Hemen zaude: Hasiera Albisteak Uztaila amaierara arte luzatuko da Lakaren ‘Amaigabeko bideak’ erakusketa

Uztaila amaierara arte luzatuko da Lakaren ‘Amaigabeko bideak’ erakusketa

2022/07/06
• San Migel kaleko lonjan dagoen Jose Javier Lacalle ‘Laka’ zornotzarraren erakusketan dauden marrazkiak eta eskulturak uztailaren 29ra arte egongo dira ikusgai.

Herritarrek Jose Javier Lacalle «Laka» zornotzarraren ‘Amaigabeko bideak’ erakusketari eman dioten harrera onaren ondoren, Amorebieta-Etxanoko Udalak erakusketa-denbora luzatzea erabaki du. Horrela, artista zornotzar ezagunaren marrazkiak eta eskulturak bisitatu ahal izango dira uztailaren 29ra arte San Migel kaleko 8. zenbakiko lonjan.

 Artistaren azalpenak

Erakusketa astelehenetik ostiralera egongo da ikusgai, 17:30etik 21:00etara. Gainera, bertaratzen diren zornotzarrek Jose Javier Lacalle ‘Laka’ artista aurkituko dute bertan, eta galderak egin eta bere azalpenak entzuteko aukera izango dute.