste gela bat ireki da, 30 lagunentzako lekua daukana.
Asko dira, era berean, liburutegiaren eskutik, bai liburutegian bertan, bai beste espazio batzuetan ere, antolatu diren jarduera arrakastatsuak, hainbat sektoreri zuzenduak:

Ipuin-kontalariak umeen liburutegian eta Zelaieta parkean.
Zientzia Live, gazteei zuzendutako jarduera, Elhuyar fundazioaren gidaritzapean, Kimikaren Nazioarteko Urtea ospatzeko.
Tailerrak eta ipuin-kontalariak izan dituzten bisita gidatuak, eskolei zuzenduta.
Liburuen eta aldizkarien banaketa erabiltzaileen artean.
Irakurlearen txokoa, astero. Irakurketa taldeak biltzen dituen ekimena, literatura lanak aukeratu eta lantzeko.
Partaidetza gizarte sareetan Facebook-en eta web orriaren bidez.
Liburutegiaren publizitatea QR kodeak erabilita.